قصة بنت الخيرية - الجزء 5
قصة بنت الخيرية
- الجزء 5
- ﺍﻭﻛﻲ ﻧﺴﺮﻳﻦ ﺳﻮﻟﻴﻨﻲ ﻭ ﻏﺎﻧﺠﺎﻭﺑﻚ ﻋﻠﻰ ﻗﺪ ﻣﺎ ﻋﺮﻓﺖ !
- ﻛﻴﻔﺎﺵ ﺑﻨﺖ ﺑﺤﺎﻟﻚ ﻣﺎ ﺧﺎﺻﻬﺎ ﺗﺎﺧﻴﺮ ﻭ ﻣﺘﻌﻮﺩﺓ ﻋﻠﻰ ﺣﻴﺎﺓ ﻣﺘﺤﺮﺭﺓ ﺗﺮﺗﺎﺑﻂ ﺑﻮﺣﺪﺓ ﺑﺤﺎﻟﻲ؟ ﻋﻼﺵ ﺍﺧﺘﺎﺭﺗﻴﻨﻲ ﺍﻧﺎ ﺑﺎﻟﻀﺒﻂ؟ ﺑﺎﺵ ﺣﻜﻤﺘﻲ ﻋﻠﻴﺎ ﻭ ﻗﺮﺭﺗﻲ ﺍﻧﺘﻲ ﻛﺎﻧﺴﺘﺤﻖ ﻧﻜﻮﻥ ﺻﺎﺣﺒﺘﻚ ﻭ ﺣﻨﺎ ﻳﻼﻩ ﺗﻌﺎﺭﻓﻨﺎ؟
- ﻫﻬﻪ ﻫﺎﺩﻭ ﺛﻼﺛﺔ ﺃﺳﺌﻠﺔ ! ﻻ ﻏﻴﺮ ﻛﺎﻧﻀﺤﻚ ﻣﻌﺎﻙ، ﻣﻦ ﺣﻘﻚ ﺗﺴﻮﻟﻲ ﻛﻤﺎ ﺑﻐﻴﺘﻲ ! ﺑﺎﻟﻨﺴﺒﺔ ﻟﻠﺴﺆﺍﻝ ﺍﻷﻭﻝ ﻣﺎﺷﻲ ﻓﻤﺤﻠﻮ ! ﻋﻼﻩ ﺑﺎﺵ ﺍﻧﺎ ﺣﺴﻦ ﻣﻨﻚ؟ﺯﻋﻤﺎ ﺍﻟﻤﺎﺩﺓ؟ ﺍﻟﻔﻠﻮﺱ ﺭﺍﻩ ﺗﺎﻳﻤﺸﻴﻮ ﻭ ﻳﺠﻴﻮ . ﺍﻟﻴﻮﻡ ﻻﺑﺎﺱ ﻋﻠﻴﻚ ﻭ ﻳﻤﻜﻦ ﻏﺪﺍ ﺗﺠﻲ ﺷﻲ ﺍﺯﻣﺔ ﻭ ﻣﺎ ﻳﺒﻘﻰ ﻋﻨﺪﻙ ﻭﺍﻟﻮ ! ﺣﻴﺪﻱ ﻣﻨﻚ ﻫﺎﺩ ﺍﻟﻌﻘﺪﺓ ﺩﻳﺎﻝ ﺍﻟﻨﻘﺺ ! ﻣﺎ ﺗﺒﻘﺎﻳﺶ ﺩﻳﻤﺎ ﺗﺤﻘﺮﻱ ﺭﺍﺳﻚ ! ﺭﺍﻩ ﻗﻠﺖ ﻟﻴﻚ ﻣﺎ ﺗﺤﻜﻤﻴﺶ ﻋﺎﻟﻤﻈﺎﻫﺮ ! ﺍﻟﺴﺆﺍﻝ ﺍﻟﺜﺎﻧﻲ : ﻋﻼﺵ ﺍﺧﺘﺎﺭﺗﻚ ﺍﻧﺘﻲ؟ ﻏﻨﻘﻮﻟﻴﻚ ! ﺍﻧﺎ ﻏﻴﺮ ﻣﻨﻔﺬﺓ ! ﺍﻟﻌﻨﺎﻳﺔ ﺍﻻﻻﻫﻴﺔ ﻫﻲ ﺍﻟﻠﻲ ﻻﻗﺎﺗﻨﺎ ! ﻣﻤﻜﻦ ﺗﻜﻮﻥ ﺑﻨﺖ ﺧﺮﻯ ﺑﻼﺻﺘﻚ ﻟﻜﻦ ﺍﻧﺎ ﻛﻨﺂﻣﻦ ﺑﺎﻟﻘﺪﺭ ﻭ ﻫﻮ ﺍﻟﻠﻲ ﻛﺎﻥ ﺍﻟﺴﺒﺐ ﻧﺘﻌﺎﺭﻓﻮ ﻓﻤﻜﺎﻥ ﻭ ﻓﺰﻣﺎﻥ ﻣﺎﺷﻲ ﺣﻨﺎ ﺍﻟﻠﻲ ﺧﺘﺎﺭﻧﺎﻩ . ﻳﺎﻙ ﺍﻧﺘﻲ ﻣﺆﻣﻨﺔ؟ ﻣﻤﻜﻦ ﻧﻐﻴﺮﻭ ﺣﻮﺍﻳﺞ ﻛﺜﻴﺮﺓ ﻓﺤﻴﺎﺗﻨﺎ ﻭ ﺣﻮﺍﻳﺞ ﺧﺮﻯ ﻣﺎ ﻋﺪﻧﺎ ﻋﻠﻴﻬﺎ ﻓﻴﻦ . ﻛﺘﺒﻘﻰ ﺍﻟﻘﺪﺭﺓ ﺩﻳﺎﻝ ﺍﻱ ﻭﺍﺣﺪ ﻓﺎﻟﻤﻮﺍﺟﻬﺔ ﻭ ﺍﻟﺘﺤﻤﻞ ﻫﻲ ﺍﻟﻔﺎﺭﻕ ﺑﻴﻦ ﺍﻟﺒﺸﺮ ! ﺑﺎﻟﻨﺴﺒﺔ ﻟﻠﺴﺆﺍﻝ ﺍﻟﺜﺎﻟﺚ : ﻛﻴﻔﺎﺵ ﺣﻜﻤﺖ ﻋﻠﻴﻚ؟ ﺍﻧﺎ ﻣﺎ ﻋﻨﺪﻱ ﺣﺘﻰ ﺣﻜﻢ ! ﺷﻔﺘﻚ ﺍﺭﺗﺎﺣﺖ ﻟﻴﻚ ﻭ ﻋﺮﺿﺖ ﻋﻠﻴﻚ ﺻﺪﺍﻗﺘﻲ ﻭ ﻗﺒﻠﺘﻴﻬﺎ . ﻧﻘﺪﺭ ﺣﺘﻰ ﺍﻧﺎ ﻧﺴﻮﻟﻚ ﻋﻼﺵ ﻗﺒﻠﺘﻲ؟ ﻫﻬﻬﻬﻪ
ﻭﺭﺩﺓ ﻣﺎ ﺧﻼﺕ ﻟﻲ ﻣﺎ ﻧﻘﻮﻝ . ﺗﺤﻠﻴﻠﻬﺎ ﻣﻘﻨﻊ ﻭ ﻛﻞ ﻛﻠﻤﺔ ﻗﺎﻟﺘﻬﺎ ﻛﺎﺗﺨﻠﻴﻨﻲ ﻧﺴﺮﺡ ﻭ ﻧﺘﺴﺎﺀﻝ ﻛﻴﻔﺎﺵ ﻫﺎﺩ ﺍﻟﺒﻨﺖ ﺍﻟﻠﻲ ﻣﻦ ﺍﻟﻨﻈﺮﺓ ﺍﻷﻭﻟﻰ ﺍﻣﻜﻦ ﺗﻘﻮﻝ ﺑﺤﺎﻟﻬﺎ ﺑﺤﺎﻝ ﻟﺨﺮﻳﻦ، ﻣﻘﺎﺑﻠﺔ ﻏﻴﺮ ﺍﻟﺰﻫﻮ ﻭ ﻟﻼ ﺃﻣﺎﻟﻲ ﻭ ﺿﺎﺭﺑﺔ ﺍﻟﺪﻧﻴﺎ ﺑﺮﻛﻠﺔ، ﻟﻜﻦ ﻣﻠﻲ ﺗﺘﻬﻀﺮ ﻛﺎﺗﻠﻘﺎﻫﺎ ﻣﺎﺷﻲ ﺑﻨﺖ ﻋﺎﺩﻳﺔ ! ﻫﺎﺩﺷﻲ ﺍﻟﻠﻲ ﺯﺍﺩ ﺣﺒﺒﻨﻲ ﻓﻴﻬﺎ ﻛﺜﺮ ﻭ ﺣﺴﻴﺖ ﺑﻮﺍﺣﺪ ﺍﻟﺮﺍﺣﺔ ﻣﺎ ﻧﻘﺪﺭﺵ ﻧﻮﺻﻔﻬﺎ . ﺍﺧﻴﺮﺍ ﻓﻬﻤﺖ ﺁﺵ ﻛﺎﺗﻌﻨﻲ ﻣﺎ ﺗﺎﻳﺴﺪ ﺍﻟﻠﻪ ﻭﺍﺣﺪ ﺍﻟﺒﺎﺏ ﺣﺘﻰ ﻛﺎﻳﺤﻞ ﺑﻴﺒﺎﻥ ! ﺑﻘﻴﻨﺎ ﻣﺠﻤﻌﻴﻦ ﻓﺒﺰﺍﻑ ﺩﻳﺎﻝ ﺍﻟﻤﻮﺍﺿﻊ ﻭ ﺍﻟﺠﻤﻴﻞ ﺍﻥ ﻭﺭﺩﺓ ﻣﺎ ﻛﺎﺗﻔﺮﺿﺶ ﻭﺟﻬﺎﺕ ﺍﻟﻨﻈﺮ ﺩﻳﺎﻟﻬﺎ ﻛﻤﺎ ﺑﻐﺎﺕ ﺗﻜﻮﻥ . ﻛﺎﺗﻌﻄﻲ ﺍﻟﺮﺃﻱ ﻭ ﺗﻔﺘﺢ ﺑﺎﺏ ﺍﻟﻨﻘﺎﺵ ﻭ ﺗﺨﻠﻴﻚ ﺗﻔﻜﺮ . ﻛﺎﻧﻘﻮﻝ ﻫﺎﺩﺷﻲ ﻟﺤﻘﺎﺵ ﺷﻔﺖ ﻧﺎﺱ ﻣﻦ ﻗﺒﻞ ﺗﺎﻳﻜﻮﻧﻮ ﺩﻳﻤﺎ ﻣﺘﻌﺼﺒﻴﻦ ﻟﻼﻓﻜﺎﺭ ﺩﻳﺎﻟﻬﻢ ﻭ ﺍﻟﺒﺎﻗﻲ ﻛﻠﺸﻲ ﻏﺎﻟﻂ !
ﺟﻠﺴﺘﻨﺎ ﺳﻼﺕ ﺟﻮﺍﻳﻪ 4h ﻭ ﻣﺎ ﺣﺴﻴﺘﺶ ﺑﺎﻟﻮﻗﺖ ﻛﻴﻒ ﺩﺍﺯ . ﻭﺻﻼﺗﻨﻲ ﻟﻠﺪﺍﺭ ﻭ ﺗﻮﺍﻋﺪﻧﺎ ﺑﺎﺵ ﻧﺘﺸﺎﻭﻓﻮ ﻓﺎﻗﺮﺏ ﻭﻗﺖ ﺑﻴﻦ ﻣﺎ ﺗﺮﺟﻊ ﻣﻦ ﺍﻟﺴﻔﺮ . ﻗﺎﻟﺖ ﻏﺎﺗﻤﺸﻲ ﻟﻄﻨﺠﺔ ﺗﺰﻭﺭ ﺷﻲ ﻋﺎﺋﻠﺔ ﻭ ﺗﺮﺟﻊ ﻣﻦ ﺑﻌﺪ 3 ﺃﻳﺎﻡ . ﻗﺒﻞ ﻣﺎ ﺗﻤﺸﻲ ﺳﻮﻻﺗﻨﻲ ﻭﻗﺘﺎﺵ ﻏﺎﻧﺘﺤﻮﻝ ﻋﻨﺪﻫﺎ . ﻗﻠﺖ ﻏﺎﺗﻠﻘﺎﻧﻲ ﻣﻮﺟﻮﺩﺓ ﺑﻴﻨﻤﺎ ﻧﻌﻠﻢ ﺍﻟﺒﺎﻃﺮﻭﻥ ﻭ ﻧﺠﻤﻊ ﺍﻟﺒﺎﻛﻄﺎﺝ ﺩﻳﺎﻟﻲ . ﺿﺤﻜﻨﺎ ﻣﻠﻲ ﻗﺎﻟﺖ ﻟﻲ : ﻫﺰﻱ ﻏﻴﺮ ﺍﻟﻀﺮﻭﺭﻳﺎﺕ ﻣﺎ ﺛﻘﻠﻴﺶ ﺑﺰﺍﻑ ! ﺭﺍﻩ ﻛﻠﺸﻲ ﻛﺎﻳﻦ ! ﻗﻠﺘﻠﻬﺎ : ﺭﺍﻩ ﺍﻟﻰ ﺟﻤﻌﺖ ﻛﻠﺸﻲ ﻣﺤﺎﻝ ﻭﺍﺵ ﺗﻜﻮﻥ ﺷﻲ ﻋﺸﺮﻳﻦ ﻛﻴﻠﻮ !!!! ﺍﻟﻤﺎﻃﻠﺔ ﻋﺎﻃﻴﺎﻫﺎ ﻟﻴﺎ ﻭﺣﺪﺓ ﻣﻦ ﺍﻟﺪﺭﻳﺎﺕ ﺍﻟﻠﻲ ﺳﺎﻛﻨﺎﺕ ﻣﻌﺎﻳﺎ . ﺍﻟﻄﻴﺎﺏ ﻣﺎ ﻋﻤﺮﻧﻲ ﻛﻠﻴﺖ ﻓﺎﻟﺪﺍﺭ ﻳﻌﻨﻲ ﻣﺎ ﻛﺎﻳﻦ ﻣﺎﻋﻦ . ﺗﺎﻳﺒﻘﺎﻭ ﺣﻮﺍﻳﺠﻲ ﺍﻟﻠﻲ ﻛﺎﻧﻠﺒﺲ ﻭ ﺍﻟﻜﺘﻮﺏ ! ﻋﺎﻳﺸﺔ ﺯﻭﻓﺮﻱ !
ﺑﺪﻳﻨﺎ ﻛﺎﻧﺘﻮﺍﺩﻋﻮ ﻭ ﻗﺒﻞ ﻣﺎﺩﻳﻤﺎﺭﻱ ﺧﺮﺟﺎﺕ ﺍﻧﻔﻮﻟﻮﺏ ﻣﻦ ﺍﻟﺼﺎﻙ ﻭ ﻗﺎﻟﺖ : ﻗﻀﻲ ﺑﻬﺎﺩ ﺍﻟﺒﺮﻛﺔ ﻭ ﺷﺮﻱ ﺍﻟﻠﻲ ﺗﺤﺘﺎﺟﻴﻪ ! ﺣﺸﻤﺖ ﻭ ﺣﺴﻴﺖ ﺑﺮﺍﺳﻲ ﻭﻟﻴﺖ ﻋﺎﻟﺔ ﻭ ﺑﺤﺎﻝ ﺍﻟﻰ ﻗﺮﺍﺕ ﻓﻌﻘﻠﻲ ﻗﺎﻟﺖ ﻟﻲ : ﺍﻋﺘﺎﺑﺮﻳﻬﻮﻡ ﺳﻠﻒ ﻏﺎﺗﺮﺩﻳﻪ ﻟﻴﺎ ﻋﻠﻰ ﺍﻟﻤﺪﻯ ﺍﻟﺒﻌﻴﺪ ﻭ ﺷﺪﺍﺕ ﺍﻟﻄﺮﻳﻖ ﺑﻼ ﻣﺎﺗﺴﻨﻰ ﻣﻨﻲ ﺷﻲ ﺗﻌﻠﻴﻖ ! ﺩﺧﻠﺖ ﻟﻠﺪﺍﺭ ﻭ ﻣﻦ ﺣﺴﻦ ﺍﻟﺤﻆ ﻛﺎﻥ ﻛﻠﺸﻲ ﺧﺎﺭﺝ . ﻏﺴﻠﺖ ﻭ ﺗﻼﺣﻴﺖ ﻓﺒﻴﺘﻲ ﻣﺎ ﻓﻘﺖ ﺣﺘﻰ ﻗﺮﻳﺐ ﺍﻟﻤﻐﺮﺏ . ﺍﻟﻘﻴﺴﺎﺭﻳﺔ ﺍﻟﻠﻲ ﺣﺪﺍﻧﺎ ﻛﺎﺗﻜﻮﻥ ﺑﺎﻗﺔ ﺣﺎﻟﺔ . ﺣﻠﻴﺖ ﺍﻟﺠﻮﺍ ﺍﻟﻠﻲ ﻋﻄﺎﺗﻨﻲ ﻭﺭﺩﺓ ﻭ ﻟﻘﻴﺖ ﻓﻴﻪ ﺃﻟﻔﻴﻦ ﺩﺭﻫﻢ ! ﺗﻘﺮﻳﺒﺎ ﺍﻷﺟﺮﺓ ﺩﻳﺎﻝ ﺷﻬﺮ ﻓﺎﻟﻘﻬﻮﺓ ! ﻓﺎﻟﺤﻘﻴﻘﺔ ﻣﺎ ﻛﺪﺑﻮﺵ ﺍﻟﻠﻲ ﺳﻤﻮﻫﺎ ﻭﺭﺩﺓ ! ﻭﺍﺵ ﺑﺎﻗﻲ ﻫﺎﺩ ﺍﻟﻨﻮﻉ ﻣﻦ ﺍﻟﺒﺸﺮ؟ ﻗﺮﺭﺕ ﻧﺎﺧﺬ ﻣﺎﻳﻠﺰﻣﻨﻲ ﻣﻦ ﺑﻴﺎﺳﺎﺕ ﻭ ﻧﺸﺮﻱ ﻟﻮﺭﺩﺓ ﺷﻲ ﻛﺎﺩﻭ ! ﺣﻤﺪﺕ ﺍﻟﻠﻪ ﺍﻧﻨﻲ ﻣﺎ ﻋﻨﺪﻳﺶ ﻣﻊ ﺍﻟﺒﻨﺎﺕ ﻣﺎﻓﻴﺎ ﻣﺎﻳﺒﻘﺎ ﻳﻌﺎﻭﺩ ﻭ ﻛﻞ ﻭﺣﺪﺓ ﺑﺎﺵ ﺗﻔﺘﻲ ﻋﻠﻴﺎ . ﻣﺎﻋﺮﻓﺘﺶ ﻛﻴﻔﺎﺵ ﻏﺎﺩﻭﺯ ﻫﺎﺩ 3 ﺃﻳﺎﻡ . ﺗﺨﻠﻂ ﻟﻲ ﺍﻟﻔﻀﻮﻝ ﻣﻊ ﺍﻟﺼﺪﻣﺔ ﻣﻊ ﺍﻟﺨﻮﻑ ﻣﻦ ﺍﻟﻤﺠﻬﻮﻝ . ﻫﺎﺩﺷﻲ ﺩﺍﻳﺮ ﺑﺤﺎﻝ ﺷﻲ ﺣﻠﻢ . ﺍﻣﻜﻦ ﻧﻔﻴﻖ ﺍﻟﻐﺪ ﻟﻴﻪ ﻭ ﻧﻠﻘﻰ ﺭﺍﺳﻲ ﻓﻌﻼ ﻛﻨﺖ ﻛﺎﻧﺤﻠﻢ .
ﺍﻟﻘﺮﺍﻳﺔ ﻧﺴﺎﺗﻨﻲ ﺍﻟﺘﻔﻜﻴﺮ ﻭ ﻛﺎﻧﺖ ﻋﻨﺪﻱ ﺭﻏﺒﺔ ﻛﺒﻴﺮﺓ ﺑﺎﺵ ﻧﺠﺘﺎﻫﺪ . ﺣﺎﻭﻟﺖ ﻧﺎﺧﺬ ﻛﻞ ﺍﻟﺪﺭﻭﺱ ﻭ ﻧﺤﻀﺮ ﻓﻜﻞ ﺍﻟﻤﺤﺎﺿﺮﺍﺕ . ﺍﻟﺘﺨﺼﺺ ﺩﻳﺎﻝ ﺍﻟﻘﺎﻧﻮﻥ ﻛﺎﻳﻄﻠﺐ ﺟﻬﺪ ﻛﺒﻴﺮ ﻭ ﻣﺎ ﺟﻴﺘﺶ ﺑﺎﺵ ﻧﺪﻭﺯ ﺍﻟﻮﻗﺖ ﻓﻼﻓﺎﻙ . ﻋﻨﺪﻱ ﻃﻤﻮﺣﺎﺕ ﻛﺒﻴﺮﺓ ﻭ ﻛﻤﺎ ﺗﺨﻄﻴﺖ ﻋﺮﺍﻗﻴﻞ ﻛﺜﻴﺮﺓ ﻧﻘﺪﺭ ﻧﻮﺻﻞ . ﺍﻟﺒﺎﻃﺮﻭﻥ ﻣﺎ ﻛﺎﻥ ﻋﻨﺪﻭ ﺣﺘﻰ ﺍﻋﺘﺮﺍﺽ ﻭﺍﺧﺎ ﻏﺎﻳﺨﺼﻮ ﺍﻟﻠﻲ ﻳﻌﻮﺿﻨﻲ . ﺍﺗﺎﺻﻼﺕ ﺑﻴﺎ ﺧﺘﻮ ﻭ ﺳﻮﻻﺗﻨﻲ ﻳﺎﻛﻤﺎ ﻛﺎﻳﻨﺔ ﺷﻲ ﻣﻀﺎﻳﻘﺎﺕ، ﺷﺮﺣﺖ ﻟﻴﻬﺎ ﺑﺄﻧﻨﻲ ﻟﻘﻴﺖ ﺧﺪﻣﺔ ﻗﺮﻳﺒﺔ ﻣﻦ ﻻﻓﺎﻙ ﻭ ﻛﺎﻳﻦ ﻓﻴﻦ ﻧﺴﻜﻦ، ﻭ ﺍﻥ ﻫﺬﺍ ﺍﺧﺘﻴﺎﺭﻱ ﻭ ﺣﺘﻰ ﻭﺍﺣﺪ ﻣﺎ ﺿﺎﻳﻘﻨﻲ . ﻣﺎﻛﺎﻧﺘﺶ ﻣﻦ ﺍﻟﻨﻮﻉ ﺍﻟﻠﻲ ﺗﺎﻳﺪﻳﺮ ﻓﻴﻚ ﺍﻟﺨﻴﺮ ﻭ ﻳﻨﺪﻣﻚ ﻋﻠﻴﻪ . ﺗﻘﺒﻼﺕ ﺍﻟﻘﺮﺍﺭ ﺩﻳﺎﻟﻲ ﻭ ﺩﻋﺎﺕ ﻣﻌﺎﻳﺎ : ﺍﻭ ﺳﻴﺮﻱ ﺍﺑﻨﺘﻲ ﺍﻟﻠﻪ ﻳﻮﻓﻘﻚ ﻭ ﺭﺩﻱ ﺑﺎﻟﻚ
ليست هناك تعليقات