قصة اغتصبوا حياتي 21-30 قصص مغربية
عن قصة حقيقية
في أكادير، المغرب
قصة اغتصبواحياتي
الجزء 21
فصل الشتاء☀☀☀☀
نزلت من البيت في المطر و مهماهاش برد الشتا...
بقا لو كم يوم مختفي مش فاهمة ليه بيعمل كده...
نزلت و راحت على مكان، كانوا فيه تملي فيه بيسهرو...
اول ما شافها سلامو بان...
اني مشاعرو تغيرو...
و قال كلام مكنتش عارفة تجمعو...
متفاجية بيه مذهولة قاعدة بتسمعو...
اصل الكلام ده بيبقى اخرو بعد...
فعلا اوام ضنونها كانت في محلها...
و رفع عينيه و بقسوة و برود قالها...
معلش اسف لازم ننسى بعض...
سرحت و شافت ذكريات اجمل ليابي عمرها...
معقولة قلبو يعني مات و حياتها ناوي يهدها...
بصت لو ثاني باهتمام...
يا ريي كن لي نصيرا من ضلمي ووحدتي و ارزقني فرجا به ارتوي....
في الدا البيضاء ،المغرب
فين غنمشي يا ربي كون معايا ووقف معايا، واش نرجع عندهم، لا لا غادي يقتلوني انا ضيعت شرفي ضيعت حياتي و الا رجعت غنضيع كلشي، و يمكن مغادي يصدقني تاحد، يا ربي دعيتو لله ضيعني و ضيع لي حياتي،علاش انا معندي فين نرجع،اشكيت بيك لله الكذاب النصاب...
بلاصة بلاصة فاس
-طفلة صغيرة، مراهقة تمشي بين الطرقان و للكيران ،ضلم الحياة قاسي لكن البشر أشد مكرا و عدوى
شيماء:عافاك اسيدي انا غادية لفاس تديوني معاكم
شخص:ركبي ابنتي
-اتجهت الرحلة لفاس، لكن كان هدف شيماء الهروب لاي مكان،اللي مغيعرفها فيه تاحد،كانت سذاجتها هاته المرة كلفاتها شرفها و مستقبلها، لكن حبها لامها الثانية و حبيبة قلبها وفاء أعضم من أنها تعيش على رذيلة ،تنجا بحياتها باش تذمرش حياة الاخرين اللي معاها، و انطلقت رحلتها....
ايه الايام كنت عايشة بخير و على خير ، مخاصني والود الحنان و الحب و العطف كلشي عطاتو لي وفاء ،و جدة الحنينة، انا درتها بيدي و لكن هذاىسر مخاصو يعرفو تاحد، نكتمو فقلبي، فكؤت فالانتحار لكن مبقيتش بغيت نزيد نضلم نفسي، وصلت لفاس و معندي لا حنين لا رحيم و مكنعرف تاحد تم رجعت فنفس الكار للدار البيضاء، امكن حماقيت فديك اللحضة لكن اقل حاجة الدار البيضاء كنعرف قيها شوية و نقدر نخدم فيها و نصرف على راسي، و كان داكشي دوزت ايام و انا كندور فالزنقة، شحال من مرة تهربت من اغتصاب و من البوليس ،هذا سكايري و هادي خارجة على الطريق، تعرفت على حياة مكناش عارفاها حسيت بالنعيم اللي كنت عايشة فيه و الامان اللي كنت فيه،انا اللي ضلمت راسي معايا، الله اربي شديت سنسلة ثقيلة و مع الصباح بعتها بالكشيفة لواحد الذهيبي، و جابت لي 2000درهم كانو غزيزة عليا و لكن واعدني الذنيبي باش ميبيعهاش و يخليها لي، امكن تنضحك على راسي، كانت هدية من جدة و كنت اجمل و ارقى هدية تجيني و دابا ضاع كلشي،خبيت الفلوس تحت السوتيام و بقيت غادية و انا خايفة، تلفت فالزناقي و رجليا عياو 4أيام و انا كندور و الماكلة مجاتش ففمي و حر الليام كواتني مشيت كليت و عتقت روحي، واخا الأكل اخر حاجة نفكر فيها، اتاصلت بالفيكس و لكن مهدرتش كان صوت وفاء و باين فيها البكا،خفت نبكي و تعرفني قطعت و مشيت تا ضلام عليا الحال فواحد الحي شعبي، شفت واحد الاوطيل رخيص و خلصتو و دخلت، كان اوطيل صغير و 80درهم فالليلة مطلب مني تاحاجة، من غير الفلوس، طلعت فالدروج و لقيت بزاف دالعاهرات اللي انا صبحت منهم ما بين يوم و ليلة، و لكن انا غنخدم بعرق كتافي و هذاك مجرد خطا و عمرو يتعاود، دخلت للبيت و سديت عليا، و درت الماريو ثقيل جريتو خدا الباب خفت يدخل عليا شي حد و هاد الاوطيل عامر غير بيهم.. نعست و العيا ديللىهاد الليام نعست نعسة طويلة....
قصة اغتصبواحياتي
الجزء 22
فصل الشتاء☀☀☀☀
مصطفى:صباح الخير ابنتي نعستي مزيان ؟
شيماء:السلام اسيدي الحمد لله عافاك نسولك
مصطفى:ايه ابنتي
شيماء: انا بغيت نزيد شي ليالي هنا تقدر تنقص ليا شوية تنلقا خدمة عافاك نبوس لك يدي
-مصطفى شاب اربعيني،ابيض و صاحب الاوطيل، و سنانو مخززين، و هزيل و قصير،شيماء تحنات على يديه و كانت غتبوسهم ليه
مصطفى:هانية ابنتي و قولي اش كتعرفي ديري ؟انا راني محتاجة شي وحدة تتكلف بالميناج، حيت البنتىاللي كانت مبقاتش خدامة هنا
شيماء:واش بصح اسيدي انا قابلة
مصطفى:صافي من اليوم تبداي و الوالدة غتجي مع 10 و توريك اشنو غادي ديري، و حتى المباتة غادي تباتي فلكاب
شيماء:الله يرحم والديك اسيدي، جريت ليه يدو و بستها، عتقني الله يرحم والديه مشيت طلعت البيت و انا فرحانة حيت واخا تضلمت،و لكن ربي محشمنيش
في الهاتف📞📞📞
alo Mr , jan cv الو سيدي راه عندي ليك شي سلعة جديدة
مجهول:okay
مصطفى: ايوا ها هي فالحفض و الصون تجي تنورنا و تشوفها راها قرطاسة صحيحة فصيحة...
في مراكش،الداوديات
وفاء:صافي اميمتي بلا متقلقي، دابا ترجع معندها فين تمشي
اشرف:الوالدة متخافيش اناغنتكلف و نبحث عليها غير بقاي على خاطرك
ماما:عافاك اولدي قلب عليها راني ملقيتش شي فلوس و شي ذهب داتو معاها امكن هربات المسخوطة، بغات اضحك فيا العديان، الله يلكيها ليها
وفاء:عافاك اماما باراكا دابا تجي
بلاتي نتاصل بزكريا مرة اخرى
اشرف:بلاش متاصلي بيه و لا ياكما هرب معاها هادوك الجوج مافيهم ثقة ياك ديما كنقولها ليك
وفاء:بصح اشرف و لكن البكا من ورا الميت خسارة
اشرف:بقاي مع الوالدة انا غادي نمشي عند شي صحابي و نقلب عليها و نمشي للكوميسارية نشوف واش غنقدر نجيب شي خبار عليها
وفاء:اوف اوكي و تا زكريا طفا تلفونو قالي قبيلة غادي يجي منين سكمل مع صحابو انا تخربقت ، بغيت نمشي معاك و لكن خفت على ماما تجيها شي نوبة و نخسرها تاهي، عافاك عاوني ااشرف انت اللي بقيتي لي، غادي نتاصل برشيد
اشرف:شوفي متاصلي بتاحد و تخلعيهم انا نتكلف ليك احبيبة غير تهدني
-قرب عندها و حضنها، حسات بالاطمئنان و السعادة حيت لقات راجل قكتافها، و مشا اشرف شد طريق فالبحث على شيماء اللي معرفو فين صدات و لا فين مشات، اشنو السباب كيفاش و علاش؟
قصة اغتصبواحياتي
الجزء 23
فصل الشتاء☀☀☀☀
في البرنوصي، الدار البيضاء
اييه اشيماء شوفي الزمان لين رماك، و على خر يامك كنتي اميرة متهزي متحطي، و دابا تحدو ليك
مصطفى:ها واحد السلام شوفي ابنتي متحاوليش تخرجي للزنقا و متعطي سميتك و لا تاحاجة لشي حد
شيماء:علاش اعمي مصطفى ؟ياك شي باس مكاين
مصطفى:لا والو باس غير انتي قاصر ، و كاين البحث دابا و خاصة بحال هاد الاوطيل ديالي حيت مشبوه، اللي سولك قوليه تيجي با مصطفى
شيماء:واخا اعمي كون على خاطرك
مصطفى:سمحيلي نتكلم فالتلفون، oui alo ,cv , اه كلشي موجود، 2filles et un garcon
جلست حدا الجفاف، و جلسا نبكي على حالي و رجعت بايامي للور و تفكرت ما وقعلي و قلة عقلي، كبراتني الليام بهاد السرعة و نسيت كل مافات،تشهيت مسمن وفاء و عناقها و قبلات جدة و دعواتها لياد علاش يا عقلي كنتي صغير و فلحضة هفيتي بيا و رميتيني للهلاك.
انا:اهلا عمو اشرف راه طاطا وفاء مشات عند شي كليان
اشرف:انا ماجيتش لعندها، جيت عندك
انا:نعام اعمو، اش هاد الاناقة واش خارجين؟
-قرب منها و ريحتو سابقاه تذوب الحجر، بنت صغيرة طمع فيها و غواها، تقاربو تحت الرولوات ديالىالثوب خشاها و بدون سابق انذار خطف قبلة و تبعها الاخرى و هي بدون جهد تجاوبات معاه، اول مرة تحس و تعرف و تتلذذ و تغرق، فاقت من بعد مبعد و دار غمزها و مشا، بقى الف سؤال و الضمير يتكلم، كتاكل الاثا من لداخل و قمة الفرح تتحس بيها، صدقات هاد الهتوف و نسات منعلاتش شيطانها و زادت فغرورها و شهوتها اللي تعدات الحدود، مرة بوسة و مرة عناق بلا كلام بلا تاحاجة
شيما:باراكا غمقتيني دابا يجي شي حد يشوفنا
اشرف:ممم مكتشبعش منك انتي لذيذة العفريتة تتزوجي بيا اشيما
شيما:و وفاء لشنديرو معاها
اشرف:وفاء هاديك الشارفة شكون غيديها فيها، انتي الجمال، انتي الغزال اعمري
-انسجموا من جديد و عامو فقبلاتهم و لمساتهم ، كانو كيتلاقاو فالحانوت ديال اشرف و يسدو عليهم، و يغرقو فشهولتهم تا النهار اللي مغاديش يتحكمو مزال و غادي يمشي كلشي هباء منثورا و تنوض عجاجة كبيرة، و الرعد و البرق يضرب فكل منطقة من المغرب، فاحشة كبيرة و انتهاك لطفلة صغيرة...
ايه هداك النهار عمرو ميتنسا لي، ضعت و ضيعت حياتي و الناس اللي حبوني خدعت ثقت الام اللي كبراتني فاش لاحتني امي اللي ولداتني،تغتصبت بكل وحشية و جهالة كان عاجبني الحال و لكن مافقت بالذنب تا رجع لي دماغي لمكانو، تسنيت شهر فيه يجي و يصلح غلطو و لكن عندو الحق فاش هرب و خلاني، شهر مسول فيا و لا سال عني، كنت نبغي نعرف واش تاصل بوفاء لكن مكنتش نقدر نسولها، و عرفت باللي تاهي مشا عليها و خلاها، قررت نبعد عل كلشي، انا عطيتو نفسي لانني حبيتو من قلبي و عجبني، ثقت فكلامو و قبلاتو و يا ريت متبعتو و يا ريت الزمان يرجع.... لكن هاد الدنيا مزال بغات تتوريني اشنو قادرة تعمل فيا و اللي غبي هو اللي يثيق فيها...
سعداتك يا القاري قرآنك♧♧♧♧يا المتشبع باذكارك
يا التابع صلاتك♧♧♧♧ و الناهي على شيطانك
يا اللي متخدعك الدنيا♧♧♧♧ يا لمغرور بتيقارك
سعداتك يا الحشمانة الذبلانة♧♧♧♧ بين الخيوط غرقانة
يا اللي لوالديك سمعانة ♧♧♧♧عضامتك يا التيهانة
فبحور العلم و السرود شبعانة ♧♧♧♧و لشرفك فوهانة
قصة اغتصبواحياتي
الجزء 24
فصل الشتاء☀☀☀☀
في مكان ما في مراكش...
اش داني اسيدي ربي لهاد المشاكل ياك كنت ضريف و زوين تصلي بحال الناس و نعبد الله بحال أيتها الناس، اش داني لهادشي ضلمت راسي و الناس اللي معايا ياك كنت فجنب الحيط اش داني لهادشي، اعوذ بالله من الشيطان الرجيم، ندمت على النهار اللي عرفتك فيه، الله باخد فيك الحق
اشنو بغيتو مني طلقوني عافاااكم اللي بغيتوه نعطيه ليكم
مجهول: الا مدرتيش اللي كنقولو لك مك و وفاء مغاديش نعتقهم و انا راني وجدت الا حاولتي تتلاعب معايا غادي ندمك و نشرب من دمك
زكريا:انتم عواد جهنم الله ياخد فيكم الحق، انا نقوليكم كلشي غير خلي عاىلتي فالتيقار ، و عريو لي عيني انا عييت و فيا العطش
مجهول: غادي تاكل و نشرب و لكن سمعني مزيان، ة اخر مرة كنحدرك حنا كنتسناوك هادي 6اشهر و بسبابك خسرنا الملايين و مغنزيدش معاك للهدرة، فين مشاو دوك صحابك ب 5 ، و فيناهيا السلعة اللي شفرتو ، و واش وراكم شي حد و لا انتم عصابة فقط
وكريا: لا انا نعاود لك كلشي، انا كنت مع 6 من صحابي و واخا مخاصني تاخير من وفاء، بلاوني بالهيروين، و ولا كجي غالي د و هكا تصاحبت مع جمال اللي هو كيبيع ليا كان كيجي من طنجة لمراكش فواحد الكونتونير ديال الحوت، و كيفرقو د و كل ما قرقت معاه اكثر على الشباب كيعطيني حقي، تعرفنا بالنينجا و جاو صحابي كثار، بقيت غادي مزيان و وليا كندخل تا الفلوس من وراهم و كنخبيهم، كنت بغيت نجمع الفلوس و نرحل لاروبا و نهرب، و لكن اكتشفت باللي خاصنين نزيد مزال فالفلوس و هادشي مكافينيش، تا لواحد النهار كيف ديما، جا كونتونير جديد، و لكن هاد المرة كان عامر بالسلاح، النينجا قالو باللي هاد السلاح غايغنينا و خبيناه فواحد البلاصة و اللي تكلف بيه عو جمال و رضوان انا معرفتش لاان فين كاين السلاح و دوك القنابل، معرفوش بالي كان مجرد غلط، و منين شمو البوليس المشكلة و الاستخيارات تفرق كلشي و مبقيتش شفت تاحد فيهم للآن، و نويت نرجع لطريق الصواب و وليت كنبات فالمسجد و نجلس فيه
مجهول:-كيضحك بقهقهة، تيقتك امسكين، عند من دابا تا بغدا غادي تجيب ليناىالنينجا ديالك و راه الراس الكبير الا طلع ليه الدم غاديي ينحيك و ينحيني و ينحي طاسيلتك كاملة، و هناي خليت لك الراحة نمشي نشوف وفاء و الوالدة و نجيب لك ريوسهم.
زكريا:لا عافاك انا غادي نجيبهم لك غير طلقني و نجبلك كلشي ،انا شكيت فواحد منكم كان تابعني هادي ايام و شهور و تقرب مني و شكيت فيه زعما تا هاد الصوت مغريبش عليا، واش
هذا انت و لا كذبت ؟
مجهول:عاودلي على هاد اللي قلتي
زكريا: كنت واحد النهار جالس فالمسجد...
قصة اغتصبواحياتي
الجزء 25
فصل الشتاء☀☀☀☀
اشرف : السلام عليكم ورحمة الله وبركاته
زكريا: وعليكم السلام ورحمة الله وبركاته ،
اشرف : عذرني قاطعت عليك القران
زكريا:ماش مشكل الله يسمحلينا اخويا
اشرف: انا اشرف
زكريا:و انا زكريا
اشرف:عرفتك هه راني كريت واحد المحل من عند ختك
زكريا عليها كنقول فين شفتك
اشرف : مرحبا بك خويا فرحت منين شفتك فالمسجد فى الحقيقه انا كنتبعك من فترة و دابا شفتك هداك الله من رفقاء السوء ولله الحمد شفت باللي مفاتك باقي تا فرض و هادشي كيبين باللي ايمانك و لتزامك بدينك فى زمن هجر الشباب فى مثل سنك دينهم وجروا وراء ملذات الدنيا كنطلب من الله ان يثبت ايمانك اكثر واكثر فقد روى عن رسول الله صلى الله عليه وسلم انه قال : اذا رايتم الرجل يرتاد المساجد فاشهدوا له بالايمان , وانت تعلم يااخى بان القابض على ايمانه فى هذا الزمان كالقابض على جمره .
زكريا : اشكر اخى اشرف كاه عادشي كتعرفو تبارك الله على اطرائك
اشرف: ولكن هل تعتقد بان الايمان بالله ورسوله هو فقط باداء الفروض كالصلاه والصيام وحج البيت , لا يااخى فلا رهبانية فى الاسلام فالاسلام دين عمل وعباده , فالى جانب ادائنا للفروض يجب علينا ان نعمل لاجل الاسلام حتى يكتمل ايماننا وان نتفاعل مع مجتمعنا الاسلامى الم تسمع قوله عليه الصلاة والسلام انه قال : من لم يهمه امر المسلمين فليس منهم .
زكريا: – باستغراب، زد فهمني
ابو البراء : اسمع يااخى يقول رسول الله صلى الله عليه وسلم ( المؤمن القوى خير من المؤمن الضعيف ) وفى حديث اخر من راى منكم منكرا فاليغيره بيده فان لم يستطع فبلسانه فان لم يستطع فبقلبه وذلك اضعف الايمان ) واش بغيتي ايمانك يكون ضعيف , واش بغيتي تنزوى باحد اركان المسجد لتقرا القران وما يهمكش الناس اللي كيموتو ففلسطين و سوريا
زكريا : فى الحقيقه انا كنشوف الاخبار و كيبقاو فيا مساكن و لكن معندي من غير الدعاء ليهم و لينا
اشرف: ماباليد حيله ؟ استغفر الله متقول هكا يااخى والا اصبحت ممن ينطبق عليه حديث المؤمن القوى والمؤمن الضعيف او ممن يرى المنكر ولايغيره فالساكت عن الحق شيطان اخرس واش بغيتي تكون شيطانا وانت تعرف ان الشيطان ملعونا مدحورا . -بمكر
يوسف : لالا طبعا اعوذ بالله من الشيطان الرجيم ,و اشنو المعمول ؤاني عامر ذنوب، و بغيت نتوب
اشرف:نوليو خوت ؟
زكريا:-تصافحو باليد و تعانقو و خرجو من المسجد
اشرف:غيو هو ميعرف تاحد هادشي الي قلت لك و خلي علاقتنا سطحية و تاحد ميرد البال، غادي ندوز عندك باش نديك و نوريك خوتك الجداد اللي غادي تدخل معاهم للجنة انشا الله ...
زكريا:صباح الخير بغيتي شي دكيكة ديال اتاي
اشرف:اييه، انا نمشي نجيب مسيمنات
زكريا:ة و لا يني تشحيرة هادي معتبرة، كملي داكشي دالبارح راك خلتني بلا نعاس
أشرف:واخا العشية بغيتك تمشي تجيب ليا شي سلعة و غادي تتلاقا بواحد المراة منقبة فالمول و غتعطيك و لكن هاك هاد الفلوس باش تشري و ميعيقش بيك شي حد
زكريا:واخا، هاد الفلوس كاملة ديالي
اشرف:ميهموكش الفلوس ، حنا راه زتتدين فالدنيا، هاك سوارت الط نوبيل و الا نجحتي فالمهمة غادي ندخلك معانا
زكريا:واو انا نسوق هاد البورش كلها ههه
اشرف: و نسا عليك الدنيا شوية راه الدنيا غير كذبة الجنة هي اللي تبقا لينا...
قصة اغتصبواحياتي
الجزء 26
فصل الشتاء☀☀☀☀
اشرف: و نسا عليك الدنيا شوية راه الدنيا غير كذبة الجنة هي اللي تبقا لينا...
مشيت داك النهار فالبورش، و تلاقيت مع امراة و شريت الحوايج كيف قاليا عطاتني واحد السلاح، انا بقيت كنقفق مبغيتش نشدو و لكن عماني الطمع و مهمتني تاحاجة، و شديتو و درتو وسط الحوايج، تا لواحد النهار قاليا انا ثقت فيك و غادي نوريك إخوانك مشيت و لكن فالاول عصب ليا عسنيا و معؤفتش فين داني، بقينا غاديين مدة طويلة، ة يقيت كنسمع و مكنحاولش نحيد العصبة و ثقت فيه و مشيت معاهد كنت بغيت فديك اللحضة نهرب من الواقع اللي حطيت فيه راسي، ضسارتي اللي خؤجات عليا و مؤاهقتي اللي غير مزايدة فعما ايامها، ضيعت حياتي و منين قلت نتوب خرج ليا أشرف فحياتي، كمعني بالجنة و فهمني كلشي غلك و منين فقت لقيت راسي مشا الحال عليا ...
اشرف:السلام عليكم و رحمة الله و بركاته
ابو براء:و عليكم السلام ازيك يا عم
أشرف:الحمد لله و انت
زكريا:فين حنا ا أشرف
حيدلي العصبة و شفت ثلاثة رجال قد طولهم قد عرضهم، عندهم لحية كبيرة، و لابسين أقمصة، و جالسين فوق حصيرة و فبيت تنعدم فيه شروط السكن ، دروت عيني لقيت بيت صغير و ما فيه تاحاجة، بوطة و كاميلة و بعض الاكل و الخضر المرمية هنا و هناك رحبو بيا و جلست تعرفت عليهم، و من بعد غنعرف باللي هم اكثر من 3 و اكثر من 10 بل هم جيش كامل، متفرق على جهات كثيرة و باللي غير دوزات الطريق، و الوجهة ديالهم هي تركيا و من بعد غادي يجاهدو فتركيا، الرييس ديالهم مصري اسميتو ابو براء، و الثاني اسمو عصام الاحفري و الثالث امين المغربي و هذا كان من أصول جزائرية كنت بغيت نهرب لانه طيحت راسي فحفرة عمرني نخرج منها، تفارقت معاهم و بينت باللي انا فرحان، و لكن أشرف هددني باللي الا فكرت نتراجع غادي يقتلني و يدمر عائلتي، شفتو خكب وفاء و مقدرت ندير والو، كتت ضعيف و تا دابا ضعيف، و فاش حسيت بالخطر كنت غاظي نخرج برا و لكن الفلوس مكملينش عندي و طلبت من وفاء الفلوس مرارا و تكرارا و معكاتني تاحاجة، ولا اشرف كيعطيني الفلوس صحيحة و لكن كان ديما تابعني، اتفقت معاه باش نعاونو فتفجير واحد الاوطيل فمراكش، و واعدني باللي غادي نولي لباس عليا و باللي خاصني غير نقنع شي حد باش يفجر راسو، رجعت لصحابي نقنعهم باللي ؤاني تهديت و كنت غنلعب عليهم كيفما لعب عليا أشرف و لكن ملقيت جهد،اشرف دمرنا و دمر حياتي، انا عارف كلشي عليه، عؤفتو اغتاصب ختي و شفتهم بعيني مقدرت ندير تاحاجة خفت هادشي يزيد، و لكن من بعد عرفت باللي هو كان باغي يوصل للسلاح اللي نتوما كتقلبو عليه، و انا كنت البوم غنحاول نهرب من المطار و لكن شديتوني، و دابا بغيت نموت و نرتاح،قتلوني احسن ..
ياسر:انا ياسر، و حنا عصابة متخصصة فالمخدرات و البيع ديالها، و معندناش علاقة بالسلاح، اخر مرة كان عندنا تسليم، و كان اشرف و المجاهدين عرفو المكان دالتسليم و دخلو غلينا و قتلو ليا الاخ ديالي و مراتو و بزاف دالرجال، اشنو اللي طيحك فيه هداك مكيخاف من تاحاجة و الله فقط كلمة مكتجاوز حنجرتو؟
زكريا:انا ندير اللي بغيتي، غير وفاء ميوقع لها والو هي وجدة معندهم اا ذنب فهادشي، -بكاء و حسرة , واخا اختي ضاعت قدامي و ضاع شرفها شدني من يدي اللي كتوجعني
ياسر:-قرب عندو و حل ليه يديه و عينيه ، انت شاب صغير يا ريت يكون مساقبلك احسن من هذا اللي وضعتي فيه نفسك، تعرف باللي انا كنت مجبور نخدم فهادشي و مزل غتعرف قصتي، انا ثقت فيك و معمري ثقت فشي حد، غادي تخدم معايا و غادي نحميك و نحمي عائلتك
زكريا :لا عائلتي مبغيتهاش تعرف
ياسر :انا غنوريك كلشي و حاول تبث و تكون راجل
.....
في منزل الداوديات، مراكش
وفاء:زكريا على سلامتك احبيبي فين كنتي واش معاك شيما
-دخل زكريا يعجاجتو و خلا وفاء كتهدر بوحدها و تبكي و كتقلب بعينيها على شيما، حاول المسكين يحبس دموعو و فاخر لحضة ضعاف و تكسر و طاح من طولتو، بقا يبكي و جر وفاء عندو اللي كانت واقفة و مذهولة ، بقاو معانقين لمدة من الزمان و بقات تقبل فراسو و تطلبو على الله يهدر و يبرد قلبها اللي مكوي بالنار
زكريا:سمحيليا
وفاء:اش وقع لشيما عافاك قولي
زكريا:-دفعها ووقف و هز صاك و بدا كيعمر فالحوايج، انا غادي نمشي فحالي عند مي ، و تا شيماء خليتها عند مي..
وفاء:كيفاش واش بغيتي تحمقني مغتمشي فين -دفعات صاكو و عاود هزو و خشا فيه الحوايج
زكريا:انا كنكرهك انتي اللي خرجتي علينا و شيما غادي تبقا معايا و مع مي و عي كتكرهك و تكرهكم، ماما اللي غتتهلا فينا، طلقي مني
وفاء:لا عافاك كتضحك معايا ياك كتضحكو معايا ؟
زكريا:و لا بعدي مني، دفعها و خرج مع باب البيت
وفاء:-و هي تابعاه و كتبكي و حالتهاحالة تشفي العدو و الصديق خافت على مها تفيق و تجيها شي نوبة حادة،-وقفاتو و طرشاتو و عاودها بطرشة اخرى شدات حنكها و ضرباتو فصدرو و شداتو من قميجتو ، و لكن غلبها و دفعها و خرج كيجري
زكريا:كسيري بزربة !!-دخل لسيارة حمراء كانت تتسناه....
#يتبع
قصة اغتصبواحياتي
الجزء 27
فصل الشتاء☀☀☀☀
ياسر:متبكيش كون راجل، متخافش انا خليت اللي غادي يرد ليهم البال و اشرف مغاديش يدق بابهم حيت البركاكة ديالو وصلو ليه الخبار باللي انت معايا
زكريا:انا مبقاتش كتهمني حياتي كثر ممجروح على شيما اللي هربات و وفاء اللي خليتها مصدومة و مبفاش جدة غتقدر تعيش مع هاد الحسرة ، حفايدها بجوج ضاعو و تا بنتها
ياسر: كون راجل و باراكا من البكا،ختك غادي نتحرى عليها و نقلب عليها و جداك و مك متخافش عليهم
زكريا:اه مي وفاء كثر من مي وفاء ملاك فوق الارض،وفاء الجمال و الطيبة، وفاء مخلقش الله منها جوج، وفاء بنت متشبعة بالقيم، مي اللي مولدتنيش، -و هنا زكريا حكا لياسر على كلشي و فهم القصة من بدايتها لحدود الواقعة...
يا ويلي و يا قلة حيلتي يا دموعي و يا اهاتي...يا جرحي يا خيري...
اللا محجوبة:مالك ابنتي اش وقع
انا:لا والو غير تقلقت شوية و صافي
ماما:انا داتني عيني و لكن عقلي ابنيتي كيخمم و يفكر كاين شي خبار
انا:اه اماما، غادي نقوليك كلشي و لكن غير تهدنس و نتقلقيش
ماما:-شربات ففخادها و جبسات فوق الفوطوي اللي كان جنبها، ايولي هدري
انا:لا ماتخافيش راه والو غير شيماء مشات عند مها هي و زكريا و غادي يرجعو انشا الله
ماما:-اويلي اش كتقولي ابنت الحرام ياكما درتي ليهم شي حاجة قلقاتهم
انا:حرام عليك اميمتي تقولي هكا
-هنا وفاء عيات و خرجات ما فقلبها نتفات شعرها و صرفقات راسها و حتى من الحيط ضرباتو سال دمها و قلبها تغدر و الخيانة و نكران الجميل متقبلاتهم، ضحات بعمرها و حياتها على ودهم و هذا هو خيرها، يا ريت نفعات راسها و تفكرات كلام الناس اللي كانو يقولو ليها و يوصيوها باللي واحد النهار غادي يرجعو عند مهم، تحجر ليها الكلام و اللا محجوبة عيات تبرد عليها نار قلبها، ياما لبسات و شربات، سهرات الليالي، و عمرها تمتعات، حتى فاش تخطبات كانت باغية تسكن معاهم و تعيش معاهم و عمرها تخليهم،مسحات دموعها و ناضت، مشات لتلفونها و يديها مقدرينش يشدوه جبدات نمرة ديال اشرف لقاتها طافية ، و رجعات تاصلات بزكريا
في للهاتف📞📞📞
زكريا:اشنو بغيتي مزال
انا:عافاك اولسظي رجع عطيني نهدر مع شيما ، كبدتي ولكلاني عليكم
زكريا:هاهي حدايا مبغاتش تهدر معاك
انا:عافاك طلبها غير نهدر معاها، عافاك اوليدي رجع لينا راه جداك مريضى و غتموت بسبابكم، خليتوها بوحدها
-هنا شدات اللا حجوبة التلفون من يد وفاء
ماما؛الله اربي اوليدي رجعو على مكم عرفتكم شي نهار اجيو و الا بغات تشوفكم تجي عندكم منقدرش على فراقكم
-و هنا طاحت اللا محجوبة من وقفتها و طاح التلفون فالارض و وفاء كاحت على ؤكابيها شدات مها و جلسات تندب حر الايام تغوت بحر جهدها تا سمعوها الجيران...و مشات حلات ليهم الباب
الجارة:اش بيكم ابنيتي و اشنو واقع ؟
وفاء:عافاك عتقي ميمتي طاحت ليا
الجارة:متخافيش راها غير سخفات، الحاجة نوضي نعلي الشيطان، جيبي شي كويس دالما فيه السكر..
مشيت جبت ماس دالما و انا مرفوعة ، فاقت مي و تكات مسكتات من البكا و انا معرفت مندير تاضلت بخويا رشيد و تعصب حيت معلمتو بوالو جا كيجري، و جاو خواتاتي و عمرات الدار بالعائلة، و لكن الصدمة ديالنا غتكون اكبر من هادشي كلو اللي واقع....
قصة اغتصبواحياتي
الجزء 28
فصل الشتاء☀☀☀☀
اويلي اش كتقول ارشيد واش متاكد
رشيد:واش حنا كنضحكو اوفاء الدري و الدرية مكاينينش عند مهم
انا:الله اسيدي ربي عافاك اخويا متقول لمي وللو و الله تتموت فيها
رشيد:و فينو داك اخينا ديللك
انا:اخويا انا راه تلفت مبقيت عرفت والو تاهو طافي تلفونود غادي نلبس عبايني و نمشي نشوف واش كاين فدارو
رشيد :تسناي نمشي معاك، انا راه هاد الفيلم ديالكم مدخلش ليا لراسي ، و تا تلفون هاد الحمار دزكريا طافيه
انى:خويا و الا ملقيناش اشرف
رشيد:غادي نمشيو للكوميسارية ، و نقلبو على الولاد راه كاينة إن اختي
انا:اش غيكون اخويا راه القصة فهمتها ليك، و لكن بصح تسنا هادي شهر و شيما ماشي على عادتها، غير كتخمم و تفكر، و حتى ماكلتها نقصات، انا بديت كنشك
رشيد:و زكريا ؟
انا:زكريا كيغبر بزاف
رشيد:واش اخر ، راه لي حاجة ممكن تفيدنا
انا:معرفتش، اووف يا ربي، معرفتش، كيف قلتك شيما اللي تغيرات و زكريا كيغبر معضم الوقت و حركاتو غريبة و بحال بيه شي حاجة ، ؤاه انا شكيت غير كانو باغيين يمشيو عند مهم، كون غير قالوها لسا كن ديتهم عندها بيدي
رشيد:يهديك الله الدراري مكاينينش عند مهم ،راني تاصلت بشي ناس كيعرفوها و نعتو لي فين ساكنة، بالضبط فطنجة
انا:يلاه نمشيو ،
رشيد:بشوية تتفكري و الا ممشاوش نضربو الكريق هكاك، و ايلا كانو بغاو ينفلاو عليك، يلاه دابا نشوفو هداك خينا
مشيت ركبا مع رشيد، و ديتو لفين كان جابني رشيد لظارو اللي قالي ساكن فيها بوحدو ، دقينا مرارا و تكرارا تاخرجات لينا واحد السيدة و صدماتنا بالحقيقة...
سيدة:راه مسلكن حد فعاد الظار علا من كتسولو
انا:عافاك الالة راه ساكن فيها اشرف سيكليس
سيدة:لا ابنيتي على حد علمي تاحد مساكن هنا سنين هاديد و ماليها كيف كيعاودو مشاو لفرنسا شحال هادي
انا:واش متاكدة الالة عافاكد انا غندق تا يحل ليا ، اشرف اشرااااااف،-كتدق الباب بيديها بجوج و كاحت فجنب الباب تبكي بحال عنها احساس باللي وقعلت شي حاجة اخر حاجة كانت بغات تسمعها او تعرفها، او حاى تصدقهاد اش هادشي وقع فحياتها، نزلات الدموع و رشيد هزها و بدةن اي كلمة منطقات، وصلهاىللدار و كان خايف على ختو و مو ، دخلها للبيت ...و لكن اللي غادي يوقع ما غادي يكوو ليه حساب و تخطا جميع التوقعات...
قصة اغتصبواحياتي
الجزء 29
فصل الشتاء☀☀☀☀
ياسر:كيف كتحس شوية، انا نمشي نجيب لك قرعة الما تغسل وجهك و نرجع، تهدن
زكريا:واخا اصحبي
ياسر:عيط لي خويا...
بعد مرور أسبوع📆📆📆
ياسر:زكربا انا غنمشي نجيب مايتكال نجيب لك شي حاجة معايا
زكريا:لا بلاش معنديش الخاطر
ياسر:راه اسبوع و انت حازن و ساد عليك هدر شوية معايا
زكريا:واش نقدر نخرج عدفت للدار
ياسر: لا راني خفت عليك و ؤاه عصابة داشرف منال كيقلبو عليك و راه فرلسي باللي شي وحدين قكعو للتذاكر لسوريا خليهم تيمشيو فحالهمد انا فكرت فواحد الحل
زكريا:اشناهو ؟
ياسر:كنقول باللي غادي نخرجك برا انت و ختك و وفاء و جداك تعيشو برا و نعطيكم فلوس تكفيكم بينما تيسر اموركم
زكريا:علاش كدير معايا هادشي ! واش حتى انت وراك شي قصة او طمع، انا درت فيك ثقتي و من دابا علمني مقدرش منال نتجرح
ياسر:حرام عليك واخا مكنسواش و لكن عندي قلب، و انا كنشوف فيك خويا عائلتك هي عائلتي اللي قتلو ليا
زكريا:بغيتي تسمع قصتي باش تثيق فيا كون عندي شي مصلحة، كون قتلتك داك للنهار، و الا ساق الخبار jan غادي يصفيها ليا انا و ياك و مغاديش يرحمني
-هنا زكريا حس بالامان و طار على ياسر و عنقو و بقا يبكي عليه على كتافو
ياسر:كون راجل هههه
زكريا:جبتي لي اليوم شي تصاور على وفاء
ياسر:لا مكاين والو راه جداك فالصبيطار
زكريا:- وقف و بعد على ياسر ، و علاش مفؤاسي تا لدابا
ياسر:حيت خفت عليك تمشي تشوفهم و هادشي خطر عليك
زكريا:لا لا خاصني نمشي عافاك ديني نشوفهم و وفاء وقعات ليها شي حاجة
ياسر:اه تصدمات منين عرفات باللي اشرف مكاينش و غبر تاهو من وراكم
زكريا:انا السبب فهادشي كلشي نستاهل الموت حرقا و نستاهل العقوبة، انا اللي دخلتهم فهاد الجرائم، عائلتي كانت مسالمة و غادية جنب الحيط
ياسر:متقولش هكاك انت ضحية انتقام، ديالي و ديالو و انت غير جاي في الوسط، و كان سبب فدخولك لهاد الدوامة.
زكريا:ديني عندهم
ياسر:بشرط ميشوفوكش و حاول متفوتش 5 دقايق راه خطر عليك و عليا -من بعد هاد المصايب ابحاج محجوبة قلبها عيا من جديد و وفاء حالتها حالة تبات فالصبيطار هي و خواتتها، مبقات هاماها تاحاجة من غير تلقا الولاد و تبرا مها ترجع العائلة كيف كانت و ترجع المياه لمجاريها، ياسر هز زكريا و داع لجنب الكلنيك و تما شاف عماتو و تخبا ليشوفوه، و بقاو هو وياسر تا الليل،ياسر خلا زكريا يمشي يتطمان على جداه و وفاء من بعيد ...
يا الله سمحلي، خرجت من عند جدة مسكينة حرقاتلي قلبي و وفاذ بغبت نعنقها،توحشت ختي ،توحستهم توحشت نتلم معاهم على طبلة وحدة، علاش مخدمت عقلي، ضصاريت و جبتها فراسي و حياتي، دمرت ناس عزاز على قلبي،لقيت ياسر خرج برا كيتسناني، و انا غادي لسيارة عند ياسر تا دخلات شي حاجة فضهري مرة و جوج و ثلاثة....
ياسر:لاااااا لااااااااااا.....
#يتبع
قصة اغتصبواحياتي
الجزء 30
فصل الشتاء☀☀☀☀
في البرنوصي، الدار البيضاء.
اعوذ بالله من الشيطان الرجيم
مصطفى:مالك ابنتي ياكما مريضة
شيما:لا ابا مصطفى، غير قلبي واجعني و حاسة باللي شي حاجة ما هي هديك
مصطفى:واش عائلتك؟
شيما:اه ابا مصطفى واش واخا تشد ليا نمرهتم انا قررت باش نمشي عندهم، و نرجع فحالي لدارنا
مصطفى:صافي سخيتي بينا؟
شيما:-و دموعها شلالد لا حاشا و انا كنشكرك و لكن توحشتهم و انا متأكدة غيسامحو ليا
مصطفى:غادي ندبك برجلي غير تا يجيو شي ضياف و يمشيو نهار الاربعا و انا ندبك تا لعندهم
شيما:بصح ؟
مصطفى:اه بصح
-من براءتها و طفولتها، طاحت عليه عنقاتو، و هو بمكر عنقها و تحسس جسدها الصغير ، بالليل دخل عليها لكاب و فنيتو الغدر سد ليها فمها قبل متعرف شكون و تحكم فيها عيات تدفع و تغوت و لكن شكون غيسمع غواتها، و هي فلكاب تحت الارض و الوحيدة اللي كتبات تم، عراها و تعدى عليها و زاد غدر الناس عليها، مكفاشداكشي اللي دار اشرف، ولات رخيصة، و لحمها اللي جا يمسح فيها، و هاهي من جديد تغتاصباتد تحمد اللهىاللي صبر عليها تا لدابا اما كون خدمها من بنات الليل و تا دابا مزال معرفنا اش غيوقع لشيما من مورا هاد الفعلة ...بكات و الدموع مفادو بوالو دسكتها و طمعها باللي عجباتو و غادي يسترهاد ثيقاتو و باست ليه رجليه المسكينة تبكي و تنوح على سعدها و خر يامها تبوس الرجلين الخانزين و المشقفين اللي يسوا و ميسواش...
يا شرفي ضعت و عزائي واحد...
لا تلومو براءتي و لومو الكلاب عني حين استدرجتني ...
قلبي يتعطش للموت سالفا، و هل ازيد من عذابي غدا...
كيف القاكم و الوجه سافل محياه عنكم...
حزن يغتالني وهم يقتلني وظلم حبيبة يعذبني...
وفاء احبكي يا اميد و يا كرامتي...
في مراكش، المستشفى...
إلى متى؟اخبرني بالله عليك إلى متى...
هذا الصبر وهذا الجلد والتحمل إلى متى؟
هذا السهر والتأمل إلى متى؟
هذه المعاناة والتذلل كف عن هذا !
اهجر ما هجرت وعذب كما عذبت ...
واظلم كما ظلمت واجرح كما جرحت ...
فلقد عانيت كثيرا وصبرت كثيرا ...
وكثيرا على حبيب لا يعرف للحب معنى ...
أما آن لك يا قلبي أن توقف كل هذا ...
اسألك الرحيلا أسألك الرحيلا لنفترق قليلا...
يا قلبي...
عييت حن للانتضار و عقلي غادي يتوقف، و قلبي غاكيريسحت حاسة باللي كاينة شي حاجة غتوقع و احساسي مكيخيبنيش..
انا:عافاك واش الطبيب غادي يجي عند ماما راه هادي يومين و مزال مفاقت
رسيبسيون:عافاك الالة غير صبري علينا شوية ،و نعيط على الطبيب المكلف،
انا:واخا شكرا
زينب:مالك اختي اس واقع انا جبت ليك الماكلة
انا:مقدرش اختي معنديش منين دوز
زينب:و غير كولي شوية اختي راك غتموتي هكا و تصدقي تانتي ناعسة لينا فالصبيطار
انا:قولي ليا، كاين شي جديد على شيما و زكريا
زينب:لا رشيد كايدير جهدو و اكثر من جهدو...
في السيارة ، كليز مراكش...
ياسر:حاول تصبر راه قربنا ا صاحبي هاهو الكلنيك
زكريا: اه اه لا سمعني وفاء و شيما و جدة فرقبتك الى يوم الدين طلب منهم يسامحوني انا سبا بهم اه كاين وؤقة فجييي كنت عنعطي ها لوفاء و م قدرتش
ياسر:عافاك متهضرش انت غتولي بخير
زكريا:لا انا غنموت و مبقا ل ي و الو فاحيا ة عاا ف ك سمعني مز ي ان انا بغيتك تتهلا ف وفاء و ج د
ياسر:كون هاني انا غنحميهم اوف يا ريي انا سبابك ياك حدرتك قلتلك راه تابعينك قلتها ليك مكتسمعنيش، انا غنهزك لبصييطار متخافش
-زكريا تغدر من اللور و شي حد ضربو 2 طعنات و هرب حدا باب الصبيطار ،هزو ياسر فاخر لحضة قبل ميشوفو شي حد و يولي فشد بيا نقطع ليك مع البوليس، وصلو لكليز (حي في مراكش) و فالكلنك دخلو لكن لاخر اللحضات، توقف القلب و زكريا مات،مشا عند الله و كانت رسالة فجيبو لوفاء هزها ياسر و داه هو صحابو و و من بعد مغسلوه مشا و كان الف سؤال و سؤال فراسو، خلص الكلنك و سد ليهم الفم بالفلوس و كلشي مباح مع الرشوة و العملة الصعبة، بقا ليه كيفاش غادي يقول لوفاء و جداها اشنو وقع، ياسر حلىالورقة اللي كانت فجيب و طاح على وقفتو منين قرا سطورها..
السلام ماما وفاء ، و هادي سلام لجدة العزيزة، انا بغيتكم تسمحوليا و تغفرو ليا، امكن فاش تقراو هاد الرسالة غادي نكون فالسما، ربما كنتعذب على ما درت فيكم و الخير الل رجعتو ليكم بالشر، انتقمت من حياتكم و حياتي، تبعت الخوا الخاوي نسيت قرايتي و نسيت اللي ربيتوني، شبعت خبز و خيرالله من اللي عيطتوني، شبعت حنان و شبعت قلة العقل اللي معندي، انا بغيتكم تقلبو على شيما، ختي غير ضحية ديلل اشرف اللي ضحك عليك و عليا هي ماليها تا شي ذنب، بغيتكم تسامحوني باش يخفاف ذنبي، انا عارف مبقا لي فالدنيا والو و داكي علاش كتبت هاد الرسالة، انا شفتك اليوم جالسة كتبكي كنت بغيت نقرب ليك و لكن مقدرتش بغيت نبوس راسك اماما وفاء، اناي حنينة و قلبك بيض عمرك يخيبك الله، كتبت هاد الؤسالة و انا كتشوف فيك...كنحبك من قلبي ... انا غادي نكون بخير. زكريا
جميع أجزاء قصص مغربية
ليست هناك تعليقات