قصة أيوب - ﺍﻟﺠﺰﺀ 1 -

قصة أيوب

ﺍﻟﺠﺰﺀ ﺍﻻﻭﻝ:

ﺳﻤﻴﺘﻲ أيوب ﻭ ﻓﻌﻤﺮﻱ ﺣﺎﻟﻴﺎ 44 ﺳﻨﺔ .. ﺑﻐﻴﺖ ﻧﺤﻜﻴﻠﻜﻢ ﻗﺼﺘﻲ ..

ﺍﻧﺎ ﺷﺎﺏ ﻣﻐﺮﺑﻲ .. ﻛﺎﻧﻮ ﻛﺎﻳﺸﺒﻬﻮﻧﻲ ﺍﻟﻨﺎﺱ ﺑﺎﺑﻄﺎﻝ ﺍﻻﻓﻼﻡ ﺍﻟﻬﻨﺪﻳﺔ ﻳﻌﻨﻲ ﺍﻧﻨﻲ ﻭﺳﻴﻢ ﻭ

ﺃﺳﻤﺮ ﻭ ﺷﻌﺮﻱ ﺭﻃﺐ ﻭ ﻃﻮﻳﻞ ﺍﻟﻘﺎﻣﺔ.. ﻛﻨﺖ ﻓﺎﺭﺱ ﺍﺣﻼﻡ ﺍﻟﻌﺪﻳﺪ ﻣﻦ ﺍﻟﻔﺘﻴﺎﺓ .. ﻣﻦ ﺑﻌﺪﻣﺎ ﺣﺼﻠﺖ ﻋﻠﻰ ﺷﻬﺎﺩﺓ ﺍﻟﺒﻜﺎﻟﻮﺭﻳﺎ ﻣﺸﻴﺖ ﻟﻜﻨﺪﺍ ﺑﺎﺵ ﻧﻜﻤﻞ ﻗﺮﺍﻳﺘﻲ ﻓﻤﺠﺎﻝ ﺍﻟﻄﺐ ﺍﻟﻌﺎﻡ

.. ﻣﻦ ﺑﻌﺪ ﺗﺨﺮﺟﻲ ﻗﺮﺭﺕ ﺑﺎﺵ ﻧﺨﺪﻡ ﺗﻤﺎ ..ﻓﺼﺮﺍﺣﺔ ﺟﺎﻭﻧﻲ ﻓﺮﺹ ﻣﻐﺮﻳﺔ ﻭ ﻣﺎﺑﻐﻴﺘﺶ

ﻧﻀﻴﻌﻬﻢ ..ﻛﺎﻥ ﻋﻨﺪﻱ ﻃﻤﻮﺡ ﻛﺒﻴﺮ ﻭ ﻛﺎﻥ ﺣﻠﻤﻲ ﺍﻧﻨﻲ ﺷﻲ ﻧﻬﺎﺭ ﻧﻮﻟﻲ ﺑﺮﻭﻓﻴﺴﻮﺭ ﻓﺎﻟﻄﺐ

.. ﺍﻟﻤﻬﻢ ﻫﺎﺩﺷﻲ ﻳﻼ ﺑﻐﻴﺖ ﻧﺤﻘﻘﻮ ﺧﺎﺻﻨﻲ ﻧﻮﺻﻠﻮ ﺩﺭﺟﺔ ﺑﺪﺭﺟﺔ .. ﻣﺎﻋﻠﻴﻨﺎﺵ ﺑﺪﻳﺖ ﻛﺎﻧﺨﺪﻡ

ﺧﺪﻣﺘﻲ ﺑﻜﻞ ﺻﺮﺍﻣﺔ ﻭ ﺣﺐ ﻟﻤﻬﻨﺔ ﺍﻟﻄﺐ .. ﻛﻨﺖ ﻛﺎﻧﺸﺘﻐﻞ ﻓﻮﺍﺣﺪ ﺍﻟﻤﺴﺘﺸﻔﻰ ﻣﻌﺮﻭﻑ

.. ﻭ ﻛﻨﺖ ﻣﻌﺮﻭﻑ ﺑﻨﺠﺎﺣﻲ ﻓﻌﻤﻠﻲ ﻭ ﻛﺎﻧﻮ ﺗﻘﺮﻳﺒﺎ ﺟﻤﻴﻊ ﺍﻟﻌﻤﻠﻴﺎﺕ ﻛﺎﻧﺪﻳﺮ ﻟﻠﻤﺮﺿﻰ

ﻛﺎﻳﻨﺠﺤﻮ .. ﻛﻨﺖ ﺍﻧﺎ ﺍﻟﺸﺎﺏ ﺍﻟﻮﺳﻴﻢ ﺍﻟﻠﻲ ﻛﻴﺤﻤﺎﻗﻮ ﻋﻠﻴﻪ ﺍﻟﻜﻨﺪﻳﺎﺕ ..ﻟﻜﻦ ﻓﺎﻻﻭﻝ ﻣﺎﻛﻨﺘﺶ

ﻛﺎﻧﺘﺴﻮﻕ ﻟﻴﻬﻢ .. ﻛﻨﺖ ﺩﺍﻳﻬﺎ ﻏﻴﺮ ﻓﺨﺪﻣﺘﻲ ..ﺍﻟﻤﻬﻢ ﺑﻘﻴﺖ ﺳﻨﻮﺍﺕ ﻭﺍﻧﺎ ﻛﺎﻧﺸﺘﻐﻞ ﻭ ﻗﻠﻴﻞ

ﻓﺎﺵ ﻛﻨﺖ ﻛﺎﻧﻤﺸﻲ ﻟﻠﺒﻼﺩ ..ﺣﺘﻰ ﻟﻮﺍﺣﺪ ﺍﻟﻨﻬﺎﺭ ﻗﺮﺭﺕ ﺑﺎﺵ ﻧﺪﻳﺮ ﻣﺸﺮﻭﻉ ﻓﺒﻼﺩﻱ ﻛﻨﺖ

ﻛﺎﻧﺘﻌﺎﻃﻒ ﻣﻊ ﺍﻟﺸﺒﺎﺏ ﺍﻟﻤﻐﺮﺑﻲ ﺍﻟﻠﻲ ﻣﺎﻻﻗﻴﻴﻨﺶ ﻓﻴﻦ ﻳﺨﺪﻣﻮ .. ﺟﻴﺖ ﻭ ﺣﻠﻴﺖ ﻛﺎﻓﻲ ﻛﺒﻴﺮ

ﺍﻟﻤﻬﻢ ﻛﺎﻧﻮ ﻋﻨﺪﻱ ﺍﻟﻔﻠﻮﺱ ﻭ ﺧﺪﻳﺖ ﻛﺮﻳﺪﻱ ﻣﻦ ﺍﻟﺒﻨﻚ ﺑﺎﺵ ﻧﻜﻤﻞ ... ﻋﻄﻴﺖ ﺍﻟﻤﺴﺆﻭﻟﻴﺔ

ﺩﻳﺎﻝ ﺍﻟﻜﺎﻓﻲ ﻟﻮﺍﺣﺪ ﺻﺎﺣﺒﻲ ﺩﺍﻳﺮ ﻓﻴﻪ ﺍﻟﺜﻘﺔ .

يتبع...