قصة حاقدة على الوضعية | الجزء 1 | قصص واقعية
"حاقدة على الوضعية"
الجزء 1
قصص - قصص حب | قصص واقعية | قصص قصيرة | قصص رعب | قصص للاطفال | قصص الانبياء
قصص حب | قصص واقعية | قصص قصيرة | قصص وعبر | قصص جن | قصص رعب | قصص مضحكة | قصص للاطفال | قصص الانبياء
السلام ! أنا إكرام ولا كيف كيسموني فالدرب عزري الدوار؛ هاد الإسم ماجاش غير هكداك! حيت أنا بصح نيت كيلعزري .الشعر كاري و ديما مجموع ؛ سبادري بيضة ، المهم كانت بيضة حيت دابا كحالت بالوسخ...سروال الدجين كاشف و تجاكيتا سرقتها للواليد...دكرنا السمن ولعسل إخخ أش بينا شي واليد...اصلا هاداك هو لي خرج علي وخلاني هاكا و خرج على مي لي مكورة فلفراش دابا... و خويا ...خويا حبيبي لي مخنسر دابا فلحباسات ...خويا لي بريئ خويا لي تغصب فشبابو و هادشي كامل بسباب داك الشيباني لي حرر فينا العيشة !عييت وقلت نعاود ليكوم يمكن تفهموني و أكيد ملي تسمعو قصتي غادي تعدروني. قبل سنتين! حطات لغدا وخي كتعيط:إكرام...أيمن أجيو أولادي راه لغدا موجود! الأب:سكتينا...مالنا على هاد لغوات...يجيو ولا كاع لايجيو...لهلا يوكلو لباباهوم ! الأم: أويلي علاش كتقول هاكدا....خلي عليك الدراري مساكن عاد دخلو من المدرسة. الأب:تفروه...لي قراو و مشومرين..مبقاو غا ولادك يخدمو! قطع لخبز و بدا كياكل بلا ميتسنا حد!هادي عادتو ملي خلاقينا ديما كيبدا اللول و أول حاجة كياكلها هي اللحم. ...الناس كيبداو بالمرقة وهو كيتليها باش إلحس الطبيس موراها.. كلسنا و حنا حانيين الراس، وشكون يقدر يهدر قدامو... إكرام:يالاه أمي تاكلي راه بدينا. جات وهي رابطا الزيف على راسها؛من كترة لفقايس و الاعصاب الشقيقة مبقاتش تخطاها....هزات عينيها فالطبسيل قرب يكمل و الأب خدام يغمس و يحشي فمو بحال شي وحش...كلسات وهي زاعفا 4 سوايع وهي واقفة فالكوزينة طيب و فالخر مداقت والو...هادا بنادم ولا وحش؟ كلسات وهزات طرف ديال الخبز بالجهد،شاف فيها و هو مخنزر:مالنا ياك لاباس؟ الأم: شتك متسنيتي حد و لا حنا معلينا الله ؟ الأب وهو معصب:شنو عاوديها....عرفتي و مسديتي داك الدلقوش والله حتا ندير ليك لعواشر مباركين... الأم: مااني شدرت ليك...ولا نتا صعصع ميدوي معاك حد! مكملاتهاش ملي جاتها تصرفيقة بالجهد؛حسات بسنانها تحركو داخل فمها؛حبسات البكية و هي كتشوف فولادها لي مبقات ليها تا كرامة قدامهوم ؛ناضت تخرج من البيت قبل متحس بشعرها مشدود و بظربة قوية جاتها فالسنسول...طاحت كومة معقلات تال النهار التاسع...وكان ديكساع فات الفوت....أااااه يا مي كون تعرفي شنو ترا من بعد مغيبتي كون تعرفي فين مشا خويا حبيبي....كون تعرفي شحال بكيت وانا ماحيلتي ليك ولا لخويا ولا لدفين با....داك الحتالة لي خرج علينا ...داك الحيوان لي قهرنا...هوا لي خلاني نكره جنس الرجال كلهوم و نتاقم . دخلت للدار بالليل كيف العادة!حليت الباب نشوف مي لي مشفتهاش من الصباح. قربت لحداها وانا حابسة دموعي يطيحو...بقيت كندوو يدي على شعرها الخفيف لي مخلا فيه الزمان غير لي نسا. ...حسات بيدي وشمات ريحتي...وكيفاش تخقظفى ريحت البنت على مها...حلات عينيها بصعوبة وهي كتشوف فيا:بنتي...ياك قلتليك خطي عليك الخدمة بالليل....راني كنبات مشطونة و كندعي ترجع سالمة كل ليلة. شفت فيها بابتسامة زائفة حاولى نخفي بيها مدى تعبي: متخافيش أمي...انا دابا راجل ...مبقيتش مرا! قلتليها هاد جوج كلمات و نضت بجرى قبل ميفضحوني دموعي...كنبان قوية ولي شافني مكيقربش جيهتي...ولكن فالداخل أنا ضعيفة بزاف و كلشي فالدنية كيزيد يضعفني. غسلت وجهي و هزيت المصحف...صليت جوج ركعات و كلست نقرا...ومعا كل سطر كنت كنبكي و نزيد نبكي! كارتاح ملي كنهز كلام الله فيدي...حاسة بيه قريب ليا...كنطلبو كولا ليلة يسمح ليا ..هو عارف علاش كندير هاكدا. ..عارفني مضطرة...عارف بلي أنا كنستاهل خير من هاكدا. ولكن هادشي لي عندي...مبغيتش هاد الحياة...بالنهار سرباية و بالليل راقصة فالكاباري. كانحقد على راسي على الدنيا على المخزن..الدولة..الشعب...كنحقد على با لي وصلنا لهاد الحالة .يتتبع
ليست هناك تعليقات