قصة كريم فالمدينة - الجزء 1

الجزء 1

كريم شاب في 16 من العمر ديالو ، كيعيش فالبادية مع عائلته البسيطة و الناس البسطاء ، و من صغرو و هو كيحلم يولي ممثل فواحد النهار ، كتكون الأسرة ديالو من 3 ذكور و 3 اناث كتراوح اعمارهم بين 10 سنين حتال 26 سنة ، كايسكنوا فمنزل بسيط و فحي كيسودوا التعاون و التضامن و التعايش ، و كريم دايماً كيجمع الفلوس في الربيعة باش يقدر فواحد النهار يعيش فالمدينة و يقدر يدخل لمعهد التمثيل و ديما كيهدر مع دارهم على الرغبة ديالو...

واحد النهار جات عندو الأم قالت ليه :

- را هدرت مع خالتك باش تقدر تجلس عندها فالمدينة واحد الشوية باش تقدر تقرى فالمعهد 

- بصاح  !! شكراً بزاف الله يخليك ليا 

- أمين ا ولدي ، غي هو فش تكون جالس عندهم خرج حول دبر على راسك ، حيت راجلها ماكيبغش الضياف و مايمكنش تبقى عايش معاهم ديما 

- صافي ا الوالدة غاندير جهدي كامل نيت أنا مكنبغش نتقل على شي واحد 

- و عنداك تمشي دابز مع شي واحد فولادهوم راك عارفهووم كيفاش دايرين ، و بناتهوم عنداك تمشي تقرب من شي وحدة فيهم 

- و عارف هدشي كامل غي كوني هانية 

- الله يرضي عليك و يسهل عليك...

الليل كامل و كريم تيجمع فحوايجو و داكشي كامل لي غيخصو ، و مابغاش يديه النعاس بقوة الفرحة...

صبح الصباح و واخا منعسش بزاف فاق مزيان و سلم على واليديه و خوتو كيدعيو معاه ، ركب فالتاكسي و شد الطريق نحو الحلم ديالو .

يتبع...