قصتي مع أسماء - الجزء 6

قصتي مع أسماء - الجزء 6   درت ليكوت و خدمت الديسك ديال الشاب بلال الصيف و البحر ونعست فقت معطل فالصباح شفت فالساعة لقيتها 7:45 و أنا قاري مع 8 ناري نضت بجري مشيت توضيت و صليت (واخا هادشي كامل ولكن راه الصلاة مكنفرطشي فيها) هزيت شكارتي و مفطرتش كيف العادة لقيت النقل المدرسي فاتني و إلى بغيت نمشي على رجلي خاصني 30 دقيقة ناري هادشي لي خاصني دابا محملتش نبدا نشد وراق الغياب من دابا بان ليا عثمان لي كنقولو ليه شرويطة بان ليا في البلان ههههههههههههه لا لا ما شي داكشي لي فبالكم راكب على موطور C90 مشيت عندو بزربة عاودت ليه كولشي ساعا ولد الحرام مابغاش يوصلني مبغيتش نضيع الوقت معاه صافي خليتو ومشيت مع الطريق لي كتدي للكوليج و هو يبان ليا المدير ديال الكوليج زعمت و شيرت ليه وقف ركبت معاه سولني : فين غادي أولدي أنا : أستاد راني كنقرا فالكوليج لي نتا مدير فيه المدير : مزيان إوا مالك أشنو واقع ليك أنا : فاتتني سيارة النقل المدرسي حيث فقت معطل المدير : إوا خاصك تولي تفيق بكري وصلنا مع الوقت نزلت بالزربة ومشيت عند الفيزياء المادة لي كنكرها لقيتهم دخلوا باينة غادي إرجعي نشد ورقة تأخر و أنا نفكر فواحد الفكرة جهنمية خليتوا حتا دخل للمختبر و أنا نقز من الشرجم ومشيت شديت بلاستي بالزربة مسكين ما عاق بوالوا ولكن ماباتش ليا أسماء دازت ديك جوج سوايع بحال شي عامين ديال الحبس خرجت ندرب دويرة فالساحة بين ما تسالي الإستراحة و هنا شفت واحد الحاجة فرحاتني بانت ليا أسماء لابسة سروال أحمر و تيشورت أحمر ولكن هادشي مكيعنيش أنها هي ديك البنت لي فالفايس بك درت راسي بحال ماشفتهاش و مشيت درت الصف قدام العربية وهي تجي عندي أسماء قالت ليا : واش جا معايا الأحمر أنا : وأنا مالي هي : راني قلت ليك فالفايس بوك باللي غادي نجي لابسة الأحمر أنا : هي نتي لي كنتي كتفلاي عليا لبارح هي : أه هي أنا بقينا كنضحكوا حتا دخلنا للقسم وعطانا الأستادة ديال العربية النقط ديال الفروض جبت 19.50 جيت أنا الأول وأسماء هي الثالثة جابت 16.50 فاش شدينا الفروض دارت عندي أسماء هي كتبتاسم فاش خرجنا معا 12 مشيت عند أسماء أنا : أسماء عندك الواتساب هي : أه عندي أنا : ممكن تعطيني نمرتك هي : لا منقدرش أنا : أوكي باي عايطات ليا وهي كتضحك : نسيم مجويتهاش وكملت طريقي ولكن تبعاتني وكتقو ليا : تسنى غير ندوي معاك أنا : لاش بغيتني هي : هاك هاهي النمرة ديالي قيدت من عندها نمرة ديالها وأنا كنضحك وقلت ليها بلاما نشعر واش فخبارك نتي زوية بزاف وجها ولى حمر مسكينا حشمات خليتها و مشيت لدار بقيت أنا و سلمى لمدة 4 أشهر و حنا كنهدروا فالواتساب والفيس بوك وكنتلاقاو فالكوليج و مع المدة تبدل داك الشعور ديال الإعجاب لحب لدرجة إلى مسمعتش صوتها فكل يوم كنحس بنقص و الفراغ و قررت نعتارف ليها بحبي خليتها حتى قربات تسالي الدورة الأولى بانت ليا واقفة معا صحاباتها مشيت عندهم سلمت عليهم و قلت لأسماء : واش ممكن نهدر معاك على إنفراد هي : وخا مكين حتا مشكيل مشينا بعدنا من حدا صحاباتها و قلت ليها : أسماء بغيت نقول ليكم شي حاجة هي : وي تفضل أنا : أسماء أنا أنا كنبغيك وا ش حتا نتي كتبغيني أسماء : ....
الجزء التالي من هنا <<<<