قصة بنت الخيرية - الجزء 19
قصة بنت الخيرية
- الجزء 19
ﺑﻘﻴﻨﺎ ﺑﻮﺣﺪﻧﺎ ﺑﻌﺪﻣﺎ ﺧﺮﺟﻮ ﺍﻟﺪﺭﺍﺭﻱ ﻭ ﻛﺎﻧﺖ ﻓﺮﺻﺔ ﻧﺬﻛﺮﻭ ﻓﻴﻬﺎ ﺍﻟﺨﺼﺎﻝ ﺩﻳﺎﻝ ﻭﺭﺩﺓ ﻭ ﻟﻘﻴﻨﺎ ﺭﺍﺳﻨﺎ ﻛﻞ ﻭﺣﺪﺓ ﻛﺎﺗﺤﻜﻲ ﺣﻴﺎﺗﻬﺎ ﻭ ﺃﻣﺎﻟﻬﺎ . ﻣﺸﺎﻛﻠﻨﺎ ﻛﺎﺗﺨﺘﻠﻒ ﻟﻜﻦ ﻛﻠﻨﺎ ﻛﺎﻧﺘﻠﻘﺎﻭ ﻓﻨﻘﻄﺔ ﻭﺣﺪﺓ . ﻛﻠﻨﺎ ﻗﻠﺒﻨﺎ ﻣﻮﺟﻮﻉ ﻭ ﻣﺎﻋﺎﺭﻓﻴﻨﺶ ﻓﻴﻦ ﻏﺎﺩﻳﻴﻦ ﻭ ﺍﻟﻮﻗﺖ ﻛﺎﻳﺪﻭﺯ . ﺑﺰﺍﻑ ﺩﻳﺎﻝ ﺍﻷﺣﻼﻡ ﻛﻨﻌﻴﺸﻮﻫﺎ ﻭ ﺑﺎﺵ ﻧﻮﺻﻠﻮ ﻟﻴﻬﺎ ﺧﺎﺻﻨﺎ ﻣﻌﺠﺰﺓ . ﺍﻭﻝ ﻫﻢ ﻋﻨﺪﻧﺎ ﻫﻮ ﺗﺤﻘﻴﻖ ﺍﻟﺬﺍﺕ ﻭ ﻓﺮﺽ ﻭﺟﻮﺩﻧﺎ ﻓﻤﺠﺘﻤﻊ ﻣﻨﺎﻓﻖ ﻭ ﻣﺎ ﺗﻴﺮﺣﻤﺶ . ﻛﻠﺸﻲ ﻃﺎﻣﻊ ﻓﻴﻚ . ﻛﺎﻧﻀﻄﺮﻭ ﻧﺒﻴﻨﻮ ﺍﻟﺴﻌﺎﺩﺓ ﻭ ﻓﺄﻋﻤﺎﻗﻨﺎ ﺣﺰﻥ ﻣﺎ ﻋﺎﻟﻢ ﺑﻴﻪ ﻏﻴﺮ ﺍﻟﻠﻪ ! ﻓﻠﻮﻝ ﻛﺎﺗﻜﻮﻥ ﺍﻟﻤﺎﺩﺓ ﻫﻲ ﺍﻟﺤﺎﻓﺰ ﻷﻏﻠﺒﻴﺔ ﺍﻟﺒﻨﺎﺕ ﻭ ﻣﻠﻲ ﻛﻴﺘﺤﻘﻖ ﺍﻻﺳﺘﻘﺮﺍﺭ ﺍﻟﻤﺎﺩﻱ ﻛﺎﻳﻮﻟﻲ ﺍﻻﺳﺘﻘﺮﺍﺭ ﺍﻟﻌﺎﻃﻔﻲ ﻫﻮ ﺍﻟﻬﺎﺟﺲ . ﻳﻤﻜﻦ ﻛﺎﻳﻨﺎﺕ ﺍﻟﻠﻲ ﻋﻨﺪﻫﻮﻡ ﺃﻓﻜﺎﺭ ﺩﻳﺎﻝ ﺍﻟﺤﺮﻳﺔ ﻭ ﺍﻟﺘﺨﻠﺺ ﻣﻦ ﺍﻟﺘﺒﻌﻴﺔ ﻟﻠﻠﺮﺍﺟﻞ، ﻟﻜﻦ ﻣﺎﺯﺍﻝ ﻣﺎ ﻭﺻﻠﻨﺎ ﻟﻬﺎﺩ ﺍﻟﻌﻘﻠﻴﺔ ﻭﺍﺧﺎ ﻓﻴﻨﺎ ﺍﻟﻠﻲ ﻛﺎﺗﺤﺎﻭﻝ ﺗﺒﺎﻥ ﺑﺄﻧﻬﺎ " ﺗﻘﺪﻣﻴﺔ " ﻭ ﻛﺎﺗﺂﻣﻦ ﺑﺎﻟﻤﺴﺎﻭﺍﺓ !!! ﻣﻊ ﺍﻟﻮﻗﺖ ﻛﺎﺗﺤﻂ ﺍﻟﺴﻼﺡ ﻭ ﺗﻘﻠﺐ ﻋﻠﻰ ﺑﻼﺻﺘﻬﺎ ﻓﻄﺎﺑﻮﺭ ﺍﻟﺒﺎﺣﺜﺎﺕ ﻋﻦ ﺍﻻﺳﺘﻘﺮﺍﺭ ﺍﻟﻌﺎﺋﻠﻲ ! ﻓﺎﻟﺒﺪﺍﻳﺔ ﺗﺎﻧﻌﻴﺸﻮ ﺍﻟﺮﻭﻣﺎﻧﺴﻴﺔ ﻭ ﻣﺤﺘﺎﺟﻴﻦ ﻟﻜﻠﻤﺔ ﻟﻄﻴﻔﺔ ﻣﻦ ﻫﻨﺎ ﻭ ﻫﻨﺎﻙ ﻭ ﺑﻌﺪ ﺍﻟﻤﺮﺍﺕ ﻛﺎﻧﻜﻮﻧﻮ ﻣﺮﻏﻮﻣﺎﺕ ﻧﺼﺮﺣﻮ ( ﻛﺪﺑﺔ ) ﺑﻠﻠﻲ ﻋﻨﺪﻧﺎ ﺣﺒﻴﺐ ﻭ ﻣﺎ ﻛﺎﻳﻨﺶ ﺑﺤﺎﻟﻮ ﻭﺍﺧﺎ ﻏﻴﺮ ﻓﺎﻷﺣﻼﻡ ﺑﺎﺵ ﻣﺎ ﻧﺒﺎﻧﻮﺵ ﻣﻌﻘﺪﺍﺕ ﻭ ﺧﺎﺭﺝ ﺍﻟﺘﻐﻄﻴﺔ !!! ﻫﺎﺩﺍ ﺣﺎﻟﻨﺎ ﺣﺘﻰ ﻳﻌﻔﻮ ﻋﻠﻴﻨﺎ ﺍﻟﻠﻪ ! ﺍﺷﻨﻮ ﺍﻟﺴﺒﺐ؟ ﺯﻋﻤﺎ ﺍﻟﺘﺮﺑﻴﺔ ﻭ ﻻ ﺍﻟﺘﺄﺛﻴﺮﺍﺕ ﺍﻟﺨﺎﺭﺟﻴﺔ؟ ﻛﻠﺸﻲ ﺗﺨﻠﻂ !
ﻋﺎﺩﻝ ﻭ ﻧﺒﻴﻞ ﻣﺎ ﺩﺧﻠﻮ ﺣﺘﻰ ﻓﺎﺗﺖ ﺍﻟﻌﺸﺮﺓ ﺩ ﺍﻟﻠﻴﻞ . ﺟﺎﺑﻮ ﻣﻌﺎﻫﻮﻡ ﻣﺎ ﻧﺎﻛﻠﻮ ﻭ ﻗﺒﻞ ﻣﺎ ﻧﺒﺪﺍﻭ ﻋﺎﺩﻝ ﻫﻀﺮ ﻣﻊ ﻫﺎﺟﺮ ﺑﺎﺵ ﺗﻤﺸﻲ ﺗﺒﺎﺕ ﻓﺪﺍﺭﻫﻮﻡ . ﺛﻠﺚ ﺍﻳﺎﻡ ﻫﺎﺩﻱ ﻣﺎﻣﺸﺎﺕ . ﻭﺍﺧﺎ ﻋﺎﺀﻟﺘﻬﺎ ﻋﺎﺭﻓﻴﻦ ﺁﺵ ﻭﺍﻗﻊ ﻣﻦ ﺍﻷﺣﺴﻦ ﻣﺎ ﺗﻐﻴﺒﺶ ﺑﺰﺍﻑ . ﺗﻔﻬﻤﺎﺕ ﻭ ﻃﻠﺒﺎﺕ ﻣﻦ ﻧﺒﻴﻞ ﺇﻭﺻﻠﻬﺎ . ﻋﺎﺩﻝ ﺟﺎ ﻭ ﺟﺎﺏ ﻣﻌﺎﻩ ﺃﺧﺒﺎﺭ ﺳﺎﺭﺓ . ﺧﺎﻟﻮ ﺧﺪﺍ ﺍﻟﻘﻀﻴﺔ ﻭ ﺭﻓﻊ ﺩﻋﻮﺓ ﺑﺈﺳﻢ ﻭﺭﺩﺓ ﺿﺪ ﻋﺼﺎﻡ ﻭ ﻃﻠﺐ ﻟﻴﻬﺎ ﺍﻟﺤﻤﺎﻳﺔ ﺍﻟﻼﺯﻣﺔ ﺣﺘﻰ ﻳﻠﻘﺎﻭ ﺍﻟﻤﺠﺮﻡ . ﻧﺒﻴﻞ ﻗﺎﻟﻴﻪ ﺍﻥ ﺍﻟﻌﺎﺋﻠﺔ ﺩﻳﺎﻝ ﻫﺎﺟﺮ ﻣﻦ ﻋﻤﺎﻡ ﻭ ﺧﻮﺍﻝ ﻛﺎﻧﻮﺍ ﻓﺎﻟﺴﺒﻴﻄﺎﺭ ﻭ ﻭﺭﺩﺓ ﺭﻓﻀﺎﺕ ﺗﺴﺘﻘﺒﻠﻬﻮﻡ ﻓﺎﻷﻭﻝ . ﻧﺒﻴﻞ ﻗﻨﻌﻬﺎ ﻭ ﺧﺎ ﺗﻔﻬﻢ ﺍﻟﻤﻮﻗﻒ ﺩﻳﺎﻟﻬﺎ . ﻣﺎ ﻋﻤﺮﻫﻮﻡ ﺳﻮﻟﻮ ﻓﻴﻬﺎ ﻭ ﺣﺘﻰ ﻣﻠﻲ ﻛﺎﻉ ﺟﺎﻭ ﺑﺪﺍﻭ ﻳﻠﻤﺤﻮ ﺑﻠﻲ ﻫﻲ ﺍﻟﻠﻲ ﻣﺴﺆﻭﻟﺔ ﻋﻠﻰ ﻣﺎ ﻭﻗﻊ ﻟﻴﻬﺎ . ﺑﻐﺎﻭ ﺍﺷﺪﻭ ﻟﻴﻬﺎ ﻣﺤﺎﻣﻲ ﻭ ﻗﺎﻟﺖ ﻟﻴﻬﻮﻡ ﻛﺎﻳﻦ ﺧﺎﻝ ﻋﺎﺩﻝ ﻭ ﻫﻮ ﺍﻟﻠﻲ ﻏﺎﻳﺪﺍﻓﻊ ﻋﻠﻰ ﻗﻀﻴﺘﻬﺎ .
ﺍﻟﻠﻲ ﺷﺎﻏﻠﻨﻲ ﺑﺰﺍﻑ ﻫﻮ ﻏﻴﺎﺏ ﺍﻷﺏ ﻭ ﺍﻷﻡ ﺩﻳﺎﻝ ﻭﺭﺩﺓ . ﻭﺍﺵ ﻓﺨﺒﺎﺭﻫﻮﻡ؟ ﻭ ﺇﻟﻰ ﻛﺎﻧﻮﺍ ﻋﺎﺭﻓﻴﻦ، ﻭﺍﺵ ﻏﺎﺩﻱ ﻳﺠﻴﻮ؟ ﺑﺤﺎﻝ ﺍﻟﻰ ﻋﺎﺩﻝ ﻗﺮﺍ ﺃﻓﻜﺎﺭﻱ، ﻗﺎﻝ :
- ﺍﻟﻴﻮﻡ ﺗﺎﺻﻼﺕ ﺑﻴﺎ ﻣﺎﻣﺎﺕ ﻭﺭﺩﺓ ﻭ ﻛﺎﻧﺖ ﻣﺘﻮﺛﺮﺓ ﺑﺰﺍﻑ . ﻋﻄﻴﺘﻬﺎ ﺍﻟﺘﻔﺎﺻﻴﻞ ﻛﺎﻣﻠﺔ ﻭ ﻫﺎﺩ ﺍﻟﻠﻴﻠﺔ ﻏﺎﺗﺸﺪ ﺍﻟﻄﻴﺎﺭﺓ . ﺑﺎﺑﺎﻫﺎ ﺣﺘﻰ ﻫﻮ ﻓﺨﺒﺎﺭﻭ ﻭ ﺍﻟﺼﺒﺎﺡ ﻏﺎﻳﻜﻮﻥ ﻓﺎﻟﻤﻄﺎﺭ . ﻭﺍﺧﺎ ﻣﻔﺎﺭﻗﻴﻦ ﺑﺎﻗﻲ ﺍﻟﺘﻮﺍﺻﻞ ﺑﻴﻨﺎﺗﻬﻮﻡ . ﺍﻟﻠﻲ ﺑﻘﺎ ﻓﻴﺎ ﺑﺰﺍﻑ ﻫﻲ ﻣﺎﻣﺎﻫﺎ . ﻧﺪﻣﺎﺕ ﻋﻼﺵ ﺧﻼﺗﻬﺎ ﺑﻮﺣﺪﻫﺎ ﻭ ﻓﺴﻦ ﺻﻐﻴﺮﺓ . ﻋﻠﻰ ﻣﺎ ﻗﺎﻟﺖ ﻏﺎﺗﺠﻤﻊ ﺍﻟﻌﺎﺋﻠﺔ ﻣﻦ ﺟﺪﻳﺪ ﻭ ﻳﺒﺪﺍﻭ ﺻﻔﺤﺔ ﺟﺪﻳﺪﺓ
ليست هناك تعليقات