قصة حبيبي البطل - الجزء من 41 إلى 50
وصلنا لدار رجاء وبغيت نزل وهو يشدني فيدي .....
تلفت ليه
انا:وي
يوسف:(منزل عينيه)داكشي لوقع فالمكتب رها
انا:اشنو
يوسف:ليلى بصارحة مكنتش باغيا نبوسك فمك
انا:(باستغراب)كيفاش
يوسف:انا كنت باغي نبوسك فحنكاك بغيت غير نقول ليك شكر وغلط وبستك فحنكك سمحي ليا
انا:(مبتسمة )لا عادي الناس كيغلطو
يوسف:(بتغوبيشة)اش كتقصدي بالناس كيغلطو
انا:اه شحال من وحد كيغلط
يوسف:(مزير على يدي بالجهد)كتقصدي شحال من وحدة باسك بالغلط
انا:طلق من يدي راك كتقصحني
يوسف:(باقي مزير ومعصب)جوبي
انا:لا مقصدتش هكاك لمهم سمحتك غير متعودهاش
يوسف:(بغيت نزل وهو مزال شدني فيدي شفت فيه بتخنزيرة)اشنو
انا:(بالغوط)حيد من ايدي اه ومسح فمك
نزلت دقيت على رجاء حلات ليا مرات عمي عنقتها حيت عزيزة عليا طلعت لبيت رجاء لقيتها مرونة
انا:اويلي اش هدا الروينة
رجاء:اففف مالقيت منلبس كاع لغوب لهنا فايت لناس شفوني بيها
بيهاوعلاش انا هنا بلاهي نخرجو نشريو اش نلبسو ونتقادو رها 6 هادي
رجاء:وخا
هزات صاكها وخرجنا بطموبيلة عمي بقيت ساهية الطريق كاملة وكنفكر فهد التفاهة كل مرة وجه يوسف مرة كيكون رمانسي معيا مرة كيبن ليا البرودة وعدم الاهتمام ديالو رغم انهو كيبين ليا غيرتو عليا او غير كيبان ليا معرفت المشكيلة ماشي فيو سف فيا انا لوليت كي الهبيلة فين ديك العزة ديال النفس والتكبر والغرور فين ليلى لكانت ممعتبر حتى شي ولد المراة دبا وليت وحدة اخرة بقيت هكاك حتى وصلنا لمول نزلنا مشينا لواحد البوتيك من بعد ما كنقيسو ونجربو شي ساعة واخير خدينا مابغينا وخرجنا مشينا لدار لقينا الكوفورة تماك صوبو لينا شعرنا رجاء جمعت شعرها مشية ودرت الكسة ماكياج تقيل فالكحل ولبات غوب فالكحل معرية من جيهت الضهر والصدر ونزالة فالللور والقدام طالعة وصلة الركبة وصباط عالي طلعات كتحمق ...
اما انا فصوبت شعري بوكلي وطلعتو مشيتة وخليت شي خصلات من شعري مليوحة على وجهي درت مكياج تقيل فالموف وغوب طويلة فالموف مشبكة بحجيرات ومعرية من جيهت الصدر والضهر وصباط عالي جيت كي شي حوثة بقينا نشوف فريوسنا وحنا كنضحكو نزلنا فالدروج وهيا تعيط عليا ماما مشيت عندها ورجاء مشاء لحفلة من بعد الاصرار ديالي اكيد مشيت مع ماما قالت ليا ختاري ليا الغوب بقيت ملهيا مع ماما بدات الحفلة والضياف كلهم جاوا من بعد ما كملت مع ماما نزلت تاجهت لجردة لكانت عامر بالناس والموسيقة المجهدة مي كلشي انيق ورمانسي اكيد رجاء نضمت الحفلة ضروري تكون رمانسية بقيت غادة وانا كنتعوج بانت ليا رجاء وقفة اما طولة صغيرة مصحوبة فجوج ديال الشباب بغيت نمشي عندهم
قصة حبيبي البطل - الجزء 42
بغيت نمشي عندهم ...وهو يبان ليا يوسف وقف مع فيصل وشي بنات تجمدت بلاصتي خصوص لبس كوستيم فالكحل وخاشي ايده فجيب وهاز وفيصل لابس كوستيم فالكري وكيضحك مع البنات اما يوسف فغير وقف كيهدر معهم وهما بغين ياكله بعينهم شافتني رجاء وجات كتجري لعندي وجرني فيدي
رجاء:من الصباح والجماعة ديالنا كيقلبو عليك
انا:(باستغراب)جماعة
رجاء:(غمزات ليا)كنعني هدوك
انا:اممم
شافنا فيصل وهو
فيصل؛(كيشير بيده)ها ليلى
يوسف دار لعندي كيشوف فيا بكل اعجاب والبنات كيخنزرو
هيا:اف كيديرة
يوسف:ششششو
سكتها وجاء لعندي وقف قدمي
انا:شو....
يوسف:(بغيت نهدر وسكتني)مزال مخديت والو نشربو قلت حتى تجي وناخدو بجوج
انا:(مبتسمة)شكر
يوسف:(كيشوف فيا او حال فمو فيا )اوكي انمشي نجيب شي حاجة منشربوا بقي هنا متحركيش حتى نجي اوكي
انا:وخا
مشاء يوسف ايجي مانشربو وبدات موسيقة وكلشي كيرقص جاء فيصل جيهتي
فيصل:نرقصو
انا:وي بكل تاكيد
فيصل:تفضلي انسة
انا:اوه شكر
مشينا لوسط وكاع الناس كيرقصو وانا وفيصل كدالك رجاء ملهيا مع الناس كترحب كيف لا وهيا منضمت الحفلة
فيصل:امم جيتي زوينة
انا:عرفا
فيصل:حتى رجاء جات كتحمق
انا:بصاح رجاء كلها كتحمق داخليا وخارجيا
فيصل:بصارحة نتوما بجوج لشافكم ايقول هدوك متكبرات مفشات لا غير مي نتوما العكس
انا:امم نقدرو نقول معجب برجاء
فيصل ةشي من هذا
هكا كنا كنضكو وحنا فالوسط اما يوسف ملي جاب المشروبات جاء كيجري لعندي مي مالقنيش قلب عليا ولقني كنرقص مع فيصل تعصب وحط الكيسان ومشاء وقف جنب واحد الشجرة كيشوف فينا وحنا كنضحو وهو كيتحرق من الداخل انا تلهيت مع الهضرة مع فيصل ونسبت يوسف واش قال ليا
رجاء:(مشات عند يوسف)يوسف ممكن ترقص معيا
يوسف:اه وخا
رجاء:يلاه
جاو حدنا بداو كيرقصوا غير شفتو مع رجاء تغوبشت ..
قصة حبيبي البطل - الجزء 43
جاو حدنا بداو كيرقصو غير شفتو مع رجاء تغوبشت وكدالك تضهرت بحال الا مهمنيش الامر وبديت كنضحك مع فيصل فيصل شاف رجاء
فيصل:يوسف نتبادل
رجاء:لا اسيدي الله ك....
يوسف:(قاطعها)اه وخا
طلق منها وجا لعندي شدني فيدي وحاط ايدي فخصري وجرني لعند بجهد انا حاطة ايدي فوق كتفو
انا:بشوية حتى ترقص ديما عنيف
يوسف:انا اشنو قلت ليك
انا:اشنو قلتي
يوسف:(كيشوف فعيني وانا كنتفادى نشوف فعينيه)قلت ليك تسنايني
انا:(طلعت فيه عيني وكندير وجه البرءة)والله الا نسيتك
يوسف؛خاصك قتلة ديال العصا
انا:(مصلعة حاجب)كيفاش
يوسف:جيتي زوينة
انا:(مباسمة)رها اخويا طليت فالمريا ديال الدار ونزلت لدروج تقابلت مع المريا عرفت راسي زوينة عاد جيت لهنا
يوسف:متكبر مغرورة
انا:حتى نتا مبيكش
يوسف:وقولي وسيم
انا:(كنضحك)بركة منين جاك
يوسف:(مبتسم)
انا:(مخرجة عيني)كتبتسم اك ياك
يوسف:(جرني ولسقني مع صدرو )شششششو
بدينا كنرقصو وانا حاطة ايدي فوق كتفو وهو حاط راسو على جنب راسي شوية سالت الموسيقة بغيت نحيد ايدي وهو يجرني لعندو
انا:(كندير الضحكة الصفراء لناس)يوسف سالت الموسيقة
يوسف:مازال ماسليت الرقص انا
انا:بركة اش كتخرف كلشي مشاء ويلي ديرين كي الحماق
يوسف:(بالغوط)دير موسيقة اخرى
دار موسيقة اخرى
يوسف:ايو هاهيا الموسيقة بدات
انا:واش نتا مريض نفسني
يوسف؛(باغي ايجوبني وهو يصوني تلفونو )الو ...كيفاش...هاني جاي...
انا:اش كاين
يوسف:(كيحول اتجنب سؤالي)ولو
انا:(شديتو فيديه)عفاك
يوسف:ليلى ......
قصة حبيبي البطل - الجزء 44
انا:(شديتو فيديه)عفاك
يوسف:ليلى باباك
انا:مالو
يوسف:خطفوه
انا:(مخرجة عيني)كيفاش
جرني يوسف من يدي ومخرجني ركبنا فطموبيلتو
يوسف:(وهو شادني فيدي)ششششو بغيتي ماماك تسمع وهيا مريضة بالسكر
انا:(كنبكي ونغوط)يوسف بابا
يوسف:(شاد ايدي دارها على قلبو)كنوعدك انرجعو اليوم كنوعد ثقي بيا
انا(معنقاه)كنثيق فيك
يوسف:(كيدوز ايده على شعري)ششششو نزلي دبا ..
انا:(قاطعتو)لا عفاك بغيت نمشي معاك عفاك
يوسف:لا واش نتي مريضة هوما عصبة ياعني القتل
انا:مغديش نتنزل انمشي معاك
يوسف:(بالغوط)مغاديش الا وقعت لؤك شي حاجة انا..
انا:(كنشوف فيه وكنبكي)
يوسف:(بارتباك)كنعني كنقصد الا وقعت ليك شي حاجة انا كيفاش انشوف فوجه باباك
انا؛نتا معيا عفاك
يوسف:راسك قاصح
بقينا غادين ويوسف كيهدر معا شي حد فالتليفون وانا غير كنبكي
يوسف::صافي عرفت فين كاينين
انا:بصاح ياعني
يوسف:ياعني تهدني عفاك منحملش نشوفك بهدا الحالة
بقينا غادين شي ساعتين واخير وصلنا لوحد الغابة خوية ومهجورة وسط ديالها كاين كوخ غير وصلنا حد يوسف لا فيسط وباقي بقميجة بيضة هز السلاح وخباه مور ضهرو وخرج
يوسف:نتي اتبقي هنا
انا:لا عفاك خليني معاك
يوسف:نزلي
نزلت وشديت فكتفو وحنا غادين بخطوط باطئ وبشوية حتى وصلنا الكوخ واماما الكوخ جوج رجال تخبينا وخرج يوسف ضربهم بالمسدس وكلهم ولاو دم غوط وتخلعت وكنبكي جرني يوسف فيدي ودخلنا دخلنا وادا بكزوخ قديم مضلم وفالدخل مجموعة من رجال ديرن على زواحد المائدة وكيميو هلي كيكمي الشيشة وهلي كيكمي السيكار كل واش كيدي هلي كيشرب غير شافونا كلشي ناض ولات من كوخ الا حلبة انا تخبيت مور واحد المريو كنلمح بوسف كيضرب باسلوب رائع كيضرب وينعسهم كيف لا وهو ضابط بعض الاحيان كيضربوه انا كنغوط مكنبغي حد احط ايده عليه كانه طرف مني معرفت كيضرب شوية جاء واحد طويل وصحيح وبداء كيضحك وتقابل مع يوسف
هو؛ههنهه يوسف الادريسي واخير تلقيت معاك
يوسف:نعطيك 2 دقايق جوج نعسك هنا
هو:هههه متقدرش
يوسف:(وكيلمح بيديه)جوج دقايق
دار اداك الرجل لعندي وجرني فشعري وانا كنغوط
هو:(وكيضحك باسلوب كيمرض)واوا جيتي وجيب معاك هدا الزين كامل سعدتي
يوسف:تقيس منها شعرك نمحيك
هو؛واوا زينة انيقة واوا شعرها شحال زوين وخلي عنقها وطاي عندها حوث واوا واحد الفيم اح اقلبي
قصة حبيبي البطل - الجزء 45
يوسف:هز واحد الفاز عطاه ليه لوجه وطاح وانا نمشي تخبيت مور يوسف مي داك الكنس عندو 20 روح ناض وهو كيمسح دم لعلى وجهو ويضحك
هو:3 سنين 3سنين ومقدرتيش تبدل وحتى ديك البنت الزوينة مقدات عليك تبدلك
يوسف:وتمام 3سنين والوسخة ديال مبغيتش تبدلها
هو؛هه لفيه شي ديفو فيه
يوسف:فين ميسيو الاشكر
هو:ههه كتفكر بسهولة انجي نقول ليك فين هو
يوسف:(بالغوط)فين ميسو الاشكر منعودش هضرتي
هو:(وكيغمز ليا)زوينة هدا البنت مي فين ....
يوسف:(قاطعو بضربة لوجه )فينهو
بدوا كيضربو وانا كنترعد لحضة جاء كنسمع صوت الرصاص دخلة فشي حد طاح داك الشخص وتابعو يوسف كيفاش درو ليها معرفتش غير شفت يوسف طاح وقميجتو دم وانا نطيح على ركبي كنبكي وكنبعد باللور وكنشوف يوسف كيشوف فيا وعينيه حالهم غير بزاز ملي ستدركت الوضع مشيت عند وهزيت راسو حطيتها فو رجلي وكنبكي ويوسف شد ايدي حاطها على قلبو مفهمتش اش كيقصد حاط ايدي على قلبو وغمض عينيه انا تلفت كنغوط
انا:عفاك فيق عفاك حشومة عليك والله منبقا نغوط انا رها وعدتك وحتى هدا اللباس الضيق مبقيت نلبسو عفاك اهئ اهئ اهئ .....
مي مفاقش كرشو كتسيل بالدم وقميجتو ولا حمرة بدل بيضة انا بان ليا تلفون مليحو فالارض هدرت مع الاسعاف وتعطلو شي ساعة واخير جاو هزو يوسف وانا دخلت كنقلب على بابا لمليوح فالارض بان ليا قرعة د الماء هزيتها رشتها عليه ونوضتو وهو الدموع فعينيه ركبنا كاملين فالاسعاف وانا كنبكي بابا تخلع على يوسف وانا كذالك بحال الا طرف مني تادا كنحس براسي ضايعة كنبكي والدموع مبغوش احبسو ممولفاش نشوفو هكاك مولفا نشوفو واقف ديما حاميني دبا وهو هنا اهئ اهئ اهئ علاش كيوقع هدشي اهئ اهئ اهئ واخير وصلنا الاسعاف وانا كنجري رغم الغوب لكلها دم يوسف وايدي كدالك دخلوه لغرفة العمليات دازت نص ساعة وبدا كلشي كيجي من ماما رجاء يوسف حضنت رجاء وكنبكي فحضنها باعلى صوتي كي ولو مبغاش العافية لشاعلة فقلبي تنطفئ
داز مدة معيانة وخرجو الاطباء لكانت وجه ديالهم كيبشر بالخير واعلمونا بلي الرصاصة خرجوها وعنقت الطبيب لهمس فودني وقال ليا :نني هيا ليلى
انا:اه
هو:طول الساعة وسي يوسف كينده بسميتك
انا:(مبتسمة)شكر اندخل عندو دبا
الله بغيت ندخل وانا نسمع صوت البكاء مجهد تلفت وتصدمت
قصة حبيبي البطل - الجزء 46
الله بغيت ندخل وانا نسمع صوت البكاء مجهد تلفت وتصدمت ......
كاتبان ليا بنت فعمرها 20 عام طويلة وعمرا شوية شهبة عينها كحلين وبيضة بزاف لابسة سروال كحل وتشورات فالكحل ومنطوو فالكحل وهازة صاك فمعنى جاي او غادة لشي بلاصة كتبكي وتسول هدا وهداك كي الهبيلة تلفت بان ليا فيصل مصدوم انا ستغراب شكون هدي جات لعندنا ومشات عند فيصل نيشان وهيا طيح على ركبيها وتبكي باعلى صوتها
فيصل:(كينودها)سارة نوضي
سارة:(شادة فالقميجة ديال فيصل وتبكي)يوسف
فيصل:شششو هو بيخير اسارة مي امتا جيتي
سارة:اهئ اهئ جيت ليوم وملي وصلت مشيت لمركز وتصدمت ملي قالو ليا يوسف هنا
فيصل:شششو لا هو بيخير والله
رجاء:شكون هدي افيصل
بابا:بنتي شكون نتي
انا بقيت مسمرة بلاصتي كنتدر الجواب وكاع الاسئلة كاينة فبالي
سارة:يوسف حبيبي حياتي خطيبي
رجاء:(شافت فيا دغيا)كيفاش
انا كان تماك واحد الكرسي طاحت فوقو وكلست كانني مصدومة شوية خرجات الطبيبة
هيا:عفاكم سي يوسف فاق الا بغيتو دخلو لعندو مي ماشي كلكم
سارة:انا خاطيبتو انا اندخل
دخل بابا ماما وسارة وفيصل وانا ورجاء بقينا براء رجاء كتهدر وانا عقلي توقف وغير ساهية فبلاصة واحدة هزيت صاكي وخرجت وانا غادية وعيني فالارض مصدومة او معرفت خرجت شديت طاكسي شوية وانا فالطاكسي بداء تلفوني كيصوني
قصة حبيبي البطل - الجزء 47
شديت طاكسي وانا حاطة راسي فوق من الزاج ديال شرجم وسارحة فافكاري لملها حدود حتى بداء تلفوني كيصوني هزيتو لقيت نمرة فيصل
انا:الو
فيصل:ليلى فينك
انا:فالطريق
فيصل:يوسف كيقلب عليك
انا:صافب وصلت لدار انا دبا منقدرش نجي
فيصل:ليلى يوسف كيغوط عليا قال ليا تجي
انا:(بالغوط)مبغيتش نجي
فيصل:ليلى شدي يسف باغي اهضر معاك
تفيت تلفون وحطيتو فصاكي وكنبكي وصلت لدار دخلت مشيت لبيتي سديتها وتلاحيت فوق نموسيتي وانا كنبكي باعلى صوت ونغوط وقفت مشيت لحمام دوشت وانا كنبكي خرجت لبراء وتقابلت مع المريا وكنشوف فوجهي
انا:ليلى الاشكر كيف كنتي وكيف وليتي اشنو مالكي دبا كتبكي اشنو وقع اشنو هو بنسبة ليك اهئ صافي ياك هو عندو خاطيبتو وزوينة ونتي هنا كتبكي ..
لبست بيجامتي وتخبيت فمانطي وداني النعاس نيت انا عيانة مي لقاتلني انني نعست ودموع فعيني وكنبكي على حاجة لكنت ديما كنوصفها بتفاهة #الحب ... ..
فقت الصباح على صوت رجاء فالتحت صوات الصداع خرجت بشعكاكتي وبيجامتي القصيرة بان ليا الصداع فالتحت وصوات الضحك المجهد بانت ليا رجاء وفيصل شاد يوسف فيديه وسارة وقفة حدا ماما وبابا شاد يوسف فيديه
بابا:راسك قصح
فيصل:هو ديما هكا
سارة:كون غير بقيتي باقي كيما قال ليك الطبيب
يوسف:ماكين لاش صافي
رجاء:تكلس هنا
يوسف:لا طلعوني لبيتي
غير سمعت طلعوني لبيتي وانا نجري دهلت لبيتي ودرت راسي نعاسة وتماما يوسف ملي طلع داز حدا بيتي طلب من فيصل ادخلو وجاء طل عليا ومشاء وانا نوض غسلت حالتي ولبست سروال جينز ازرق وقميجة فالحمر وصباط عالي فالاحمر وشعري درتو على شكل ديل حصان ومكياج خفيف وعطري المفضل وبغيت نخرج تنفس بصعوبة ورفعت راسي الفوق ونزلت بات ليا رجاء جات معنقني
انا:مرحبا انا ليلى
سارة:اهلان انا سارة
انا:شفتكم خرجتو يوسف دغيا
سارة:يوسف هكاك دير رغم محولات الاطباء الا كان باغي ايجي
اانااوكي انطلع عندو نشوفو
سارة:وي سيري مي كنضن ايكون ناعس
انا:المهيم نخليكم
طلعت لعندو وقفت حدا بابا بيتو تنفس شهيق زفير ودقيت
قصة حبيبي البطل - الجزء 48
طلعت لبيتو وقفت حدا بابا بيتو وكنتنفس شهيق زفير ودقيت .....
دخلت لقيتو متكي على ضهرو لبس تشورت كحل وسروال كري تاع الدار وشعرو مرون وعاطتو وسم كتر غير شافني باغي اينوض
انا:بقا
يوسف:تفو مكتعرفيش الخير اوجه النحس
انا:(ببرودة )سمح ليا كان راسي ضرني هدشي علاش
يوسف:(تغوبش)شربت كينة ديال راس
انا:اه
يوسف:(باغي احط راسو على جبهتي وانا نحيد تجنبتو )ليلى
انا:وي
يوسف:لا ولو
انا:لمهم انمشي ملي طليت عليك صافي متقولش ليا ممسوبش
يوسف؛ليلى مالك
انا:(كنضحك)مامليش انا بيخير ودبا نيت انخرج لكلية
يوسف:تسني متمشي بوحدك تسني نوصلك
انا:(بالغوط)ممحتاجكش شكر كاين فيصل ايوصلني رتاح
يوسف:الصمت
انا:اه خطيبتك زوينة
يوسف:شو..
انا:(قاطعتو)نخليك طعتلت
خرجت وانا عيني مغرغرين مشيت لبيتي مسحت دموعي ونزلت وانا نجر رجاء فيدها وخرجتها لجردة بقينا غادين
رجاء:(تنهدت)ليلى
انا:(مبتسمة تاع بزاز )وي حبيبتي
رجاء:(حاطة ايديها على قلبي )هنا اليلى كيتوجع
انا:اش كتخرفي
رجاء:ليلى كتبغيه ياك
انا:شكون هدا
رجاء: يوسف
انا؛(عنقتها)واش ايفرق ارجاء ولو والله هو مخطوب وباينة كيبغيها و
رجاء:(قاطعتني)لا محال واش كيبغيها مستحيل هو كاع ممعتبرها
انا:لمهيم صافي كانت مجرد تفاهة ودبا انا انمحي ديك التفاهة كنوعدك
رجاء:فشلت والله فشلت ملقيتش ليك الحل لهدشي لوقع
انا:(مسحت دموعي)من دبا ديك ليلى ماتت دبا انا ليلى اخرى من دبا
شوية كنسمع صوت فيصل كيغوط بسميتي خرج لجردة غير شافني جاء لعندي
فيصل؛فين كنتي
انا:غير هنا
فيصل:يوسف ايقلب الدنيا عليا شي نهار بسبك
انا:اشنو
فيصل:قال ليا انني نكون كي الضل ديالك
انا:(بعصبية)سير انا ماشي بنت صغيرة
فيصل:ليلى
انا:ششششو سير دبا
مشاء فيصل دخل وصيفت حتى رجتء شديت طاكسي ومشيت جنب البحر بغيت نبقا بوحدي كنتسنط لعضمي بقيت هكاك حتى لديك 19 شديت طاكسي ورجعت لدار غير دخلت مع الباب تاع الجردة
قصة حبيبي البطل - الجزء 49
غير دخلت مع بابا تاع الجردة بان ليا يوسف هاز تلفونو وكيضورها فيدو وشاد كرشو خصوص مازال مبراء وكيدور تماك والمشكيلة كين البرد غير شافني جاي لعندي بعصبية انا غير شفتو فديك الحالة وانا نطلق رجلي لريح
يوسف:(تابعني بخطوطة متسارعة)ليلى تسني ليلى
انا:بعد مني
يوسف:(بالغوط)فين كنتي اا
انا:ماشي سوقك
يوسف:ضروري خاسك تعصبني ضروري
انا:وعطيني التساع واصلن شكون مخرجك
بقيت كنجري ويوسف تابعني بخطوط متسارعة حتى تساطحت مع شي حد طلعت عيني لقيتها سارة
سارة؛(كضحك)مالك كتجري
انا:(بعصبية)لا غير خاطيبك لمعصب غير بوحدو
يوسف:سارة بقي هنا
سارة:مستحيل نخليك احياتي
يوسف:غظا فالصباح تمشي
انا:لا مغديش
يوسف:نتي بضبط حسن ليك متدخليش
انا:علاش الدر ماشي دارك وانا من حقي نخلي لبغيت ونخرج لبغيت
سارة:يوسف حياتي
يوسف:بلعي لسانك نتي برزتني
سارة:اشنو احبيبي
يوسف:(بعصبية وبالغوط)قلت بلعي لسانك اسارة انا معصب
انا:خلي البنت كتغوط عليها رها حب...
مزال مكملتها حتى جرني فيدي ومطلعني لبيتو بغيت نحيد ايدي مي مزير عليها
يوسف:(وهو مقرب وجهو لعندي)اشنو مالك مالك
انا:طلق مني
يوسف:لا حتى نعود ليك
انا:مقلتش ليك عود ليا مكيهمنيش
بوسف:(بالغوط)حتى انا مي معرفتش علاش بعيت نعود ليك عليا انا وسارة معرفتش اقدر ايجي كلامي غريب مي ثقي بيا معرفتش علاش باغي نعود ليك فقلبي هنا وحد الحاجة مزيرة الا معودتش ليك مغديش تحيد
انا:وانا قلت ليك مكيهني نسمع والو مكنحملش نسمع قصص الحب حيت كنعتبرهم غير تفاهة
بغيت نخرج وهو يجرني فيدي لاحني فوق نموسيتو ومشاء سد الباب بالساروات وجاء لعندي
يوسف:دبا اتسمعني من بزاز منك ..
قصة حبيبي البطل - الجزء 50
يوسف:دبا اتسمعيني بزاز منك
انا:اوكي دوي نشوف مي كلس ركا باقي مبريتي
يوسف:وعلاه لعندو بحالك اقول حمد الله
انا:لعندو بحالي سعدتوا فالدنيا
يوسف؛بنت عمي
انا:كيفاش
يوسف:سارة بنت عمي عمي وبابا كنو مفاهمين بزاف اي مشروع ايديروه كيدروه بجوج تزوجو بجوج فنفس النهار وكدالذ ماما ومرات عمي كانو حاملين مي ماما كانت سابقها تولدت انا وفرحو بيا كيف لا وانا الولد الاول فالعائلة ودازت شي شهور من بعد تزادت سارة وديك الساعة كلشي كيقول يوسف لسارة وسارة ليوسف وهكا نزدينا كنا كنلعبو بجوج ديرين كي التوأم وكلشي كيقول ملي تكبرو ناكل عرسكم بجوج دازت الاعوام وحنا ولينا كبار وانا دخلت الشرطة توضقت ونتاقلت لمكان نعيش فيه شحال بكات سارة ملي مشينا مي انا ودعت ومبقاش فيا الحال همي هو انني نكون شرطي داز عام وماتات ماما خلات صدمة كبيرة فحياتي خصوص كنت جاي داك النهار نجري ونقول ليها بلي وليت ضابط مي لقيتها ماتت قضاء الله وقدره انا بقيت مديها فخدمتي والاب ديالي كن بعد موت الام تدهورات حالتوا ولل مريض جاء عندنا عمي وبنتو كنعني سارة بقوا عندنا مدة كنت كل ما كنكون مهموم او وحيد كنمشي عند سارة كنخوي قلبي عليها هيا كانت مخب اسراري الوحيد ماعندي حد نشكي عليها من غيرها وملي كانت بابا في فراش الموت شاد ايدينا وزدهم ومات بمعني انني عمري نتخلى عليها وهكاك وليت وحيد فحياتي سارة كانت كتجي من مدينة بعيدة لعندي تغسل ليا حويجي تصوب ليا الدار وتكلس معيا وتخوي عليا قلبها وانا بدورها كنخوي قلبي عليها كانت كل ما كنجي معصب كتفادى تهدر معيا ماتو عائلتي فمرحلة صعيبة فحياتي او مرحلة كنت محتاجهم فيه مي الغالب الله كانت سارة دواء بنسبة ليا
انا؛(ودموع فعيني)اممظ باينة فيك كتبغيها بزاف
ليست هناك تعليقات