ﻗصة أحببت معاقا‬ - الجزء 2

ﻗصة أحببت معاقا‬

- الجزء 2

 بيت فيه ضلام كتوبة قديمة ف ناموسية غطاءها بيض شعلات ماماه ضو شاب في العشرينات من عمرو كيشوف فسقف جاتني لخلعة والخوف مكرهتش نهرب بقيت كندور عيني فلبيت تلفزة طافية خزانة فيها كتب ديالو قربت بخطوة لشاب جسم هزيل صفر فم ناشف وعينيه فسقف مكيرمش دوزت صباعي من حدا عينيه مكيرمش لحاجة خرجت ونا بقيت حداه سكات مخيف طليت من لبالكون لقيت لورد دابل توحشت جنون بغيت غير لحس بقيت كندور فلبيت وسكات مخيف يمكن لمرض ديال هاد الشاب وقفت ساعة بالنسبة ليهم هزيت عيني لساعة بالفعل كانت واقفة بقيت بسوايع واقفة حداة مرة نجلس مقدرتش حتى نتكلم الله ياربي اش هادشي فيلم البعد الاخر شوية تحل لباب سيدة فمقتبل لعمر هازة بلاطو فيه لماكلة سلطة وخبز بنتي هادي ماكلة سي اياد .رجاء.:وخا شكرا ممكن نسولك(.خرجت من لبيت وتبعتاها.).مالكم على هاد سكات فهاد لقصر راه انا حسيت بلمرض. خادمة:.ابنتي نهار مرض سي اياد وتقطع صوت وضحك هاد الدار كانت ديما عامرة بصحابو يقصرو وياكلو وشربو نهار مرض غبرو ولكن ديك صفريطة ديال *ليا *هي لصدماتو .رجاء.:مالها .خادمة:ابنتي شنو نقولك كانو مخطوبين وتيوجدو لعرس نهار حادتة سي لحاج توفى وسي اياد تشلل ولكن غير من رجليه منين شافتو فلكرسي متحرك خلاتو وزاد هو كان كيبغيها مسكين تصدم ومن ليل تيبقى تيبكي ماعرفنا مانديرو لممرضة لجات كتمل وكتمشي. رجاء.ايو الله يجيب شفاء. خادمة :امين ابنتي هانتي ابنتي سميتي مك نجية. رجاء.:وخا مي نجية مشرفين انا رجاء .خادمة.الى خاصك شي حاجة كلمني. نزلات ونزلو دموعي اصعب حاجة يتخلى عليك انسان فلمرض ديالك صحاب كلمة كتخليك تكون فرحان حيت غادي يوقفو بجنبك كالو ليه فلوسو ومشاو دخلت لقيت لماكلة مزال محطوطة دبا خاصني نبدا خدمتي رجاء:سي اياد هلماكلة نوضتو بصعوبة بديت كنوكل فيه ماكيشوفش جيهتي حتى كمل مسحت ليه وجهو وجلست حداه سي اياد ماسولتيش شنو سميتي( بقا ساكت) مهم اسيدي سميتي رجاء انا بوحدي لعند ماما مهم حكيت ليه قصتي حكيت ليه على لبارح فاش مشيت لشركة وقايت راسي ونا كنهدر غير باش يضحك هو ماشف فيا مامليتش حكيت ليه حتى على حاتم عمورفاش تزوج وبادو زاكي ولا كيدرب لكوكب مهم بقيت غير كنخربق وصافي وصلت ستة دخلات ماماه باستو وخرجنا حتى انا سلمت عليه الحاجة.:ايوا ابنتي اش بان ليك حكات لك لخادمة كلشي رجاء:.اه هادشي صعيب ولكن انشاء الله يكون خير الحاجة:.ابنتي ولدي ولات عندو 28سنةيتبع..
ﻗصة أحببت معاقا‬ - الجزء 3 <<<<