قصة زوجي عدوي 51-60 قصتي كوم
قصة زوجي السافل لي الإسم الحقيقي ديالها هو زوجي عدوي للكاتبة kaydy
قصة زوجي عدوي
الجزء 51
51 انيس:واش متاكد اسي العمراني من هادشي لي غادي دير والخطوة لي خطوتيها نحو الجحيم متنساش بيلي جاك غادي يعرف بيلي نتا لي زودتينا بالمستندات لي مدة هادي ونتا محافظ عليهم وما غاديش يدوزها ليك الى عرف واخا نديرو ليك هنا الحصانة مغاديش تفلت منو متنساش الاتباع ديالو كينين واخا يكون هو وراء اسوار السجن... الجد:انا مدام جيت و عطيتك هادشي حتى كنت مطمئن و عن خاطر ولي جاي مكيهمنيش انا هادشي كاملو دايرو على ود الحفيدة ديالي انا مبغيت لا حصانة لا والو المهيم عندي هو نشوف دوك الجوج فالحبس باش كاع الى توفيت نكون رديت ثار ولدي و مرتو لي ماتو بسباب جاك و الحفيدة ديالي لتعذبات بسباب حمزة و عاشت اليتم بسباب الحيوان تجاك و المافيا ديالو كنتمنى تلقي القبض عليهم فالقريب العاجل ....انيس: انشأ الله حنا غادي نديرو لي علينا و يالنسبة للمستندات لي جبتي غادي يفيدونا بزاف كنشكرك على التعامل ديالك معانا وكنواعد غادي نديرو لي فجهدنا و لي علينا باش نحميوك نتا و الحفيدة ديالك منهم...الجد: كنتمنى ،استاذن انا دابا باقي خاصني نقضي شي امور أخرى مع السلامة...انيس: بسلامة مسيو العمراني ...
قصة زوجي عدوي
الجزء 52
بعد ما خرج الجد انيس قام باتصال مع العميل المزروع داخل الشبكة....انيس: المستندات لي كانو خاصينا راهم بين يدي دابا...العميل: كيفاش شكون جابهم ليك و فين لقيتيهم...انيس: مسيو العمراني هو لي جابهم لي وعتارف لي بكلشي السيد صافي وصلات بيه لعضم و باغي ينتاقم من المافيا لي هادي سنين و هو معاهم ...العميل: متنساش مكانش لخاطرو كان كيتلقا تهديدات ونهار علن على النفصال ديالو عليهم قتلو ليه ولدو و مراتو و اخر مرة تاني قرر ينفاصل جاه تهديد بالحفيدة ديالو ...انيس: وي فراسي لدالك كنظن بيلي ماغاديش يتحكم معاهم و الى كاع اقتضى الامر يكون حكم مخفف ،دابا ماعليناش ، الامر الوحيد لي كيهمنا هو الوقت لي غادي تدخل فيه ديك الشحنة المهمة و خاص جاك هو لي يوقف عليها حتى تدخل باش نكونو هنا مجودين نشدوه بالجرم لي عليه و بدلائل نتا دابا معليك غير تقنعو باش يتكلف هو خصيصا بالتسليم و كنضن بيلي هادشي مصعيبش عليك ...العميل:مدام تطوعت لهاد المهمة الى و عندي هدف و حيد هو ندمر دي الشبكة و البوص ديالها و هاد المهمة مدام بديتها و قررت نعيشها الى وعندها مبررات قوية لي خلاتني نغامر و نكمل فيها وكنواعدك بيلي هادا هو الوقت فاش غادي تدمر نيهائيا ...انيس: عارف كلشي و هادشي علاش وافقت تكون نتا بالضبط و متأكد بلي غادي تحمر لي وجهي تحياتي......دازت 3 ايام على الهروب ديال بيان وكاع محاولات البحث عليها فشلات و حمزة عبر ليه الاثر مبقى حد عرف عليه شيحاجة ... 12 AM الخميس ليلا فميناء روما كيتواجد بيه 3 الاشخاص لابسين الكحل و وراهم سيارة معتمة فيها جوج الاشخاص ... حمزة: كنشكرك لانك رجعتي الثقة ديالك بي و وافقتي ترافقني لهاد التسليم ...جاك: انا ديما واثق فيك اما هاد التسليم انا كنت معول نتسلمو بنفسي لانه كيساوي مالا يحصا من الأموال و منقدرش نفرط فيه ونتا غادي يكون نصيبك كبير فيها لانك مهدتي لينا الطريق باش تدخل هاد الشحنة ...حمزة: هادا واجب...... بعض ما دار هاد الحوار داخل السيارة جا واحد من الرجال لي برا خبرهم بوصول السفينة خرج جاك و حمزة باش يتلقاو ليها و ماهي الى دقائق كانت السفينة رصات فمكانها و فانتضار فتح الباب الكبير لالسفينة ... والمفاجئة كانت صعيبا قاصية السفينة مكانتش كتحمل الشحنة لي مسنين انما كانت محملة برجال الشرطة وبعدد كبير ... جاك تصدم من المنظر معرف اشنو تسلط عليه هههه داخ محمد بغا يهرب مي الشرطة طوقات الميناء دار شاف فحمزة بعنين كلهم شر...جاك: ياك قلتي لي بلى الشرطة ما غاديش تكون و بان الشحنة غادي توصل فالامان شنو هادشي دابا هضر...انيس:ههههه مسيو جاك المفيوزي رقم واحد فالمغرب و ايطاليا هه كنت خبرتك بيلي النهاية ديالك غادي تكون على يدي واليوم هو اليوم لي كنت خبرتك بيه طال زمان ولا قصار العدالة كتحقق و الظلم كيلقا جزائو...جاك جعر و مشا شنق على حمزة:شنو هادشي لي واقع اكيد هادي مكيدة مدبرة ونتا لي وراها يخصارا وثقت فيك ،انا غادي ندمك...ضربو حمزة لوجهو حتى طاح و عاود هزو: شنو غادي تندمني عرفتي راسك معامن كتهضر بعدا الشماة.......
قصة زوجي عدوي
الجزء 53
شنو غادي تندمني عرفتي راسك معامن كتهضر بعدا الشماة يا القتال قتلتي واليديا ونا مزال صغير عشت اليتم و الحرمان ادوي الخائن انا رديت ليك غير الصرف و كيما درتي للاب ديالي ر ديتو ليك مي بطاريقتي ماشي بطريقتك القتال عقلتي على صاحبك علي جبران لي كان داير فيك الثقة و عاملك كي بحال خوه وخنتيه ولعبتيها من وراه و فالاخير جازيتيه بالقتل ،...جاك:ههههه قول نتا ولد داك المكلخ ديال علي... حمرة تعصب و مبقى عارف اشنو كيدير فرشخ جاك مزيان دارو تحتو وبقى كيعطيه لي كيبغي يفكو منو كيجمعها معاه :هداك حسن منك الشماتا يا الحيوان و مكاينش لي مكلخ قدك قدرت نضحك عليك و ثقتي فيا و نتا لي داير فيها واعر مي صدقتي والو تفو...دفل عليه و ناض عطاه بضهر وهو غادي جيهت انيس حتى تسمع صوت اطلاق الرصاص ...سادة الصمت لمدة حمزة ثبت الشوفات ديالو ف انيس لي كان هاز المسدس بيديه ، حتى تسمع صوت ارتطام بالأرض دارو لقاو جاك غارق فدماياتو و بين يديه مسدس كان مصوب لجيهت حمزة مي انيس كان السباق في انقاد الموقف بالضغط على الزناد و ارداء جاك جثة هامدة. حمزة تصدم ومشا شنف على انيس :علاش قتلتيه علاش انا مبغيتوش يموت حتى يدوق المرار لي عشت و ندمو على النهار لي عرفني فيه ...
قصة زوجي عدوي
الجزء 54
مخاصوش يموت ...ضربو انيس لوجوه باش يرجع لوعي ديالو....انيس:حمزة صافي باراكا راه كان غادي يقتلك كونما تدخلتش و الحقير لقا جزاء ديالو ونتا درتي خدمتك و نتاقمت لواليديك منو بالقانون حمزة واليديك غادي يكونو فخورين بيك ...نتا بطل ...حمزة نزل على رجليه محطم و داير راسو بين يديه...نزل عندو انيس...:حمزة غادي تخرج عطلة بينما رتاحيتي و رتبتي افكارك و موضوع الترقية من دابا راك وليتي عميد ممتاز مبروك...حمزة الصمت انيس مشا و جات الاسعاف هزات جثة ر جال الشرطة شدو رجال جاك وكلشي مشا بقا حمزة بوحدو فالميناء محطم ومهموم حزين تفكر واليديه و من جيها أخرى بيان حبيبتو لي معارف عليها والو ...وقف و تقابل مع البحر و غوت باحر جهدو ...بياااااااااااان انا نتقمت ليا و ليك من جاك رديت حق والدين ديالنا ...... يوم جديد كلشي فيه متغير حمزة رجع للمغرب و بالضبط للمكتب الجديد ديالو باش يعطي التقرير الاخير على العملية ...دخل لمكتبو الجديد مديكوري على حساب دوق حمزة خدا التقرير و بدا كيراجع فيه و يعمر لي خاصو يتزاد...دق دق...حمزة: تفضل....الشرطي قدم التحية لحمزة:سيادة العميد الشاف انيس رسل ليك طلب تلتاحق بالمكتب ديالو...حمزة: واخا انا جاي يمكن لك تفضل ... الشرطي لقى التحية و خرج... حمزة جمع لوراق فملف القضية و هزو وتوجه لمكتب انيس...فمكتب انيس كان كيتواجد مسيو العمراني لي هو طرف مهم فالقضية باش يدلي باقوالو...حمزة دق الباب...انيس: تفضل ...حل حمزة الباب ومع الحلة تالباب مسيو العمراني دار شاف و تصدم:اش مزال كيدير هادا هنا علاش مشديتوهش و ناض متوجه لحمزة شنق عليه نتا علاش متشديتيش ...حمزة الصمت ...انيس هنا تدخل:مسيو العمراني تهدن و رجع لبلاستك وغادي نشرحو ليك لي واقع...حمزة شاف ف مسيو العمراني و حرك راسو زعما تفضل كلس و غادي تفهم ...فالطبع داكشي لي دار الجد رجع لماكن ديالو...
قصة زوجي عدوي
الجزء 55
:يالها شنو واقع هنا بغيت نعرف...انيس: مسيو العمراني كنقدم ليك العميد حمزة جبران كنظن بيلي فايت ليكم تعرفتو مي ماشي بالشخصية الحقيقية ديالو انما بشخصية المفيوزي اليد اليمين لجاك ، هادي عامين كنا زرعنا حمزة داخل المافيا انطلاقا من واحد العملية كان حمزة ديك الساعة نقد فيها جاك من الموت و بالاضافة لتزويدو بمعلومات لي يمكن ليها الضلل الشرطة هادشي كاملو باش يثيق فحمزة و يشكش فيه و بالفعل داكشي لي وقع وتماك بدات المغامرة ديال حمزة مع جاك والتهديد لي كنتي تلقيتي من عن حمزة كانت خطة منا باش تدلي بدوك المستندات لي عندك...الجد قاطع انيس:و زواجو من الحفيدة ديالي تاهو خطة و الحمل ديالها...حمزة و بنبرة كلها حزن: لا انا كنبغي الحفيدة ديالك من اول مرة شفتها فالمصحة فاش كنتي فغيبوبة تماك تحرك قلبي بالسم ديالها مي انا حاولة نمنع راسي نبغيها حتى كتشفت بلي كتقلب فالاوراق ديال المعاملات لي بينك و بين الشرگة لي كنت مسير ديال جاك تماك قررت ن طلبها لزواج باش نبعدها على هادشي لانه مدام نتا حميتيها هاد السنوات كاملها الى وهي غالية على قلبك و انا بما انه كنبغيها قررت ناتكفل بالحماية ديالها فالغياب ديالك رفضاتني و قررت نتزوج بيها عن طريق تهديد مي فالاجير زواجنا نجح حتي نهار كتاشفات انني من المافيا تماك وقعو المشاكيل و هربات و الكمالة راك عارفها و الزواجي بيها ما شي خطة ،انيس معندو علم بهاد زواج الى ماخرا و عاتبني فاش عرف مي فاش خبرتو بيلي تزوجت بيها عن حب و للحماية ديالها قتانع و انا هادشي كاملو درتو على قبلها و على قبل واليدين دياولنا لي راحو ضحية لشر و وقاحة و جشع جاك ،كنتمنى تفهمني انا ابدا ماكنت ناوي نادي بيان ،بيان ولات كل حياتي و عن قريب غادي يجينا ولد و لا بنت مي فالاول خاصنا نعرفو لاين مشات كنتمنى تسامحني مي الضروف لي خلاتني نتصرف هاكدا .........الجد لتزم الصمت مدة معرف واش يسامح ليه ولا لا، حمزة بين على الشجاعة والحب ديالو لبيان هو غلط فاش تزوج بيها عن طريق التهديد مي كان هداك هو الحل الانسب باش يبعدها على جاك و المافيا و يبعد الشبوهات عليه و خا فالاخير اصبح جاك كيهددو بيها مي حمزة كان عارف وقتاش يتحرك و امتى و مدام بيان ليه فهو متاكد تا شي مكروه ما غادي يصيبها لانه كون عرفات شي حاجة ديك الوقت مكانش جاك غادي يرحمها لانه كينحي اي حاجة كتعارض مع المصالح ديالو و كتهدد الاستقرار
قصة زوجي عدوي
الجزء 56
نرجعو شويا لور لعند بيان لي نسيناها فالطائرة مع ماريا هههههه ... بعدما وصلت لبرلين توادعت مع ماريا انسانة رائعة و خلوقة و اسرات عيا باش نزورها و الى حتاجيت لاي حاجة نخبرها بلاما نحشم ...خديت طاكسي و نزلت فالوطيل بينما رتبت اموري و او حاجة خاصني نقوم بيها نقلب على خدما لانه لفلوس لي عندي ميكفيونيش و مبغيتش نجبدهم من البنك لانه غادي يتفضح المكان فين كاينا انا ...مكنعرف تاحاجا من غير التصميم لذلك قررت نمشي لدور الأزياء على و عسى نلقا خدمة مؤقتة بقيت كنندور فبرلين من مصمم ل مصمم تاحد مبغا كيقولو عندهم العدد كافي من المصممين دب اليأس تخلطو على جميع الأحاسيس الحزن الوحدة الغدر كلشي تجمع عليا مكان عندي لمن نشكي همي سوى لولدي حبيبي ،بقيت غادة حتى دخلت لواحد الممر طويل كلو اشجار و السما بدات كتلبس الثوب الاسود معلنتا عن وصول الليل، الناس شبه نعادمو أولا انا لي توهمت ،الرياح تمر بين الاشجار كنها تهمس فيما بينها تخيلتها كنها تواسي همي و ترفه عن وحدتي ما اصعب هادا الاحساس. ...بقيت غادت مسافة هي حتى كنلمح مقعد وسط داك الطريق الممتلئ بالاشجار بلا اي تفكير جلست عليه و عطيت العنان لدموعي لي كانو على سبة بكيت بكيت حتى كتفيت بكيت على زهري و على ولدي علي حمزة على الدنيا لي فرقاتني عليه تفكرت واليديا لي خلاوني و نا مزال فحاجة ماسة ليهوم ...ونا كنبكي و نفكر كنحس بشي يد حنونة تحطات على ضهري هزيت راسي كتبان لي امرأة بلباس ابيض و نور حولها حيدات الشعر من على وجهي و هي تفوه بكلمات و عبارات ممفهومينش و الغريب انا تكلمات معيا باللغة العربية( بعد كلي ديق فرج اكيد .... وبعد كل عدو حبيب ...جمال فتان ارهقه التفكير و البكاء ... مدام الله موجود فكل شيء سيعود كما كان ...لازالت هناك الآلام و صراعات، ثار ، دغينة، غدر من اقرب الناس...) و قاست لي كرشي وقالت ( هادهي هديتكي من الاسد اسمه ايهم) ، انا تصدمت هبطت راسي نشوف فكرشي ماهي الي لحظات غبرات من حدايا المرا بسم الله الرحمان الرحيم انا خوافة و مع الستون ديال دابا مت من الرعب شديتها بجرية موقفت حتى لباب الغرفة ديالي فلوطيل... ليل كاملو منعستوش فينما نغمد عيني كتجي فبالي دي السيدة لي ذكرتها بالسمن و العسل اش داني لشي طواول خاويين سترجعت فبالي ديك هديتك من الاسد اسمه ايهم ايييي كيفاش زعما نكون انا حاملة بولد مي حمزة كان باغي بنت وكيف عرفات هي تبرز
قصة زوجي عدوي
الجزء 57
و قررت غدا نحيد هاد الشك و نمشي ندير فحص نعرف جنس الجنين و نا فخاطري كنتمنى تكون بنت باش يكون داكشي لي قالت خطأ. صباح كله اثارة تشويق اماكن جديدة اشخاص جدد يمكن يغيرو مجرا الأحداث ...فقت عضامي تقال علي كيف لا و نا مانعست ما شفتو كنتظر غير امتى تشرق الشمس نضت غسلت و جهي توضيت و صليت ركعتين لتيسير لبست كسيوا مزيرة فالفيولي مايل لغوز نازلا كلها بصدايف و معريا من الكتاف كمام طوال، خليت شعري مطلوق وكتفيت بملمع شفاه و ماسكارا حليت المجر باش نجمع الوراق لي نحتاج عند الطبيب حتى كيبان لي الخاتم لي كان عطاني حمزة فزواجنا بلاشعور حزيتو و درتو فصبعي ههنه واصل جاني مع اللبسة كيحمق ...هزيت شغلي و طلبت من الستقبال يوجدو لي طاكسي ...نزلت لقيتو واقف كيسايني خبرتو يديني لاقرب طبيبة او طبيب لنساء بالفعل داكشي لي وقع حطني قدام عيادة طييب خاص بالنساء و الحوامل...خديت الموعد من الممرضة و كنساين دوري ... الممرضة:مدام اتز يور تورن(سمحو لي علي هاد لونغلي لمعربنة هههههه غير سايرو معايا) ...دخلاتني كلست فالمكتب بينما جا الدكتور...دخل الدكتور كان راجل كبسر فالسن و معالم الصرامة فالوجه ديالو طلب مني نعس على البياص و نهز هل كرشي وضع واحد المادة عليها و بدا يدوز واحد. الجهاز على كرشي ...الدكتور: الجنين بخير وحتى نتي غادي نعطيك مقويات و فيتامينات مزيانين للحمل... بيان:احمم واش يمكن نعرف جنس الجنين...الدكتور ضحك حتى بانت لو ضرسة العقل هههه:مايكمن نعرفوه دايا لانه الاه فالشهر الثاني ديالو حتى كيوصل لشهر الرابع عاد يمكن لينا نعرفو. واش هادا الحمل الاول ليك...بيان وهي حشمانة :وي دكتور علاش...الدكتور:هههه السؤال ديالك عفوي ماتسولو غير وحدة اول حمل ليها ...بيان بضحكة صفرة:هههه عقتي بيا ههه لموهيم انا مشيت دكتور ...بففف شحال تقيل على القلب تفو بنت مكلخة قدامو داكشي باش حمزة كان ديما كيقولها لي اوها علاش جبدت هادا تاهو دابا اي اربي غادي نحماق ...خرجت من العيادة وقلت نتمشى شوية و هو فالحقيقة بغيت نقتاصد على الفلوس بنما لقيت خدمة ...شوية بلا سابق انذار تسرق لي ساكي لي فيه فلوس و راقي كلشي بقيت تابعا الشفار بكل ما أوتيت من قوة والو مقدرتش نشدو نزلت كنبكي كي شي حمقة و ناس تجمعو عليا شي يواسيني شي معرف علاش واقف تماك حتى كتحط على كتفي ايد هزيت راسي و نا نلقاها ماريا لاه جات فوقتها ...ماريا: بيان حبيبة...بيان حبيبة مالكي شنو واقع لك؟!...بيان:اهى اهى اهى سرقوني سرقو لي ساكي فيه كلشي ديالي فلوسي و راقي كلشي كلشي ماريا انا ضعت هىهئ... بقيت كنبكي حتى فقدت الوعي ديالي......بعد مدة من الزمن فقت على صوت صرير آلات طبية و شي عجب فيدي و ماريا ناعسة فطرف السرير و شدا فيدي حاولت نسل منها بلما تفيفق مي فاقت...مريا: بنتي فقتي كي بقيتي شوية باش كتحسي...بيان : حمد الله سمحي لي عذبتك معايا وجرجرتك هنا...مريا:شوو حشوما تقول هادشي انا من اول مرة شفتك دخلتي هنا معرفتش كيفاش سبحان الله وتمنيت نعاود نتلقاك و الله ستجاب لي و صليت و دعيت ...بيان وهي مصدومة: سمحي لي علي نتي مسلمة؟!...ماريا:ههههه وي حبيبة انا مسلمة و الخير كلو كيرجع لصديقة عمري
قصة زوجي عدوي
الجزء 58
ليرحمها هي السبب فعتناقي للاسلام الموت ديالها كان شكل لي صدمة كبيرة فحياتي كانت كلشي بالنسبة لي الاخت الام الصديقة الابنة كلشي تقريبا ، كان عندها و ولد مكان ليه احد فهاد العام لدلك قررت نرعاه و نعملو كي بحال ولدي و نشم فيه ريحة الام ديالو و بما انها كانت مسلمة قررت ندخل ليه باش ولدها يتربى كيفما كان مقرر ليه فعائلة مسلمة والام ديالو كانت ديما كتحكي لي على الاسلام و القرآن مكنتش واخدا داكشي بعين الاعتبار حتى الموت ديالها قررت ندخل ليه و مندمتش لانه دين رائع اه سمحي لي نسيت راسي و بديت نعاود ليك و نصدعك بخرايفي هههه و نتي مريضة...بيان نونو بالعكس عجبني هادشي لي قلتي و حمستيني نزيد نعرف كثر على صديقتك و الابن ديالها واش هو لي كنت خبرتيني..ماريا:وي هو لي قلت ليك عليه فالطائرة هه كنحسبو كي بحال ولدي بحكم زوج ديالي توفى قبل ميكون عندنا ابن و ربيت ابن صديقتي بحكم ولينت انا و ياه بوحدنا مكين حد لينا ...بيان: اوه نتي انسانة طيبة قلبها بيض فهاد الزمان محال تلقى أصدقاء كي بحالك سعداتها بيك....ماريا: شكرا هادشي قليل فحقها لموهيم نرجعو ليك نتي علاش مخبرتينيش بلي راكي حاملة و فين هو راجلك...بيان مرتابكة :احم هه ماجبتهاش الوقت راجلي خليتو فالمغرب يقاد شي امور و يلحق علي ههه...ماريا:امم اوكي بينما جا راجلك غادي تمشي تكلسي معايا و بلاما تحاولي تعارضي و زايدون نتي فلوسك تسرقو يعني معندكش منين تدفعي قسط الفندق ...بيان: لا...قبل متكملها...مريا:هيه اش قلت يالها و نوضي و جدي راسك بينما عاينك الطبيب اوكي و نجيبو حوايجك من الفندق...باين: اوكي مخليتي لي من نقول ميغسي ماريا...مريا: العفو يلاه تحركي... فالفعل داكشي لي وقع بعد ما خديت الاذن باش نخرج من المشفى توجهنا لوطيل فين كنت نازلة جمعت حوايجي و توجهنا لمنزل ماريا....روسيا 6مساء فغرفة شبه مضلمة توجد طاولة مستديرة فالوسط عليها مجموعة من الصور و الاوراق و وجود اربع اشخاص جالسون يحيطون بها الى شخص واحد واقف و حاط يديه على الطاولة،...ليوم جمعتكم باش نخبرك بيلي جاك مات قتلو حمزة اليد اليمين ديالو الخائن كان جاسوس لشرطة وبسباب الغباء و الثقة الزايدة تجاك و وقاحة حمزة خسرنا اكبر صفقة ...خبط على الطبلة ...مغاديش ندوزها ليهم غير بلاتي انا ماشي جاك...
قصة زوجي عدوي
الجزء 59
نرجعو للمغرب عند الجد وحمزة...بعد ما عرف سي العمراني بحقيقة حمزة و النية الحسنة ديالو قرر يسامحو واخا داكشي لي دار لبيان مي لمصلاحتها و لحقاش هي عنيدة و راسها قاصح و لي فراسها فراسهنا مي حمزة جاب ليها التمام ههههه عقلتو نهار السباق ...الأوضاع تقادات بين حمزة و سي العمراني و ولى كيحسبو كي بحال الابن ديالو لانه نقد أغلى ما عندو بيان...الجد: ولدي حمزة شي خبار على بيان باقي ملقيتهاش ...حمزة: مخليت فين قلبت هاد المرة مخلات و راها حتى دليل مي انشأ الله نلقاها كون هاني...الجد: انا كنتيق فيك اولدي...حمزة: سي العمراني انا عندي واحدة الخدمة برا البلاد نمشي نقديها و نرجع قبل متكمل العطلة لي عاطني بعد المهمة...الجد: سير اولدي انا غادي نتكلف بالبحث عليها طريق السلامة..... بعد مرور شهر هل الحب عذاب للعشاق ام دواء لهم ،تارة يؤدي و تارة يحمي ،حبيبي ضع يديك بين يدي ،دعنا نذهب إلى مكان يبعد عنه الحزن و الزعل مكان لم يعرف قط معنى الغدر و الكذب، مكان اكون لك فيه انا حواء و انت آدم، ليوم صبح غائم و الجو كئيب ،نضت من الفراش دخلت الحمام دوشت خرجت لبست شورت قصر على شكل سايا فالبيض مع ميني تيشورت بلا سماطي فالاسود بوتيو عالي قصير فالاسود كذلك و ليبا فوق الركبة كذلك نفس اللون و كاب فالاسود و البيض مع حلي ذهبية هبطت لقيت مريا كتفطر...مريا: صباح الخير حبيبة علاش فيقا دابا راه باقي الحال...بيان:عييت بالنعاس غادي نغلاض الى بقيت على هاد الحالة و لدي غادينعلموالعكزهههه...مريا:هههه نونو منين غادي التغلاضي اش بان ليك تمشي معايا لخدمة...بيان:ايه علاش لا 2 دقايق نجيب ساكي و نمشيو...مريا:اوكي انت نساينك فاللوطو حبطت لقيتها تسايني ركبت ونطلقنا...بيان:مريا شنو نوع الخدمة ديالك...مريا:هههه خليك تتمشي وغادي تعرفي ...بيان:كيفاش هي مبغيتيش تقول لي اوكي الالة انا نصبر ...مريا ضحكات و كملات على طريقها...وصلنا قدام واحد البناية كبيرة و مكتوب عليها ماري فاشن كيفاش زعما درت شفت فمريا...مريا:فوالا هاهية خدمتي تههه عجباتك انا مصممة ازياء مبغيتش نقولها ليك نخليها مفاجئة بما انك نتي مهتمة بهاد الدومين و من خلال التصاميم لي وريتيني قررت نخدمك معايا و تكوني نتي المصصمة الرئيسية فماري فاشن اش بان ليك فهاد المفاجئة ...بيان:ههه معرفتش شنو نقول و لا ندير نتي حققتي لي حلم حياتي معرفتش وطرت عليها بتعنيقة كنبوس فيها معرفتش وطرت عليها بتعنيقة كنبوس فيها هاد السيدة كل مرة كتفاجئني بشي حاجة دخلنا و وراتني كل قنت و كل زاوية تعرفت على العاملين تماك و قدماتني ليهم كمصممة عجبني الديكور و اللطافة ديالهم كيحسوك كيبحالا ماشي فبلاصة للعمل انما كانك فدارك ...
قصة زوجي عدوي
الجزء 60
ﻭﻛﺎﻧﻚ ﻓﺪﺍﺭﻙ ﻭﺳﻂ ﻋﺎﺋﻠﺔ ، ﻭﺭﺍﺗﻨﻲ ﺍﻟﻤﻜﺘﺐ
ﺩﻳﺎﻟﻲ ﻟﻲ ﻛﺎﻥ ﺗﻘﺮﻳﺒﺎ ﻧﺼﻒ ﺩﻳﺎﻟﻮ ﺯﺍﺝ ﻛﻴﻄﻞ
ﻋﻠﻰ ﻣﻨﻈﺮ ﺭﺍﺋﻊ ﻛﻴﺠﻤﻊ ﺑﻴﻦ ﺍﻟﻤﺪﻳﻨﺔ ﻭ ﺍﻟﻰ
ﺑﻌﺪﺗﻲ ﺍﻟﻨﻈﺮ ﻛﺘﻠﻘﻰ ﺍﻟﻐﺎﺑﺔ ﻋﺠﺒﻨﻲ ﺑﺰﺍ...ﺟﺎﻧﻲ
ﺍﻹﻟﻬﺎﻡ ﻭ ﻏﺮﻗﺖ ﻓﺎﻟﺮﺳﻢ ﻣﺤﺴﻴﺘﺶ ﺑﺮﺍﺳﻲ
ﻭﻟﻴﺖ ﻓﻌﺎﻟﻢ ﺍﺧﺮ ﻧﺴﻴﺖ ﻛﻠﺸﻲ ﺍﻟﺮﺳﻢ ﻛﻨﻠﻘﻰ
ﻓﻴﻪ ﺍﻟﺮﺍﺣﺔ ﺩﻳﺎﻟﻲ ،ﻭﺻﻠﺖ ﻭﻗﻴﺖ ﺍﻟﻐﺪﺍ ﺟﺎﺕ
ﻋﻨﺪﻱ ﻣﺮﻳﺎ ﺑﺎﺵ ﻧﻤﺸﻴﻮ ﻧﺘﻐﺪﺍﻭ ﺑﺰﻭﺝ ﻫﺒﻄﻨﺎ ﻭ
ﻣﺸﻴﻨﺎ ﻏﻴﺮ ﻋﻠﻰ ﺭﺟﻠﻴﻨﺎ ﺑﺤﻜﻢ ﺍﻟﻤﻄﻌﻢ ﻗﺮﻳﺐ
ﺷﻮﻱ ﻭﻗﻒ ﻋﻠﻴﻨﺎ ﻣﺘﺸﺮﺩ ﻫﺎﺯ ﻣﻮﺱ ﻓﻴﺪﻭ:ﺍﻭﻩ،
ﻟﻴﺪﻳﺰ ﻏﺎﺩﻱ ﺗﺤﻄﻮ ﺩﺍﻛﺸﻲ ﻟﻴﻌﻨﺪﻛﻢ ﺑﻠﻰ ﺍﻳﺖ
ﻣﺸﺎﻛﻞ،ﻣﺮﻳﺎ ﻋﻄﺎﺗﻮ ﺳﺎﻛﻬﺎ ﻭ ﺳﺎﻋﺔ ﺑﺎﻫﻀﺔ
ﺍﻟﺜﻤﻦ ﺍﻧﺎ ﻣﻊ ﻋﺮﻓﺘﻮﻧﻲ ﻋﻨﻴﺪﺓﻭ ﺭﺍﺳﻲ ﻗﺎﺻﺢ ﻭ
ﻣﻜﻨﺨﺎﻓﺶ) ﺍﻟﻰ ﻣﻦ ﺍﻻﺷﺒﺎﺡ ﻛﻴﺴﺎﻟﻴﻮ
ﻣﻌﺎﻳﺎ(ﺭﻓﻀﺖ ﻧﻌﻄﻴﻪ ﺍﻟﺴﺎﻙ ﻣﺮﻳﺎ ﺑﻘﺎﺕ ﺗﻘﻮﻝ
ﻟﻲ ﻏﻴﺮ ﻋﻄﻴﻪ ﺭﺍﻩ ﻏﺎﺩﻱ ﻳﻘﺘﻠﻨﺎ ﺍﻧﺎ ﻣﻌﺮﺗﺶ ﻟﻴﻬﺎ
ﺍﻫﺘﻤﺎﻡ ﻛﻨﺴﺎﻳﻦ ﻏﻴﺮ ﺍﻟﻔﺮﺻﺔ ﺑﺎﺵ ﻧﻀﺮﺑﻮ ﺑﺤﺎﻝ
ﻫﺎﺩ ﺍﻟﻨﻮﻉ ﺳﺎﻫﻞ ﺗﻐﻠﺐ ﻋﻠﻴﻪ ﺑﻘﻴﺖ ﺍﻧﺎ ﻭﻳﺎﻩ
ﻧﺘﺠﺎﺑﺪﻭ ﻫﺰ ﺍﻟﻤﻮﺱ ﺑﻐﺎ ﻳﻀﺮﺑﻨﻲ ﺗﺤﻨﻴﺖ ﺍﻧﺎ ﺑﺎﺵ
ﻧﻌﻄﻴﻪ ﻟﻠﻤﻌﻠﻮ ﺣﺘﻰ ﻛﻨﻠﻘﺎﻭﻩ ﻣﺮﻣﻲ ﻓﺎﻻﺭﺽ ﺍﻭ
ﻣﺎﻟﻮ ﻫﺎﺩﺍ ﻫﺰﻳﺖ ﺭﺍﺳﻲ ﻭﻫﻮ ﻳﺒﺎﻥ ﻟﻲ ﺷﺎﺏ
ﻳﻜﻮﻥ ﻓﻨﻔﺲ ﻋﻤﺮ ﺣﻤﺰﺓ ﺷﻬﺐ ﺷﻮﻳﺎ ﻭﻋﻨﺪﻭ
ﺍﻟﻌﻀﻼﺕ ﻣﻲ ﻣﺎﺷﻲ ﺑﺤﺎﻝ ﺣﻤﺰﺓ...ﻣﺮﻳﺎ:ﻋﺼﺎﻡ
ﻭ ﻟﺪﻱ ﺟﻴﺘﻲ ﻓﺎﻟﻮﻗﺖ ﺍﻟﻤﻨﺎﺳﺐ ﻛﻮﻥ ﻣﺎ ﺟﻴﺘﻲ
ﻣﺘﻌﺮﻑ ﺷﻨﻮ ﻛﺎﻥ ﻏﺎﺩﻱ ﻳﻮﻗﻊ ﻟﻬﺎﺩ ﺍﻟﻬﺒﻴﻠﺔ ﻟﻲ
ﺑﺎﻏﺎ ﺍﻟﻀﺎﺭﺏ ﻣﻊ ﺍﻟﺸﻔﺎﺭ ...ﺧﺮﺟﺖ ﻓﻴﻬﺎ ﻋﻴﻨﻲ
ﺍﻭﻳﻠﻲ ﻗﺎﻟﺖ ﻋﻠﻲ ﻫﺒﻴﻠﺔ ﻗﺪﺍﻡ ﺍﻟﻮﻟﺪ ﻳﺼﺤﺎﺏ ﻟﻮ
ﻏﻴﺮ ﻛﻨﻀﺮﺏ ﺑﺎﻟﺤﺠﺮ ﻭ ﺧﺎﺻﻨﻲ ﻧﻤﺸﻲ ﻟﻤﺸﻔﻰ
ﺍﻻﻣﺮﺍﺽ ﺍﻟﻌﻘﻠﻴﺔ ...ﻋﺼﺎﻡ:ﻫﻬﻬﻬﻪ ﻟﻤﻮﻫﻴﻢ ﺩﺍﺑﺎ
ﻣﻮﻗﻊ ﻟﻴﻜﻢ ﻭﺍﻟﻮ ﻋﻼﺵ ﻏﺎﺩﺍ ﻋﻠﻰ ﺭﺟﻠﻴﻚ ﻟﻮﻃﻮ
ﺧﺎﺳﺮﺍ ﻭﻻ ﺷﻨﻮ...ﻣﺮﻳﺎ:ﻧﻮ ﻛﻨﺎ ﺧﺎﺭﺟﻴﻦ ﻧﺘﻐﺪﺍﻭ
...ﻭﺑﻤﺎ ﺍﻥ ﺍﻟﻤﻄﻌﻢ ﻗﺮﻳﺐ ﻗﻠﻨﺎ ﻧﺘﻤﺸﺎﻭ ﺑﻼ ﻟﻮﻃﻮ
:ﻋﺼﺎﻡ: ﺍﻣﻢ ﻫﻲ ﻋﺎﺭﺿﻴﻦ ﻋﻠﻴﺎ ﻟﻐﺪﺍﻫﻬﻬﻪ...ﻣﺮﻳﺎ
ﻣﺮﺣﺒﺎ ﺑﻴﻚ ﺍﻭﻟﻴﺪﻱ ﻧﻴﺖ ﻧﻜﻠﺲ ﻣﻌﺎﻙ ﻣﺪﺓ
.. ﻫﺎﺩﻱ ﻣﺒﻘﻴﺘﻲ ﺟﻴﺘﻲ ﻟﻌﻨﺪﻱ ﺗﻮﻫﺸﺖ ﺿﺤﻜﻚ
ﺍﻧﺎ ﻧﺴﺎﻭﻧﻲ ﻫﺎﺩﻭ ﺍﻟﻮﻟﺪ ﻳﻤﻜﻦ ﻧﻴﺖ ﻳﺴﺤﺎﺑﻠﻮ ﺍﻧﺎ.
ﻣﺼﻄﻴﺔ ﻣﺸﻴﻨﺎ ﺍﻟﻤﻄﻌﻢ ﻃﻠﺒﻨﺎ ﺷﻨﻮ ﺑﻐﻴﻨﺎ ﻭﺣﻨﺎ
ﻛﻨﺴﺎﻳﻨﻮ ﻃﻠﺐ ﺩﻳﺎﻟﻨﺎ...ﻋﺼﺎﻡ: ﻣﻌﺮﻓﺘﻴﻨﻴﺶ ﻋﻠﻰ
ﺍﻻﻧﺴﺔ؟!...ﻣﺮﻳﺎ:ﻫﻬﻬﻪ ﻫﺎﺩﻱ ﺑﻴﺎﻥ ﺍﻟﻤﺼﺼﻤﺔ
ﺍﻟﺠﺪﻳﺪﺓ ﻟﻤﺎﺭﻱ ﻓﺎﺷﻦ ﻭﻫﻲ ﺍﻟﻤﺼﻤﻤﺔ ﺍﻟﺮﺋﻴﺴﻴﺔ
...ﻟﻠﻤﺠﻤﻮﻋﺔ
تتمة من هنا قصة زوجي عدوي 1-10
تتمة من هنا قصة زوجي عدوي 11-20
تتمة من هنا قصة زوجي عدوي 21-30
تتمة من هنا قصة زوجي عدوي 31-40
تتمة من هنا قصة زوجي عدوي 41-50
تتمة من هنا قصة زوجي عدوي 51-60
تتمة من هنا قصة زوجي عدوي 61-70
تتمة من هنا قصة زوجي عدوي 71-80
تتمة من هنا قصة زوجي عدوي 81-92
ليست هناك تعليقات