قصتي مع أسماء - الجزء 5

قصتي مع أسماء - الجزء 5  بانت ليا واحد البنت قرطاسة و بان ليا البلان فيها تبعتها و أنا نقول ليها : بس بس منشوفوكش أ زوين هي : سير بعد مني أنا : و زوينة مالك زربانة دارت عندي قالت ليا : سوقك نتا أنا : ناري علي الزوينة تقلقات عرفتي كتشبهي لملكة جمال السويد مسكينة حشمات ولا وجهها بحال ماطيشة أنا : عرفتي مكتجيش معاك التغوبيشة هي بدات كاتبتاسم قلت ليها : عطيني نمرتك قالت ليا : لا منقدرش أنا : علاش متقدريش هي : أنا مكنعطيش نمرتي لولاد أنا : و لكن أنا راه عجبتيني وباغي نتعرف عليك أكثر و لكن للأسف نتي ما باغاش و درت راسي بحال غادي وهي تقول ليا : واش بصح عجبتك أنا : أه عجبتيني و بزاف و هي تقول ليا وهي حشمانة : حتا نتا عجبتيني قلت ليها : عطيني نمرتك قالت ليا : أوكي يالله قيد عطاتني نمرتها والفيس ديالها بقيت هادر معاها حتى قالت ليا : يالله بالسلامة أنا : ناري مسخيتش بيك حشمات و حدرات راسها هي : واش بصح عجبتك أنا : حتا نكونش نشوف عاد متعجبينيش شديت ليها فإيديها و بقات كتضحك هي : ياله نخليك مع السلامة درت راسي بحال إلى مشيت و لكن تبعتها بلاما تعيق حتا عرفت دار لي كتسكن فيها باينة فيهم لاباس عليهم غير من شكل ديال الدار و و دوك جوج طونويلات لي قدام الدار رجعت فحالي وأنا فرحان حيت هاد النهار كان نهار زوين بزاف رجعت ولكن منعستش حتال 2 ديال الليل حيث بقيت كنفكر فديك لي قالت ليا راها غادي تلبس الأحمر وأكيد غادي تكون بن قيسمنا وأنا شاك في أسماء و لكن معرفتش درت ليكوت و خدمت الديسك ديال الشاب بلال الصيف و البحر ونعست فقت معطل فالصباح شفت فالساعة لقيتها 7:45 و أنا قاري مع 8 ناري نضت بجري مشيت توضيت و صليت (واخا هادشي كامل ولكن راه الصلاة مكنفرطشي فيها) هزيت شكارتي و مفطرتش كيف العادة لقيت النقل المدرسي فاتني و إلى بغيت نمشي على رجلي خاصني 30 دقيقة ناري هادشي لي خاصني دابا محملتش نبدا نشد وراق الغياب من دابا
الجزء التالي من هنا <<<<