قصة زوجتي الصغيرة - الجزء 6
قصة زوجتي الصغيرة
- الجزء 6
مشا عمر وسد الباب وراه تكيت بلاصتي ونعست
أصبحنا وأصبح الملك الله
نضت غسلت وجهي وهبطت لقيت عمر كيوجد الفطور
ملاك : صباح الخير
عمر : ملاك فقتي صباح النور
تمات هابطة ديك خيتي كتعوج و ديك الكسوة جاتها قصيرة
سناء : عمر صباح النور
جات جلسات حدايا خنقاتني غير بريحة تقول مدوشة بيها نضت درت سبة ب نعاون عمر ولكن لقيتو سالا حطيت طباسل على طبلة وجلسنا باش نفطرو بقاو كيدويو على الخدمة و أنا مفاهمة والو ناضت طلعات تبدل
ملاك : عمر
عمر : نعام
ملاك : أنخرج مع مريم وشي دراري قراو معايا باش نراجعو
عمر : شكون هادو وشحال ساعة ترجعي
ملاك : مغتعرفمش لمهم من هنا 3 دسوايع نرجع
عمر : أوكي نوضي نوصلك
طلعت لبيتي لبست كسوة طويلة زرقة وهزيت صاك بيض درت فيه دفاتر وطلقت شعري خرجت من البيت ومشيت عند عمر كان عاد خرج من البيت هههه تصدمت أنا تا هو كان لابس تيشرت فزرق عاد تمات الخانو خارجة مزوقة هبطنا كلنا أنا ركبت خدا عمر وهي شدات طاكسي حيت خصها تمشي تبدل مشينا أنا وعمر بعدما قتلو البلاصة فين
عمر : جمعي داك الشعر
ملاك : علاش هاكا ماشي زوين
عمر : مجموع حسن
ملاك : لا أنا كيعجبني هاكا
عمر : ملاك دويت معاك
ملاك : أوووووف أوكي
بقينا ساكتين تا وصلنا
عمر : من هنا 3 دسوايع غندوز وراك
ملاك : أوكي
مشيت عند مريم و أنس و عدنان كانو كيقراو معايا لعام لي فات
تلاقينا بقينا كنراجعو دغيا داز الوقت حتى عيطلي عمر
ملاك : ألو عمر
عمر : فينك هانا جيت
ملاك : واخا هانا جايا
نضت جمعت دفاتري وسلمت عليهم منين كنت خارجة تبعني عدنان
عدنان : ملاك تسناي
ملاك : وي عدنان شنو
عدنان : نخرجو فلعشية
ملاك : لا منقدرش مرة خرة
مشيت ركبت مع عدنان لي كان باينة فيه معصب
ملاك : سمحلي تعطلت
عمر : شكون هداك
ملاك : كان كيقرا معايا
عمر : واخا وشنو بغا
ملاك : اه لا والو
عمر : وعلاش تبعك
ملاك : غير قالي نخرجو فلعشية ومبغيتش صافي
عمر : أوكي . بغيتي نتغداو برا ولا فدار
ملاك : ناخدو شي حاجة من برا وناكلوها فدار
ليست هناك تعليقات