قصة فتاة تحت الرماد 1-10 قصص رومانسية
قصة رومانسية , قصة رومانسية كاملة , قصص رومانسية قصيرة , قصة رومانسية حزينة ,
كاتبة : بلسم الجروح و بمساعدة صديقتي ميساء
.قصص رومانسية
قصة فتاة تحت الرماد
الجزء 1
سميتي نور عمري 16عام تنعيش مع ماما او بابا اوكاين عندي خويا صغر مني بعامين اوماما حاملة انا متوسطة طول او بيضا شعري بني طويل او عيون سوداء تنقرا فثانوية نهضة الوضع المادي ديالنا مستقر ماما كتبغني بزاف حتي انا بنتها لكبيرة او كنعونها فشغل دار اما بابا دايما مفتخر في مجتهدة زعما ولكن دوام الحال من لمحال كلشي تبدل هداك نهاروبالظبط فشهر يناير 27 مع 6 عشية كنت فرحانة على قبل خذيت نتيجة او جيت انا اولى في الثانوية شتا كانت كتصب بجهد مشيت صيبت واحد لكيكة ديال شكلاط ومشيت لنعس حتى يجي بابا نفرحو ماما قالت لي ظلي تقراي وفلاخير غيديك رجل تنضحك عليها ديما كنحلم باش نولي طبيبة ديال اطفال ولكن حلم كيبقى حلم شديت تليفوني قيتها 9 ديال ليل يعني بابا كاين من ساعة فدار ياله نضت سمعت صوت تليفون ديال دار تيصوني حليت باب كانت ماما gلسة فالارض ووجهها صفر مخطوف من لون خفت بزاف
ماما: بنتي باباك فصبيطار .
انا ; كيفاش ! ......
بلسم الجروح لصفحة قصتي كوم
قصة فتاة تحت الرماد
الجزء 2
هديك ساعة دنيا دارت بي بديت كنبكي على صدمة هداك الاب الحنون وغيمشي هد شي ما معقولش
انا& ماما نوضي كتبكي بحال مات اين مستشفى
ماما وقيلة المنصور غنموت ابنتي الى مات
شديت فيها لطيحي اوخليت سورت عند جارة على قبل خويا رايان انا براسي بغيت ليشد في لمهم ما قالت ليها وال على قبل فيها تبرgيg قالت ليها ماما فيها شي وجع انا لبنت لكبيرة تهدني نور نزلنا من عمارة او بغيت نشد طاكسي حتى و واحد ربي سلامة او شتا مجهدة او هو يجي روميو زعما ناري شحال باسل تجي 2 مرة فالعام تطلع لي شياط الحمد لله كاين في الخارج جارنا المحترم معاذ
معاذ: سلا م خالتي فين غاذين نوصلكم
(ناري شحال فضولي) مع راسي
انا :سوقك زعما شكرغناخذو طاكسي
ماما خنزرت فيا
ماما: شكرا ولدي دينا صبيطار لمنصور الى جات على خاطرك سكت
كان طول طريق كان حاضني مي اش غندير ماشي وقت صداع
وصلنا بعدمدة اوو باغي يلصق. انا: شكرا سي معاذ عذبنك
فهم راسو او مشى دخلت بزربة امشيت عند موضفة لاستقبال
انا :جا واحد سيد دابا شي 2 سوايع فين هو
قالت لي كاين طابق 2 غرفة عمليات
مقدرتش وتفرgعت بالبكا وشديت ماما او طلعنا كانت كثر مني ماشي هو راجلها وحبيبها صعيبة موقف ليجاي اكفس ساعات في حياتي gلسنا نتسنو طبيب نحس خرج لبس طبلية بيضا قلبي مقبوض علي سوال فين هي عائلة ديال مريض جات مامااوتبعتها
طبيب :بركة في راسكم صبركم الله
ماما دارت بها دنيا او طحت كومة انا صافي بحال وليت هبيلة مشيت شنقت عليه او بديت كنهز فيه
انا :اش درتي لباب تتكذب بابا باقي حي
صعيبة ياك ما تقبلتش هديك ساعة بقا ضغيرة او تالمت لكن............................
بلسم الجروح لصفحة قصتي كوم
قصة فتاة تحت الرماد
الجزء 3
ولكن الحياة كتستمر بابا ذكرى ما عمرها تمحى من ذاكرتي هديك ساعة شداتني لممرضة او بقت كتقول: تهدني انسة ولكن جنون لكانوا فيا بغاويبردو سمهم فطبيب كان متهم اوبابا ضحيةما حبستش من لبكا ما عقلتش على راسي حتى عطاتني لممرضة لبرا او صافي ولت دنيا كحلة اوطحت كنسمع اصوات خافتة ما تيقتش راسي ماما غتولي ارملة او انا فين غنلقا بابا حنون بحالو ولكن هذا قدري حسيت بشي واحد شد ليافي يدي زعما غيكون بابا حليت عيناي ببطئ كان واحد راجل جالس حدايا دققت فيه مزيان هذا عمي فقت مبهوظة مع راسي اش كيدير هذ كحل لعفطة هنا .....................................انا :عمي فين هو بابا او انت اش كدير هنا
عمي: بنتي باباك مات صافي خاصك تقبلي الحقيقة راه تدفن ليوم او لعشا ديالو ليوم نتي هي كبيرة او مولة لعقل نتي لخاصك تعاوني ماماك او خوك حتى تخرجو من هذ الصدمة
(بابا مشى بل منشفو او نبسو) مع راسي ...حاول يشدني
انا :ماتقسنيش الله ياخذ فيك الحق انا بنتو لاش ما تسنيتونيش باش نشوفو
عمي: غيبتي يومين الله يهديك ابنتي
انا :ماشي بنتك بابا مات حرام عليكم مالي ما شفتوش
دفعتو او خرجت تنجري زعما مشى بلا منشوفو مشيت كنجري بحال حمقة في شارع شديت طاكسي حتى وصلت لدار طلعت اوحليت لباب ديال دار كانت عامرة بالعيالات هدي تبكي او لحداها تنوح زعما كيعرفوه كثر مني ممثلات ماما gالسة معهم جسد بلا روح اول مرة كنشوفها فهذاك شكل لغريب ضعيقة ومكسورة
مشيت شديت فيها
انا :ماما لش ما تسنتنيش بابا مات بلا ما نشوفو حرام عليكم هذ شي لدرتو
ولكن ماما بقات ساكتة او ما كتجاوبش كانت مصدومة
هزيتها بقوة
حسيت شي واحدكجبذني اوماكان غير رايان خويا او معه معاذ . سدو علي فالبيت بقيت تنبكي اوكنهرس كانت ليلة طويلة او قلت ماغيجيش صباح ولكن حسيت بلي هذي اخيب لحظة في حياتي ولكن ما كنتش عارفة اشنو كيتسنني........ بكثرة لبكا نعست
بلسم الجروح لصفحة قصتي كوم
قصة فتاة تحت الرماد
الجزء 4
دازت ليام ولعبت بيا الحياة كيما دارت بشحال من واحد ماما منهارة وكتبكي خويا بان لي كبر من عمر ديالو او انا مصدومة عمي كيجي مرة فسيمانة كيهدر مع ماما او كيمشي او كيشوف في بالنظرات غريبة مانوي على خير داك لعقروش مي لفيا يكفني ليوم من بعد شهر مشيت مع رايان لمقبرة او طلبت من خويا يخلني مع بابا بوحدي حترم رغبة ديالي اومشى او gاليا غيرجع مورا ساعة يرجعني لدار سقيت لقبر ديالو بالماء اودموع حسرة كينزلو عيت من شفقة انا كبرت ما بقيتش صغيرة انا gاد براسي انا ماشي يتيمة باقي كنحس بيك اوكثر من هادي شهر حيث صورتك كاينة فقلبي غنتوحشك بزاف كيما كنت كتقول حياة مستمرة وانا مزال صغيرة ما غنبقاش ندب ونبكي على لفات من ليوم ما غنبقاش نبكي راه خليت مراه gاد براسها مسحت حوايجي من تراب او غير تلفت او انا نتقلى مع هذ ويل فعمارة حتى هنا تفوعلى زهر
انا : اش كديرهنا وش تبعني حتى لمقبرة حرام عليك ااا...........
يتبع ..........................
بلسم الجروح لصفحة قصتي كوم
قصة فتاة تحت الرماد
الجزء 5
غير تلفت او انا نتقلى مع هذ ويل فعمارةاو حتى هنا تفوعلى زهر
انا : اش كديرهنا وش تبعني حتى لمقبرة حرام عليك معاذ
معاذ :خفت عليك هذشي علاش
انا :راه عارفة نقبل راسي او خاف على راسك معاذ:ماتهدريش معايا هاك راني كنحترمك انور
انا :كون تتحترمني ضرg زلفتك من هنا
معاذ ;ما جيتش نضارب معاك
انا :بصاح
معاذ: جيت نهدر معاك فموضوع هام
انا: يالها طلقني
معاذ: ماشي هذ مكان مناسب
انا :بغيت هنا مرحبا مابغيتش بلاش الله يهنيك
معاذ: ملك قبيحة نتي كبيرة وبعقلك زعما
انا :انت مافيك لا ثقة ولا امان نت غير حيوان
عينيه حمروا هوصحيح علي بديت كنرجح شوية لور
شدني من يدي بزز
انا :عطيني تساع
معاذ: غنتحسبو مزيان وايوم*****************************
بلسم الجروح لصفحة قصتي كوم
قصة فتاة تحت الرماد
الجزء 6
معاذ :غنتحسبو مزيان ايوم
خفت بزاف زعما علاش ناوي اصلا مافيه ثقة شدني من يدي حتى كان غيهرسها ولحني فطموبيل زعما غيتعدى عليا- ما يقدرش او لا غير حاول نقتلو بل من نفكر تحركنا من حد لمقبرة
معاذ: فاش كتفكري هذيك شيطانة
انا :كون عرفت فاش كنفكر غتلوحني من هنا
ضحك علي ..معاذ زعما اش فجهدك gاع ابنت لفرماج
انا:حامض فيها فين غاذني
معاذ :هههه بل ماتقتلني اوعلى قبل هدك شي لgلت راها باقي موصلتش هديك مرحلة نتعدى عليك كيما كتفكري غير غنهضرو بحال اشخاص ناضجين
انا :باسل نت راجل كيما كتقول وانا بنت اش بينتنا ما يتgال
مابقاش حاشها ليا ماهدرنيش وصلنا لواحد لمطعم في منطقة معزولة نزل او حل لي لباب... معاذ: نزلي
انا :وش شكيت عليك حمد لله شبعانة بغيت نرجع لدار
معاذ :مصيبة معك كبري شوية ا نور هبطي
درت راسي بحال ما سمعتوش ولكن لحدايا كثر مني جرني من يدي بجهد حتى هبطت
اانا :حيوان ما تقسنيش اش كنجيك باش تشد فيا طلق مني
معاذ:بارك من لفضيحة او لبغيتتي نمشيو شي بلاصة يكون فيها غير انا ونتي
كيفما ديماهذ حيوان ما كنحملوش مي سكوت هواختيار افضل فهذ لحالة
جلسنا فواحد طبلة خاوية وبعيدة على بشر
انا :يالها طلقني فخبرك ما كنحملشك فخبرك اولا باقي
معاذ :فيك غير هدرة صبري شوية
جا سرباي باش ياخوذ طلبات طلب معاذ عصير ليا او هو قهوة ليه ... هو معاذ ماشي خايب كيفما كنوصف عندو حقو من زين مي مكنحملش تصرفات ديالو غير هزيت عيناي قيتو كيشوف فيا
انا :فاش كتشوف جمع عينيك
معاذ :فيك ...... عيناي هذو ماشي سوقك فاش كنشوف
جا سرباي او حط عصير ليا ولسيهم معاذ لقهوة
معاذ :شربي لقهوة انا :مابغيتش سوقي هداك فهمتي اولا باقي ايو اش بغيت
شد ليا فيدي تصدمت بزاف او غير بغيت نحيد يدي من يدو جاتني صدمة ثانية قوية بزاف
معاذ: نور ...................
بلسم الجروح لصفحة قصتي كوم
قصة فتاة تحت الرماد
الجزء 7
شد ليا فيدي تصدمت بزاف او غير بغيت نحيد يدي من يدو جاتني صدمة ثانية قوية بزاف
معاذ: نوركتعجبني بزاف وكنبغيك وش تقبلي تزوجي بيا
انا : هههههههه .... انا ونت اه نت حمق ولا شنو
معاذ: انا راه جدي معاك
انا :هههه وبزاف شحالي هذي ماضحكت منين مات بابا الله يرحمو
غوت علي بجهد : نور اش ما عجبك فيا
انا :والله حتى فجيتيها عليا اول بغيت نكمل قرايتي وثاني كبير عليا وثالث شكون شكى عليك واخير ما كنحملكش لبلاصة لفيها نت كيفاش غنتزوج بك
معاذ: اش gلتي نتزوج بك او نمشيو نستقرو فالخارج
انا :او باقي كتهدر وجهك قاصح جواب نتا عرفو الله يهنيك معاذمنصلحش ليك
خديت طاكسي او خرجت من هد لهبال قال الزواج مسطي او لا شنو مال هذ خاين
شديت طاكسي او مشيت لدار غير حليت لباب او انا نتلقى مع كحل لعفطة
انا :هذ هو ليبقى ليا
عمي :اش كتقول هديك لبنت
انا: والو اعمي مرحب بيك توحشتك
عمي :فين كنتي دايعة هديك بعلوكة
انا :فالمقبرة
عمي :ايوا تهليا فماماك الله يهنيك
(تعضك لفعى ) مع راسي
مشيت عند ماما لبيت دخلت عندها اوكانت لبسة بيض اونعسة
مشيت نوجد لعشاا طيبت اتاي مع واحد طجين ديال دجاج و زيتون مشيت فيقت ماما كلت شوية وحبست يالها بغية نخرج شدتني من يدي
ماما:بغيت نهدرمعاك
انا :ماما ما تخفيش غنلقى خدمة او غنبقى نقرا اصلا عطلةيالها بدت
ماما: لا ابنتي نتي ورايان امانةفعنقي اصا جاني تتعويض من حادثةسير اومن شركةاوكاين شي ناس كيعونونا منهم عمك
انا: ولكن انا مابغيتش حتى شي شفقة منحتى واحد
ماما: هداك عمك بغيت نهضر معك فواحد لموضوع
انا :مرحبا بداي
ماما :تبارك الله عليك ابنتي وليتي زوينة بزاف اية فالجمال او كبرتي نتيا ذكية او حادgة ما خاصك غير راجل
انا: اولش جبدتي هذ لهدرة بابا يالها مات زعما
ماما :باباك مات و حياة مستمرة جا وطلبك بغيت نضمن ليك مستقبلك
انا :مستقبل هو زواج لا هذ شي بزاف ملكم ليوم مع زواج
ماما :جا ليوم طلب يدك ...................................................... يتبع
بلسم الجروح
بلسم الجروح لصفحة قصتي كوم
قصة فتاة تحت الرماد
الجزء 8
انا :مستقبل هو زواج لا هذ شي بزاف ملكم ليوم مع زواج
ماما :جا ليوم طلب يدك ليوم عمك لولدو ايمن لكبير
انا :سيري لولي ليه غير ينسى حتى هذاك عيفة رجال باغي يتزوج gوليه فلوس غيريشبع بيهم
مشيت جمعت دار كيماالعادة وشبطت صالون مشيت نعوم وتخشيت في فراشي غير كنسد عيني تتجي صورة بابا قدامي مشيت شربت واحد لمهدئ باش نقدر نرتاح فقت على صوت تيلفون حليت او قيت صاحبتي مريم هي كبر مني بعام مي كنقرو فنفس لقسم لباسة عليها او شابعة عياقة ولكن لقلب او شكون يبغي عزيزة علي مسخوطة بزاف هي طويلة وشعرها عسلي وعيناها عسلية بيضا وطويلة خلاصة اية في جمال ما كنبانش قدامها جوبت عليها وبدات كتبكي مالها عوتني
انا: ملك ياهذ لمسخوطة
مريم :سمحلي حيث ماكنش معك نور راه كنت ففرنسا يالها gالها ليا رايان
انا: ماتبكيش اصلا نسيت دابا غتفكرني
مريم :الله يرحمو عمي محمد كان ظريف او عزيز عليا شوفي جبت ليك واحد مولتي كسوة فلكحل غتجي معك واعرة مع نتي بيضا اوطويلة او وحدة فلحمر + ريحة ديال.......
ناري شحال فيها ديال هدرة هدي هي مريم
انا :شكر اعلى كلشي ما فياش مانقدرش نتطلق معك مرة اخرى عندي ما يدار
مريم: ما عندك فين تهربي انا ليغنجي عندك
انا ليعجبك
بعدساعة
انا: مريم بركة عليك رجعي لداركم غيخفو عليك
مريم :غنبت معك
انا :فين فوق راسي
مريم :ناري على لسان عندك ما كتبدليش
انا :مايعجبكش لحال الباب وسع من كتافك
مريم :كيجك هذ شي
انا :نسي هذ شي بغيتك فواحد لحاجة طليبة
مريم :مرحبا طلباتك اوامر
انا :بغيت ........... يتبع
بلسم الجروح لصفحة قصتي كوم
قصة فتاة تحت الرماد
الجزء 9
مريم :مرحبا طلباتك اوامر
انا :بغيت شي خدمة كيفما كانت ماما ك كتقبل على خدامة هاهي واجدة حداك
مريم : غير نسيا مستحيل نتيا صاحبتي هذ لجمال كلو يخدم
انا : ما ضحكيش عليا بليز زعما هذ لجمال هو لغيوكلني طرف ديال خبز
مريم : غنعاونك في هذ لفترة بفلوس وناس كلهم كيعاونكم وعمك لباس عليه او خلاصة ديال باباك غتجيكم لشهر
انا : هدرة ساهلة حيث نتي ماشي فالوضع ديالي
مريم :انا بحال ختك او حنا خوت متردينيش غريبة فلوسي فلوسك اوعمك بحال باباك
انا : عمي ماشي هو بابا تصوري باغي يزوجني ولدو ولكم معامن كنهدر اناهي كبيرة فدار هذ شي ما كتحتملش طب خاصو فلوس الى بغيت تقرايه مي علمن كنشكي صافي غنقاحل ضرgي زلفتك
مريم : وافقتي على زواج
انا :وش مضروبة بفليطوكس معامن انا مع هبيلة
مريم :ملكي حسيتي براسك ناس كبرو ما بقاوش ساهلين
انا :راه لوقت لي ما بقاتش ساهلة تصور باسل ديال معاذ
مريم : مالو
انا :طلبني زواج اورفضت
مريم : هداك لبوgوس وزين كلو يترفض كون جا عندي منرضش خايب اوندير ليه عرس من لفوق
انا : ناري شحال قوات فيك ديال لهضرة وليت قليلةلحيا خاصني نgولها لخوك عصام يدوز ليك من عظامك
مريم :عزيزة عليه ما غيدرليا والو
انا : يالها سيري فحالك
مريم : بل ماتحلمي وهي تلح عليا وعنقتني ونعسنا بجوج بقينا كنضحكونستني لحزن وخ غير شوية حيث قلبي فيه بزاف ........ يتب
بلسم الجروح لصفحة قصتي كوم
قصة فتاة تحت الرماد
الجزء 10
دازت 3 شهور معاذ مشى لامريكا ووعدني انه غيرجع او ياخذني غير كيخربق كيحلم .حمدلله حيث مشى وليت فيما كنضور كنقه وحصلني كنخذم فواحدلقهوة الخدمة عمرها ماكانت عيب قد الفقرعمي رفضت ولدو كيدور وكيسوط بحال شي مسطي ماشي سوقي فيه عقروش ولكن خايفة على خويا رايان داها لفيلا ديالو اش باغي منو ترضى عليا هضرة سال لحزن او ماما حيدت لبيض ما بقتش كيما كانت بدات لقرايةاو ما عندي gنة مي غنحقق طلب ديال بابا اهو نولي فميدان طب .......مريم كتونسني ولكن عمي مانوي على خير سكوت ديالو ماعجبنيش زعما علاش ناوي ما بقيتش كنتسوقك خسرت اجمل حاجة فحياتي اوهوبابا كنت ناعسة كنهدر مع استاذة على قبل شي دروس فبيسي بورطابل اوشوية وانا نسمع واحد لغوت رايان كاين عند عمي كاينة غيرانا وماما اه لغوات ديالها دخلت لبيتها قيتها عامرة دميات او مغيبة غوت .ماماااااااااااااااااااااااا
يتبع مورا هذ لبارت غتغير حياة نور اوغيبنو ابطال جدد
بلسم الجروح لصفحة قصتي كوم
ليست هناك تعليقات