قصتي مع أسماء - الجزء 3

قصتي مع أسماء - الجزء 3 أنا : وعليكم السلام هي : لاباس عليك ؟؟؟؟ أنا : وي لاباش و نتي لاباس ؟؟؟؟؟ هي : أنا لاباس أنا : سمحي ليا واش كنعرفك ؟؟؟؟ هي : لا مكتعرفنيش ولكن أنا كنعرفك أنا : شكون نتي ؟؟؟؟؟؟ هي : أنا كنقرا معاك أنا : أشنو سميتك هي : ههههههههههه وخرجات بنت الحرام وخلاتني تالف الله إلقيها ليها بقيت داخل للفيس بوك حتى وصلات ال1 مشيت تغديت بواحد الطاجين بنين وصلات 3 وربع بدلت لكتوبا ديالي و خرجت عيطت على صاحبي دوبل طيط لقيتوا ناعس بقيت كنتسناه حتا فاق و مشينا نتسناو النقل المدرسي ليقنا واحد جوج بنات بقينا شادين معاهم ستون حتا جا نقل لمدرسي فاش وصلنا لكوليج صونات 4 دخلنا للأقسام ديانا كان عدنا الفرونسي هو الأول دخلت معطل و مع الزربة مدقيتش الباب ومشيت ريحت فبلاصتي قالت : نتا مول التيشورت الأحمر واش مكتعرفش أداب الدخول إلى لقسم كانت هادرة عليا أنا درت راسي بحال ماسمعتهاش و ماشفتش فيا و هيا تسيقط ليا واحد الممساحة جاتني فالراس أنا : أحححح أي راسي كولشي بقا كيضحك أنا : علاش ضربتيني أأستادة الأستادة : حيت كونت هادرة معاك و مجاوبتينيش أنا : راه ماسمعتكش الأستادة : الله إعميها ليك راه بان ليا بلي راك حاس براسك أنا : لا أ أستادة الأستادة : نبداو الحصة دابا واخا هاد البدية المنحوسة ولكن خوكم جاوب على بزاف ديال الأسئلة ولكن ديك البنت ديال الصباح مابانتش ليا صونات 5 وخرجنا من عند الفرونسي و دخلنا عند العربية ديك البنت يالله جات فاتها النقل المدرسي و مشات جابت ورقة غياب وكيف ديما الطاويلة الأخير ديالي أنا و دوبل طيط هاد المرة حتا واحد ما زعم إريح فيها ههههههههه فهموا القاعدة بزربة ومع كانت هاديك هي أول حصة عند العربية وباقي حتا واحد ما سخن بلاستو بقات البلاصة لي قدامي خاوية وحيت جات ديك البنت معطلة جلسات فيها واخة كاينين بزاف ديال لبلايس خاوين شوية وهي تدور عندي و أول مرة كنتأمل فوجها مزيان كانت البشرة ديالها بيضاء و عينيها كتبان فيهم البراءة و بان ليا فيها البلان وسهيت فوجها محسيتش راسي حتا.......
الجزء التالي من هنا <<<<