قصة زوجتي الصغيرة - الجزء 4
قصة زوجتي الصغيرة
- الجزء 4
جات عندي مريم وجابتلي حوايج دخلت دوشت وخرجت لبست حوايج ديال دار كان مزال شهر للوطني وصيت مريم تجيبلي الدروس وبديت نراجع
عمر و مريم بقاو مصدومين من التغير ديالي ولكن أنا مغداش نوقف حياتي هدا قدر وخصني نصبر
حليت الشراجم ديال البيت و هبطت لتحت كانت دار ديال عمر زوينة كان جالس كيتفرج مشيت جلست قبالتو
عمر : ملاك شوية دابا ؟؟
ملاك : الحمد الله شكرا بغيت نقولك شي حاجة
عمر : وي دوي
ملاك : أنا مغداش نبقا متقلة عليك و بغيت نشري دار ونسكن
عمر : ملاك سكتي باباك الله يرحمو راه كان صاحب بابا و أنا مغديش نخليك تسكني بوحدة ونتي مزال صغيرة وجعي راسك راه الباك ما بقالو والو
ملاك : عمر شكرا بزاااف معرفتش شنو كنت أندير بلا بيك أصلا مغداش نجح بزاف ديال الدروس فاتوني
عمر : مزال الوقت فين تراجعي ونوضي من دابا بداي تخدمي
ملاك : حتى تجي مريم باش تشرحلي
عمر : نوضي أنا نشرحلك
ملاك : هههه نتا غتشرحلي متكساب تا عقلك صحيح
عمر: (ضربها بالمخدة ) دابا راك كتستهيني بالقدرات ديالي
لمهم جاب شي كتوبة وبدا كيشرحلي تبارك الله عليه
هاكا دازو الأيام فصباح كيمشي للخدمة و فلعشية كيجي لدار يشرحلي وصل نهار الحد قررنا نخرجو أول حاجة مشينا شرينا حوايج ليا وبقينا كندورو فلمدينة تا عييت وجاني جووع
ملاك : عمر عييت
عمر : غا زيدي ما بقا والو
ملاك : بغيت ناكل بعدا عاد نرجعو
عمر : واخا أصغيورة غير زيدي
و أخيرا وصلنا لطونوبيل حطينا داكشي لي شرينا ومشينا لواحد المطعم زوين بزاف دخلنا جلسنا فواحد البلاصة كطل على البحر
عمر : وشنو بغات البعلوكة تاكل
ملاك : أولنا أنا ماشي بعلوكة وتانيا ختار نتا
عمر : هههه واخا
جابولينا الماكلة بدينا كناكلو تا وقفات علينا وحدة وجها كولو مكياج وتلاحت عليه كتبوس
عمر : سناء أش كديري هنا
سناء : كنت مع صحاباتي و بنتيلي
شكون هاد الصغيروة
أنا بقيت غير كنخنزر فيها
عمر : هادي ملاك
سناء : مزيان نخليكم . عمر نتلاقاو من بعد
عمر : إن شاء الله
مشات ديك العوجة وكملنا ماكلتنا ورجعنا لدار طلعت الحوايج وصوبت كل حاجة فبلاصتها ودخلت دوشت عاد هبطت عند الأستاذ ديالي ههه ولكن ملقيتوش بقيت كنعيط ولكن مجوبنيش طلعت لبيتو عييت مندق ولكن مجاوبنيش حليت الباب ودخلت واو بيتو واعر غالب عليه اللون الأسود و الأبيض كل حاجة فبلاصتها منضم بزاف بقيت ساهية فديكور تا تم خارج لاوي عليه فوطة من لتحت ناري على عضلات عندو كيدوخو ضورت وجهي
ملاك : سمحلي دخلت ولكن عييت منعيط هانا نتسناك لتحت
ليست هناك تعليقات