قصة كريم فالمدينة - الجزء 20
الجزء 20
البشير و زكريا ، المعروفين بالسكانير و زاك ، بإختصار الرجل و ولدو اللي تيقلبو على الساروت ، دايرين فيه GPS و بداو كايقربوا ليهوم ، ماكانوش يقدو يعلموه قبل حيت الجد كان دايرو فواحد الكوفر خاص بهادشي ، غير هو واخا هاكاك السكانير و زاك باقي مافراسهوم مايتعاود ، صحابهم الجد هو اللي عندو الساروت و باغي يمشي يحل الكنز
المهم ، كريم ملاك و مروان تافقوا باش ميمشيوش يحلو للكنز فهاد الوقت ، و يتسناو واحد الشوية ، و ماينساوش البلان د امال ، و فاش وصلوا لمدينتهوم عاد باش تفكرو واليديها شنو غايقولو ليهوم ، و قررو يعاودوا ليهوم الحقيقة ،حيت ماعندهومش شي حل أخور
المهم قبل ، مشاو تسجلوا فالمعهد تاني ، و مشاو لدار امال ، استقبلوهوم و باها بدا كيضراف شوية ، قالوا لهوم فين امال ؟!! بداو بثلاثة كيدخلو و يخرجوا فالهدرة ، تا حد فيهوم ماقدر يهضر ، نقزات ملاك قالت ليهوم ، را ماغاترجعش معانا قد قد حيت باقي مازال ماصورو الجينريك د اللخر د الفيلم
قالت ليها الأم " و لكن يقدروا يسجلوا غير صوتها ؟ " ماعرفوا مايقولو ، قاليها كريم " لا را غاتبان هي كتغني فيه " قالت ليه الأم " بصاح !! فرحتيني ولاه شحال هادي ماسمعنا شي خبار زينة " و هو كيقول مع راسو غير خليها علاه و صافي ، جلسو تعشاو معاهم و فاش كانو غادين قاليهوم الأب " فوقاش غاترجع ؟ " قاليه مروان " قريب إن شاء الله فهاد السيمانة "
فاش خرجو من الدار :
ملاك : لاش قلتي ليهوم هاد السيمانة ، دابا كيغانديرو ليها ؟
مروان : وا راه مالقيت باش نجاوبهوم
كريم : دابا هاد الهضرة ماعندها ما تقدي لينا ، المهم هو خاصنا نلقاو امال قريب
ملاك : واش كاضحك علينا ؟!! را كنا قراب ليها و مالقيناهاش ، عاد غادي نلقاوها دابا فمدينة بعيدة عليها !!
كريم : شكون قاليك اننا غانبقاو هنا ، را ضروري ما نرجعوا تاني لهيه
مروان : و المعهد ؟
كريم : واش امال خاطفينها ما عرفناها حية و لا ميتة و نتا باقي كتفكر ليا فالمعهد ، و حنا ماغانطولوش تما هي ألف ، و ماتنساش راك نتا لي قلتي ليهوم هاد السيمانا
مالاك : و أصلاً واخا نرجعو راه ماعندنا ما نقديو ، على نسيتي أنه 3 شهور و حنا تما و مالقينا والو
كريم : مالك كاتسبقي الأحداث ، على نسيتو أنه الأغنية اللي سجلات امال قبل السفر غادي دوز فالتلفزة هاد اليام
مروان : و السيد صاحب الواليد ، يعني نقدرو ندوزو مور الأغنية شي نداء على الإختفاء ديالها بحال داكشي د مختفون ، هادي عندك أ الساط
مالاك : و يقدروا غاع دوك الناس يتخلعو فاش يشوفوه و يرضوها لينا بوحدهوم
كريم : هانتوما فهمتوا
يتبع...
ليست هناك تعليقات