قصة شهر في deepweb الجزء 3
قصة شهر في deepweb
الجزء 3
خرجت من الموقع دخلت لموقع آخر كان عندو اسم نطاق .onion
بصلة ؟ ماعرفتش علاش خخخ
المهم ف هاذ الموقع كانو مجموعة من رومات ديال الشاط و كل روم عندو أدمين ديالو .. دخلت لروم ديال الإتجار ب الأسلحة وعطيت المعلومات المزورة عليا (الكاميرا ديال الكمبيوتر ديالي ديما مسدودة) و فاش دخلت بقيت غير كانقرى آش كايقولو كانو كايدويو باللغة الإسبانية
شوية بديت كانهضر تا أنا و دخلت معاهم ف الخط (كانهضر اللغة الإسبانية ب شكل لا بأس به) و كان داكشي علاش كانسول هو واش البضاعة لي كاتشرى من عندهم ماكاتخضعش للجمارك (حيت فالمغرب ممنوع تشري سلاح عبر الأنترنت وايلا شدوه ف الديوانة كايرجعوه :3 ) ولكن قالو بلي ماكايكون تا خضوع للجمارك و بلي البضاعة كاتوصل بشكل عاادي جدا(خفية)
أوكي تافقنا وقررت نشري تا أنا سلاح تفاهمت مع البائع وخلصتو ليه عبر الأنترنت وعطيت المعلومات المزورة عليا باش يوصلني فيها ,,
كملت من الشاط ف داك الموقع سديت الكمبيوتر وقمت بواجباتي المدرسية خخخخ
الصباح مشيت للكوليج ومع 8 تماما وصلني ميساج فيه "حل الباب" الميساج كان مكتوب باللغة الإسبانية وماكانش معطي ليا رقم ولا إسم فهمت بلي هذا البائع لي شاطيت معاه فالليل ولكن ماجاوبت على تا مساج ولا مكالمة حيت واخا نبغي نمشي العنوان ديال الدار لي عاطي ليهم بعيد بزاف وماغانمشيش ليه
صبرت تا للعشية غيبت ومشيت للدار و هنا بديت كاندم حيت دخلت للديب ويب ..
لقيت الباب ديال الدار مفروع ومع الدورة كاينة كرطونة فيها البضاعة لي وصيت عليها (شكل ديال كولية) شداتني القفقفة وماقدرتش نبقى تما وماقدرت نقول والو لدارنا باش مايبحثوش ف الموضوع ديال علاش مشيت انا لتما أصلا
تأكدت بلي الدار خاوية وحيدت لحوايج المهمة من الكرطونة وتأكدت بلي مافيها تا شي جهاز GPS ولا ما شابه
حيت بحال هاذ الحوايج خص الحذر الشديد حيت عرفت راسي كانتعامل مع أخطر من أي حاجة تعاملت معاها قبل .. ديت السلاح خبيتو ف السطح تا توصل العطلة باش نقدر نزل للقرية ديالنا باش غاتكون عندي فرصة فين نجربو ..
(ولكن لقاه خويا و وراه لبابا و انا درت راسي ماعارف والو وداك الوجه البريء وماقدرتش ناخذو مازال حيت داه معاه للبحر 😑 )
الليل نفس القصة جلست عند الكمبيوتر لقيت ايميل من عند مول البضاعة لي قال ليا بلي حط ليا داكشي لي طلبت ف الدار وبقى تايهدد فيا حيت مادرتش بكلامو وماحليتش الباب .. ماجاوبتش على الإيميل
تتمة من هنا قصة شهر في deepweb الجزء 4
بصلة ؟ ماعرفتش علاش خخخ
المهم ف هاذ الموقع كانو مجموعة من رومات ديال الشاط و كل روم عندو أدمين ديالو .. دخلت لروم ديال الإتجار ب الأسلحة وعطيت المعلومات المزورة عليا (الكاميرا ديال الكمبيوتر ديالي ديما مسدودة) و فاش دخلت بقيت غير كانقرى آش كايقولو كانو كايدويو باللغة الإسبانية
شوية بديت كانهضر تا أنا و دخلت معاهم ف الخط (كانهضر اللغة الإسبانية ب شكل لا بأس به) و كان داكشي علاش كانسول هو واش البضاعة لي كاتشرى من عندهم ماكاتخضعش للجمارك (حيت فالمغرب ممنوع تشري سلاح عبر الأنترنت وايلا شدوه ف الديوانة كايرجعوه :3 ) ولكن قالو بلي ماكايكون تا خضوع للجمارك و بلي البضاعة كاتوصل بشكل عاادي جدا(خفية)
أوكي تافقنا وقررت نشري تا أنا سلاح تفاهمت مع البائع وخلصتو ليه عبر الأنترنت وعطيت المعلومات المزورة عليا باش يوصلني فيها ,,
كملت من الشاط ف داك الموقع سديت الكمبيوتر وقمت بواجباتي المدرسية خخخخ
الصباح مشيت للكوليج ومع 8 تماما وصلني ميساج فيه "حل الباب" الميساج كان مكتوب باللغة الإسبانية وماكانش معطي ليا رقم ولا إسم فهمت بلي هذا البائع لي شاطيت معاه فالليل ولكن ماجاوبت على تا مساج ولا مكالمة حيت واخا نبغي نمشي العنوان ديال الدار لي عاطي ليهم بعيد بزاف وماغانمشيش ليه
صبرت تا للعشية غيبت ومشيت للدار و هنا بديت كاندم حيت دخلت للديب ويب ..
لقيت الباب ديال الدار مفروع ومع الدورة كاينة كرطونة فيها البضاعة لي وصيت عليها (شكل ديال كولية) شداتني القفقفة وماقدرتش نبقى تما وماقدرت نقول والو لدارنا باش مايبحثوش ف الموضوع ديال علاش مشيت انا لتما أصلا
تأكدت بلي الدار خاوية وحيدت لحوايج المهمة من الكرطونة وتأكدت بلي مافيها تا شي جهاز GPS ولا ما شابه
حيت بحال هاذ الحوايج خص الحذر الشديد حيت عرفت راسي كانتعامل مع أخطر من أي حاجة تعاملت معاها قبل .. ديت السلاح خبيتو ف السطح تا توصل العطلة باش نقدر نزل للقرية ديالنا باش غاتكون عندي فرصة فين نجربو ..
(ولكن لقاه خويا و وراه لبابا و انا درت راسي ماعارف والو وداك الوجه البريء وماقدرتش ناخذو مازال حيت داه معاه للبحر 😑 )
الليل نفس القصة جلست عند الكمبيوتر لقيت ايميل من عند مول البضاعة لي قال ليا بلي حط ليا داكشي لي طلبت ف الدار وبقى تايهدد فيا حيت مادرتش بكلامو وماحليتش الباب .. ماجاوبتش على الإيميل
تتمة من هنا قصة شهر في deepweb الجزء 4
ليست هناك تعليقات