ﻗﺼﺔ ﺯﻭﺟﻲ ﺍﻟﺤﻘﻴﺮ 51-62
ﻗﺼﺔ ﺯﻭﺟﻲ ﺍﻟﺤﻘﻴﺮ
الجزء 51
نضت بشوية ناصر:غي بشوية عليك نضت خارجة ناصر:بلاتي اشيماء صباري بغيت نهضر معاك انا:(الصمت).ناصر:(داير يديه على راسوا)علاش ماقلتيليش اشيماء علاش خبيتي عليا واش صحابليك شنو قليك راسك راه تانا كان عندي لحق نعرف انا:(كنبكي)ولكن نتا مكتيقش فيا ناصر:(دار يديه على فمي)شششش معمرك تقولي هاد لهضرة انما داك لهضرة خرجات بلغلط مكنتش نتثور ان حبيبتي ةمراتي متبغيش تولد معايا وديك لهضرة دلبنى خرجات غي بلغلط ودابا عافاك سمحيلي واخا تانتي خثك طلبي سماحا مني انا:(الصمت ونضت وقفت)شنو بغيتي نقوبك اناصر نتا شككتي فحبي ليك وجرحتيني وقارنتيني بلبنة ناصر:عارف احبيبة مي منين كنكون معصب مكنعرف منقول انا:عافاك انا مختاجة وقت نفكر ناصر:اوكي يالاه نهبطوا باش دوزي طيسط وعاد ديك ياعة نهضروا .هودت دوزتطءسط مزيان وخرحت مع اسماء لحق عليا ناصر .ناصر:فين ماشيا انا:قتليك محتاحةنفكر ناثر:اوكي سيري غي بحيت اسماء .مسينا ولالا اسماء طالقا لموسيقة على حر جهدها وكتشطح وتغني ةصلنا للدار طلعت نيشان لببتي بدلت حوايجي ودوشت ثصليت ثلاتيودعيت لخالقي سبحانه ومشيت تكيت شوية .فقت على دقان فلباب كانت اسماء اسماء:نوضي انعاسة راه عندنا ضيوف عاد ليلة ايتعشاو معانا انا:شكون اسماء:كلشي فوقتوا زوين .وجدنا عشاء زوين وفخم اسماء:عطاتني واحد لكسيوة طويلة فلبلوا وفيعا سميطة فلكحل ودهبي وصنيديلة بلا فدهبي وطلقت شعري ودرت شوية دلمكياج اما اسماء فلبسات كسوة فلبيض ولحل وصباط طالون ودارت شعرها كوب شوفال ةمكياج جات قرطاسة وجدنا كلش وهي مزال مابغات تقولي شكون تا صونا صوني ومشات تحل .(عرفتوا شكون هههه)...
ﻗﺼﺔ ﺯﻭﺟﻲ ﺍﻟﺤﻘﻴﺮ
الجزء 52
عرفتو شكون ناصر وزياد .انا كنشوف فاسماء وهي كتديرلي ابتسامة صفرا وجانبية (زعما راني ما دايرا والوا هه)دخلوا سلموا علينا ناصر:(باسلي راسي)حبية كي بقيتي مزيان انا:(ببرود)لحمد الله اسماء:يالاه اجيو تعشاو زياد:شنو وجدات اسومتي لعمر ديالي اسماء:(بحشمة)زياد راه ناصر هنا زياد:(شاف فناصر وغمزوا)مابقا حد يتغزل فمراتوا اولا اشيماء انا:هه بصحتك خود راحتك زياد:واشتي .اسماء:(غمزات زياد)اجي بغيتك فواحد لحاجة زياد:هاهزوا ناض وخدولي راحتكم هه اسماء:(ضرباتوا لكرشوا)ولايني مابقيتيش تحشم هه مشاو وخلاوني انا وناصر ضرت لقيتوا كيشوف فيا بدوك نضرات وكيتامل فيا ياه شحال توحشتوا توحشت صوتوا ووجهوا وعينيه توحشت نلعب فشعروا ونقيس لحيتوا توحشت عطروا معرفتش شنو دار فيا ولكن انا سامحتوا واخا غلط فحقي واخا جرحني بحق هو عتاذر ليا مي واخة هكاك غنعدبوا شويا هه عاد نقولهالوا ههه (عارفا راسي شريرة).ناصر:شيماء يالاه معايا انا:(باستغراب )فين ناصر:(شادني من يدي تا لقيت راسي كيحلي لباب طوموبيل)انا:(كنشوف فيه ناصر:طلعي انا:لا ماركباش ناصر:(بالغوات)ركبي اشيماء انا:(ركبت بلا منزيد هضرة) بقينا غاديين تا وصلنا لراس داك جبل فين مشينا ديك امرة انا:لاش جبتيني هنا اناصر ناصر:(قربلي وحط وجهوا على وجهي)ششش خلينا هاكا انا:ولكن ناصر:(سدلي فمي بيدوا)ششيماء شش .بقينا شوية هكا وهو يخرج من طوموبيل...
ﻗﺼﺔ ﺯﻭﺟﻲ ﺍﻟﺤﻘﻴﺮ
الجزء 53
جا شدني من يدي وخرجني وقفني مقابلا معاه ناصر:شيماء انا عارف راسي غلطت معاك وعذبتك بزاف معايا فلول ولكن معمرني حسيت بهاد لاحساس غي منين كنكون معاك معمر شي وحدة قدرات تخليني نحس هاكا ونعير من راسي على ودها شيماء انا عارف راسي ضلمتك ديك نهار معايا بلحق غي كوني فبلاصتي وشنو غاديري منين تلاقاي لانسان لي كتبغيه وباغا دير معاه وليدات بل كتمناي غي فوقاش وكتدعي بليل ونهار على قبلهم كيشرب مانع لحمل سمحيلي علا كلش بصح انا لي منب لافوط ولكن تا نتي عندك جزء فهادشي علاش منين عرفتك بمرضك ماتجيش عندي وتقوليهالي واش انا ماشي راجلك ماشي حبيبك لي باغا تكملي معاه تا لاخر نفس فحياتكم علاش مخليتينيش نشارك معاك ياك اول نهار تكاتبنا وتعاهدنا فالحلوة ولمرة اولا اشيماء علاش عذبتيني وخليتيني كي لحمق كندور عليك وما خليت فين سولت عليك ما رجعاتلي روح تا شتك نهار طيسط ولكن ماحسيتش براسي تا ضربتك بحيت تفكرت انني تخلعت عليك انا:(كنبكي)اهئ اهئ سمحلي مكنش بيدي مبغيتش نخلعك اهئ يمكن انا انانية اهئ اهئ سمحلي اناصر (وتميت ماشيا) (بعدت شويا كنبكي) تا كنحس بيديه ضاميني بقوة) ناصر:شششش عافاك متبكيش مكنقدرش على دموعك اشيماء هادا قضاء وقدر وكلشي كيفوت باذن الله وغانولدوا 4دلبنات وتلاتة دراري انا:(كنضحك ونبكي)اهئ هه اهئ هه مالني رجعت قنية ناصر:اه نتي لقنية ديالي ولقطيطة ولفنيكيشة وبنتي ومرتي ومي وحتا عمي انا:عمك بوشعيب ولا بوشتا ههه ناصر:مشطا عبغسول ههههه انا:ههه ناصر:(كيشوف فعينيا)توحشتك وتوحشتهوم هما اكثرية (وكيبوسهم)وتوحشت هاد نويف (وكيبوسوا )وهاد لفيم (هوا جا يبوسني وانا نخويلوا وهربت وبقا تابعني سخفتوا مسكين ولكن خلصتهم مضوبلين .رجعنا لدارنا .....بعد:8اشهر .ناصر:ملازم شيماء فيقي من نعاس انا:امم واخا ناصر:نوضي...
ﻗﺼﺔ ﺯﻭﺟﻲ ﺍﻟﺤﻘﻴﺮ
الجزء 54
ناصر:(بالغوات )نوضي انا:(بقفزة)وي شاف هاهيا نايضا ناصر:يالاه انا لتحت متعطليش اجي بعدا انا:شنو ناصر:شنو عندك هنا:(وكيمسح نيفي)وهو يبوسني ومشا انا: ناصر والله لا بقات فيك دخلت دوشت وصليت ودعيت ربي ليوم غنمشي نشوف دكتور خايفا بزاف اخر تحاليل غيبينوا واش تشافيت تماما بقيت كندعي ربي وجمعت صلاية ولبست سروال جينز و قاميجة كارويات طويلة تحت ركبة فلحمر ولزرق ودرت سميطة فلزرق وكونفيرسة بيضة ومادرتش ماكياج بحيت قاليك ناصر مليوم واخا رومي لباس طويل وني ماكياج .هبطت لقيتهم حاطين لفطور فجردة وكالسين بست دادة من حنكها انا:صباح لخير دادة دادة:صباح لخير بنتي .فطرنا وخرجنا تاجهنا لخدمة (مقتليكمش وليت حضرة لملازم شيماء ) بقيت خدامة فلبيروا على شي قضايا تا سمعت دقان ناصر:حبيبة هادي 2يالاه انا:واخا ولكن فلول اجي شوف هادشي هادا ناشي هو لمتهم بديك لقشية ديال لاغتصاب ناصر:هو ليكنا شديناه انا:اذن هادشي عندو مسلسل ماشي مشكيل خلاصوا على يدي .ناصر:يالاه ونتي منيت كتشدي شي قضية كتنساي لعالم .خرجنا وماشيا وانا متوترا بحق ما بغيتش نبين لناصر ولكن هو لاحظ ناصر:(شد لي فيدي)عمري كلشي غايدوز بيخير انشاء الله ومايكون غي لي بغاه ربي انا:اه عندك الصح ونعم بالله .دخلنا بقينا كالسين شوية سمعت السكرتيرة:( سميتي مدام السليماني)و(مبلوكيا فناصر) انا تعلقت فيه وبستوا وشديتو من يديه ودخلنا وهو غي كيشةف فيا مستغرب .كلسنا دكتور:اهلا سي ناصر شيماء صافا انا:حمد الله دكتور .دكتور:(صونا على سكرتيرة)هدى جيبي تحاليل ديال مدام السليماني .دخلاتهم ومداتهمليه وبقا كيدقق فيهم وانا قلبي كيضرب وكلي كنرجف ناصر:(شادلي فيدي)تا نطق الدكتور...
ﻗﺼﺔ ﺯﻭﺟﻲ ﺍﻟﺤﻘﻴﺮ
الجزء 55
الدكتور:مدام شيمام شيماء الحمد الله جسمك تجاوب مع لعلاج بشكل جيد ومابقات عندك تا مشكيل دايا تقدري تمارسي كل نشاطاتك بطبيعية انا:(كنبكي)حمد الله ياسيدي ربي .ناصر:(ناض هزني وكيدر بيا تا قرثتوا عاد حس بالسيد لي معانا) ناصر:احم سمحلي ادكتور غا مع لفرحة دكتور:ماكاين باس .خرجنا وحنا فرحانين وكنحمد الله لي شافاني .اصر عليا ناصر يديني لريسطوا ومشينا تغدينا ناقشنا بزاف دلمواضيع .ورجعنا للدار طلعنا لبيتنا ناصر دخل يدوش وانا بدلت حوايجي ولبست كسيوة فلغوز ولباج طويلة بلا اكمام وخليت شعري مطلوق وهبطت عند دادا لقيتها فجردة بستها انا:دادة انا فرحانة بزاف دادا:بنتي شيماء الله يرضي عليك دابا خصنا شي عزري ينورلينا هاد لفيلا ويونسني شوية انا:(رجعت حمرا)اا..نشاء الله شوية نسيت خصني نطلع نجيب تليفوني خليتو فلبيت نصوني على اسزماء راه اتكون مقلقا .دخلت لبيت وانا نسمع ناصر كيعيط من داخل الدوش ناصر:(كيطلل من لباب)(وعريان)شيماء مديلي فوطة راه مكيناش هنا انا:مشيت لخزانة وجبدتلوا فوطة(وانا حانيا راسي مقديتش نطلع فيه عيني ..قلبي الصغير لا بتحمل هه) ومديتهالوا (شد لي يدي)انا:(طلعت عبني دغيا وهبطتها) ناصر:شكرا (وشادلي يدي)فين كنتي انا:(بتلعتم)اك.كنت مم.ع دادة (محسيت بيه غي جبدني لعندو ولصقني مع لباب وحاوطني بيديه)ناصر:(كيهضر بحنية)ونا متكونيش معايا انا:حيدتلوا يديه وتميت ماشيا وهو يرجعني لبالاصتي انا:ناصر ناصر:(دار يديه على فمي)شششش انابغيتك تمسحيليا لما انا:(بديت كنقربليه وهو كيبعد عليا تا وصلت عندو وهي تطلق رشاشة جيت نهرب باش منفزكش ساعا شكون خلاك .ناصر مزيرني لعندو)(كيشوف فوجهي )(وكيقيس ففمي).صافي تما تكوانسيت .باسني فكل وجهي شوية وهزني ..فقت فالصباح لقيت ناموسية مزال فازكة ناصر معنقني بحالي غنهرب...
ﻗﺼﺔ ﺯﻭﺟﻲ ﺍﻟﺤﻘﻴﺮ
الجزء 56
تفكيت منوا ونضت بشوية باش منفيقوش .دخلت دوشت وبدلت حوايجي وصليت هاد نهار مكينش لخدمة بحيت لحد مشيت نفيق ناصر انا:(بشوية)ناصر نوض محسيت تاكنت مزدوحة على سدروا لعاري انا:نوض ناصر:مبغيتش انا:نوض عافاك راه ل10هادي وخصنا عاد نمشيو عند ماما توحشت خويا وبغيت نشوفو ناصر:كيفاش توحشةتيه انا:مال اناصر راه خويا لي ولداتولي ماما وبابا ناصر:امم اوكي الالاة جيت نايضا وهو يرجعني لبلاصتي ناصر:بغيت حقي انا:شنو ولبارح ناصر:لاء بغيت زيادة مامشا تاخداها ومضوبلا ولكن كنموت فيه وفطريقتوا فمعاملتي وحبوا ليا وتقتوا فيا وحتى فتعصيبوا منين كنكونو فلخدمة ويلقا شي حاجة ماشي هي هاديك ولا يشوف شي واحد كيهضر معايا هه الله يسمحلي ديما مدابزاه مع صحابوا .هبطنا نفطروا مشادين يد فليد كنسمعوا صداع لتحت وحنى نتفاجئوا بوجود عمي(باباين ناصر)ومرتوا واسماء وزياد وماما ةبابا وختي وراجلها واهم منهادشي خويا وجوج شباب معرفتهمش وواحد شابة دايرا لحجاب وهاززة بنوتة كتحمق صغيور .هبطت كنطير تلاحيت على خويا كنعنق ونبكي وعلى بابا وخالتي واسماء وزياد وختي ناصر:حبيبة هادا هادا خويا انس لي فبلجيكا سلمت عليه ناصر:زهادي مراتو فاطمة الزهرا وبنتهوم ملاك سلمت عليها عنقاتني ناصر:وهادا خويا من الرضاعة وولد عمي احمد انا:مشرفين احمد:لبا الشرف دابا نتي لي ديتي قلب وعقل وروح خويا ناصر انا:حدرت عيني وحشمت احمد:بحق ماشي مشكيل تستاهلي هه الكل:ههه اسماء:ومالها مرت خويا فنة الله يحجبها من لعين احمد:داكشي زياد:راه معاك لملازم شيماء لا درتي هاه ولا هاه تجمعك بنص الكل :ههه فطرنا مع الضحك وتقشاب صاراحة عائلتي مرحة وعائلة ناصر قالولها مكتعﻻفيش بقينا كالسين وفتالي نضنا انا وناصر وختي زينب وراجلها مجيد وانس وفتي واحمد وزدنا معانا تا زينب...
ﻗﺼﺔ ﺯﻭﺟﻲ ﺍﻟﺤﻘﻴﺮ
الجزء 57
بقينا لاعبين لحكام ونضنا لعبنا سبور وسالينا ناصر جاه شي اتصال مهم وناض ومنين ولا وجهوا متبدل انا:اسماء ياكما شي اتصال كيخص لقضية اسماء:منعرف بحق بانلي وجه ناصﻻ تبدل (ناصر كان خدام على واحد لقضية باغي يشد رئيس دعصابة لي كتوزع المخدرات فالبلدان العربية)انا:مشيت كلست مداه انا:حبيبي ياك لاباس ناصر :لاوالوا باس علاش كتسولي انا:ياكما شي حاجة كتخص لقضية ناصر:(بعصبية)شيماء فهمتك داك نهار تبقاي بعيدا علة لاطار ديال لقضية ومتدخليش فخدمتي يعني فهميها خليك بعيدة انا:ولكن ناصر:(بالغوات)هضرة وحدة قلتها انا:(جاتني حكرة وخصوص قدام كلشي ولكن حاولت نشد راسي ونضت طلعت لبيتي) .اسماء:(كلسات حدا ناصر)علاش اخويا غوتي على شيماء راه غي تشوشات منين شافت وجهك ولا مبدل بعدما هضرتي فتلفون ناصر: اختي غي فهميني انا عارفها باغيا تعرف معلومات عل قضية وغا تبدا تعاون وغيصدقوا مدخلينها تا هيا وانا مانقدرش نخاطر بيها وخصوص فهاد لقضية اسماء:فهمتك اخويا شنو قالولك فلتصال وصلتي لمكان راس لحربة ولا مزال ناصر:جاني تهديد بعائلتنا وخصوصا بشيماء باش لا مبعدتش على لقضية .قاليك غيديرو شي حاجة اسماء:عرفتي شنو انا غنوض ندير واحد لمكالكة بخصوص جهاز تصنت لي معرفناش فينو واش صرطاتوا لارض .ناضت اسماء وناصر طلع لعند شيماء .بقيت كالسا فبيتي كنلعب فتلفوني وكنشوف تصاور وكنفكر انا عارفا ناصر هو كيحاول يبعدني علة لقضية ومهما غوت عليا الا انه وقع شي خطأ ولا داك لاتصال خصني نعرف اشنو جا فيه ولكن هادا مكيبررلوش يغوت عليا ويحاول يبعدني بهادالطريقة.تا سمعت لباب كيتحل كان ناصر داخل وقف وبقا كبشوف فيا شحال وبدا كيقرب لعندي .انا نضت معلى لكانبي بزربة ودزت من حداه وانا شاداني لبكية من داك تصرف...
ﻗﺼﺔ ﺯﻭﺟﻲ ﺍﻟﺤﻘﻴﺮ
الجزء 58
هبطت عند الدراري لقيتهم مزالين فالجردة بحق اسماء وزياد مكاينينش شوية شفت ناصر خارج كيجري وبديت كنعيطلوا ولاكن ماسمعنيش خارج بزربة وديمارا الطوموبيل وطار مابقاش بانليه لاتار .بقيت كالسا بالي مشغول معاه فين مشا ياربي تستر وتحفضوا ياربي شوية فكرت نعيط لسماء انا:الوا فين مشيتي نتي وزياد اسماء:غي شي خدمة فلمكتب ضرورية انا:معرفتيش ناصر فين مشا اسماء:(بتلعثم)اااه ناصر لا مكاينش معايا انا:(عرفتها عارفة شي حاجة)انا:قوليلي ااسماء فين مشا ناصر اسماء:ولكن ناصر ماغايبغيش انا:قوليلي عافاك اسماء:زياد وناصر بجوج مشاو على قبل ديك لقضية باش يشدو راس لحربة انا:وعلاش ما قالهالياش اسماء:ناصر خافك لا تخلعي وتبغي دخلي فلقضية وزيدون راه (وسكتات)انا:وزيدون شنو هضري ااسماء اسماء:مهدينوا بيك ولا بواحد من عائلتنا قطعت عليها طلعت نيشان لبيتي لبست حوايجي وركبت طوموبيلتي فاتجاه لمقر .وصلت لقيتهم مشغولين .دخلت لغرفة فين خدامين لقيت لكل ساكت كيتصنتوا وكيتفرجوا شوية وانا نتصدم كان ناصر كيهضر مع شي راجل وهاداك ضايرين بيه لحراس كلهم مكلضمين ولابسين لباس رسمي وحتى هو معاهم ولكن هو كبير الراجل:جبتينا داكشي ناصر:وي جبتوا اسي محمد الراجل:ارا نشوف لهنا شج داك شانطة من عند ناصر فتح واحد لميكة ديال لمخدرات وداقها شوية وهوما يتبلوا ملامحوا وكشر الراجل:كضحك عليا جابلي لبضاعة مغشوشة شوية وجه سلاحوا لناصر وحتى رجالوا :باغي تغشني شهد على دابا بقاليك تواني وتمشي لجحيم .شوية ناصر ضربلوا سلاح وخداه وولا هو لموجهوا ليه شوية تدهلوا شي وحدين كانوا لبوليس ومعاهم تا زياد وبقاو مني منك حتى ماتوا تقريبا كلهم شدوا هاداك لي كان رئيس لعصابة وكلشي ناض كيصفق زناصر كيهضر معا هادوك لي كانوا معاه وانا كنشوف فيه وقلبي مقبوط عليا...
ﻗﺼﺔ ﺯﻭﺟﻲ ﺍﻟﺤﻘﻴﺮ
الجزء 59
واسماء كتعنق فيا وانا مفيكسيا عيني فشاشة تا تسمعت صوت 2طلقات نارية ودخلوا فضهر ناصر كان واحد فهادوك لي ضربوهم ماماتش هنا انا طلقت واحد لغوتة بسمية ناصر يمكن سمعها لعالم كولوا وطحت فلارض كنشوف كلشي كيدوز بتقالة وكيفاش هزو ناصر وداوهومن بعدها مبقين عقلت على والوا ..نضت ونا حاسة بصداع فراسي وانا فغرفة بيضا معلقيلي سيروا وحدايا اسماء وماما غي نضت وتفكرت شنو وقع بديت نغوت ونترت داك سيروا اسماء كتحاول تهدني فتالي جمعات معايا بتصرفيقة اسماء:تهدني اشيماء انا:(منهارة وكنبكي)اهئ اهئ فين هو ناصر فين هو حبيبي خليوني نمشي عندوا اسماء:(كتبكي)غي تهدني وسمعيني نتي خصك تاكلي باش لابغيتي تشوفيه راه من صباح مكليتي والوا وطبيب كالنا خصك تغداي انا:اهئ لا بغيت غي نشوفو اسماء:لا تا تاكلي باش مايتاذاش لجنين ديالك انا:(هنا صقلت)اسماء:اه اشيماء نتي حاملة ولجنين فعمروا سيمانة انا:معرفتش واش نفرح ولا نبكي ولا اكيد ناصر غيفرح بهاد لخبار انا:عافتك قوليلي كيبقا ناصر راني نموت لا وقعاتليه شي حاجة اهئ اهئ اسماء:ناصر راه فلعناية لمركزة دابة جاو فيه جوج رصاصات وحدة دخلاتليه لقفص صدري ولاكن قدروا يحيدوهم ولكن لمشكيل انا:اهئ شنو كتكليش ليا اهئاهئ اسماء:شش سكتي راه ما وفعليه والوا بلحق راه دخل كوما انا:اهئ ماما مسكينة كتحاول تهدني حاولوا يوكلونب كليت بزز وشربت واحد جغمة دلما وشي دوا .وخرجت بجرا تا كنشوف لعائلة كاملة مجموعة ودادة وخالتي حالتهمةحالة مشيت عنقتهم وكلست كنبكي انا:اهئ دادة بغيت نشوفوا عافاك ادادة كلهم يخليوني نشوفو دادة:(كتصبرني)ممنوع ابنتي بلحق يالاه معايا مشيناوطلينا من واحد زاجة ونا نتصدم ناصر بحال لجتة لهامدة دايرينلوا لفاصمة وملونهالوا على صدروا ولالات دايرين بيه مقدرتش نشوفو هاكاك اهئ علاش...
ﻗﺼﺔ ﺯﻭﺟﻲ ﺍﻟﺤﻘﻴﺮ
الجزء 60
طحت فلارض كنبكي ودادة وجا زباد كينوض فيا واسماء بقينا على داك لحال شي سيمانة ما تقارقتش معا ناصر خداولي غرفة فجنبوا كنبقا نصلي وندعي ربي باش يفيق وخا مكيخليونيش ندخلةا عندو مكنتش كنحيد محدا سرجم ديالوا .ديما كنمشي عند الدكتور نطلبوا انا:دكتور عافاك راه والله ماقدا نصبر عافاك دكتور:اوكي مدام شيماء عندك 5دقايق ولبسي لبدلة قبل ما دخلي لبسوني داك لبدلة ودخلت عندوا مزال على حالوا كلست فلكرسي كنبكي ونهضر معاه انا:اهئ اهئ عافاك نوض اناصر راه والله مابقيت قادا اناصر نوض باركة منعاس نوض راني حاملة عافاك احبيبي نوض اهئ عفاك راني كنموت بلا بيك اناصر جا طبيب وخرجني .دخلت لبيتي بدلت عليا وكلست كنقرلظا لقران شويا دخلات اسماء وختي زينب بداو كيبزا عليا ناكل عوتاني وانا لي كليتها مكتعجنيش ولا كنوض نردها .فقت فليل مخلوعة بحيت سمعت شي انذار واصوات بزاف خرجت بزربة لقيت كلشي كيجري جيهت لغرفة دناصر ولفرمليات داخلين خارجين ولعائلة كلها واقفة وشي كيبكي شي شاد فراسوا انا كي اهبيلة كنسول عادي ونشنق فهادي تا شوية خرج دكتور وشنقت عليهانا:ماتقوليش حبيبي ناصر مات اهئ شنو واقع قولي عافاك دكتور:قلب سي ناصر توقف ولاكن حنى تدخلنا فلوقت لمناسب ودابا حالتوا ولات مستقرة دعيوليه .نشيت كنحري نطل عليه وانا كنبكي: عافاك متمشيش ماتهلينيش بيق اناصر عافاك راني عييت فيق اناصر لمين اتخليني انا ولدنا اهئ عافاك نوض باركة راك مكتحملش النعاس بزاف وشادا فجاجة جات دادة شادة فيا .انا حسيت براسي مخنوقة وبغيت نخرج لجردة ماخلاونيش بحق تا واحد معند مني .خرجت لجردة بقيت ماشبا ولقيت كرسي كلست فيه وانا كنتفكر كل احدات لي جمعاتني بناصر نهار هربت منو فلمدرسة نهار بت فلاكاب نهار داني لديك لفيلة اول بوسة لينا فاش عتارفلي بلي كيبغيني...
ﻗﺼﺔ ﺯﻭﺟﻲ ﺍﻟﺤﻘﻴﺮ
الجزء 61
فاش دافع عليا قدام كلشي نهار هربت من الدار تدريبات لفياق فصباح شوية حسيت بشي ضربة خفيفة فكرشي انا:اي ولا عاود ضربتي كان لبيبي كيتحرك يمكن حس بيا كيقولوا لبيبي كيحس بمو وكيفرح فاش كتكون فرحانة وكيبكي فاش تكون بامية يمكن هو ولا هي مقلقين تفكرت نهاناصر قالي باغي بنيتا هي لولا باش ميحكرش عليها خوعا اهه يا ناصر شحال توحشت عينيك صوتك حنانك حبك ليا توحشتك فيق عافاك راني كنتسناك جاني لبرد وشويا نضت دخلت لقيتهم كاملين تما انا:خالتي وعمي ودادة وماما وبابا نتوما غي سيروا ترتاحوا اسماء:اه شيماء عندها الصح غي سيروا دادة:ولكن ابنتي نتي بوحدك انا:غي سيري ادادة هاهيا معايا اسماء .مشاو بزات عليا اسماء نهبطوا ناكلوا شي حاجة فاكفتيريا هودنا كليت شي جاجة خفيفة اصلان انا مكنحملش هاد لجو دلمستشفيات وطلعت دخلنا لغرفة صليت وتكيت انا فلفراش واسماء فلكانابي حدايا نعسات مسكينة مع لعيا من لمكتب لهنا وزايداها مخلياها تكلف بشغلي ولقضايا ديالي بقيت ناعسا وشويا سمعت لفجر كيادن نضت صليت وبقيت كندعي لسيدي ربي تنوضلي ناصر خرجت من لغرفة ومشيت للممرضة لي بيرمانوص رغبتها باش تخلبني ندخل عندوا بحق ماخلاتنيش وبديت كنبكي ونﻻغبها تا خلاتني الممرضة:بلحق عندك ربع ساعة متزيديش عليها انا:اوكي عافاك غي يالاه .مشيت لبست داك لبدلة دايرا كيف لخنشة ودخلت شفتوا مزال حالتوا هيا هيا جبت كرسي وكلست حداه انا:(كنبكي)نوض عافاك عنداك تفكر تمشي وتخليني اناصر راني نموت بلا بيك اهئ نوض عافاك متخلينيش بوحدي راني توحشتك نوض راه ولدك محتاجليك شوف هانتا (درتلوا يديه على كرشي) هاهوا هنا نوض عافاك اهئ حدرت راسي على لفراش وكنبكي ونهضر معاه تا حسيت بشي حاجة على راسي عليتبراسي بزربة كان ناصر: (كيحاول يهضر)ااه ششش مم.تبكك.يش احبيبة عافاك...
ﻗﺼﺔ ﺯﻭﺟﻲ ﺍﻟﺤﻘﻴﺮ
الجزء 62
من بعد مشادات عاد سكت ناصر برا ةرجعنا للدار لقيناهم موجدين لينا حفلة ضحكنا ونشطنا ....ناصر:يالاه احبيبة طلعب ترتاحي فبيتك انا:ولكن لحفلة ما زال ماسالات ناصر:شيماء انا::صافي ودعتهوم ةطلعت .بدلت حوايجي وصليت ودخلت ندوش وخرجت هوا ولا هبط .مشيت تكيت فبلاصتي تا كانحس بشي حاجة تقيلا عليا لقيتوا هو انا:ناصر نوض عليا ناثر:نن مابغيتش عجبني هاد لفراش انا:عافاك راك غاتفلعس لبيبي ناصر:(كالا بيديه)ودابا لا ما طلق مني غبسيف تا خدا شنوا بغا ......من بعد تسعة اشهر:انا:ناصر نوض ناصر:(مكلوب بنعاس)وراه غيكون غي لحريق انا:(عضيتوا)نوووووووض راه غنموت ناصر:لا احبيبة بعيد الشر عليك .دخلات دادا كطير:بسم الله عليك كلات عليا دادة:ناصر اولدي هبط داك صاك راه بنتي شيماء كتولد انا:ايييي ومي غنموت .هبطني هازني وحطتي فلوطوا للور ودادا تا عيا معايا انا:شربي دغيا اناصر مال طريق طوالات هاكا ايييبيبب وميييي اشداني اهئ اهئ ناصر:صافي احبيبة ديري شهيق وزفير دادا:غي بشوية عليك ادادا وصلنا لمستشفى دخلونا ديك ساعة فحمالة ودخلوني لغرفة وانا كنتالم ونغوت بربي لي خلقني صارحة الله يسمحنا من لوالدين .بقيت هاكاك شي جوج سوايع عاد خرج لبيبي .طبيبة كضرب فيها اههه بنت شحال فرحت منين عرفتها بنت وهي ما بغاتش تغوت انا:(مخلوعة)مالها بنتي مالها وهي كضرب فيها انا:اهئ اهئ عافاك ديروا شي حاجة شوية تسمعات واحد لغوتة ردات فيا روح انا:عطيوهالي عطاوهالي ياه شحال صغيورة كد لكميشة انا:بنوتي احبيبة الممرضة :انديوها نغسلولها ونقيسي لحجم ةلوزن ديالها داوها .شوية دخل عندي ناصر ناصر:علا سلامتك احبيبة انا:الله يسلمك تولدات عندنا بنيتا فنا تبركالله .شوية دخلوها وخداها ناصر:(كيبكي) اه معمري شفتوا كيبكي ولكن دموع لفرح ودن ليها فودنيها ومدهالي انا:ناصر شوف بنوتنا كيف لقمر ما شاء الله انا انسميها قمر اناصر ناصر:بنتي قمر لقمر دحياتنا وتمرة دجبنا انا وماماها .......وهنا سالات حكايتا او بدات حكايتي مع حبيبي ناصر وحبنا ليكان بسبب اخي وهادي لبداية ماشي نهاية
ليست هناك تعليقات