ﻗﺼﺔ ﺍﻧـﺎ ﺑﻮﻟﻴﺴﻲ ﻭ ﻫﻲ ﺷﻔﺎﺭﺓ - ﺍﻟﺠﺰﺀ 2 -
ﻗﺼـﺔ "ﺍﻧـﺎ ﺑﻮﻟﻴﺴــﻲ ﻭ ﻫــﻲ ﺷﻔــﺎﺭﺓ "
ﺍﻟﺠــﺰﺀ 2 :
ﻛﺎﻥ ﻋﻨﺪﻱ ﺍﻣﻞ ﺇﻗﺒﻠﻮﻧﻲ ﻛﺎﺳﺘﺎﺫ ﻟﻠﻔﺰﻳﻚ .. ﺩﻓﻌﺖ ﻟﺒﺰﺍﻑ ﺩ ﺍﻟﻤﺆﺳﺴﺎﺕ ﻭ ﺍﺧﻴﺮﺍ ﻋﻴﻄﺎﺕ ﻋﻠﻴﺎ ﻭ ﺣﺪﺓ ﻣﻨﻬﻢ .. ﻣﺸﻴﺖ ﻭ ﺩﺧﻠﺖ ﻋﻨﺪ ﺍﻟﻤﺪﻳﺮ ﻟﻲ ﺇﺳﺘﻘﺒﻠﻨﻲ ﺑﻄﺮﻳﻘﺔ ﻧﺎﺷﻔﺔ ﻛﺒﺤﺎﻝ ﺇﻟﻰ ﺩﺍﺧﻞ ﻟﺸﻲ ﺣﺮﺏ .. ﺑﺪﺍ ﺗﻴﺴﺘﺠﻮﺏ ﻓﻴﺎ ﺣﺘﻲ ﻋﻴﻴﺖ ﻭ ﻗﺎﻝ ﻟﻴﺎ " ﻭﺍﺧﺎ ﺻﺎﻓﻲ ﻏﺪﺍ ﺁﺟﻲ ﻑ ﺍﻟﺼﺒﺎﺡ ﻧﺴﻨﻴﻮ le contrat ( ﻋﻘﺪ ﺍﻟﻌﻤﻞ) " ﺭﺟﻌﺖ ﻟﻠﺪﺍﺭ ﻭﺍﻧﺎ ﻓﺮﺣﺎﻥ ﻗﻠﺘﻬﺎ ﻟﻠﻮﺍﻟﻴﺪﺓ ﻭ ﻓﺮﺣﺎﺕ ﻟﻴﺎ ﺑﺰﺍﺍﺍﻑ .. ﻑ ﺍﻟﺼﺒﺎﺡ ﻓﻘﺖ ﺑﻜﺮﻱ ﻭ ﻣﺸﻴﺖ ﻭﺻﻠﺖ ﺗﻤﺎ ﻣﻊ 8:00 .. ﻭ ﺟﻠﺴﺖ ﺗﻨﺘﺴﻨﻰ ﺳﻲ ﺍﻟﻤﺪﻳﺮ ﻟﻲ ﻭﺻﻞ ﻣﻊ 9:30 ﺩﺧﻞ ﻟﻠﻤﻜﺘﺐ ﺩﻳﺎﻟﻮ .. ﻭ ﻳﺎﻼﻩ ﺑﻐﻴﺖ ﻧﺘﺒﻌﻮ ﻗﺎﻟﺖ ﻟﻴﺎ ﺍﻟﺴﻜﺮﺗﻴﺮﺓ ﺑﻼﺗﻲ ﻭﺍﺣﺪ 5 ﺩﻗﺎﺋﻖ ﺻﺎﻓﻲ ﻭ ﺟﻠﺴﺖ ﻋﻮﺗﺎﻧﻲ .. ﻭ ﺷﻮﻳﺎ ﺍﻟﺘﻠﻴﻔﻮﻥ ﺗﻴﺼﻮﻧﻲ .. ﺑﻘﻴﺖ ﺗﻨﺸﻮﻑ ﻑ ﺍﻟﻨﻤﺮﺓ ﻭﺍﺵ ﻧﺠﺎﻭﺏ ﻭ ﻻ ﺑﻼﺵ .. ﻛﻨﺖ ﺧﺎﻳﻒ ﻧﺠﺎﻭﺏ ﻭ ﻑ ﻧﻔﺲ ﺍﻟﻮﻗﺖ ﺗﺨﺮﺝ ﺍﻟﺴﻜﺮﺗﻴﺮﺓ ﻭ ﺗﻄﻠﺐ ﻣﻨﻲ ﻧﺪﺧﻞ ﻋﻨﺪ ﺍﻟﻤﺪﻳﺮ .. ﺑﻘﻴﺖ ﺗﻨﻔﻜﺮ ﻭ ﺩﺭﺕ ﻧﺸﻮﻑ ﻑ ﺍﻟﻤﻜﺘﺐ ﺩﻳﺎﻝ ﺍﻟﻤﺪﻳﺮ ﻭﺍﺵ ﻏﺘﺨﺮﺝ ﻣﻨﻮ ﺍﻟﺴﻜﺮﺗﻴﺮﺓ ﻭ ﺷﻔﺘﻬﺎ ﺗﻌﻄﻼﺕ ﻭ ﺍﻟﺘﻠﻴﻔﻮﻥ ﻣﺎﺯﺍﻝ ﺗﻴﺼﻮﻧﻲ ﻭ ﺍﻧﺎ ﻧﻘﻮﻝ ﺇﻭﺍ ﻟﻬﻼ ﺗﺨﺮﺝ ﻭ ﺟﺎﻭﺑﺖ ﻭ ﻗﻠﺖ " ﻭﻱ ﺃﻟﻮ " ﺭﺩ ﻋﻠﻴﺎ ﺻﻮﺕ ﺭﺍﺟﻞ ﺑﻄﺮﻳﻘﺔ ﺭﺳﻤﻴﺔ " ﺍﻟﺴﻼﻡ ﻋﻠﻴﻜﻢ ﺍﻧﺖ ﻫﻮ ﺍﻟﻤﻬﺪﻱ ﺍﻟﻌﺴﺮﻱ ﻗﻠﺖ ﻟﻴﻪ " ﺁﻩ ﻫﻮ ﻫﺬﺍ " ﻭ ﻗﺎﻝ ﻟﻴﺎ " ﻭﺍﺧﺎ ﺭﺍﻙ ﺃﺳﻲ ﻣﻬﺪﻱ ﺗﻘﺒﻠﺘﻲ ﻣﻌﺎﻧﺎ ﻑ ﺍﻟﺴﻠﻚ ﺩ ﺍﻟﺸﺮﻃﺔ ﻳﺎﻙ ﺩﻭﺯﺗﻲ ﻣﻌﺎﻧﺎ ﺍﻟﻜﺘﺎﺑﻲ؟" ﺑﻘﻴﺖ ﺍﻧﺎ ﻣﺼﺪﻭﻡ ﻣﺎ ﻋﺮﻓﺖ ﻣﺎ ﻧﻘﻮﻝ ﻓﺮﺣﺖ ﺑﺰﺍﺍﻑ ﻭ ﺟﺎﻭﺑﺘﻮ ﻗﺒﻞ ﻣﺎﻳﺘﻌﺼﺐ ﻫﻬﻬﻬﻪ " ﺁﻩ ﺩﻭﺯﺗﻮ " ﻭ ﻗﺎﻝ ﻟﻴﺎ ﺻﺎﻓﻲ ﺁﺟﻲ ﺩﻭﺯ ﺷﻔﻮﻱ ﻭ ﻣﺮﺣﺒﺎ ﺑﻴﻚ ﻑ ﺳﻠﻚ ﺍﻟﺸﺮﻃﺔ" ﻗﻠﺖ ﻟﻴﻪ " ﺷﻜﺮﺍ " ﻭ ﺑﻘﻴﺖ ﺗﺎﻟﻒ ﺁﺵ ﻏﻨﺪﻳﺮ ﺩﺑﺎ ﻣﻊ ﻫﺎﺩ ﺍﻟﻤﺪﻳﺮ ﺷﻔﺖ ﻑ ﺍﻟﺒﺎﺏ ﺩ ﺍﻟﻤﻜﺘﺐ ﻟﻘﻴﺘﻮ ﻣﺴﺪﻭﺩ ﻭ ﺍﻧﺎ ﻧﺠﻤﻊ ﺍﻟﻮﻗﻔﺔ ﻭ ﺧﺮﺟﺖ ﺑﺤﺎﻟﻲ ﻫﻬﻬﻪ ﺑﻘﻴﺖ ﻏﺎﺩﻱ ﻑ ﺍﻟﺸﺎﺭﻉ ﻛﻨﺘﺨﺎﻳﻞ ﺭﺍﺳﻲ ﺑﻮﻟﻴﺴﻲ ﻭ ﻛﻨﺘﻤﺸﻰ ﺑﺪﻳﻚ ﺍﻟﻄﺮﻳﻘﺔ ﺍﻟﺒﻮﻟﻴﺴﻴﺔ ﻫﻬﻬﻪ ﻭ ﺍﻧﺎ ﻣﻨﺴﺎﺟﻢ ﻣﻊ ﺍﻟﺪﻭﺭ ﻫﻬﻬﻪ ﺻﻮﻧﺎ ﺍﻟﺘﻠﻴﻔﻮﻥ .. "ﺁﻟﻮ .
." ﺑﺘﺒﻊ
ليست هناك تعليقات