قصة بنت الخيرية - الجزء 3
قصة بنت الخيرية
- الجزء 3
ﺍﻟﺪﺍﺭ ﺍﻟﻠﻲ ﺳﻜﻨﺖ ﻓﻴﻬﺎ ﻭ ﺧﺎ ﺣﺎﺳﺔ ﻓﻴﻬﺎ ﺑﺎﻷﻣﺎﻥ ﻣﺎ ﻓﻴﻬﺎﺵ ﺍﻟﻬﺪﻭﺀ . ﺍﻟﺒﻨﺎﺕ ﻣﺎ ﻛﻴﻨﻌﺴﻮﺵ . ﺍﻟﻠﻴﻞ ﻛﺎﻣﻞ ﻭ ﺍﻟﻤﻮﺳﻴﻘﻰ ﺧﺪﺍﻣﺔ ﻭ ﺍﻟﻀﺤﻚ ﻣﺎ ﺗﺎﻳﻮﻗﻔﺶ . ﺷﻲ ﺩﺍﺧﻞ ﺷﻲ ﺧﺎﺭﺝ . ﻣﺎ ﻋﺮﻓﺘﺶ ﺑﺎﻟﻀﺒﻂ ﺷﻜﻮﻥ ﺳﺎﻛﻦ ﻭ ﺷﻜﻮﻥ ﺍﻟﻠﻲ ﺟﺎﻱ ﻏﻴﺮ ﺍﺩﻭﺯ ﺳﻮﻳﻌﺎﺕ ﻭ ﻳﻤﺸﻲ . ﻣﻠﻲ ﺗﺎﻧﻔﻴﻖ ﺣﺘﻰ ﺍﻟﻌﺸﻴﺔ ﻣﺎ ﻋﻨﺪﻳﺶ ﺍﻟﻔﺮﺻﺔ ﺑﺎﺵ ﻧﺪﻳﺮ ﻣﻌﺎﺭﻑ . ﺍﻟﺒﻨﺎﺕ ﺍﻟﻠﻲ ﻋﺎﺷﻮ ﻣﻌﺎﻳﺎ ﻭ ﺧﺮﺟﻮ ﺑﺤﺎﻟﻲ ﻣﻦ ﺍﻟﺨﻴﺮﻳﺔ ﻛﻞ ﻭﺣﺪﺓ ﻓﻴﻦ ﻣﺸﺎﺕ . ﻣﺮﺓ ﻣﺮﺓ ﻛﺎﻧﺘﻮﺍﺻﻠﻮ ﺑﻌﻀﻴﺘﻨﺎ ﻭ ﺩﻳﻤﺎ ﺗﺎﻧﻘﻮﻟﻮ ﻏﺎﻧﺘﻼﻗﺎﻭ ﻭ ﻟﻜﻦ ﻟﺤﺪ ﺍﻻﻥ ﻣﺎ ﺯﺍﻝ ﻣﺎﺗﺸﺎﻭﻓﻨﺎ . ﺍﻟﻤﻬﻢ ﺻﺎﺑﺮﺓ ﺣﺘﻰ ﺍﺩﻳﺮ ﺍﻟﻠﻪ ﺍﻟﺘﺎﻭﻳﻞ .
ﻛﻤﺎ ﺍﻟﻌﺎﺩﺓ ﻭﻓﻨﻔﺲ ﺍﻟﻮﻗﺖ ﻭﺭﺩﺓ ﻛﺎﺗﺒﺎﻥ ﻟﻲ ﺩﺍﺧﻠﺔ ﻟﻜﻦ ﻫﺎﺩ ﺍﻟﻤﺮﺓ ﻣﺎﺷﻲ ﺑﻮﺣﺪﻫﺎ . ﻣﻌﺎﻫﺎ ﻭﺍﺣﺪ ﺍﻟﻮﻟﺪ . ﻭﺧﺎ ﻣﺎ ﻋﻨﺪﻳﺶ ﺷﻲ ﺗﺠﺮﺑﺔ ﺑﺎﻳﻦ ﻣﻦ ﻃﺮﻳﻘﺔ ﺗﻌﺎﻣﻠﻮ ﻣﻌﺎﻫﺎ ﺑﻠﻲ ﻛﺎﺗﻌﺮﻓﻮ ﻣﺰﻳﺎﻥ . ﻛﻤﺎ ﺍﻟﻤﺮﺓ ﺍﻟﻔﺎﻳﺘﺔ ﺟﺎﺑﺖ ﺍﻟﺒﻮﺭﻃﺎﺑﻞ ﻭ ﻗﺎﻟﺖ ﻟﻲ ﻧﺸﺮﺟﻴﻪ ﻟﻴﻬﺎ . ﺑﻐﻴﺖ ﻧﻘﻮﻟﻴﻬﺎ ﺍﻧﻨﻲ ﻣﺎ ﻏﺎﺩﻳﺶ ﻧﺘﺤﻤﻞ ﺍﻟﻤﺴﺆﻭﻟﻴﺔ ﺍﻟﻰ ﺿﺎﻉ ﻭ ﺣﺸﻤﺖ . ﻭﺍﺣﺪ ﺍﻟﺸﻮﻳﺔ ﻟﺤﻖ ﻋﻠﻴﻬﻢ ﻭﺍﺣﺪ ﺁﺧﺮ ﻭ ﺩﺍﺭﻭ ﺣﺎﻟﺔ ﻓﺎﻟﻘﻬﻮﺓ . ﺗﺎﻳﻀﺤﻜﻮ ﺑﺠﻬﺪ ﻭ ﻫﻲ ﻛﺜﺮ . ﺍﻟﻜﻠﻴﺎﻥ ﻣﺮﺓ ﻣﺮﺓ ﺗﺎﻳﺸﻮﻓﻮ ﺟﻴﻬﺘﻬﻢ . ﻣﻠﻲ ﺟﺎﺕ ﺗﺎﺧﺪ ﺍﻟﺒﻮﺭﻃﺎﺑﻞ ﺑﻠﻰ ﻣﺎ ﻧﻘﻮﻟﻴﻬﺎ ﻭﺍﻟﻮ ﻗﺎﻟﺖ ﻟﻲ : ﺳﻤﺤﻲ ﻟﻴﺎ ﺧﺘﻲ ﻧﺴﺮﻳﻦ ﻭﻗﻴﻼ ﻋﻴﻘﻨﺎ . ﻫﺎﺩﻭﻙ ﻏﻴﺮ ﺻﺤﺎﺑﻲ ﻭ ﻣﺎ ﺗﺸﺎﻭﻓﻨﺎﺵ ﺷﺤﺎﻝ ﻫﺎﺩﻱ ! ﻗﻠﺘﻠﻬﺎ : ﻻ ﻫﺎﻧﻴﺔ ﺧﺪﻱ ﺭﺍﺣﺘﻚ ! ﻗﺒﻞ ﻣﺎ ﺗﻤﺸﻲ ﻓﺎﺟﺄﺗﻨﻲ ﻣﻠﻲ ﻗﺎﻟﺖ ﻟﻲ : ﻫﺎ ﺭﻗﻢ ﺍﻟﺘﻠﻔﻮﻥ ﺩﻳﺎﻟﻲ . ﺍﻟﻰ ﺳﺎﻟﻴﺘﻲ ﺗﺎﺻﻠﻲ ﺑﻴﺎ ﺑﻐﻴﺖ ﻧﺘﻌﺮﻑ ﻋﻠﻴﻚ ! ﺑﻨﺘﻲ ﻟﻴﺎ ﻣﻌﻘﻮﻟﺔ ﻭ ﻣﺎ ﻛﺮﻫﺘﺶ ﺗﻜﻮﻥ ﻋﻨﺪﻱ ﺻﺪﻳﻘﺔ ﺑﺤﺎﻟﻚ ! ﺑﻐﻴﺖ ﻧﺴﻮﻟﻬﺎ ﺍﺷﻨﻮ ﻫﻲ ﺍﻟﻤﻨﺎﺳﺒﺔ ﻭ ﻋﻼﺵ ﺍﻧﺎ ﺑﺎﻟﻀﺒﻂ ﻭ ﺟﺎﺗﻨﻲ ﺷﻮﻳﺔ ﻧﺎﻗﺼﺔ . ﻗﻠﺖ : ﺃﻭﻛﻲ ﻧﺤﺎﻭﻝ ﻧﻌﻴﻂ ﻟﻴﻚ ﻣﻠﻲ ﻧﻜﻮﻥ ﻣﺴﺎﻟﻴﺔ . ﻣﻠﻲ ﺑﻐﺎﺕ ﺗﻤﺸﻲ ﺟﺎﺕ ﻻﻛﻴﺲ ﻭ ﺧﻼﺕ ﻟﻴﺎ ﺑﻮﺭﺑﻮﺍﺭ ﺩﻳﺎﻝ 20 ﺩﺭﻫﻢ . ﻭ ﺧﺎ ﻋﻼﻗﺘﻲ ﻣﻊ ﺍﻟﺴﺮﺑﺎﻳﺎﺕ ﻣﺎﺷﻲ ﺗﺎﻟﻬﻴﻪ ﺿﻄﺮﻳﺖ ﻧﺴﻮﻝ ﻋﻠﻰ ﻭﺭﺩﺓ ﺷﻜﻮﻥ ﻫﻲ ﻭ ﺷﻨﻮ ﻛﺎﺩﻳﺮ . ﻭﺣﺪﺓ ﻣﻨﻬﻮﻡ ﻭ ﺳﻤﻴﺘﻬﺎ ﻧﺠﺎﺓ ﻗﺎﻟﺖ ﺑﺎﻥ ﻭﺭﺩﺓ ﻟﺒﺎﺱ ﻋﻠﻴﻬﺎ، ﻭﺍﻟﺪﻳﻬﺎ ﻓﺎﻟﺨﺎﺭﺝ ﻭ ﻋﺎﻳﺸﺔ ﺑﻮﺣﺪﻫﺎ . ﻋﻨﺪﻫﺎ ﻃﻮﻣﻮﺑﻴﻞ ﻣﻦ ﺍﻟﻄﺮﺍﺯ ﺍﻟﻐﺎﻟﻲ ﻭ ﻋﺎﻳﺸﺔ ﺣﺮﺓ . ﺗﺨﺮﺝ ﻓﻴﻦ ﺑﻐﺎﺕ ﻭ ﻭﻗﺖ ﻣﺎ ﺑﻐﺎﺕ ! ﻋﻘﻠﻲ ﻣﺸﻰ ﻟﺠﻴﻬﺔ ﺧﺮﻯ ﻭ ﻧﺠﺎﺓ ﺣﺴﺎﺕ ﺑﻴﺎ ﻭ ﻗﺎﻟﺖ : ﻣﺎﻟﻚ ﺍﺧﺘﻲ ﻣﻜﻠﺨﺔ؟ ﺭﺍﻩ ﻗﻠﺖ ﻟﻴﻚ ﻟﺒﺎﺱ ﻋﻠﻴﻬﺎ ﻳﻌﻨﻲ ﻣﺎﻣﺎﺣﺘﺠﺎﺵ ! ﻫﻲ ﺍﺧﺘﺎﺭﺕ ﺗﻌﻴﺶ ﻛﻤﺎ ﺑﻐﺎﺕ ﻭ ﺻﺎﻓﻲ . ﻣﺎ ﺗﻤﺸﻴﺶ ﺑﻌﻴﺪ ! ﺗﺮﺩﺩﺕ ﻭ ﻭﻟﻴﺖ ﺩﻭﻳﺖ ﻟﻴﻬﺎ ﻋﻠﻰ
ﻗﻀﻴﺔ ﺍﻟﺘﻠﻔﻮﻥ . ﻧﺠﺎﺓ ﺟﺎﺗﻬﺎ ﻋﺎﺩﻳﺔ ﻭ ﺯﺍﺩﺕ ﺷﺠﻌﺘﻨﻲ . ﻭ ﺑﺎﺵ ﺗﻘﻨﻌﻨﻲ ﻗﺎﻟﺖ : ﺍﻟﻠﻬﻢ ﺗﺼﺎﺣﺒﻲ ﻣﻊ ﻭﺣﺪﺓ ﺷﺒﻌﺎﻧﺔ ﻭ ﻻ ﺷﻲ ﻣﺰﻟﻮﻃﺔ ﺑﺤﺎﻟﻲ ﻫﻬﻬﻬﻪ . ﻣﺎ ﻋﻨﺪﻛﺶ ﻣﻨﺎﺵ ﺗﺨﺎﻓﻲ . ﺭﺑﻤﺎ ﺣﺎﺳﺔ ﺑﺎﻟﻮﺣﺪﺓ ﻭ ﺑﻐﺎﺕ ﺍﻟﻠﻲ ﻳﻌﻤﺮ ﻋﻠﻴﻬﺎ . ﺭﺍﻩ ﻣﺎﺷﻲ ﺍﻱ ﺑﻨﺖ ﻋﺎﻳﺸﺔ ﻫﺎﺩ ﺍﻟﻌﻴﺸﺔ ﻏﺎﺗﻜﻮﻥ ﺑﺎﻟﻀﺮﻭﺭﺓ ﺧﺎﺭﺟﺔ ﺍﻟﻄﺮﻳﻖ
ﻧﻬﺎﺭ ﺍﻟﺤﺪ ﻣﺎ ﺗﻨﺨﺪﻣﺶ ﻭ ﻣﻠﻲ ﻓﻘﺖ ﻭ ﻧﺎ ﻣﺸﻄﻮﻧﺔ . ﻧﺪﻭﻱ ﻣﻊ ﻭﺭﺩﺓ؟ ﻻ ﺑﻼﺵ؟ ﻓﺎﻟﺨﺮ ﻗﻨﻌﺖ ﺭﺍﺳﻲ ! ﻣﻠﻲ ﻣﺎ ﺑﺎﻏﻴﺎﺵ ﻧﻬﻀﺮ ﻣﻌﺎﻫﺎ ﻛﺎﻥ ﻋﻠﻴﺎ ﻣﺎ ﻧﺎﺧﺪﺵ ﺍﻟﺘﻠﻔﻮﻥ ﺩﻳﺎﻟﻬﺎ ! ﻭ ﺯﻳﺪﻭﻥ ﺍﺵ ﻏﺎﻳﻮﻗﻊ ﺑﺎﻟﺴﻼﻣﺔ؟ ﺍﻟﻮ ﻻﺑﺎﺱ ﺑﺨﻴﺮ ﻭ ﺻﺎﻓﻲ ! ﻣﺎ ﺗﻴﺠﻤﻌﻨﺎ ﻭﺍﻟﻮ ! ﺧﺪﻳﺖ ﺍﻟﺒﻮﺭﻃﺎﺑﻞ ﻭ ﺭﻛﺒﺖ ﺍﻟﺮﻗﻢ . ﺧﻼﻝ ﺛﻮﺍﻧﻲ ﺟﺎﻭﺑﺎﺗﻨﻲ :
- ﺍﻟﻮ ﺷﻜﻮﻥ !
- ﺍﻧﺎ ﻧﺴﺮﻳﻦ . ﺳﻤﺤﻲ ﻟﻴﺎ ﻣﺎ ﺧﻠﻴﺖ ﻟﻴﻚ ﺍﻟﺮﻗﻢ ﺩﻳﺎﻟﻲ !
- ﺍﻩ ﻻ ﻫﺎﻧﻴﺔ ! ﺻﺎﻓﺎ؟ ﻓﻴﻨﻚ،
- ﺍﻧﺎ ﻓﺎﻟﺪﺍﺭ !
- ﻣﺎﺧﺪﻣﺎﺵ ﺍﻟﻴﻮﻡ؟
- ﻻ ﺍﻟﻴﻮﻡ ﺭﺍﺣﺔ .
- ﺍﻩ ﺍﻭﻛﻲ . ﻻﺑﺪ ﻧﺪﻳﺮﻭ ﺷﻲ ﻗﻬﻴﻮﺓ . ﺷﻮﻓﻲ ﻋﺮﻓﺘﻲ ﺍﻟﺘﺮﻣﻴﻨﻮﺱ ﺩﻳﺎﻝ ﺍﻟﻄﻮﺑﻴﺲ ﺍﻟﻠﻲ ﺣﺪﺍ ﻻﺑﻮﺳﻂ ﺍﻟﻜﺒﻴﺮﺓ؟
- ﺍﻳﻪ ﻋﺮﻓﺘﻮ
- ﺍﻭﻛﻲ ﻧﺘﻠﻘﺎﻭ ﺗﻤﺎ . ﺗﺴﻨﺎﻳﻨﻲ ﻏﺎﻧﻠﺤﻖ ﻋﻠﻴﻚ . ﺩﺍﺑﺎ ﻫﺎﺩﻱ 9h ﻧﺪﻳﺮﻭ 11h . ﻣﻨﺎﺳﺒﻚ ﻫﺎﺩ ﺍﻟﻮﻗﺖ؟ ﺗﻠﻔﺖ ﻣﺎ ﺑﻘﻴﺘﺶ ﻋﺎﺭﻓﺔ ﺍﺵ ﻧﻘﻮﻝ ﻭ ﻗﺒﻠﺖ ﺍﻟﺪﻋﻮﺓ .
ﺑﺎﻗﻴﺔ ﺳﺎﻋﺘﻴﻦ ﻟﻠﻤﻮﻋﺪ . ﺟﺎﺗﻨﻲ ﺑﺤﺎﻝ ﺍﻟﻰ ﻏﺎﺩﻳﺔ ﻟﺸﻲ ﻋﺮﺱ . ﺍﻭﻝ ﻣﺮﺓ ﻓﺤﻴﺎﺗﻲ ﺷﻲ ﺣﺪ ﻳﻌﺮﺽ ﻋﻠﻴﺎ ﻭ ﺧﺎﻳﻔﺔ ﻣﺎ ﻧﻜﻮﻧﺶ ﻓﺎﻟﻤﺴﺘﻮﻯ . ﻟﻜﻦ ﺍﻟﺨﻮﻑ ﺍﻟﻜﺒﻴﺮ ﻫﻮ ﻣﻠﻲ ﺗﺴﻮﻟﻨﻲ ﺷﻜﻮﻥ ﺍﻧﺎ ﻭ ﻣﻨﻴﻦ ﺍﺻﻠﻲ ﻭ ﻓﺼﻠﻲ ! ﻫﺎﺩ ﺍﻟﻌﻘﺪﺓ ﻭ ﺧﺎ ﺗﺎﻧﺤﺎﻭﻝ ﻧﺘﺠﺎﻭﺯﻫﺎ ﻣﺎ ﻗﺪﺭﺍﺵ ﻧﻔﺮﺽ ﺭﺍﺳﻲ ﻋﻠﻤﺠﺘﻤﻊ ﻭ ﻧﺨﻠﻲ ﺍﻟﻨﺎﺱ ﻳﺤﻜﻤﻮ ﻋﻠﻴﺎ ﻣﻦ ﺧﻼﻝ ﺗﺼﺮﻓﺎﺗﻲ ﻣﺎﺷﻲ ﻣﻦ ﺧﻼﻝ ﻋﺎﺋﻠﺘﻲ . ﺑﻌﺾ ﺍﻟﻤﺮﺍﺕ ﻛﻨﺘﺴﺎﺀﻝ ﻛﻴﻔﺎﺵ ﺭﺍﺟﻠﻲ ﺍﻟﻤﺴﺘﻘﺒﻠﻲ ﻭ ﺍﻟﻤﻔﺘﺮﺽ، ﻏﺎﻳﺘﻘﺒﻠﻨﻲ ﻣﻠﻲ ﻳﻌﺮﻑ ﺑﻠﻲ ﺍﻧﺎ ﺑﻨﺖ ﺍﻟﺨﻴﺮﻳﺔ ﻭ ﻣﺎ ﻋﻨﺪﻱ ﺃﻫﻞ ! ﺇﻣﻜﻦ ﻳﻜﻮﻥ ﺷﻲ ﻭﺍﺣﺪ ﻣﺘﻔﺘﺢ ﻭ ﺃﻓﻜﺎﺭﻭ ﻣﻐﺎﻳﺮﺓ؟ ﻋﻠﻰ ﻣﺎ ﺗﻨﺴﻤﻊ ﻭ ﻛﺎﻧﺸﻮﻑ ﻣﺴﺘﺤﻴﻞ ﺍﻛﻮﻥ ﻫﺎﺩ ﺍﻟﻨﻮﻉ ﻣﻦ ﺍﻟﺮﺟﺎﻝ ! ﻭﺍﺵ ﻧﻜﺬﺏ ﻛﻤﺎ ﺍﻟﻌﺎﺩﺓ ﻭ ﻧﻌﻄﻴﻬﺎ ﺻﻮﺭﺓ ﻣﺨﺘﺎﻟﻔﺔ ﻋﺎﻟﻮﺍﻗﻊ؟ ﺍﻟﺴﻴﺪﺓ ﻣﺎ ﺑﻴﻨﻲ ﻭ ﺑﻴﻨﻬﺎ ﻭﺍﻟﻮ، ﻋﻼﺵ ﻧﺼﺪﻉ ﺭﺍﺳﻲ؟ ﻟﻜﻦ ﺣﺴﻴﺖ ﺑﻠﻲ ﻣﺤﺘﺎﺟﺔ ﻟﻠﻲ ﻳﺨﻔﻒ ﻋﻠﻴﺎ ﻭ ﻳﻮﺍﺳﻴﻨﻲ . ﺣﺘﺎﻟﻴﻦ ﻏﺎﻧﺒﻘﻰ ﺑﻮﺣﺪﻱ ﻣﺨﺒﻴﺔ ! ﺍﺷﻨﻮ ﺍﻟﻔﺮﻕ ﺑﻴﻨﺎﻧﺘﺎ؟ ﺣﺘﻰ ﻫﻲ ﺑﻮﺣﺪﻫﺎ ﻭﺍﺧﺎ ﻭﺍﻟﻴﺪﻳﻬﺎ ﻋﺎﻳﺸﻴﻦ ! ﻣﺎ ﻋﺮﻓﺘﺶ ﺍﻟﻮﻗﺖ ﻛﻴﻔﺎﺵ ﺩﺍﺯ ﺑﺎﻟﺰﺭﺑﺔ ! 10h 45 ﻟﻘﺎﺗﻨﻲ ﻋﻨﺪ ﺍﻟﻄﻮﺑﻴﺲ . 11h05 ﻭﺭﺩﺓ ﻭﻗﻔﺎﺕ ﺍﻟﻄﻮﻣﻮﺑﻴﻞ ﻭ ﻛﺎﺗﻜﻼﻛﺴﻮﻧﻲ . ﺣﻠﻴﺖ ﺍﻟﺒﺎﺏ ﻭ ﺭﻛﺒﺖ ﻭ ﺳﻠﻤﺖ ﻋﻠﻴﻬﺎ . ﺍﻟﻄﺮﻳﻖ ﺧﺎﻭﻳﺔ ﻭ ﺑﺎﻳﻦ ﺑﻠﻲ ﻣﺘﻤﻜﻨﺔ ﻣﻦ ﺍﻟﺴﻴﺎﻗﺔ . ﺑﻠﻰ ﻣﺎ ﺗﻄﻠﺐ ﺭﺃﻳﻲ ﺷﺪﺍﺕ ﻃﺮﻳﻖ ﺍﻟﻜﻮﺭﻧﻴﺶ ﻭ ﻣﻦ ﺑﻌﺪ ﺛﻠﺚ ﺳﺎﻋﺔ ﻭﻗﻔﻨﺎ ﻓﻮﺍﺣﺪ ﺍﻟﺒﺎﺭﻛﻴﻨﻎ . ﺍﻟﻘﻬﻮﺓ / ﻣﻄﻌﻢ ﺍﻟﻠﻲ ﺧﺘﺎﺭﺕ ﻛﺎﻧﺖ ﻗﺮﻳﺒﺔ ﻣﻦ ﻭﺍﺣﺪ ﺍﻟﺴﺎﺣﺔ ﻛﺒﻴﺮﺓ ﻭ ﻋﺎﻣﺮﺓ . ﺍﻷﻏﻠﺒﻴﺔ ﻋﺎﺋﻼﺕ ﺑﻮﻻﺩﻫﻢ . ﻛﺎﻧﺖ ﻗﻬﻮﺓ ﻣﺠﻬﺰﺓ ﻭ ﻋﺼﺮﻳﺔ ﻭ ﺃﻭﻝ ﻣﺮﺓ ﻏﺎﻧﺸﻮﻑ ﻫﺎﺩ ﺍﻟﻨﻮﻉ ﺩﻳﺎﻝ ﺍﻟﻘﻬﺎﻭﻱ . ﺟﺎﺑﻠﻲ ﺍﻟﻠﻪ ﺑﺤﺎﻝ ﺍﻟﻰ ﻣﺎﺷﻲ ﻓﺎﻟﻤﻐﺮﺏ ﻫﻬﻬﻬﻪ . ﺍﻟﻘﻬﻮﺓ ﺍﻟﻠﻲ ﺧﺪﺍﻣﺔ ﻓﻴﻬﺎ ﺯﻭﻳﻨﺔ ﻭ ﻟﻜﻦ ﻣﺎ ﻭﺻﻼﺗﺶ ﻟﻬﺎﺩﻱ ﻣﻦ ﻧﺎﺣﻴﺔ ﺍﻟﺪﻳﻜﻮﺭ ﻭ ﺍﻟﻨﻮﻉ ﺩﻳﺎﻝ ﺍﻟﻜﻠﻴﺎﻥ . ﻣﺎ ﻛﺎﻳﻦ ﻏﻴﺮ ﺍﻟﻠﻐﺎﺕ ﺍﻷﺟﻨﺒﻴﺔ ﺗﺎﺗﺸﻴﺮ . ﺍﻟﻐﺎﻟﺒﻴﺔ ﺩﻳﺎﻝ ﺍﻟﻨﺎﺱ ﺃﺟﺎﻧﺐ . ﻭﺭﺩﺓ ﺑﺎﻳﻦ ﺃﻧﻬﺎ ﻣﺎﺷﻲ ﺟﺪﻳﺪﺓ ﻓﻬﺎﺩ ﺍﻟﻤﻜﺎﻥ . ﺍﻭﻝ ﻣﺎ ﺩﺧﻠﻨﺎ ﺟﺎﻭ ﺍﻟﺴﺮﺑﺎﻳﺔ ﺗﺎﻳﺮﺣﺒﻮ ﺑﻬﺎ ﻭ ﻳﺴﻠﻤﻮ ﻋﻠﻴﻬﺎ ﻭ ﻳﺴﻮﻟﻬﺎ : ﻓﻴﻦ ﻫﺎﺩ ﺍﻟﻐﺒﻮﺭ ! ﺷﺪﻳﻨﺎ ﻭﺍﺣﺪ ﺍﻟﻄﺒﻠﺔ ﻗﺮﻳﺒﺔ ﻟﻠﻜﻮﻧﻄﻮﺍﺭ ﻭ ﻣﻦ ﺑﻌﺪ ﻣﺎ ﺳﻮﻟﺘﻨﻲ ﺁﺵ ﻧﺸﺮﺏ ﻋﻴﻄﺎﺕ ﻋﻠﻰ ﻭﺍﺣﺪ ﺍﻟﺴﺮﺑﺎﻱ ﻭ ﻃﻠﺒﺎﺗﻮ ﻳﺎﺧﺪ ﻟﻴﻬﺎ ﺑﺎﻛﻴﺔ ﺩﻳﺎﻝ ﺍﻟﻜﺎﺭﻭ !!! ﺟﺎﻧﻲ ﺍﻟﻌﺠﺐ ﻣﺎ ﻋﻤﺮﻧﻲ ﺷﻔﺘﻬﺎ ﻛﺎﺗﻜﻤﻲ . ﻭﻛﺎﻧﺖ ﺍﻟﻤﻔﺎﺟﺄﺓ ﺍﻟﻜﺒﻴﺮﺓ ﻣﻠﻲ ﻗﺎﻟﺖ ﻟﻴﻬﻢ ﺍﺩﻳﺮﻭ ﺑﺤﺴﺎﺑﻨﺎ ﻓﺎﻟﻐﺪﺍ ! ﻣﺎ ﺣﺎﻭﻻﺗﺶ ﺗﺴﻮﻟﻨﻲ ﻭﺍﺵ ﻣﻮﺍﻓﻘﺔ ﺍﻭ ﻻ ﻻ ﻭ ﻣﺎ ﻛﺎﻥ ﻋﻨﺪﻱ ﺣﺘﻰ ﺷﻲ ﻣﺎﻧﻊ
ليست هناك تعليقات