قصة أربع شباب مغاربة يبحتون عن عمل - الجزء 10 - الأخير

قصة أربع شباب مغاربة يبحتون عن عمل

الجزء 10

ختلقت قصة،حبكتها مزيان،قصة ديامند سميتها ''ز هرة الحياة'' فالقرون الوسطى كانت هي جالبة الحظ للاغريق!قصة تافهة واسطورة خيالية،ولكن بزاف لي صدقوها،قدرت نوجد 4 نسخ من هاد الديامند وطرحت وحدة فالسوق السوداء تحت اسم مستعار " نسرين" ،ولان امين كان من هواة جمع هاد الاثار وكان كيتاجر فيهم،خليتو يغرم بهاد القصة ويتوسوس بهاد الديامند بمساعدة خادمي لمخلص المعطي! شرا بلامايفكر الديامند بنصف مليار،ولكن امين كان كيبغي يحضي صواريه شويا قال بلي غيعطيني نصف المبلغ والنصف الاخر حتال 23 فشهر 5 ،بينما عرض الديامند للاختبار واش حقيقية ولا لا! خديت نصف المبلغ ،ولكن مابغيتش نتخلى على النصف الاخر،داكشي علاش قلت خصني نضيع ليه لوقت من هنا ل 17 يوم ،قلت نسرقها ليه انا،ونخليه يسترجعها،وندير عملية سرقة مصطنعة باش يحس بلي الديامند كانت حقيقية ونيت نضيع لوقت بينما توصل 23 فالشهر ويكملو ليا فلوسي،ومن بعد نزيد بحالي....!الخطة ديالي غاديا فالطريق وهو مكلف 4 ديال الدراري باش يسرقوني،ههه واخة هاكداك كيبانو ضريفين.. "" # بقيت حال فمي فحالة ذهول،ماقدترش نطق،،،اول مادرت نضت كنجري ديت ورقة من لفلوس لي عطاتنا لعند مول لحانوت يشوفها واش فري ولا مزورة،بقا كيشوف فيها وكيشوف فيا : منين جبتي هادي اولدي ارشيد،مزور هادشي ! حسيت برجلي فشلو،،يالاه بغيت نعيط على الدراري لقيت انس قدام باب الدار! بدا كيغوت : دارتها بينا بنت لحرام،فلوسها مزورة،كنت غنتشد فالحبس،ديت لفلوس لبنكة لقاوها مزورة كلها 20 مليون! ومليون ونص لي عطا لينا هاداك امين مزورة،غنمشي وغنقتلها! حدرت راسي ومعرفت مانقول،تجمعنا انا ودراري،،ومشينا عندها لڤيلا،عيينا ندقو حتى حد ماحل لينا! سولنا الجيران قالو لينا، الڤيلا تباعت ! بقينا مصدومين! مصطفى ماقدرش يتيق بقا غير ساكت،فالصراحة كلنا تصدمنا! بعد مرور 2 سيمانات...فالقهوة! انس : الدراري راني باقي تحت تأتير الصدمة!اش غنديرو دابا! دار عندي مصطفى: شحال عندك ديال الصرف؟ قلت ليه 14 الف ريال علاش؟ دار عند انس و عادل ونتوما؟! قاليه ياسين 10،وعادل : 11 الف وشي صرف! قلت ليه علاش! قالي: باقي داك السيد لي قلتي لينا عليه؟ انس شد فراسو : ناري ماتقولش ليا كروسة! مصطفى : لا حانوت،غنخدمو فحانوت،،غادي نحلو محل ديال الخضرة والديسير عندنا فلتحت ديال الدار،،وجدت لوراق ولعيبات!انا عندي 17 الف نجمعو فلوسنا وايلا صبر معانا داك السيد نبداو بشوية وشوية،لاهما خدامين ولا ناشرين رجلينا هنا،ماكندخلو حتى درهم فالنهار! بقينا كنشوفو عندو لحق فكلشي!وداكشي لي حسيت بيه كل واحد فينا حس بيه..كنا عارفين ان هاديك لفلوس حرام،،وفلوس لحرام دغيا كتمشي واخة مادوزاتش عندنا 3 ايام ولكن الحمد لله مابديناش بيها حياتنا،،وختارينا اننا نبداو فشي حاجة ديال لحلال،لخدمة الشريفة ماشي عيب،العيب هي رجل على رجل فالقهوة وناخدو 10 الدراهم معند لواليد باش نتشمش فيها..! بدينا كاي واحد واقف قدام الطريق ،ماعرفناش شنو غيوقع لينا من هنا لقدام ولكن لي عارفين اننا متوكلين على الله...والديامند ديالنا حنا ب4 هي الصحبة ديالنا،كلما تلاقينا وضحكنا كتوهّج وكتبري وكتغري اي شخص شافنا! هاكدا كنا وهاكدا بدينا،، حنا أنس ،عادل،مصطفى وأنا رسيد لي بدينا من الزيرو! . النهااااااااااااية . كيجاتكم القصة