قصة حاقدة على الوضعية | الجزء 2 | قصص واقعية
"حاقدة على الوضعية"
الجزء 2
قصص - قصص حب | قصص واقعية | قصص قصيرة | قصص رعب | قصص للاطفال | قصص الانبياء
قصص حب | قصص واقعية | قصص قصيرة | قصص وعبر | قصص جن | قصص رعب | قصص مضحكة | قصص للاطفال | قصص الانبياء
البارت 2 فقت معا الستة؛ توضيت وصليت ..فطرت مي قبل منمشي؛ الضربة لي جاتها فالظهر كانت قوية...ديك الضربة خلاتها تشل فالنصف السفلي ليها و فاليد اليمنى كذلك...وكيف كيقولو يد وحدة كتصفقش! هبط بسروالي الكاشف وكسكيطي الحمرا! كنبان كي الزوفري و لمخير ميقشعني بنت ! دخلت للسناك فاش خدامة؛ هبط الكاسكسطة مزيان و بديت الخدمة. خويا واحد بانيني كروفيت... اييه خويا فين داك السندويتش...وايلي حنا نباتو هنا! كلشي كيصحابو دري و لباطرون براسو درتها بيه....غاتقولو ليا وكي درتي راكارت...وا فيقو راه هنا فالنغرب ماكاين لا لاكارت لا جداها...كاين غا تمارة بربعة دريال! معلينا خليونا فالمهم، وصلات الستة خصني نمشي...وقت الشطيح دابا...عنداكوم يصحاب ليكوم عاجبني الحال نتعرى و نبيع لحمي! شكون هادي لي بغات تكون هاكا...مكرهتش نكون غا كنحلم..يكون هادا كابوس...بغيت نفيق...بغيت كلشي يرجع كيف ماكان....يرجع خويا و ترجع لمي صحيحتها.. نرجع أنا للمدرسة. ..و حتى با واخة كنكرهو ولكن با ولا هاد العيشة...هادشي إيلا كنت كنتسمى عايشة. هزيت لكسوة ؛حيت لباس لعزري و لبست كسوت لخدمة...هههه واشمن خدما، والله ماكدبو لي قالو كترت الهم كضحك! دخلت جيهت لجوق وانا ماكيا كيف العادة؛ بدات الموسيقى وكلشي كينادي بإسمي:لارا لارا لارا... مالكوم تصدمتو؟أكيد مغانقةليهومش سميتي الحقيقة. .مالني طايحا على مخي! بديت نشطح و نتلوى كيفما علماتني الشيخة فاطنة لي كانت قبل مني...هزيت الطبق فاش كنجمعو لفلوس وانا كنشطح وندور حدا الرجال. ناض واحد كيلوخظح فلفلوس و انا نجمع...هو يلوح وانا نجمع...إيييه أوليدي علاه لي عندو بحال لي معندوش...الدنيا شي عطاتو وشي زواتو! تحنيت نهز لفلوس من حدا رجليه...شوية كنحس بيديه كيتحشاو فلحمي...ناري هادا شكايدير...باينا فيه بالجهد. دفعتو للور؛يالاه هزيت ربعالاف و تميت غاديا جيهت الجوق وهو يشدني تاني من يدي...نعقلتش عليه تا جبتو طايح بواحد تصرفيقا مينوضض منها تاتفوق 48 ساعة لقانونية خخخ. دخلت للبيت لي فالكاباري نبدل و رجع زوفري تاني...الصراحة اللهم زوفري ولا طريق لحرام ولكن زوفري بوحدها مكتوكلش الخبز فهاد لبلاد. دخلت للدار؛هاد المرة لقيت مي ناعسة..أكيد تسناتني بزاف قبل ميغلبها النعاس! بستليها راسها و مشيت لبيتي...بكيت كيف ديما وانا كنقرا القرآن. .. كنقرا ونبكي على جهدي و نطلب ربي يسمح ليا! فرشت و نعست ؛ كنتقلب ومادانيش النعاس...بقيت ساعة عاد باش غفيت و ياريتني بقيت فايقة حسن من هاد الكابوس باش حلمت! نضت مفزوعة ولعرق كيسقطر مني:لا...خويا....ايمن متقتلوووش....لااااا. حسيت بقلبي خرج من ظلوعي و حلاقمي نشفو..مقدرتش نوض تجيب لما نشرب...رجلي تقالو عليا. هزيت إيدي للسما و دعيت إخرج خويا بالسلامة ويبين ربي براءتو...اه هو قتلو...قتل با...ولكن ماشي بلعاني...كان كيدافع على مي...منا....مكوم...و ام اي واحد عايش بحال هاد القهرة..
ليست هناك تعليقات