قصتي مع أسماء - الجزء 1

قصتي مع أسماء - الجزء 1 الواليدة : نود أولدي خلاص هادي راها 7 و نتا قاري معا 8 وقفت ونعاس باقي شاد فيا مشيت دوشت بزربة و هزيت شكارتي و خرجت بلافطور مشيت عند صاحبي و صديق العمر يوسف و كنقولو ليه دوبل طيط حيتاش راسوا غليظ بزاف عيطت ليه لقيتوا فايق خرج عندي ومشينا لبلاصة فين كتجي سيارة النقل المدرسي تدينا للكوليج بقينا كنتسناو شي 10 دقايق أنا و صديقي دوبل طيط و جات طرونسبور تدينا وصلنا كان هداك هو أول أسبوع في السنة الثالتة ثانوي إعدادي و كان ثالث عام وأخير عام كنقراه فهاد فهاد الكوليج المنحوس بالمناسبة أنا نسيم عندي 15 عام مدمن الفايس بوك بدرجة قائد فاش وصلنا لكوليج دخلنا للأقسام ديالنا و كان عندنا الرياضيات هو أول مادة دخلنا عندها المادة لي كنحماق عليها مكونش داك نهار باغي نقرا ولكن الأستاد كان ضريف بزاف وكيف ديما الطويلة الأخيرة في الصف لي من الجهة ديال الشراجم ديالي أنا وصديقي دوبل طيط فاش مشيت ليها لقيت واحد كيليميني جالس فيها قولت ليه : خويا الله إحفظ نوظ من هاد الطويلة وخليني نجلس فيها أنا وصاحبي يوسف قال ليا ولد الحرام : سير أصاحبي راه الطاويلات عطاهم الله و هو يتلاح عليه صاحبي يوسف عطاه وحد جوج تسرفيقات مسكين داك كيليميني ناض والدموع فعينيه بقا القسم كامل حال فمو فينا تقول كنديروا سيرك المهيم دازت أول نصف ساعة من الحصة مزيان ولكن شفت واحد الدرية زوينة بزاف كتدور عندي مرة مرة وسط الحصة تشوف فيا مفهمتش أشنو هو السبب و لكن ما ديتهاش فيها كنت منتابه مع الأستاد وهو يكتب واحد المعادلة قال لينا : لي خرجها عندو +3 النقط في الفرض الماجي كان تايق فراسوا و متأكد بلي حتا واحد ميقدر إخرجها حيت كانت ديك المعادلة صعيبة ولكن خوكوم عندو معا الرياضيات مزيييان نضت خرجها ليه وبلا حتا شي خطأ مسكين بقا حال فمو قال ليا : مزيان أشنو سميتك أنا : نسيم أمين الأستاد : نسيم أمين +3 النقط في الفرض الماجي سونات الساعة بزرب محسيتش بالوقت خرجت درنا الصف قدام الإجتيماعيات وهي تجي عندي ديك البنت و قالت ليا

الجزء التالي من هنا <<<<