قصتي مع الجن العاشق‬ الجزء 6

قصتي مع الجن العاشق‬

الجزء 6

و مشيت للدار و عند الباب لقيت داك المش كحل لكانت قالت لي عليه و انا نجمعها معاه بواحد الضربة بحال إلى ميسي تار كرة هو ما دار تا صوت حدو شاف فية و بدا هابط مع الدروج و أنا دخلت، كان فيا الجوع و دخلت للكوزينة نطيب ههه الأكلة لكلشي كعرف ليها البيض و مطيشة و هنى أتبدى الخلعة البوطة كنشعلها و غي كنتلفت كنلقاها طفات لحاجة كنحطها حداية كندور كنلقاها تبدلات و حاس بلي ماشي بوحدي و كل عشرة ديال الدقايق كي دق الباب كنحل مكنلقا تا واحد هه بديت كنتخلع ، ودن العشا توضيت صليت و رجعت ناكل و داكشي لي كان ، موراها شعلت التلفزة و بديت كنتفرج و وقعت واحد لحاجة لكتوقع غي لمسخوط الواليدين تقطع الضو ناري الخلعة ديال بصح بقيت مكمش فواحد الكوان و كنسمع فالتقرقيب و الصوت ديال الرجلين غادي و كيقرب غادي و كيقرب تا وصل عند الباب ديال البيت و هو يتحل الباب ماشي تحل تخبط بجهد و أنا لساني بدا كيتقال عليا و بديت كنتشلل موراها غي الضلمة أه مشا ليا شوف و كنحس براصي مرفوع بحال إلى شي واحد شانق عليا و هي تبدا الهضرة واش مقدكش داك شي ديال البارح و زايدها كتبحت فالماضي و باغي تجيب فقيه باش تهنا مني و بدا كيضحك بواحد الصوت ناري عمرني سمعت ولا غنسمع بحاولو و كمل هدرتو ليوم أنوريك معامن كتعامل أ سي يوسف و بدا الضو كيرجع لعيني و يريتو مرجع أش غنقول و مين غنبدا نوصف ليكوم العينين لاسقين حدى بعضياتهوم و الراص في قرون و الفم كلو سنان ناري على منضر مورا مشفت داك المنضر حسيت براصي تخبطت مع السقف و موراها مع الأرض شي 3 مرات من بعد ما عاقل على والو غي الرجلين ديالو غادين مبعدين و هي تكحال الدنيا فعيني تال الصباح إحساب لي غي كنت كنحلم ولكن جنابي كلهم عاطيني الصداع نضت بدلت و دوشت و شفت وجهي فالمرايا كلو باينة فيه العصا ناري شنو أنقول لمريم لا عرفات هادشي غادا تزاد حالتها و هي مبقاتش غي بوحدها راها هازا ولدي ولا بنتي هزيت التيليفون و لقيت 20 مكالمة ديالها صافي نزلت و قررت نقول ليها غي مضاربة حنت لا عرفات آقدر إجيها نهيار عصبي و نفقد ولدي، غي وصلت للدار وهي تصدم الواليدة مالك أولدي أ معامن مضارب أش هاد الحالة غي سمعتها مريم و خرجات كتجري عندي شافتني و بدات كتبكي قلت ليهوم غي تلقاو ليا الشفارة و ضاربت معاهم صافي وأنا نقلبها ضحك واش كاين شي فطور ولا نخرجو برا مشاو وجدو ليا ما ناكل و جاو و هي تقول لي الواليدة بلي مراتك ليل كلو و هي فايقة و كتقول راجلي غيموت تلفت ليها و بديت كنضحك و قتليها باغا تقتليني ياك قاتلي بلي ليل كامل و هي قلبها مقبوط عليها و خافت تكون واقعة ليا شي حاجة و منعسات تال الفجر . أنا كنت داير مع السيد و لكن معرفتش كيندير باش نوصلها ليها إلا قتليها بلي درت مع شي فقيه باش إيجي شوفك غيحساب ليها غي وليت كنحسابها مسطية و أنا حاشا واش دير فبالي هاكا . قررت نخرجها و طلبت الواليدة تجي معانا و لكن مبغاتش ههه هي كانت فالفترة ديال الوحام و الحمد لله جاها ساهل جاها غي على الشيبس ديتها لأسيما و شريت ليها واحد 10 ديال باكيات كبار و فرحات الفرحة ديال الدراري الصغار و ديتها حدا البحر حنت كعجبها و بدينا داوين أنا : مريم كديري فيا التيقة ياك مريم : أه و علاش هاد السؤال أنا : خصنا نشوفو شي حل ل هادشي لكتعيشيه و دروري لا يأتر على الولد مريم : شوف لي درتيها من نقدرش نقول ليك لا أنا :غدا داير مع واحد السيد هو فقية و غيجي عندنا للدار مريم : هي الولا أ سيدي هههه إوا صافي داز النهار على خير رديتها لدار عندنا و بت أنا و ياها تماك تال الصباح عاد نمشيو نتلقاو للسيد...