قصة كريم فالمدينة - الجزء 18
الجزء 18
( السيد فهم كولشي و تخلع ، ماعرف واش يقلع و يديها معاه ، ولا يبقى تما و يرجعها لحبابها ، ماعندوش بزاف د الوقت باش يفكر خصوصاً و انه كريم بدا كيقرب ليه )
السيد قلع و مشا ، كريم بقى تابعو كايجري والاكين ماقدرش يوصل ليه معلوم ، شاف فالبلاكة د الطوموبيل و عقل على شي أرقام ، ولكن ماقدرش يحفضهوم كاملين ، و جلس فالأرض صعر حيت ماقدرش يلحق عليهوم و مافهمش شنو العلاقة ديل داك السيد مع امال ، و لكن فنفس الوقت برد شوية حيت تأكد أن امال باقا عايشة
هبط الليل
رجع كريم للدار ، و عاودليهوم كولشي ، سولو مروان " داك السيد لا شفتيه تعقل عليه " قاليه " معلووم نقدر نجبدو من وسط 100 واحد ، شفتو فاش خرج راسو من الشرجم و باقي عاقل عليه مزيااان " نقزات ملاك " يقدر يكون شافك تاتجري لعندو و خاف ، داكشي علاش ما حبسش " جاوبها كريم " الله يهديك ، راه شافني و سمعني مزيان و غايكون %100 فهمني شنو بغيت "
المهم قالهوم المخرج أنا ساليت الفيلم اللي جيت على ودو و دابا تابعاني الخدمة تاني لهيه ، تفاجؤو كاملين ، و كريم مع صاعر على قبل داكشي اللي وقع ، و ملاك مع بان ليها غاي نطق بشي حاجة ماشي هي هاديك و هي تنغزو ، كريم نعل الشيطان و سكت
صافي المخرج قالهوم وجدوا راسكوم را غدا غنقلعو ، قالتليه ملاك و البنت شنو غانغولو لواليديها '' قاليها " عندها كتر من 18 سنة يعني راه راشدة و مسئولة على راسها ، راها مابقاتش صغيرة " و مروان قاليه '' حنا باقين هنا و متاحدين بثلاثة تانلقاو العضو الرابع من الغروب "
جاوبهوم المخرج " ولكن فين غات باتوا راني جبتكوم معايا را غنردكم معايا ما خصني مشاكل ، نقز كريم صاعر قاليه " ياك دابا نتا راجع فحالك ، وا خرج سوقنا ، و لا دابا مابقاش اللي عندو كتر من 18 يتحمل المسؤولية ديالو ؟!! أنا را ماغانرجعش بلا بها ، و كون متئكد أنه هذا كان هو أخر فيلم لينا معاك " قاليهم " دبرو راسكوم أنا المهم هاد الدار بقى لكوم غير اليوم تباتو فيها و غدا سيرو دبرو على راسكم ، الله يعاونا و يعاونكم
داك السيد وصل امال للدار ، واخا المرأة معجبهاش الحال بزاف و لكن ولادهم بالعكس ، و خصوصاً الدري الكبير اللي أول مرة شافها ، و تقريباً قدها فالسن
صبح الصباح ☀
الثلاثي KMM ( كريم ملاك و مروان ) مشاو يستاقرو عند جد و جدات ملاك ، واخا الفيلا جات شوية فاللخر د المدينة ، و لكن ناس طيبين و لا باس عليهوم و تا هوما عايشين غير بوحدهوم و باغيين نيت يتونسو ، و أكيد ما غايلقاوش حسن من الحفيدة ديالهم و صحابها ، و خصوصاً أن ملاك شحال هادي ما شافوها و كيشمو فيها ريحت ولدهوم (باها) اللي يالله مات
بعد مرور 3 أشهر.............
يتبع ...
ليست هناك تعليقات