حب من طرف واحد - الجزء 1
ﻟﻴﻮﻡ ﻗﺮﺭﺕ ﻧﺸﺎﺭﻛﻢ ﻗﺼﺘﻲ ﻣﻦ ﺑﻌﺪ ﺳﻨﻴﻦ ﺩﻳﺎﻝ ﺍﻟﻤﻌﺎﻧﺎﺕ ﺳﻤﻴﺘﻲ ﺍﻣﺎﻝ ﺩﺍﺑﺎ ﻋﻨﺪﻱ ﺳﺒﻌﺔ ﻭﻋﺸﺮﻳﻦ ﻋﺎﻡ .... ،ﺗﺰﺍﺩﻳﺖ ﺍﻭ ﻛﺒﺮﺕ ﻑ ﺳﻼ ﻑ ﺣﻲ ﺷﻌﺒﻲ ﻋﻨﺪﻱ ﺟﻮﺝ ﺧﻮﺗﻲ ﻛﺒﺎﺭ ﻣﻨﻲ ﺍﻭﺧﺘﻲ ﺻﻐﺮ ﻣﻨﻲ ﺩﻭﺯﺕ ﺍﺟﻤﻞ ﺍﻳﺎﻡ ﺍﻟﻄﻔﻮﻟﺔ ﺩﻳﺎﻟﻲ ﻓﻬﺎﺩ ﻟﻤﺪﻳﻨﺔ ﺗﺎ ﺩﺭﺕ ﺧﻤﺴﺘﺎﺵ ﻋﺎﻡ ..... ﻗﺮﺭ ﺑﺎﺏ ﻭ ﻣﺎﻣﺎ ﻳﺒﻴﻊ ﺍﻟﺪﺍﺭ ﺍﻭ ﻧﺮﺣﻠﻮ ﻟﻤﺪﻳﻨﺔ ﺍﻭﺧﺮﺍ ﺣﻴﺖ ﺍﻟﺤﻮﻣﺎ ﻟﻠﻲ ﻛﻨﺎ ﺳﺎﻛﻨﻴﻦ ﻓﻴﻬﺎ ﺣﻮﻣﺎ ﺷﻌﺒﻴﺔ ﺍﻭ ﻓﻴﻬﺎ ﺍﻟﺘﺒﺮﻛﻴﻚ ﺑﺰﺍﻑ + ﺍﻟﺤﺪﻳﺎ ﺍﻭ ﺍﻟﺘﻘﻮﺍﺱ ﻛﺎﻧﺖ ﺑﺎﺑﺎ ﻋﻨﺪﻭ ﻃﻮﻣﻮﺑﻴﻞ ﻛﻴﺨﻄﻒ ﺑﻴﻬﺎ ﺍﻟﺒﻼﻳﺺ ﻭ ﺍﻟﻜﻮﺭﺳﺎﺕ ﺭﺑﻲ ﻣﻴﺴﺮ ﻟﻴﻪ ﻭﻛﻴﺪﺧﻞ ﻟﻔﻠﻮﺱ ﻣﺰﻳﺎﻥ ﻣﺎﻛﻴﺤﺮﻣﻨﺎ ﻣﻦ ﺗﺎﺣﺎﺟﺎ ﻏﻲ ﺣﻨﺎ ﻛﻨﺎ ﻣﺤﺪﻳﻴﻦ ﺑﺰﺍﻑ ﻣﻦ ﺷﻲ ﺟﻴﺮﺍﻥ ﻟﺪﺭﺟﺔ ﺑﺎﺑﺎ ﺩﺍﺭ ﺧﻤﺴﻪ ﺍﻟﻜﺴﺎﻳﺪ ﻑ ﻇﺮﻑ ﻋﺎﻣﺎﻳﻦ ﻭ ﺍﻻ ﺧﻴﺮﺓ ﻟﻠﻲ ﺷﺎﻑ ﻃﻮﻣﻮﺑﻴﻞ ﻳﻜﻮﻝ ﺑﻠﻲ ﻣﻮﻻﻫﺎ ﻣﺎﻟﻘﺎﻭ ﻣﺎﻳﺠﻤﻌﻮ ﻓﻴﻪ ﻟﻠﻪ ﻳﺤﻔﻆ ﻭﻣﺎﻃﺮﺍﻟﻴﻪ ﻭﺍﻟﻮ ﺑﻔﻀﻞ ﺍﻟﻠﻪ ﺣﻴﺖ ﺑﺎﺑﺎ ﻛﺎﻥ ﺍﻧﺴﺎﻥ ﻃﻴﺐ ﻭﺳﺨﻲ ﻣﻊ ﺍﻱ ﻭﺍﺣﺪ ﺍﻟﺼﺪﻗﺎﺕ ﻭﻗﻔﻮ ﻣﻌﺎﻩ ﺩﺍﻛﺸﻲ ﻻﺵ ﻗﺮﺭ ﻳﺒﻴﻊ ﻭﻳﺸﺮﻱ ﻟﻴﻨﺎ ﻑ ﺑﻼﺻﺔ ﻧﻘﻴﻴﺔ ﺻﺎﻓﻲ ﺑﻌﻨﺎ ﺍﻟﺪﺍﺭ ﻭﻣﺸﻴﻨﺎ ﻣﻦ ﺑﻌﺪ ﻣﺎﺷﺮﺍ ﺍﻟﺪﺍﺭ ﺩﻳﻚ ﺍﻟﺴﺎﻋﺔ ﻛﻨﺖ ﻛﻨﻘﺮﺍ ﻓﺘﺎﻣﻨﻪ ﺍﻋﺪﺍﺩﻱ ﻭﻛﺎﻥ ﺍﺧﺮ ﺍﻟﺴﻨﺔ ﺍﻟﺮﺍﺳﻴﺔ ﻭﻧﺠﺤﺖ ﻓﺎﺵ ﺭﺣﻠﻨﺎ ﻛﻨﺖ ﻛﻨﺨﺮﺝ ﺍﻧﺎ ﻭ ﺧﻮﺗﻲ ﻛﻨﺘﻌﺮﻓﻮ ﻋﻠﻰ ﺍﻟﺤﻮﻣﺔ ﺍﻟﺠﺪﻳﺪﺓ ﺗﺎﻝ ﻭﺍﺣﺪ ﺍﻟﻨﻬﺎﺭ ﻛﻨﺖ ﺧﺎﺭﺟﺔ ﺍﻧﺎ ﻭ ﺧﺘﻲ ﻧﺘﺴﺨﺮﻭ ﻣﻴﻦ ﻛﻨﺎ ﻗﺎﻃﻌﻴﻦ ﻭﻗﻔﺖ ﻟﻴﻨﺎ ﻃﻮﻣﻮﺑﻴﻞ ﺑﺎﺵ ﻧﺪﻭﺯﻭ ﻫﺰﻳﺖ ﻋﻴﻨﻲ ﻣﻦ ﺑﺎﺏ ﻟﻔﻀﻮﻝ ﺟﺎﺕ ﻋﻴﻨﻲ ﻑ ﺍﺟﻤﻞ ﻋﻴﻨﻴﻦ ﺷﺎﻓﺘﻬﻢ ﻋﻴﻨﻲ ﺧﻀﺮﻳﻦ ﺍﻭﻛﺒﺎﺭ ﺗﺒﺴﻢ . ﻣﻴﻦ ﺷﻔﺖ ﻓﻴﻪ ﻭ ﺣﺪﺭﺕ ﺭﺍﺳﻲ ﻭﻛﻤﻠﺖ ﻃﺮﻳﻘﻲ ﻣﺎﺩﺍﻳﺮﺍﺵ ﻓﺒﺎﻟﻲ ﺑﻠﻲ ﺍﺟﻤﻞ ﻋﻴﻨﻴﻦ ﻣﻮﻻﻫﻢ ﻏﺎﻳﻜﻮﻥ ﺳﺒﺎﺑﻲ ﻑ ﻋﺬﺍﺑﻲ ....... ﻭﻫﺬﺍﻙ ﻟﻠﻲ ﻛﻴﻘﻮﻟﻮﻟﻮ ﺣﺐ ﻣﻦ ﺍﻭﻝ ﻧﻈﺮﺓ ﻣﻦ ﺑﻌﺪ ﻭﻟﻴﺖ ﻓﻴﻨﻤﺎ ﻧﺨﺮﺝ ﻛﻨﺘﻼﻗﺎ ﺑﻴﻪ ﻭﺣﻴﺖ ﻣﺎﻋﺎﺭﻓﺎﺵ ﺳﻤﻴﺘﻮ ﻛﻨﺖ ﻛﻨﻌﻴﻂ ﻟﺼﺎﺣﺒﺘﻲ ﻑ ﺑﻮﺭﻃﺎﺑﻞ ﻛﻨﻘﻮﻟﻴﻬﺎ ﻣﻮﻝ ﻣﺘﻴﻦ ﻭﺧﻤﺴﻴﻦ ﻭﺑﻌﺪ ﺍﻟﻤﺮﺍﺕ ....... ﻛﻨﻜﻮﻥ ﻛﻨﺴﻴﻖ ﻛﻴﺪﻭﺯ ﻣﻦ ﻗﺪﺍﻣﻲ ، ﺗﻌﺮﻓﺖ ﻋﻠﻰ ﺑﻨﺎﺕ ﺍﻟﺤﻮﻣﺎ ﻭﻟﻴﺖ ﻛﻨﻜﻠﺲ ﻣﻌﺎﻫﻢ ﻣﻴﻦ ﻛﻴﺒﺮﺩ ﺍﻟﺤﺎﻝ ﻭﺍﺣﺪ ﺍﻟﻨﻬﺎﺭ ﻛﻨﺎ ﻣﺠﻤﻌﻴﻦ ﻑ ﺩﺭﺏ ﻣﻮﻝ ﻝ ﻣﺘﻴﻦ ﻭﺧﻤﺴﻴﻦ ﺩﺍﺯ ﻣﻦ ﺧﺪﺍﻧﺎ ..... ﺑﻘﺎ ﻛﻴﺸﻮﻑ ﻓﻴﺎ ﻭﺷﻔﺖ ﻓﻴﻪ ﺗﺎﻣﺸﺎ ﻧﻘﺰﺕ ﻭﺣﺪﺍ ﻣﻦ ﺩﻭﻙ ﻟﺒﻨﺎﺕ ﻭ ﻫﻲ ﺗﻘﻮﻝ ﻫﺎﻫﻮﺍ ﺍﻟﺮﻳﻔﻲ
أزال أحد مشرفي المدونة هذا التعليق.
ردحذف