قصة كريم فالمدينة - الجزء 22

الجزء 22

من بعد ما سمعو كاملين الهدرة د السكانير ، حيت مروان كان داير Haut Parleur ، الجد طير التيليفون من يدين مروان 

الجد : البشير ما دير ليهوم والو ، الساروت أنا غانعطيه ليك 

السكانير : غدا تجي عندي لهنا و راك عارف ، دير معايا هاه ولا هاه را الخبار فراسك 

صبح الصباح 

قلع الجد هو و مروان اللي ضروري ما خاصو يطمئن على واليديه ، السكانير من بعد ما دوز الليلة كيستجوب فبات مروان ، قدر يعرف شحال من حاجة عليهوم ، الجد الطريق كاملة تايهدر هو و مروان و تيخططو لشي حاجة ما فيهاش ‏

السكانير صيفط زاك عند كريم و ملاك و قاليه " را درت مع واحد السيدة غاتعرض عليهوم لواحد الحفلة ، حضيهوم ليا مزيان ، حيت أنا عارف أن داك الشارف را ماشي غير غاي يجي و يعطيني الساروت ، داكشي علاش ضروري متكون عندي شي وسيلة باش نضغط عليه فحالة دار شي حاجة ماشي هي هاديك ، و أي إشارة مني حرك ليا البشر ، وا كون رجل ‏ "

كريم و ملاك غي مريحين فالدار ، كياكلو و شادين واحد الفيلم ، الملل و كايتسناو الجديد ، تا صونا التيليفون فيكس ديال الدار ، جاوبات الجدة اللي كانت حداه ، و كيفما خطط السكانير ، السيدة اللي منضمة ديك الحفلة عرضات عليهوم ، كريم و ملاك فرحوا مع هوما نيت تيقلبو غي باش يدوزو الوقت ‏

و العائلة الجديدة د امال تا هي معروضة للحفلة ، و بما أنها عبارة عن Soirée Masquée ( حفلة اللي غاع المعروضين فيها خاصهم يلبسو واحد القناع ) ، مشات امال هي و عدنان يشريو الأقنعة اللي غايلبسوهم فالحفلة ‏‎

كريم و ملاك تا هوما خرجوا يشريو ماسكات للحفلة ، و ديك المنطقة فيها متجر واحد اللي مختص فبيع هادشي د الاقنعة ، امال و عدنان تقداو الأقنعة اللي عجبوهوم و خارجين ناشطين ، حتى بان ليها كريم و ملاك تماك ، و بقات كاتشووف و بدات كاتفكر ‏

عدنان : مالك ‏؟

امال : أنا متأكدة أن هاد الجوج كانعرفهوم ‏ !!!

عدنان : (مع موصيه باه مزيان) لا غيكونو غير تشابهو ليك مع وحدين خرين ، يالله بحالنا ، را خاصنا نشوفو جدة واش خاصاها شي حاجة للحفلة ‏

يتبع...