‏قصة ﺍﻟﺪﻧﻴﺎ ﻛﺪﻭﻭﺭ - الجزء 4

‏قصة ﺍﻟﺪﻧﻴﺎ ﻛﺪﻭﻭﺭ - الجزء 4

ﺑﻘﻴﺖ ﻣﻌﺎ ﺃﺣﻼﻡ ﻭﺍﺣﺪ ﺳﺎﻋﺔ ﺃﺧﺮﻯ، ﻣﺎﻛﻨﺘﺶ ﻛﺎﻧﺘﺼﻮﺭ ﺑﺎﻟﻠﻲ ﺷﻲ ﺣﺎﺟﺔ ﺑﺤﺎﻝ ﻫﺎﺩﻳﻚ ﻳﻤﻜﻦ ﺗﻮﻗﻊ، ﻣﺎﻃﺎﺣﺘﺶ ﻟﻴﺎ ﻋﻠﻰ ﺑﺎﻟﻲ، ﻛﻨﺖ ﻛﻨﺼﺤﺒﻮ ﻛﺎﻳﺘﻔﻼ ﻋﻠﻴﺎ، ﺃﻭ ﺑﺎﻏﻲ ﻳﻄﻠﻌﻬﺎ ﻋﻠﻴﺎ، ﻓﺎﺵ ﺗﻔﺎﺭﻗﺖ ﻣﻌﺎﻫﺎ، ﻭﺻﻠﺖ ﻟﺪﺭﺏ، ﻟﻘﻴﺖ ﺟﻮﻗﺔ ﻗﺪﺍﻡ ﺍﻟﺪﺍﺭ، ﺃﻭ ﻛﻠﺸﻲ ﻛﻴﺸﺮ ﻟﺠﻴﻬﺘﻲ، ﺗﺨﻠﻌﺖ، ﺻﺤﺎﺑﺖ ﺭﺍﺳﻲ ﻣﺪﺍﻳﺮ ﺷﻲ ﺯﺑﻠﺔ، ﺑﻐﻴﺖ ﻧﻬﺮﺏ، ﻭﻟﻜﻦ ﻓﺎﺵ ﺳﻤﻌﺖ ﺻﻮﺕ ﻟﺒﻜﺎ، ﺭﺟﻌﺖ، ﻗﺮﺑﺖ ﻟﺪﺍﺭ ﺟﺎ ﻋﻨﺪﻱ ﺃﺣﻤﺪ ﺃﻭﻋﻨﻘﻨﻲ، ﻗﻠﺖ ﻟﻴﻪ ﻣﺎﻟﻚ ﺃﺵ ﻛﺎﻳﻦ، ﻗﺎﻝ ﻟﻲ ﻟﺒﺮﺍﻛﺔ ﻓﺮﺍﺳﻚ، ﺩﻓﻌﺘﻮ ﺃﻭ ﻏﻮﺕ ﻋﻠﻴﻪ: 

-ﻣﺎﻟﻚ، ﺃﺵ ﻛﺎﻳﻦ، ﺣﻴﺪ ﻣﻨﻚ ﻫﺎﺩ ﻟﻔﻌﺎﻳﻞ ، ﻣﺎ ﺭﺟﻠﺔ ﻣﺎﻭﺍﻟﻮ، 

ﺟﺮﻳﺖ ﻋﻠﻰ ﺑﻨﺎﺩﻡ ﺍﻟﻠﻲ ﻭﺍﻗﻒ ﺣﺪﺍ ﺍﻟﺪﺍﺭ، ﺃﻭ ﺑﻘﻴﺖ ﻛﻨﺴﺐ ﻓﻴﻬﻢ، ﻫﺒﻄﺎﺕ ﻟﻮﺍﻟﻴﺪﺓ، ﺳﻮﻟﺘﻬﺎ ﺃﺵ ﻭﺍﻗﻊ، ﻗﺎﻟﺖ ﻟﻲ ﻭ ﺍﻟﺪﻣﻮﻉ ﻓﻌﻴﻨﻴﻬﺎ: 

-ﺑﺎﺑﺎﻙ ﻣﺎﺕ ﺃﻭﻟﺪﻱ ! - ﻛﻴﻔﺎﺵ، ﻣﺎﻳﻤﻜﻨﺶ ، ﻛﺘﻜﺪﺑﻲ ﻧﺘﻲ، ﺑﻌﺪﻱ ﻣﻨﻲ . 

ﻃﻠﻌﺖ ﻟﺪﺍﺭ ﻛﻨﺠﺮﻱ، ﺩﺭﺕ ﻟﻤﺰﻳﻜﺎ ﻓﻮﺩﻧﻲ، ﺃﻭ ﻧﻌﺳ

…………………………………………………

ﻛﺎﻧﺘﺴﻨﺎ ﻏﻴﺮ ﺇﻣﺘﺎ ﻧﻜﻤﻞ ﻟﻤﻔﺎﺟﺄﺓ ﺩﻳﺎﻟﻲ ﻟﻴﻬﻢ، ﺍﻟﻤﻔﺎﺟﺄﺓ ﺍﻟﻠﻲ ﻭﺍﻋﺪﺗﻬﻢ ﺑﻴﻬﺎ، ﻭ ﺍﻟﺴﻴﻤﺎﻧﺔ ﺍﻟﺠﺎﻳﺔ ﻋﻨﺪﻱ ﻣﻮﻋﺪ ﻣﻌﺎﻫﻢ، ﻧﺘﻤﻨﻰ ﻫﺎﺩ ﻟﻜﺘﺎﺏ ﻳﻌﺎﻭﻧﻲ ﻛﻴﻒ ﻗﺎﻟﻲ ﺍﻟﻄﺒﻴﺐ، ﺑﺎﺵ ﻧﻜﻮﻥ ﻓﻠﻤﺴﺘﻮﻯ، ﺃﻭﻧﻌﺠﺐ ﻟﺠﻤﻬﻮﺭ ﺩﻳﺎﻟﻲ

………………………………………………. ... 

ﻣﺎﺕ ﻟﻮﺍﻳﺪ، ﻓﻘﺖ ﺩﺍﻙ ﺍﻟﺼﺒﺎﺡ ، ﺑﻐﻴﺖ ﻧﺸﻮﻑ ﺃﺣﻼﻡ، ﻫﻲ ﺍﻟﻠﻲ ﻛﺘﺤﺲ ﺑﻴﺎ، ﻫﻲ ﺍﻟﻠﻲ ﺗﻘﺪﺭ ﺗﻌﺎﻭﻧﻲ ﻓﻬﺎﺩ ﺍﻟﻈﺮﻭﻑ،

ﻓﻜﺮﺕ ﺣﺘﻰ ﻓﺼﺎﺣﺒﻲ ﺃﺣﻤﺪ، ﺣﺘﻰ ﻫﻮ ﻳﻘﺪﺭ ﻳﻌﺎﻭﻧﻲ، ﻭ ﻳﻮﺭﻳﻨﻲ ﺃﺵ ﻧﺪﻳﺮ، ﻟﻤﻮﻫﻴﻢ، ﻣﺎﻣﺸﻴﺖ ﻋﻨﺪ ﺣﺪ، ﺗﻔﻜﺮﺕ ﻟﻮﺍﻟﻴﺪﺓ ﻭ ﻟﻤﺮﺽ ﺩﻳﺎﻟﻬﺎ، ﻋﺮﻓﺘﻬﺎ ﺻﻌﻴﺐ تصبر، ﺣﻠﻴﺖ ﻟﺒﺎﺏ ﺩﻳﺎﻝ ﻟﺒﻴﺖ، ﻟﻘﻴﺖ ﺍﻟﺠﻮﻗﺔ ﻋﻮﺗﺎﻧﻲ، ﻛﺎﻧﺖ ﻣﻌﺎﻫﻢ ﻟﻮﺍﻟﻴﺪﺓ، ﻋﻴﻄﺖ ﻋﻠﻴﻬﺎ، ﺷﺎﻓﺘﻨﻲ ﺃﻭ ﻫﻴﺎ ﺗﺠﻲ ﻟﻌﻨﺪﻱ، ﻋﻨﻘﺘﻬﺎ، ﺃﻭ ﻫﺪﻱ ﺃﻭﻝ ﻣﺮﺓ ﻛﻨﻌﻨﻘﻬﺎ ﻓﻴﻬﺎ، ﺳﻮﻟﺘﻬﺎ ﻋﻠﻰ ﺍﻟﻮﺍﻟﻴﺪ، ﻗﺎﻟﺖ ﻟﻲ ﻓﻠﻌﺸﻴﺎ ﻧﻤﺸﻴﻮ ﻟﻌﻨﺪﻭ ..

ﺟﺎﺕ ﻟﻌﺸﻴﺔ، ﻣﺸﻴﻨﺎ ﻟﻌﻨﺪﻭ، ﻓﺎﻟﻄﺮﻳﻖ ﺳﻮﻟﺖ ﻟﻮﺍﻟﻴﺪﺓ :

- ﻋﻼﺵ ﻣﺎﺕ ؟

- ﻣﺎﺕ ﻓﻠﺨﺪﻣﺔ ﺃﻭﻟﺪﻱ، ﺯﻟﻘﺎﺕ ﻟﻴﻪ ﺭﺟﻠﻮ ...

ﻭﺻﻠﻨﺎ، ﺩﺧﻠﻨﺎ، ﺟﺒﺪﺍﺕ ﻟﻮﺍﻟﻴﺪﺓ ﻭﺍﺣﺪ ﻟﻮﺭﻗﺔ، ﻋﻄﺎﺗﻬﺎ ﻟﻮﺍﺣﺪ ﺍﻟﺴﻴﺪ، ﺑﻐﻴﺖ ﻧﺸﻮﻑ ﻟﻮﺭﻗﺔ ﺃﺵ ﻓﻴﻬﺎ، ﺑﺎﻧﺖ ﻟﻴﺎ ﻧﻤﺮﺓ !!

ﺍﻟﺮﻗﻢ ﺩﻳﺎﻝ ﻟﻮﺍﻟﻴﺪ، ﻣﺎﺑﻘﺎﺗﺶ ﺳﻤﻴﺘﻮ ﺍﻟﺴﻲ ﻣﺤﻤﺪ، ﻭﻟﻰ ﻧﻤﺮﺓ

ﻋﻄﺎﻧﺎ 2 ﻛﻤﺎﻣﺎﺕ، ﻟﺒﺴﻨﺎﻫﻢ ﺃﻭ ﺗﺒﻌﻨﺎﻩ، ﺩﺧﻠﻨﺎ ﻟﻮﺍﺣﺪ ﻟﺒﻴﺖ، ﻓﻴﻪ ﺑﺰﺍﻑ ﺩيال ﺍﻟﺜﻼﺟﺎﺕ، ﻭﺣﺪﺓ ﻓﻴﻬﻢ ﻛﺎﻥ ﻓﻴﻬﺎ ﺍﻟﻮﺍﻟﻴﺪ، ﻭﺣﺪﺓ ﻓﻴﻬﻢ ﻛﺎﻥ ﻓﻴﻬﺎ ﺑﺎ، ﺷﺎﻑ ﻓﺎﻟﻮﺭﻗﺔ، ﺃﻭ ﻓﺘﺢ ﺍﻟﻠﻲ ﻛﺎﻥ ﻓﻴﻬﺎ ﺍﻟﻮﺍﻟﻴﺪ، ﻗﺮﺑﺖ ﺷﻮﻳﺔ، ﻗﺎﻝ ﻟﻴﻨﺎ ﻭﺍﺵ ﻣﺴﺘﻌﺪﻳﻦ،؟ ﻫﺰ ﻋﻠﻴﻪ ﻟﻐﻄﻰ. 

ﺗﺨﻠﻌﺖ ﻣﻨﻮ ﺑﺰﺍﻑ، ﻋﻤﺮﻱ ﻣﺎﺷﻔﺖ ﻫﺎﺩ ﺍﻟﻤﻨﻈﺮ، ﻓﻤﻮ ﻛﺎﻥ ﺯﺭﻕ، ﺍﻟﺸﻮﻓﺔ ﺩﻳﺎﻟﻮ ﻛﺎﻧﺖ ﺧﺎﻭﻳﺔ، ﺗﺸﺠﻌﺖ ﺃﻭ ﺑﺴﺖ ﻟﻴﻪ ﺭﺍﺳﻮ ، ﺁﺧﺮ ﻣﺮﺓ ﻛﻨﺒﻮﺱ ﻟﻴﻪ ﺭﺍﺳﻮ، ﺍﻟﺼﺮﺍﺣﺔ، ﻓﺮﺣﺖ ﻟﻴﻪ ﻓﺎﺵ ﻣﺎﺕ، ﺣﻴﺖ ﺟﺎ ﻟﻮﻗﺖ ﺍﻟﻠﻲ ﻏﺎﺩﻱ ﻳﺘﺤﺮﺭ ﻓﻴﻪ ﻣﻦ ﺍﻟﻌﺬﺍﺏ ﻭ ﺍﻟﻈﻠﻢ ﺍﻟﻠﻲ ﻛﺎﻥ ﻋﺎﻳﺶ ﻓﻴﻪ، ﺃﺧﻴﺮﺍ ﻏﺎﺩﻱ ﻳﺮﺗﺎﺡ، ﺑﻐﻴﺘﻮ ﻣﺎﻳﺴﻤﺤﺶ ﻝ ﻟﻲ ﻇﻠﻤﻮﻩ، ﺑﻐﻴﺘﻮ ﻳﺪﻋﻲ ﺍﻟﻠﻪ ﻳﺎﺧﺪ ﻟﻴﻪ ﺣﻘﻮ