قصة بنت الخيرية - الجزء 9
قصة بنت الخيرية
- الجزء 9
ﺷﻔﺖ ﻓﻴﻬﺎ ﻭ ﺣﺴﻴﺖ ﺑﻀﻤﻴﺮﻱ ﺗﻴﺄﻧﺒﺘﻲ . ﺃﺑﺪﺍ ﻣﺎ ﻳﻤﻜﻨﺶ ﺗﻜﻮﻥ ﻭﺭﺩﺓ ﻣﺸﺮﺍﺭﺓ ﻭ ﻫﻲ ﻛﻞ ﻣﺮﺓ ﻛﺘﺒﻴﻦ ﻟﻴﺎ ﺍﻥ ﻣﻜﺎﻧﺘﻲ ﻋﻨﺪﻫﺎ ﻛﺒﻴﺮﺓ ﻭ ﺍﻻ ﻣﺎ ﻏﺎﺩﻳﺶ ﺩﺧﻠﻨﻲ ﻓﻤﺸﺎﻛﻠﻬﺎ ﺍﻟﺨﺎﺻﺔ . ﺭﺍﺳﻲ ﻛﺎﻳﻀﺮﻧﻲ ﻭ ﺑﺎﻏﻴﺔ ﻧﻔﻬﻢ ﺑﺰﺍﻑ ﺩﻟﺤﻮﺍﻳﺞ . ﻓﻜﻞ ﻟﺤﻈﺔ ﺗﺎﻧﺒﻐﻲ ﻧﺠﺒﺪ ﻣﻮﺿﻮﻉ ﺍﻟﺼﻮﺭﺓ ﻭ ﺗﻨﺘﺮﺍﺟﻊ . ﺑﻌﺪ ﻣﺎ ﺗﻬﺪﻧﺎﺕ ﻣﺴﺤﺎﺕ ﻋﻴﻨﻴﻬﺎ ﻣﻦ ﺍﻟﺪﻣﻮﻉ ﻭ ﺷﺪﺍﺗﻨﻲ ﻣﻦ ﻳﺪﻱ ﻭ ﺧﻠﻄﻨﺎ ﻋﻠﻰ ﺻﺤﺎﺑﻬﺎ . ﻧﺒﻴﻞ، ﺍﻭﻝ ﻣﺎ ﺷﺎﻓﻨﻲ، ﺑﺪﺍ ﻳﻜﺤﺎﺯ ﻭ ﻳﺸﻴﺮ ﺑﻴﺪﻭ ﺑﺎﺵ ﻧﺠﻠﺲ ﺣﺪﺍﻩ . ﺩﺭﺕ ﺑﺤﺎﻝ ﺍﻟﻰ ﻣﺎ ﻓﻬﻤﺖ ﻭﺍﻟﻮ ﻭ ﻣﺸﻴﺖ ﺟﻠﺴﺖ ﺣﺪﺍ ﻫﺎﺟﺮ . ﻣﻦ ﺍﻟﺸﻮﻓﺔ ﺍﻟﻠﻲ ﺷﺎﻓﺖ ﻓﻴﻪ ﻣﻨﻴﺔ ﺑﺎﻳﻦ ﻭﺍﺵ ﻛﺎﺗﻐﻴﺮ ﻋﻠﻴﻪ ﻭﺍﺧﺎ ﻣﻌﺮﻓﺘﺶ ﺍﻟﻌﻼﻗﺔ ﺍﻟﻠﻲ ﺑﻴﻨﻬﻮﻡ . ﻫﺎﺟﺮ ﻣﺸﻐﻮﻟﺔ ﻣﻊ ﺍﻟﺴﻤﺎﺭﺕ ﻓﻮﻥ ﻭ ﻣﺮﺓ ﻣﺮﺓ ﻛﺎﺿﺤﻚ ﺑﻮﺣﺪﻫﺎ . ﻋﺎﺩﻝ ﻛﻤﺎ ﻗﺎﻟﺖ ﻭﺭﺩﺓ ﻫﻮ ﺍﻟﻮﺣﻴﺪ ﺍﻟﻠﻲ ﻗﺮﻳﺐ ﻟﻴﻬﺎ ﻭﺍﺧﺎ
ﺗﺎﻳﺒﺎﻧﻮ ﻛﺎﻣﻠﻴﻦ ﺻﺤﺎﺏ . ﻣﻠﻲ ﺭﺟﻌﻨﺎ ﻧﺎﺽ ﻭ ﺟﻠﺲ ﺣﺪﺍﻫﺎ ﻭ ﺑﺪﺍﻭ ﻳﻬﻀﺮﻭ ﺑﺸﻮﻳﺔ . ﺭﺑﻤﺎ ﻧﺒﻴﻞ ﺗﺤﺮﺝ ﻣﻠﻲ ﻣﺎ ﻋﻄﻴﺘﻮﺵ ﻭﻗﺖ . ﺑﺎﺵ ﻳﺨﺒﻲ ﺩﺧﻞ ﻣﻊ ﻣﻨﻴﺔ ﻓﺸﺪ ﻓﻴﺎ ﻧﺸﺪ ﻓﻴﻚ . ﺍﻟﻠﻲ ﻋﺠﺒﻨﻲ ﻫﻮ ﺟﻮ ﺍﻟﻮﺋﺎﻡ ﺍﻟﻠﻲ ﺑﺒﻨﺎﺗﻬﻮﻡ ﻭ ﺗﺼﺮﻓﺎﺗﻬﻮﻡ ﺍﻟﺒﺮﻳﺌﺔ . ﺗﺎﻳﺒﺎﻧﻮ ﺑﺤﺎﻝ ﺷﻲ ﺃﻃﻔﺎﻝ . ﺍﻟﻮﻗﺖ ﺗﺎﻳﺪﻭﺯ ﻭ ﺑﺪﻳﺖ ﻧﺤﺲ ﺑﺎﻟﻤﻠﻞ . ﺑﺎﻧﺖ ﻟﻲ ﻫﺎﺟﺮ ﻫﻲ ﺍﻟﻠﻲ ﻳﻤﻜﻦ ﻧﺠﻤﻊ ﻣﻌﺎﻫﺎ ﻭ ﺍﻭﻝ ﻓﻜﺮﺓ ﺟﺎﺗﻨﻲ ﻫﻲ ﻧﻄﻠﺐ ﻣﻨﻬﺎ ﺗﻌﺎﻭﻧﻲ ﻧﻮﺟﺪﻭ ﺍﻟﻌﺸﺎﺀ ! ﻛﺎﻧﻮﺍ ﻣﻘﺮﺭﻳﻦ ﻳﺘﻌﺸﺎﻭ ﺑﺮﺍ ﻭ ﺍﻗﺘﻨﻌﻮﺍ ﻣﻠﻲ ﻗﻠﺖ ﻟﻴﻬﻢ ﻣﺎﺟﺎﺗﺶ ﺍﻭﻝ ﻣﺮﺓ ﻧﺘﺸﺎﻭﻓﻮ ﻭ ﻣﺎ ﻧﺎﻛﻠﻮﺵ ﻣﺎﻛﻼﺕ ﺍﺩﻳﻨﺎ ! ﺍﻧﺎ ﻛﺎﻥ ﻫﺪﻓﻲ ﻧﺒﻘﻰ ﻣﻊ ﻫﺎﺟﺮ ﺍﻟﺮﺍﺱ ﻓﺎﻟﺮﺍﺱ ﻭ ﻧﺎﺧﺪ ﻣﻨﻬﺎ ﺍﻟﻤﻌﻠﻮﻣﺎﺕ ﺍﻟﻠﻲ ﺗﻬﻨﻴﻨﻲ ﻣﻦ ﺍﻟﻮﺳﻮﺍﺱ ﺍﻟﻠﻲ ﺑﺪﺍ ﻳﺴﻴﻄﺮ ﻋﻠﻴﺎ . ﻣﺎﺩﺍﻡ ﻫﻲ ﻭ ﻭﺭﺩﺓ ﺻﺤﺎﺑﺎﺕ، ﺿﺮﻭﺭﻱ ﺗﻜﻮﻥ ﻋﺎﺭﻓﺔ ﻋﻠﻴﻬﺎ ﺍﻟﺸﺎﺩﺓ ﻭ ﺍﻟﻔﺎﺩﺓ . ﻏﻴﺮ ﺧﺎﺻﻨﻲ ﻧﻜﻮﻥ ﺫﻛﻴﺔ ﻻﻥ ﻫﺎﺟﺮ ﻣﺎﺷﻲ ﻣﻦ ﺍﻟﻨﻮﻉ ﺍﻟﻠﻲ ﺗﻀﺤﻚ ﻋﻠﻴﻪ . ﺑﺎﻳﻨﺔ ﻗﺎﺭﻳﺔ ﻭ ﻣﻄﻮﺭﺓ . ﺗﻘﺪﺭ ﻫﻲ ﺍﻟﻠﻲ ﺗﺠﺮ ﻟﻴﺎ ﻟﺴﺎﻧﻲ ﻭ ﻧﺼﺪﻕ ﺗﺎﻧﻌﺎﻭﺩ ﺣﻴﺎﺗﻲ . ﻋﺎﺩﻝ ﺃ ﻭﺭﺩﺓ ﺗﻜﻠﻔﻮ ﺑﺎﺵ ﺃﻣﺸﻴﻮ ﺍﺗﻘﻀﺎﻭ ﺍﻟﻠﻲ ﺧﺎﺹ . ﻧﺒﻴﻞ ﻗﺎﻝ ﺑﻠﻲ ﻋﻴﺎﻥ ﻭ ﻏﺎﻳﻨﻌﺲ ﺣﺘﻰ ﻧﻔﻴﻘﻮﻩ ﻟﻠﻌﺸﺎ . ﻣﻨﻴﺔ ﺧﺪﻣﺎﺕ ﺍﻟﺘﻠﻔﺰﺓ ﻭ ﻗﺎﻟﺖ ﻣﺘﺒﻌﺔ ﺷﻲ ﻣﺴﻠﺴﻞ ﺃﻣﺮﻳﻜﻲ . ﻓﺎﻧﺘﻈﺎﺭ ﻋﺎﺩﻝ ﺃ ﻭﺭﺩﺓ، ﺩﺧﻠﻨﺎ ﺍﻧﺎ ﻭ ﻫﺎﺟﺮ ﻟﻠﻜﻮﺯﻳﻨﺔ ﻭ ﺑﺪﻳﻨﺎ ﻧﻮﺟﺪﻭ ﺍﻟﻤﺎﻋﻦ ﺍﻟﻠﻲ ﻳﺨﺼﻮﻧﺎ . ﺿﺤﻜﺎﺕ ﻣﻠﻲ ﻗﻠﺘﻬﺎ ﻟﻴﻬﺎ ! ﻗﺎﻟﺖ ﻟﻲ ﺍﻟﻰ ﻛﻠﺸﻲ ﻧﻘﻲ ﺍﺵ ﻏﺎﻧﻮﺟﺪﻭ؟ ﺣﺘﻰ ﺗﻮﺻﻞ ﺍﻟﻤﻘﻀﻴﺔ ﻭ ﺩﻳﻚ ﺍﻟﺴﺎﻋﺔ ﺍﻭﻧﻴﻔﺎ ! ( on y va ! ) . ﺑﺎﺵ ﻧﻘﻨﻌﻬﺎ ﻗﻠﺘﻠﻬﺎ : ﻣﺎ ﺟﺎﺗﺶ ﻧﻜﻮﻧﻮ ﻓﺮﻳﻖ ﻓﻤﺎﺳﺘﺮ ﺷﺎﻑ ﻭ ﺣﻨﺎ ﻣﺎ ﺯﺍﻝ ﻣﺎﺗﻌﺮﻓﻨﺎ ! ﻛﻴﻒ ﻏﺎﻳﻜﻮﻥ ﺍﻟﻤﻮﻧﻲ؟ ( le menu ) . ﻋﺠﺒﺎﺗﻬﺎ ﺍﻟﻔﻜﺮﺓ ﻭ ﺿﺤﻜﺎﺕ ﻭ ﻣﺸﻴﻨﺎ ﻟﻠﻜﻮﺯﻳﻨﺔ ! ﺍﻭﻝ ﺳﺆﺍﻝ ﺟﺎ ﻋﻠﻰ ﺑﺎﻟﻲ ﻫﻮ : ﻣﻦ ﺍﻣﺘﻰ ﻭ ﻧﺘﻮﻣﺎ ﻣﻌﺎﺭﻓﻴﻦ؟ ﻭ ﺍﻟﻠﻲ ﺧﻔﺖ ﻣﻨﻮ ﻫﻮ ﺍﻟﻠﻲ ﻭﻗﻊ ! ﻋﻮﺽ ﺗﺠﺎﻭﺑﻨﻲ ﺳﻮﻻﺗﻨﻲ ! ﻋﻼﻩ ﻣﺎ ﻗﺎﻟﺖ ﻟﻴﻚ ﻭﺭﺩﺓ ﻭﺍﻟﻮ؟ ﺑﺎﺵ ﻧﺒﺎﻥ ﻧﻴﺘﻲ ﺻﺎﻓﻴﺔ ﺟﺎﻭﺑﺘﻬﺎ : ﺑﺨﺼﻮﺹ ﺁﺵ؟ ﺿﺤﻜﺎﺕ ﻭ ﻗﺎﻟﺖ ﻟﻲ : ﺑﺨﺼﻮﺻﻨﺎ ﺣﻨﺎ ﺻﺤﺎﺑﻬﺎ ﻭ ﺃﻗﺮﺏ ﺍﻟﻨﺎﺱ ﻟﻴﻬﺎ ! ﻣﺎ ﻳﻤﻜﻨﺶ ﻭﺭﺩﺓ ﺗﺨﺒﻲ ﻋﻠﻴﻚ ﺻﺤﺎﺑﻬﺎ ﻭ ﻫﻲ ﻣﺎﻛﺎﺗﺨﻠﻲ ﻟﻤﻦ ﺗﻘﻮﻟﻬﺎ ﻭ ﻋﺴﺎﻙ ﺍﻧﺘﻲ ﺍﻟﻠﻲ ﺳﺎﻛﻨﺔ ﻣﻌﺎﻫﺎ ! ﻛﻤﺎ ﻗﻠﺖ ﻫﺎﺩ ﻫﺎﺟﺮ ﻣﺎﺷﻲ ﺳﺎﻫﻠﺔ ! ﻛﺎﻥ ﻋﻠﻴﺎ ﻧﺠﻴﺐ ﻣﻨﻴﺔ ! ﺍﻧﺎ ﺍﻟﻠﻲ ﻛﺎﻳﻬﻤﻨﻲ ﻫﻮ ﺍﺵ ﻛﺎﺗﻌﺮﻑ ﻋﻠﻰ ﻭﺭﺩﺓ ! ﺍﻣﻜﻦ ﻛﺎﻥ ﻋﻠﻴﺎ ﻧﺪﺧﻞ ﻓﺎﻟﻤﻮﺿﻮﻉ ﻣﺒﺎﺷﺮﺓ ﻭ ﻻ ﻧﺒﻘﻰ ﻧﺪﻭﺭ ! ﺁﺧﺮ ﻭﺭﻗﺔ ﻏﺎﻧﻠﻌﺒﻬﺎ ﻫﻲ
ﻧﻤﺜﻞ ﻋﻠﻴﻬﺎ ﺍﻥ ﻣﻼﺣﻈﺘﻬﺎ ﻗﻠﻘﺎﺗﻨﻲ ﻭ ﻧﻀﺮﺑﻬﺎ ﺑﺴﻜﺘﺔ ! ﻭ ﻓﻌﻼ ﺻﺪﻗﺎﺕ ! ﺑﺤﺎﻝ ﺍﻟﻰ ﺗﻨﺎﺩﻡ ﻣﻌﺎﻫﺎ ﺍﻟﺤﺎﻝ ﻗﺎﻟﺖ ﻟﻲ : ﻣﺎ ﺗﻘﻠﻘﻴﺶ ﻣﻨﻲ ﺣﺒﻴﺒﺔ ﺭﺍﻩ ﺍﻧﺎ ﻫﺎﻛﺎ ﺩﺍﻳﺮﺓ ! ﺍﻟﻠﻲ ﻓﻘﻠﺒﻲ ﻓﻠﺴﺎﻧﻲ . ﺍﻭﺍ ﺍﻟﻼ ﺍﻧﺎ ﺷﺨﺼﻴﺎ ﺗﺎﻧﻌﺮﻑ ﻭﺭﺩﺓ ﻣﻦ ﺍﻻﺑﺘﺪﺍﺋﻲ ﻭ ﻣﻦ ﺩﺍﻙ ﺍﻟﻮﻗﺖ ﻭ ﺣﻨﺎ ﺩﻳﻤﺎ ﻣﺠﻤﻮﻋﻴﻦ . ﻧﺒﻴﻞ ﻭ ﻋﺎﺩﻝ ﺩﺍﺑﺎ ﺷﻲ ﺛﻠﺚ ﺳﻨﻴﻦ ﺑﺎﺵ ﺗﻌﺎﺭﻓﻨﺎ . ﻣﻨﻴﺔ ﻳﻼﻩ ﻋﺎﻡ ﻫﺎﺩﺍ ﺍﻧﻀﻤﺖ ﻟﻼﻛﻠﻴﻚ . ﺑﺎﻗﻴﺔ ﺷﻲ ﺣﺎﺟﺔ ﺧﺮﻯ ﺑﻐﻴﺘﻲ ﺗﻌﺮﻓﻴﻬﺎ؟ ﺑﻼ ﻣﺎ ﻧﺴﻮﻟﻚ ﺍﻧﺘﻲ ﻭﻗﺘﺎﺵ ﺗﻌﺮﻓﺘﻲ ﻋﻠﻰ ﻭﺭﺩﺓ ﻭ ﻛﻴﻔﺎﺵ ﺳﻜﻨﺘﻲ ﻣﻌﺎﻫﺎ . ﻷﻧﻬﺎ ﻣﺎ ﻋﻤﺮﻫﺎ ﻛﺎﻧﺖ ﻗﺎﺑﻠﺔ ﺷﻲ ﺣﺪ ﻳﺘﻘﺎﺳﻢ ﻣﻌﺎﻫﺎ ﺍﻟﺴﻜﻨﻰ ! ﻋﻼﺵ ﻣﺎ ﻏﺎﺩﻳﺶ ﻧﺴﻮﻟﻚ؟ ﺑﺒﺴﺎﻃﺔ ﻷﻧﻬﺎ ﻋﺎﻭﺩﺍﺕ ﻟﻲ ﺍﻟﻘﺼﺔ ﻣﺎﻻﻭﻝ ! ﻛﻴﻔﺎﺵ؟ ﻣﺎﻻﻭﻝ؟ ﺗﺴﺎﺀﻟﺖ ﺑﻮﺣﺪﻱ ﻓﺨﺎﻃﺮﻱ . ﻳﺎﻙ ﻗﺎﻟﺖ ﺑﻠﻲ ﺃﻭﻝ ﻣﺮﺓ ﺗﺎﻳﻌﺮﻓﻮ ﺍﻧﻬﺎ ﻣﺎ ﺑﻘﺎﺗﺶ ﺳﺎﻛﻨﺔ ﺑﻮﺣﺪﻫﺎ ﻭ ﻛﺎﻧﺖ ﻣﻔﺎﺟﺎﺓ ﻟﻴﻬﻮﻡ !!!! ﺩﺍﺑﺎ ﻣﻌﺎﻭﺩﺓ ﻟﻬﺎﺟﺮ ﻭ ﻻ ﻭ ﻗﻴﻼ ﻟﻴﻬﻢ ﻛﺎﻣﻠﻴﻦ ﺣﻴﺎﺗﻲ، ﻭ ﻧﺎ ﺧﺎﺭﺝ ﺍﻟﺘﻐﻄﻴﺔ ! ﻣﺎ ﺑﻘﻴﺖ ﻓﺎﻫﻤﺔ ﻭﺍﻟﻮ ! ﺑﻘﻴﺖ ﺳﺎﻫﻴﺔ ﻭ ﻣﺎ ﻭﻋﻴﺖ ﺣﺘﻰ ﺳﻤﻌﺖ ﺍﻟﺼﻮﺕ ﺩﻳﺎﻝ ﻫﺎﺟﺮ ! ﻧﺴﺮﻳﻦ، ﻧﺴﺮﻳﻦ ! ﻓﻴﻦ ﻣﺸﻰ ﻋﻘﻠﻚ؟ ﺻﺎﻓﻲ ﻗﺮﺭﺕ ﻧﻮﺍﺟﻬﻬﺎ ﻭ ﻧﺴﻮﻟﻬﺎ ﻋﻠﻰ ﺍﻟﻠﻲ ﺷﺎﻏﻠﻨﻲ . ﻣﺎﺩﺍﻡ ﻋﺎﺭﻓﺎﻧﻲ ﺍﺵ ﻧﻜﻮﻥ ﻭ ﻣﻨﻴﻦ ﺟﻴﺖ ﻣﺎ ﺑﻘﻰ ﻣﺎ ﻳﺘﺨﺒﻰ ! ﺑﻴﻨﺖ ﻟﻴﻬﺎ ﺍﺳﺘﻐﺮﺍﺑﻲ ﻛﻴﻔﺎﺵ ﻭﺭﺩﺓ ﻫﻀﺮﺕ ﻋﻠﻰ ﻣﻔﺎﺟﺄﺓ ﻭ ﻫﻲ ﻣﻌﺎﻭﺩﺓ ﺣﻴﺎﺗﻲ ﻟﻜﻠﺸﻲ ! ﻫﺎﺟﺮ ﺑﺤﺎﻝ ﺍﻟﻰ ﻧﺪﻣﺎﺕ ﻣﻠﻲ ﺧﺒﺮﺍﺗﻨﻲ ﻗﺮﺑﺎﺕ ﻣﻨﻲ ﻭ ﺷﺪﺍﺗﻨﻲ ﻣﻦ ﻛﺘﺎﻓﻲ ﻭ ﻗﺎﻟﺖ ﻟﻴﺎ : ﺗﻴﻘﻴﻨﻲ ﺍﻟﻰ ﻗﻠﺖ ﻟﻴﻚ ﺍﻧﻨﻲ ﺍﻟﻮﺣﻴﺪﺓ ﺍﻟﻠﻲ ﻋﺎﺭﻓﺔ . ﻟﺨﺮﻳﻦ ﻣﺎ ﻓﺮﺍﺳﻬﻮﻡ ﻭﺍﻟﻮ . ﻭﺭﺩﺓ ﻛﺎﺗﺒﻐﻴﻚ ﻭ ﻣﻦ ﻣﻌﺰﺗﻚ ﻋﻨﺪﻫﺎ ﻗﺎﻟﺖ ﻟﻲ : ﻫﺎﺟﺮ ﺍﻧﺘﻲ ﺻﺎﺣﺒﺘﻲ ﻭ ﺧﺘﻲ . ﻋﻨﺪﻱ ﻃﻠﺐ ﻭﺍﺣﺪ . ﺍﻟﻰ ﻭﻗﻌﺎﺕ ﻟﻲ ﺷﻲ ﺣﺎﺟﺔ ﻻ ﻗﺪﺭ ﺍﻟﻠﻪ، ﺗﻬﻼﻱ ﻟﻴﺎ ﻓﻨﺴﺮﻳﻦ ! ﺍﻧﺎ ﻣﺎ ﻓﻬﻤﺘﺶ ﻋﻼﺵ ﻫﺎﺩ ﺍﻟﺤﺐ ﻭ ﺍﻟﻤﻌﺰﺓ ﺍﻟﻠﻲ ﻛﺎﺗﻌﺰﻙ ﻭ ﻣﺎ ﻗﺪﺭﺗﺶ ﻧﺴﻮﻟﻬﺎ . ﻭﺭﺩﺓ ﺍﻋﺪﻯ ﺣﺎﺟﺔ ﻋﻨﺪﻫﺎ ﻫﻲ ﻛﺜﺮﺓ ﺍﻟﺘﻔﺎﺻﻴﻞ . ﻛﺎﺗﻌﻄﻴﻚ ﺍﻟﻌﻨﻮﺍﻥ ﻭ ﺗﻘﻮﻟﻴﻚ ﺍﻟﻰ ﻣﺎ ﻗﺎﺩﺭﺵ ﻧﺸﻮﻑ ﺷﻲ ﺣﺪ ﺧﺮ ! ﻭ ﺣﺎﺟﺔ ﺧﺮﻯ ﻭ ﻫﺎﺩﻱ ﺣﺎﻟﺔ ﻓﺮﻳﺪﺓ ﻋﻨﺪ ﻭﺭﺩﺓ : ﻣﺎ ﻛﺘﺨﻠﻴﺶ ﺍﺳﺮﺍﺭﻫﺎ ﻛﻠﻬﺎ ﻋﻨﺪ ﺷﺨﺺ ﻭﺍﺣﺪ . ﻻ ! ﺍﻣﻜﻦ ﺗﻘﻮﻝ ﺣﺎﺟﺔ ﻟﻴﺎ ﺍﻧﺎ ﺑﻮﺣﺪﻱ ﻭ ﺣﺎﺟﺔ ﺧﺮﻯ ﻣﺎ ﺗﻜﻮﻧﺶ ﻓﺮﺍﺳﻲ ! ﺗﻠﻘﺎﻳﻬﺎ ﻗﺎﻳﻼﻫﺎ ﻟﺸﻲ ﻭﺍﺣﺪ ﺍﺧﺮ ! ﻋﻼﺵ ﻛﺎﺩﻳﺮ ﻫﺎﻛﺎ؟ ﺭﺑﻤﺎ ﻛﻞ ﺳﺮ ﻭ ﻧﻮﻉ ﺍﻟﺸﺨﺺ ﺍﻟﻠﻲ ﻳﻤﻜﻦ ﺍﺣﺎﻓﻆ ﻋﻠﻴﻪ ! ﺍﻟﻠﻲ ﺗﻘﻮﻟﻮ ﻟﺪﺭﺍﺭﻱ ﻣﺎﺷﻲ ﻫﻮ ﺍﻟﻠﻲ ﺗﻌﺎﻭﺩﻭ ﻟﻠﺒﻨﺎﺕ ! ﻫﻬﻬﻪ ﻫﺎﺩ ﺍﻟﻘﻀﻴﺔ ﻛﻠﺸﻲ ﻋﺎﺭﻓﻬﺎ . ﻭ ﻳﻤﻜﻦ ﻋﻨﺪﻫﺎ ﺍﻟﺤﻖ ! ﺍﻣﻜﻦ ﺍﻟﻰ ﻋﺎﻭﺩﺗﻲ ﻛﻠﺸﻲ ﻟﻮﺍﺣﺪ ﺍﻟﺸﺨﺺ ﺑﺎﻟﺬﺍﺕ، ﻳﺘﻘﻠﺐ ﻋﻠﻴﻚ ﺷﻲ ﻧﻬﺎﺭ ﻭ ﻳﺼﺪﻕ ﺿﺎﺭﺏ ﻟﻴﻚ ﺍﻟﻄﺮ ! ﺍﻟﻠﻬﻢ ﻧﺺ ﺧﺴﺎﺭﺓ ﻭ ﻻ ﺧﺴﺎﺭﺓ ﻛﺎﻣﻠﺔ !
ليست هناك تعليقات