قصة شهر في deepweb‬ الجزء 1

قصة شهر في deepweb‬

الجزء 1

كان فعمري 13 سنة كنت ف السنة الأولى ف الإعدادي .. 

المهم كنت ماكانتفارقش مع الكمبيوتر وقليل فين كانديها فلقراية .. ومن لحوايج لي كانت عزيزة عليا نديرها ف الكمبيوتر هو الإختراق 

بديت بداكشي ديال الثغرات (قبل هاذ الفترة لي كانعاود عليها) شوية بشوية تا وليت ف سبام(للإشارة كنت كانحاول نحتاط من الجانب الأمني) غير باش مانوقعش ف مشكل مع القانون وتا الهوية باش كنت داخل مزورة

يعني ماحاط تا معلومة صحيحة على راسي وتا فاش كانشري شي حاجة كانمشي عندها للعنوان لي داير (دار ديالنا ديال الورثة ما بقا ساكن فيها تا واحد) المهم هاذي أمور شخصية ماكاينش لاش تذكر .. 

كيفاش تا عرفت الديب ويب ؟ 

فاش كنت صغير كان عندنا جارنا كبير ف العمر تقني فالبرمجة والإختراق هو لي دخلني ل عالم الكمبيوتر وواحد النهار دوينا على الديب ويب وهو لي شرح ليا آش كان فيه

من الشرح لي عطاني حرك فيا الفضول وبغيت ندخل ليه واخا كان قاليا ماتحاولش .. 

مشيت للدار كانحاول نعرف كيفاش ندخل ليه كنت كانقلب ف غوغل باش نعرف كيفاش نوصل للديب ويب ولكن ماكانت حتى نتيجة 

لي وصلت ليه هو أنني قدرت نطيليشارجي TOR ونخدم فيه كمتصفح عادي ..

بعد أكثر من 15 يوم ديال البحث مشيت عند جارنا قلت ليه لي كاين وقابلتو تا حن عليا وقرر يعطيني المفاتيح باش ندخل للديب ويب 😀

خليت ليه البيسي ديالي قاد ليا البرامج لي خص تقاد ودخل ليا المعلومات ديالي 'المزورة' لي كنت ذكرتها الفوق

للإشارة باش يخدم ليا داكشي قام ب إدخال des commandes

بعدما تمت برمجة الحاسوب ديالي بالشكل لي غايخليني ندخل للديب ويب ديتو للدار ك عادتي دخلت للبيت وسديت عليا (هاذشي لي كاندير مامشارك معايا تا واحد البيت و ديما كانت مرونة كانجمعها مرة ف السيمانة) طفيت الضو وسديت الشراجم باش نشوف آآش غايطرى ..

تتمة من هنا ⬅ قصة شهر في deepweb‬ الجزء 2