قصة كريم فالمدينة - الجزء 19

الجزء 19

بعد مرور 3 أشهر...........

من بعد ما داز هاد الوقت كامل ، كريم مروان و ملاك فقدوا الأمل فأنهم يلقاو امال ، و فهموا أنهم إلا بقاو على هاد الحال راه ماغايلقاوها ما غييعشو حياتهوم ، و تافقو باش يكملوا حياتهوم عادي ، و يتسناو تبان أي علامة عليها و يرجعو يقلبوا 

بالنسبة لوالدين امال فين ما كانوا تايعيطو تيقولو لهم ماكيناش ، و لا تيهضر معاهم مروان بصوت امال ، نقدرو نقولوا أنه عندو موهبة فتقليد الأصوات ، ما عليناش بالنسبة لأمال مرة مرة كتفكر شي حاجات صغار ، و لكن ماكاتعطيهومش أهمية ، و عايشة بخير مع دوك الناس و خصوصاً ولدهوم الكبير عدنان اللي مونسها بزاف ‏

المهم من مور هاد المدة كاملة ديال الصيف ، مابقى والو للدخول المدرسي ، و هما بطبيعة الحال خاسهوم يرجعو للمعهد يعني خاسهوم يرجعو لمدينتهم ‏

صبح الصباح 

بداو كيتوادعو مع الجد و الجدة ، و فاش كانوا غادين بحالهوم الجد عطا لملاك واحد الساروت و واحد الورقة , و قاليهم هاد الورقة فيها العنوان ديال واحد الكنز و هذا ساروت باش تقدرو تحلوه ، عمرنا قدرنا نخرجوهم حيت كانت ديك البلاصة محضية من المنافسين ديالنا 

دابا كان ضن أنه جا الوقت المناسب حيت غايكونو كلهم ماتوا ، و تا حنا شي نهار غنموتو ، وداكشي غيبقى غير يضيع لاهوما تستافدو منهم نتومة الشباب ، حافضو علهوم الله يرضي عليكوم ، واخا تفاجئو شوية ولاكين فرحو بزاف ‏

امال كانت ناعسة و حلمات بالنهار فاش دابزات مع واليديها على قبل كريم ، و فاش خرجوا للزنقة بالليل كيقلبو فين يباتو ، و هي ضربها الفيقة و بدات كاتنوا مع راسها و بدات كتفكر بشوية بشوية ، و KMM راجعين فالكار كيفكرو اشنو غيديرو بدوك الفلوس 

ولايني الحاجة اللي ماعارفينهاش هوما و الحاجة اللي غلط فيها الجد أن واحد من دوك المنافسين باقي عايش و بمجرد أنه تحرك داك الساروت صونات عندو واحد اللعيبة و بالطبع قرر يعاود يبدا التقلاب ديالو هو و ولدوا اللي باقي شاب و صحيح ‏

يتبع...