قصتي مع أسماء - الجزء 7 - الأخير
قصتي مع أسماء
- الجزء 7 - الأخير
خليتها حتى قربات تسالي الدورة الأولى بانت ليا واقفة معا صحاباتها مشيت عندهم سلمت عليهم
و قلت لأسماء : واش ممكن نهدر معاك على إنفراد
هي : وخا مكين حتا مشكيل
مشينا بعدنا من حدا صحاباتها
و قلت ليها : أسماء بغيت نقول ليكم شي حاجة
هي : وي تفضل
أنا : أسماء أنا أنا كنبغيك وا ش حتا نتي كتبغيني ؟؟
أسماء : أووووف منفدرش نجاوبك دابا
أنا : أوكي خودي راحتك أناغادي نعطيك لعطلة ديال الدورة الأولى كاملة فكري فيها مزيان
أسماء : أوكي مرسي على التفهم ديالك
كان هداك أخر يوم في الدورة الأولى دازت العطلة و مبغيتش ندوي مع أسماء فالواتساب أو الفيس بوك حيت بغيت نخليها توحشني شويا
في أول يوم من الدورة الثانية بانت ليا أسماء ممشيتش عندها خليتها حتا جات هي عندي
هي : سلام نسيم سافا
أنا : و عليكم السلام أ أسماء نتي مزيانة كيف دازت العطلة ديالك ؟؟
هي : مزيانة
أنا : إوا فكرتي فالموضوع لي قلت ليك
هي : وي قررت
أنا : أشنو قررتي
هي : هههههه غير بشوية مالك زربان إوا أسيدي لقيت راسي حتا أنا كنبغيك و محيدتيش من بالي العطلة كاملة و أنا كنفكر فيك
أنا : بصح أ حبيبتي
هي : وي أ مونامور
و ستمرات العلاقة بيناتنا لمدة أربع سنوات و فديك المدة قدرت نقنع أسماء باش نديرو نفس الشعبة لي هي علوم تجريبية و شدينا الباك بجوج
و قدرت نأسس شركة ديال التصدير و الإستراد و خدمات معايا أسماء
و مشيت خطبتها و دزوجنا درت عرس واحد أنا و خويا سمير و مشيت دوزت شهر العسل أنا وأسماء حياتي فإيطاليا كان أحسن شهر فحياتي و سيفط الواليد والواليدة للحج
و دابا عندي بنت سميتها نور وولد سميتو أيمن
النهاية
ملاحظة : هذه القصة من تأليف حمزة
أدمن: نكث كبور بناني السميرس
القصة من الخيال فقط و أي تشابه قهو من محض الصدفة . كيف جاتكم القصة
جميع الأجزاء من هنا <<<<
أدمن: نكث كبور بناني السميرس
القصة من الخيال فقط و أي تشابه قهو من محض الصدفة . كيف جاتكم القصة
جميع الأجزاء من هنا <<<<
ليست هناك تعليقات