قصة بنت الخيرية - الجزء 4
قصة بنت الخيرية
- الجزء 4
ﺑﺪﻳﻨﺎ ﺑﻌﺼﻴﺮ ﺑﻨﺎﺷﻲ ﻭ ﻻﻭﻝ ﻣﺮﺓ ﻏﺎﺗﻮﺟﻪ ﻟﻴﺎ ﺑﺎﻟﻜﻼﻡ ﺑﺤﺎﻝ ﺍﻟﻰ ﻳﻼﻩ ﺗﻼﻗﻴﻨﺎ :
- ﺳﻤﺤﻲ ﻟﻲ ﻋﺮﺿﺖ ﻋﻠﻴﻚ ﻟﻐﺪﺍ ﺑﻼ ﻣﺎ ﻧﺴﻮﻟﻚ ﻳﺎﻛﻤﺎ ﻛﺎﻳﺘﺴﻨﺎﻙ ﺷﻲ ﺣﺪ ! ﻳﺎﻙ ﻣﺎﺷﻲ ﻣﺸﻜﻞ؟
ﺷﻔﺖ ﻓﻴﻬﺎ ﻭ ﺍﺑﺘﺴﻤﺖ ﻭ ﺟﺎﻭﺑﺘﻬﺎ ﺑﺄﻧﻨﻲ ﺍﻟﻴﻮﻡ ﺭﺍﺣﺔ ﻭﺑﻐﻴﺖ ﻧﻔﻮﺝ ﺷﻮﻳﺔ ﻋﻠﻰ ﺭﺍﺳﻲ . ﻋﺠﺒﺎﻫﺎ ﺍﻟﺠﻮﺍﺏ ﺩﻳﺎﻟﻲ ﻭ ﺗﺸﺠﻌﺎﺕ ﺑﺎﺵ ﺗﺰﻳﺪ ﺗﻘﺮﺏ ﻣﻨﻲ ﻛﺜﺮ !
- ﻋﺎﻳﺸﺔ ﺑﻮﺣﺪﻙ ﻭﻻ ﻣﻊ ﻻﻓﺎﻣﻴﻲ؟
ﻣﺎ ﻛﻨﺘﺶ ﻛﻨﺘﺴﻨﻰ ﺇﺟﻲ ﻫﺎﺩ ﺍﻟﺴﺆﺍﻝ ﻭ ﺣﻨﺎ ﻳﻼﻩ ﺑﺪﻳﻨﺎ ﻧﺘﻌﺎﺭﻓﻮ . ﺁﺧﺮ ﺣﺎﺟﺔ ﻓﻜﺮﺕ ﻓﻴﻬﺎ . ﺑﺎﺵ ﻏﺎﻧﺠﺎﻭﺑﻬﺎ؟ ﻧﺪﻳﺮ ﻛﻤﺎ ﺍﻟﻌﺎﺩﺓ ﻭ ﻧﺨﻠﻖ ﺻﻮﺭﺓ ﻣﻐﺎﻳﺮﺓ ﻟﻠﻮﺍﻗﻊ ﻭﻻ ﻧﻜﻮﻥ ﺻﺮﻳﺤﺔ ﻭ ﻧﻘﻮﻝ ﺍﻟﻠﻲ ﻛﺎﻳﻦ؟ ﻋﻘﻠﻲ ﻭ ﻻ ﺧﺪﺍﻡ ﺑﺎﻟﺰﺭﺑﺔ ﻭ ﻣﺎ ﺑﻐﻴﺘﺶ ﻧﺒﺎﻥ ﻣﺘﻮﺛﺮﺓ . ﻗﺮﺭﺕ ﻧﻘﻮﻝ ﺍﻟﺤﻘﻴﻘﺔ ﺣﻴﺚ ﻣﺎ ﻋﻨﺪﻱ ﻣﺎ ﻧﺨﺴﺮ . ﻗﺒﻼﺗﻨﻲ ﺑﺼﻔﺘﻲ ﺗﺒﺎﺭﻙ ﺍﻟﻠﻪ ﻭ ﺍﻟﻰ ﻛﺎﻥ ﻋﻨﺪﻫﺎ ﺷﻲ ﻣﻮﻗﻒ ﺩﺑﺮ ﺭﺍﺳﻬﺎ . ﻣﺎ ﻣﺸﺎﺭﻛﻴﻦ ﻭﺍﻟﻮ ﻭﻛﻞ ﻭﺍﺣﺪ ﺍﺷﺪ ﻃﺮﻳﻘﻮ .
- ﻟﻸﺳﻒ ﻣﺎ ﻋﻨﺪﻱ ﺗﺎﻭﺣﺪ ! ﺍﻧﺎ ﻣﻨﻬﺎﺭ ﻋﻘﻠﺖ ﻭ ﻧﺎ ﻋﺎﻳﺸﺔ ﻓﺎﻟﺨﻴﺮﻳﺔ . ﻣﺎ ﺗﻨﻌﺮﻑ ﻻ ﺃﺏ ﻭ ﻻ ﺍﻡ ﻭﻻ ﺧﻮﺕ ! ﻻﻗﺎﻧﻲ ﺍﻟﻠﻪ ﻣﻊ ﻧﺎﺱ ﺍﻟﻠﻲ ﺗﻬﻼﻭ ﻓﻴﺎ ﺣﺘﻰ ﻭﻟﻴﺖ ﻗﺎﺩﺓ ﻧﺘﺤﻤﻞ ﻣﺴﺆﻭﻟﻴﺘﻲ ﻭ ﻧﺴﺘﻘﻞ ﺑﺤﻴﺎﺗﻲ . ﺣﺘﻰ ﺍﻟﺒﺎﺗﺮﻭﻥ ﺍﻟﻠﻲ ﻣﺨﺪﻣﻨﻲ ﻓﺎﻟﻘﻬﻮﺓ ﻣﺎ ﻗﺼﺮﺵ ﻭ ﻋﻄﺎﻧﻲ ﻓﻴﻦ ﻧﺴﻜﻦ ﻭﻧﺘﺴﺘﺮ .
ﻫﺰﺍﺕ ﺭﺍﺳﻬﺎ ﺍﻟﻔﻮﻕ ﻭ ﺻﺎﺗﺖ ﺍﻟﺪﺧﺎﻥ ﻭ ﺑﻘﺎﺕ ﻛﺎﺗﺸﻮﻑ ﻓﻴﺎ . ﻛﺎﻧﺖ ﻟﺤﻈﺎﺕ ﻋﺴﻴﺮﺓ ﺑﺎﻟﻨﺴﺒﺔ ﻟﻴﺎ . ﺍﺵ ﻏﺎﻳﻜﻮﻥ ﺍﻟﺮﺩ ﺩﻳﺎﻟﻬﺎ؟ ﻳﺎﻛﻤﺎ ﺯﺭﺑﺖ ﻭ ﻛﺎﻥ ﻋﻠﻴﺎ ﻧﺘﺴﻨﺎ ﺣﺘﻰ ﻧﻌﺮﻓﻬﺎ ﻣﺰﻳﺎﻥ ﻋﺎﺩ ﻧﻘﻮﻝ ﺷﻜﻮﻥ ﺃﻧﺎ؟ ﻋﻼﺵ ﻫﺎﺩ ﺍﻟﺼﻤﺖ ﻛﺎﻣﻞ؟
ﻣﺎ ﺗﻬﻨﻴﺖ ﺣﺘﻰ ﺑﺘﺎﺳﻤﺎﺕ ﻭﺑﺪﺍﺕ ﺗﻄﻔﻲ ﺍﻟﻜﺎﺭﻭ ﻓﺎﻟﻄﻔﺎﻳﺔ . ﺗﺨﻨﻘﺖ ﻭ ﺑﺪﻳﺖ ﻛﺎﻧﻜﺢ !
- ﺳﻤﺤﻲ ﻟﻴﺎ، ﻣﺮﺓ ﺧﺮﻯ ﻧﻤﺸﻲ ﻧﻜﻤﻲ ﻓﻠﻴﻄﻮﺍﻟﻴﺖ !
- ﻻ ﺧﺬﻱ ﺭﺍﺣﺘﻚ ! ﻏﻴﺮ ﻣﺎ ﻋﻤﺮﻧﻲ ﻛﻨﺖ ﻗﺮﻳﺒﺔ ﻣﻦ ﺷﻲ ﺣﺪ ﻛﺎﻳﻜﻤﻲ !
- ﺍﻭﻛﻲ . ﻻﺣﻈﺖ ﺑﻠﻲ ﻛﺎﺗﻬﻀﺮﻱ ﻋﻠﻰ ﺭﺍﺳﻚ ﻭ ﻧﺘﻲ ﻣﺘﻮﺛﺮﺓ ! ﺷﻮﻓﻲ ﻏﺎﻧﻘﻮﻟﻚ ﻭﺍﺣﺪ ﺍﻟﺤﺎﺟﺔ ! ﻋﻨﺪﺍﻙ ﺍﺳﺤﺎﺏ ﻟﻴﻚ ﻛﺎﻉ ﺍﻟﻠﻲ ﻋﻨﺪﻫﻮﻡ ﻭﺍﻟﻴﺪﻳﻬﻢ ﺭﺍﻫﻢ ﻋﺎﻳﺸﻴﻦ ﻓﺎﻟﺴﻌﺎﺩﺓ ﻭ ﺍﻟﻬﻨﺎﺀ ! ﻛﺎﻳﻨﻴﻦ ﺍﻟﻠﻲ ﺟﺎﻣﻌﻬﻮﻡ ﻏﻴﺮ ﺍﻟﺴﻘﻒ . ﺍﻟﻤﺠﺘﻤﻊ ﺍﻟﻠﻲ ﻋﺎﻳﺸﻴﻦ ﻓﻴﻪ ﻣﻨﺎﻓﻖ ﺩﺍﻛﺸﻲ ﻋﻼﺵ ﺗﺎﻧﺤﻜﻤﻮ ﻋﻠﻰ ﺍﻟﻨﺎﺱ ﻣﻦ ﺧﻼﻝ ﺍﻟﻤﻈﺎﻫﺮ . ﻋﻨﺪﺍﻙ ﺗﺸﻮﻓﻲ ﻫﺎﺩﻭ ﺍﻟﻠﻲ ﻗﺪﺍﻣﻚ ﺿﺎﺣﻜﻴﻦ ﻭ ﺗﻘﻮﻟﻲ ﻭﺍﻭ ﻛﻮﻥ ﻟﻘﻴﺖ ﻧﻜﻮﻥ ﺑﺤﺎﻟﻬﻮﻡ ! ﺗﻠﻘﺎﻱ ﺍﻻﻏﻠﺒﻴﺔ ﻓﻴﻬﻮﻡ ﺳﻮﻯ ﻣﻐﺎﺭﺑﺔ ﺳﻮﻯ ﺍﺟﺎﻧﺐ ﻛﺎﻳﺘﺄﻟﻤﻮﺍ ﺩﺍﺧﻠﻴﺎ ! ﻏﻴﺮ ﺍﻟﻔﺮﻕ ﻫﻮ ﺍﻧﻬﻢ ﻛﺎﻳﻌﺮﻓﻮ ﺍﺧﺘﺎﺭﻭ ﺍﻷﻗﻨﻌﺔ ﺑﺎﺵ ﺍﺑﺎﻧﻮ ﻗﺪﺍﻡ ﺍﻟﻨﺎﺱ ﺑﺨﻴﺮ ﻭ ﻣﺎ ﻋﻨﺪﻫﻮﻡ ﺣﺘﻰ ﻧﻘﺺ ! ﻫﺎﺩﺷﻲ ﻋﻼﺵ ﺧﺎﺻﻚ ﺗﻜﻮﻧﻲ ﻣﻔﺘﺎﺧﺮﺓ ﺑﺮﺍﺳﻚ ﻷﻧﻚ ﻗﺪﺭﺗﻲ ﺗﺠﺎﻭﺯﻱ ﺃﻗﺴﻰ ﺍﻟﻤﺮﺍﺣﻞ . ﻭ ﻣﺎ ﻋﻤﺮﻙ ﺗﻔﻜﺮﻱ ﺑﺄﻧﻚ ﻧﺎﻗﺼﺔ . ﻣﺎ ﺩﻭﻳﺘﺶ ﻟﻴﻚ ﻋﻠﻰ ﺭﺍﺳﻲ . ﺗﻘﺪﺭﻱ ﺗﻘﻮﻟﻲ ﺑﻠﻲ ﺍﻧﺎ ﻭﻳﺎﻙ ﺑﺤﺎﻝ ﺑﺤﺎﻝ . . ﻭﺍﻟﺪﻳﺎ ﻣﺎﻋﺸﺘﺶ ﻣﻌﺎﻫﻢ ﺑﺰﺍﻑ . ﻛﺎﻧﻮ ﻣﻔﺎﺭﻗﻴﻦ ﻭ ﻛﻞ ﻭﺍﺣﺪ ﻣﺸﻰ ﻳﻘﻠﺐ ﻋﻠﻰ ﺭﺍﺳﻮ . ﺟﺪﺗﻲ ﻣﻦ ﻣﺎﻣﺎ ﻫﻲ ﺍﻟﻠﻲ ﺗﻜﻠﻔﺎﺕ ﺑﻴﺎ ﺣﺘﻰ ﻛﺒﺮﺕ ﻭ ﻭﻻﺕ ﻋﻨﺪﻱ 19 ﺳﻨﺔ ﻭ ﺩﺍﺑﺎ ﻋﻨﺪﻱ 21 ﺳﻨﺔ . ﻫﺎﺩﻱ ﻋﺎﻣﻴﻦ ﺑﺎﺵ ﺧﺮﺟﺖ ﻣﻦ ﺍﻟﺪﺍﺭ ﻭ ﺳﻜﻨﺖ ﺑﻮﺣﺪﻱ . ﺟﺪﺗﻲ ﻣﺎ ﺑﻐﺎﺗﻨﻴﺶ ﻧﺨﺮﺝ ﻭ ﻣﻠﻲ ﻋﺮﻓﺎﺕ ﺃﻧﻨﻲ ﻗﺮﺭﺕ ﻓﻀﻼﺕ ﺗﻘﺒﻞ ﻋﻠﻰ ﺍﻧﻬﺎ ﺗﻔﻘﺪﻧﻲ ﺑﻤﺮﺓ . ﻭﺍﻟﺪﻳﺎ ﻋﺎﻳﺸﻴﻦ ﺑﺮﺍ ﻭ ﻛﺎﻧﻤﺸﻲ ﻋﻨﺪﻫﻮﻡ ﻭﻗﺖ ﻣﺎ ﺟﺎﺕ ﺍﻟﻔﺮﺻﺔ . ﻫﻤﺎ ﻗﻠﻴﻞ ﻓﺎﺵ ﺗﺎﻳﺠﻴﻮ ! ﺧﻼﻭ ﻟﻲ ﺍﻟﻔﻴﻼ ﺍﻟﺼﻐﻴﺮﺓ ﻓﺎﺵ ﻋﺎﻳﺸﺔ ﻭ ﻣﺎﺩﻳﺎ ﻣﺎ ﻣﻘﺼﺮﻳﻨﺶ . ﻏﻴﺮ ﺑﺎﺵ ﺗﻌﺮﻓﻲ ﺑﻠﻲ ﺭﺍﻛﻲ ﻣﺎﺷﻲ ﺑﻮﺣﺪﻙ ﺍﻟﻠﻲ ﻋﺎﻳﺸﺔ ﺷﺒﻪ ﻳﺘﻴﻤﺔ . ﺣﻨﺎ ﻋﺎﺭﻓﻴﻨﻬﻮﻡ ﻭ ﻟﻜﻦ ﻓﻴﻦ ﻫﻤﺎ؟ ﺃﺻﻌﺐ ﺍﻟﻠﺤﻈﺎﺕ ﻣﻠﻲ ﺗﺎﻳﻮﺍﺟﻬﻚ ﺷﻲ ﻣﺸﻜﻞ ﻭ ﺗﻘﻮﻟﻲ ﻳﺎ ﺭﻳﺖ ﻛﻮﻥ ﻟﻘﻴﺘﻬﻮﻡ ﺟﻨﺒﻲ ! ﺻﺤﻴﺢ ﻭ ﻟﻜﻦ ﺍﻟﻰ ﻛﺎﻧﻮ ﺣﺪﺍﻙ ﻭ ﻣﺎ ﻣﻤﺴﻮﻗﻴﻨﺶ ﺑﺤﺎﻝ ﻧﻴﺖ ﺍﻟﻰ ﻣﺎ ﻛﺎﻳﻨﻴﻨﺶ ﻓﻬﻤﺘﻲ؟
ﺃﻭﻝ ﻣﺮﺓ ﻓﺤﻴﺎﺗﻲ . ﻛﺎﻧﺘﻼﻗﻰ ﺍﻧﺴﺎﻥ ﻓﻬﻤﻨﻲ ﻭ ﺣﺲ ﺑﻴﺎ . ﻣﺎ ﺗﺼﻮﺭﻭﺵ ﻗﺪﺍﺵ ﺍﻟﻔﺮﺣﺔ ﺩﻳﺎﻟﻲ ﻭ ﻧﺎ ﻛﻨﺴﻤﻊ ﻭﺭﺩﺓ ﻛﺎﺗﻬﻀﺮ . ﻛﻼﻣﻬﺎ ﻋﻄﺎﻧﻲ ﻗﻮﺓ ﻭ ﺑﺤﺎﻝ ﺍﻟﻰ ﺗﻮﻟﺪﺕ ﻣﻦ ﺟﺪﻳﺪ ! ﻟﻜﻦ ﻭﺍﺧﺎ ﻫﻀﺮﺗﻬﺎ ﻛﺎﻧﺖ ﺯﻭﻳﻨﺔ ﻭ ﻣﺮﺯﻧﺔ ﺧﺎﻃﺮﻱ ﻣﺎ ﻛﺎﻧﺶ ﻣﺮﺗﺎﺡ .%100 ﻭﺍﺵ ﻏﻴﺮ ﺍﻟﺼﺪﻓﺔ ﺍﻟﻠﻲ ﻻﻗﺘﻨﺎ ﺍﻭ ﺍﻥ ﺍﻟﻘﻀﻴﺔ ﻣﺪﺭﻭﺳﺔ؟ ﺍﻣﻜﻦ ﻧﻜﻮﻧﻮ ﻋﺎﻳﺸﻴﻦ ﻧﻔﺲ ﺍﻟﻈﺮﻭﻑ ﻭﻟﻜﻦ ﻛﻤﺎ ﻛﺎﻥ ﺍﻟﺤﺎﻝ ﺍﻟﻔﺎﺭﻕ ﺍﻻﺟﺘﻤﺎﻋﻲ ﺑﻐﻴﺖ ﻭ ﻻ ﻛﺮﻫﺖ ﺗﺎﻳﺒﻘﻰ ﻓﺎﺻﻞ ﺑﻨﺎﺗﻨﺎ ! ﺍﻣﻜﻦ ﺗﻜﻮﻥ ﻧﻴﺘﻬﺎ ﺻﺎﻓﻴﺔ ﻭ ﺭﻏﻢ ﺫﻟﻚ ﻛﻤﺎ ﺗﺎﻧﻘﻮﻟﻮ ﻳﺠﺐ ﺃﺧﺬ ﺍﻟﺤﻴﻄﺔ ﻭ ﺍﻟﺤﺬﺭ
ﻓﻮﺍﺣﺪ ﺍﻟﻠﺤﻈﺔ ﺳﻮﻻﺗﻨﻲ : ﻋﻼﺵ ﺑﻨﺖ ﺻﻐﻴﺮﺓ ﻭ ﻏﺰﺍﻟﺔ ﺑﺤﺎﻟﻚ ﻣﻀﻴﻌﺔ ﺣﻴﺎﺗﻬﺎ ﻭﺭﺍﺀ ﺍﻟﻜﻮﻧﻄﻮﺍﺭ؟ ﻭﺍﺵ ﻏﺎﺗﺒﻘﺎﻱ ﺩﻳﻤﺎ ﺗﺎﺑﻌﺔ ﺍﻟﻘﻬﻮﺓ؟
- ﻻ ﺭﺍﻩ ﺑﺎﻗﺔ ﺗﺎﻧﻘﺮﺍ .... ﻣﻨﻴﻦ ﻏﺎﻧﺤﻴﺐ ﺍﻟﻤﺼﺎﺭﻳﻒ ﺩﻳﺎﻝ ﺍﻟﻘﺮﺍﻳﺔ ﻭ ﺍﻟﻤﻌﻴﺸﺔ ﺍﻟﻰ ﻣﺎ ﺧﺪﻣﺘﺶ؟ ﺍﻟﻰ ﻋﻮﻟﺖ ﻋﻠﻰ ﻻﺑﻮﺭﺱ ﺗﻤﺎ ﺑﻘﻴﺖ ! ﻭ ﺯﻳﺪﻭﻥ ﺑﺎﺵ ﻏﺎﻳﻔﻴﺪﻧﻲ ﻫﺎﺩ ﺍﻟﺼﻐﺮ ﻭ ﺍﻟﺠﻤﺎﻝ؟؟
ﻣﺎ ﺑﻐﻴﺘﺶ ﻧﺘﺴﺮﻉ ﻭ ﻧﺪﻳﺮ ﺭﺍﺳﻲ ﻓﺎﻫﻤﺔ ﺍﺵ ﻛﺎﺗﻘﺼﺪ . ﺑﻐﻴﺖ ﻧﺨﻠﻴﻬﺎ ﺗﻮﺿﺢ ﻛﺜﺮ ﺑﺎﺵ ﺗﺎ ﺍﻟﻰ ﻓﺮﺍﺳﻬﺎ ﺍﻟﻌﺠﻴﻨﺔ ﺗﺒﺎﻥ ﻣﻦ ﺩﺍﺑﺎ ! ﺍﻟﻠﻲ ﻻﺣﻈﺖ ﺍﻧﻬﺎ ﻣﺎ ﻛﺎﺗﺠﺎﻭﺑﺶ ﺩﻏﻴﺎ . ﻛﺎﺗﺎﺧﺪ ﻭﻗﺘﻬﺎ ﺑﺤﺎﻝ ﺍﻟﻰ ﻛﺎﺗﻔﻜﺮ ﺍﺵ ﺗﻘﻮﻝ ﻭ ﺗﺒﻘﻰ ﺗﻘﻠﺐ ﻓﺎﻟﺒﻮﺭﻃﺎﺑﻞ . ﻛﺎﻧﺒﻘﻰ ﺳﺎﻛﺘﺔ ﻭ ﻧﺘﺴﻨﻰ ﻓﺎﻟﺠﻮﺍﺏ !
- ﺳﻤﻌﻲ ﺃ ﻧﺴﺮﻳﻦ ! ﺍﻣﻜﻦ ﻓﻬﻤﺘﻴﻨﻲ ﻏﻠﻂ ! ﺍﻧﺎ ﻣﺎﺷﻲ ﺩﻳﺎﻝ ﺩﺍﻛﺸﻲ ﻭ ﻣﺎ ﻋﻤﺮﻧﻲ ﻛﻨﺖ ﻫﺎﻛﺎﻙ ! ﺍﻟﻠﻲ ﺑﻐﻴﺖ ﻧﻘﻮﻝ ﻫﻮ ﺍﻥ ﻛﺎﻳﻦ ﺷﻲ ﺧﺪﺍﻣﻲ ﻣﺤﺘﺮﻣﺔ ﺍﻟﻠﻲ ﻛﺎﻳﻄﻠﺒﻮ ﺍﻟﺒﻨﺖ ﺗﻜﻮﻥ ﻋﻨﺪﻫﺎ ﺷﻲ ﻣﻮﺍﺻﻔﺎﺕ ﺯﻳﺎﺩﺓ ﻋﻠﻘﺮﺍﻳﺔ ! ﺑﻐﻴﻨﺎ ﻭ ﻻ ﻛﺮﻫﻨﺎ ﻫﺬﺍ ﻫﻮ ﺍﻟﻮﺍﻗﻊ ! ﻛﺎﻳﻨﻴﻦ ﺍﻟﻠﻲ ﺗﺎﻳﺴﻤﻴﻮﻫﻮﻡ les hôtesses ﻭ ﻻ ﺑﺎﻟﻌﺮﺑﻴﺔ ﻋﺎﻣﻼﺕ ﺍﻻﺳﺘﻘﺒﺎﻝ . ﻣﺎﺷﻲ ﺩﻳﺎﻝ ﺍﻟﻄﺎﺋﺮﺍﺕ ! ﻫﺎﺩﻭ، ﺧﺪﻣﺘﻬﻢ ﻫﻲ ﺍﺳﺘﻘﺒﻠﻮ ﺍﻟﺰﺑﻨﺎﺀ ﻭ ﻳﻜﻮﻧﻮ ﻟﻴﻬﻮﻡ des guides . ﺍﻟﺘﻜﻮﻳﻦ ﻣﺎ ﻛﺎﻳﻄﻠﺒﺶ ﺑﺰﺍﻑ . ﻭﺍﺣﺪ ﺍﻟﺴﻄﺎﺝ ﻗﺼﻴﺮ ﻭ ﺗﺎﺗﺨﺪﻣﻲ ﻣﻊ ﻭﻛﺎﻻﺕ ﻣﺨﺘﺼﺔ . ﻭﻗﺖ ﻣﺎ ﺣﺘﺎﺟﻮﻙ ﻏﺎﻳﺘﺎﺻﻠﻮ ﺑﻴﻚ . ﺍﻧﺎ ﻋﻨﺪﻱ ﻣﻌﺎﺭﻑ ﻭ ﻣﻤﻜﻦ ﻧﺪﺑﺮ ﻟﻴﻚ . ﻭ ﻛﺎﻧﻀﻤﻦ ﻟﻴﻚ ﺑﺎﻥ ﺗﺎ ﺣﺎﺟﺔ ﺧﺎﻳﺒﺔ ﻣﺎ ﻏﺎﺗﻘﻴﺴﻚ ! ﺁﺵ ﻗﻠﺘﻲ؟
ﺑﻘﻴﺖ ﺣﺎﻟﺔ ﻓﻤﻲ ﻭ ﻛﺎﻧﻔﻜﺮ ﻓﻬﺎﺩ ﺍﻟﻌﺮﺽ ﻭ ﻣﺎﻋﺮﻓﺘﺶ ﻭﺍﺵ ﻧﺘﻴﻖ ﻭ ﻧﻘﻮﻝ ﺍﻳﻪ ﻣﻮﺍﻓﻘﺔ ﻭ ﻻ ﻧﺘﺮﺍﺟﻊ ﻭ ﻧﻘﻮﻝ ﻻ ﺷﻜﺮﺍ ! ﻭﺭﺩﺓ ﻛﺎﻥ ﻛﻼﻣﻬﺎ ﻣﻨﻄﻘﻲ ﻭ ﻣﺎ ﺗﺘﺨﺮﺝ ﺍﺍﻟﻬﻀﺮﺓ ﺣﺘﻰ ﻛﺎﺗﻮﺯﻧﻬﺎ . ﻭ ﻟﻮ ﻣﺮﺓ ﻗﺎﻟﺖ ﺷﻲ ﺣﺎﺟﺔ ﺍﻟﻠﻲ ﺗﺠﺮﺡ ﻭ ﻟﻰ ﺣﺎﻭﻻﺕ ﺗﺘﻜﺒﺮ ﻭ ﺗﻔﺘﺎﺧﺮ . ﻳﻌﻨﻲ ﻣﺎ ﻓﻴﻬﺎﺵ ﻏﺮﺍﻡ ﺩﻳﺎﻝ ﺍﻟﻐﺮﻭﺭ . ﺟﺎﺏ ﻟﻲ ﺍﻟﻠﻪ ﺑﺤﺎﻝ ﺍﻟﻰ ﻋﺎﺷﺖ ﻣﻌﺎﻳﺎ ﺳﻨﻴﻦ . ﻟﻘﻴﺖ ﻓﻴﻬﺎ ﻧﻔﺴﻲ ﻭ ﺍﺭﺗﺎﺣﺖ ﻟﻴﻬﺎ . ﺍﻟﻮﻗﺖ ﻛﺎﻳﺪﻭﺯ ﻭ ﺍﻟﺸﻚ ﺩﻳﺎﻟﻲ ﻛﺎﻳﻨﻘﺺ . ﻓﻜﺮﺕ ﺑﺰﺍﻑ ﻭ ﻟﻘﻴﺖ ﻋﻨﺪﻫﺎ ﺍﻟﺤﻖ ﻓﺂﺧﺮ ﺍﻟﻤﻄﺎﻑ ﺯﻋﻤﺖ ﻭ ﻗﺒﻠﺖ ﺍﻟﻌﺮﺽ . ﻓﺮﺣﺎﺕ ﺑﺤﺎﻝ ﺍﻟﻰ ﻫﻲ ﺍﻟﻠﻲ ﻏﺎﺗﺨﺪﻡ . ﻭ ﺑﺎﺵ ﺗﺰﻳﺪ ﺗﻘﻨﻌﻨﻲ ﻗﺎﻟﺖ :
- ﺩﺍﺑﺎ ﺩﻳﺮﻳﻬﺎ ﻏﻴﺮ ﺗﺠﺮﺑﺔ ! ﺍﻟﻰ ﻟﻘﻴﺘﻲ ﺭﺍﺣﺘﻚ ﺗﺒﺎﺭﻙ ﺍﻟﻠﻪ ! ﻣﺎ ﻋﺤﺒﺎﺗﻜﺶ ﺍﻟﺨﺪﻣﺔ ﺣﺘﻰ ﻭﺍﺣﺪ ﻣﺎ ﻏﺎﻳﺒﺰﺯ ﻋﻠﻴﻚ . ﺍﻧﺎ ﻣﻦ ﺟﻴﻬﺘﻲ ﻏﺎﻧﺪﻭﻱ ﻣﻊ ﺍﻟﺴﻴﺪ ﺍﻟﻠﻲ ﻣﻜﻠﻒ ﻭ ﻛﺎﻧﻌﺮﻓﻮ ﻣﺰﻳﺎﻥ، ﺑﺎﺵ ﻣﺪﺓ ﺍﻟﺴﻄﺎﺝ ﻣﺎ ﻃﻮﻟﺶ . ﺳﻴﻤﺎﻧﺔ ﻛﺎﻓﻴﺔ ﺑﺎﺵ ﺗﻌﻠﻤﻲ . ﻭﺍﺧﺎ؟
- ﻭﺍﺧﺎ ﺻﺎﻓﻲ ﻣﻮﺍﻓﻘﺔ . ﻏﻴﺮ ﻭﺍﻋﺪﻧﻲ ﺑﻠﻲ ﻏﺎﺗﻌﺘﺎﺑﺮﻳﻨﻲ ﺑﺤﺎﻝ ﺧﺘﻚ ﺍﻭ ﺍﻛﺜﺮ ﻭ ﺍﻥ ﺣﺘﻰ ﻣﺸﻜﻞ ﻣﺎ ﻏﻴﻮﺍﺟﻬﻨﻲ ! ﺍﻧﺎ ﺛﻘﺖ ﻓﻴﻚ ﻭ ﻣﻌﺮﻓﺘﻲ ﺑﻴﻚ ﻗﺼﻴﺮﺓ ﻭ ﺍﻟﻰ ﻫﺎﺩﺷﻲ ﻓﻴﻪ ﺷﻲ ﻣﻀﺮﺓ ﺣﺴﻦ ﺑﻼﺵ !
- ﺗﺎﻧﻮﻋﺪﻙ ﻭ ﺑﺎﺵ ﺗﺄﻛﺪﻱ ﻛﻮﻥ ﻛﻨﺖ ﻧﺎﻭﻳﺔ ﺍﻟﺸﺮ ﻏﺎﺩﻱ ﻧﺒﺪﻝ ﺭﺃﻳﻲ ﻭ ﻧﻘﻮﻟﻴﻚ ﻻ ﺳﻤﺤﻲ ﻟﻴﺎ . ﺣﻴﺚ ﻧﺘﻲ ﻣﺎﺷﻲ ﺩﻳﺎﻝ ﺍﻟﺘﻔﻠﻴﺎﺕ ﻭ ﻣﺎ ﻧﻘﺪﺭﺵ ﻧﺪﻱ ﺫﻧﻮﺑﻚ !
- ﺻﺎﻓﻲ ﺭﺑﻲ ﺍﺧﻠﻴﻚ ﻭ ﻣﻦ ﺍﻟﻴﻮﻡ ﻏﺎﻧﻌﺘﺎﺑﺮﻙ ﺧﺘﻲ !
ﻧﺎﺿﺖ ﻣﻦ ﺍﻟﻜﺮﺳﻲ ﻭ ﻋﻨﻘﺎﺗﻨﻲ ﻭ ﻗﺒﻞ ﻣﺎ ﺗﻄﻠﻖ ﻣﻨﻲ ﻗﺎﻟﺖ ﻟﻲ ﻓﻮﺫﻧﻲ : ﺍﺷﻬﺪ ﻋﻠﻴﺎ ﺍﻟﻠﻪ ﺍﻧﻨﻲ ﻧﺎﻭﻳﺔ ﻟﻴﻚ ﺍﻟﺨﻴﺮ ﻭ ﻣﻦ ﺍﻟﻴﻮﻡ ﺣﺘﻰ ﻧﺘﻲ ﺧﺘﻲ .
ﻣﻠﻲ ﺟﻠﺴﺎﺕ ﺷﻔﺖ ﻋﻴﻨﻴﻬﺎ ﻣﺪﻣﻌﻴﻦ ﻭ ﺑﺎﺵ ﺗﺨﺒﻲ ﺣﻼﺕ ﺍﻟﺼﺎﻙ ﻭ ﺧﺪﺍﺕ ﻧﻀﺎﺿﺮ ﻛﺤﻠﻴﻦ .
ﺟﺎ ﻭﻗﺖ ﺍﻟﻐﺪﺍ ﻭ ﻧﺴﻴﻨﺎ ﺍﻟﻤﻮﺿﻮﻉ . ﺍﻟﺸﻬﻴﺔ ﺩﻳﺎﻟﻲ ﻛﺎﻧﺖ ﻣﻔﺘﻮﺣﺔ ﻭ ﻛﻠﻴﺖ ﻣﺰﻳﺎﻥ ﻳﺎﻟﺨﺼﻮﺹ ﺍﻧﻨﺎ ﻃﻠﺒﻨﺎ ﺍﻟﺤﻮﺕ ﻭ ﻫﻮ ﺍﻷﻛﻠﺔ ﺍﻟﻤﻔﻀﻠﺔ ﻋﻨﺪﻱ . ﻣﻠﻲ ﺳﺎﻟﻴﻨﺎ ﻓﺎﺟﺄﺗﻨﻲ ﻭﺭﺩﺓ ﺑﻌﺮﺽ ﺁﺧﺮ ﻣﺎ ﻛﻮﻧﺘﺶ ﺩﺍﻳﺮﺍﻩ ﻓﺒﺎﻟﻲ !
- ﻧﺴﺮﻳﻦ ﻋﻨﺪﻱ ﺍﻗﺘﺮﺍﺡ ﻭ ﻛﺎﻧﺘﻤﻨﻲ ﺗﻘﺒﻠﻴﻪ !!
- ﻭﻱ ﺃﺷﻨﻮ ﻫﻮ؟
- ﺗﺠﻲ ﺗﺴﻜﻨﻲ ﻣﻌﺎﻳﺎ ! ﺍﻧﺎ ﺑﻮﺣﺪﻱ ﻭ ﺍﻟﻔﻴﻼ ﺗﻜﻔﻴﻨﺎ ﺑﺠﻮﺝ ﻭ ﺗﻌﺪﺍﻧﺎ ﻟﻬﻴﻪ . ﻧﻜﻮﻧﻮ ﻗﺮﺍﺏ ﻟﺒﻌﻀﻴﺎﺗﻨﺎ ﻭ ﺗﺮﺩﻱ ﻟﻴﺎ ﺍﻟﺒﺎﻝ ﻭ ﻧﺮﺩ ﻟﻴﻚ ﺍﻟﺒﺎﻝ . ﻗﺎﺑﻠﺔ؟
ﺻﺎﻓﻲ ! ﺍﻟﻠﻲ ﻛﺎﻥ ﺧﺎﺻﻨﻲ ﻛﻤﻼﺗﻮ ﻟﻴﺎ ! ﻭﺍﻳﻠﻲ ﻭﺍﺵ ﻛﺎﻉ ﻫﺬﺍ ﺯﻫﺮ ﻋﻨﺪﻱ؟؟؟ ﻟﺴﺎﻧﻲ ﺗﻠﺠﻢ ﻣﺎ ﺑﻘﻴﺖ ﻋﺎﺭﻓﺔ ﺑﺎﺵ ﻧﺠﺎﻭﺏ . ﻫﺎﺩﺷﻲ ﺟﺎ ﺑﺎﻟﺰﺭﺑﺔ ﻭ ﻓﻈﺮﻑ ﺍﻗﻞ ﻣﺎ ﻳﻤﻜﻦ ﻳﺘﻘﺎﻝ : ﻭﺟﻴﺰ ! ﺑﺤﺎﻝ ﺍﻟﻰ ﺣﺴﺎﺕ ﺑﺎﻟﺤﻴﺮﺓ ﺍﻟﻠﻲ ﻭﻟﻴﺖ ﻓﻴﻬﺎ ﻗﺎﻟﺖ ﻟﻲ :
- ﻫﺎﻧﺘﻲ ﻓﻜﺮﻱ ﻣﺰﻳﺎﻥ ﻭ ﺭﺩﻱ ﻋﻠﻴﺎ . ﻣﺮﺣﺒﺎ ﺑﻴﻚ ﻓﺎﻱ ﻭﻗﺖ ! ﻋﺎﺭﻓﺔ ﺑﻠﻲ ﻛﺜﺮﺕ ﻋﻠﻴﻚ ﻭﻟﻜﻦ ﻫﺎﺩﺷﻲ ﻛﻠﺸﻲ ﺍﻟﻠﻲ ﻗﻠﺖ ﻟﻴﻚ ﺑﺼﺢ .
- ﻭﺭﺩﺓ ﻣﺎ ﻋﺮﻓﺘﺶ ﻛﻴﻔﺎﺵ ﻧﺸﻜﺮﻙ . ﻋﻨﺪﻱ ﺳﺆﺍﻝ ﻭﺍﺣﺪ ﺍﻟﻰ ﺟﺎﻭﺑﺘﻨﻲ ﻏﺎﻧﻤﺸﻲ ﻣﻌﺎﻙ ﺣﺘﺎﻝ ﺁﺧﺮ ﺍﻟﺪﻧﻴﺎ !
- ﺍﻭﻛﻲ ﻧﺴﺮﻳﻦ ﺳﻮﻟﻴﻨﻲ ﻭ ﻏﺎﻧﺠﺎﻭﺑﻚ ﻋﻠﻰ ﻗﺪ ﻣﺎ ﻋﺮﻓﺖ
ليست هناك تعليقات