قصة هدوء ما قبل العاصفة : قصتي كوم 2

الكاتبة : حنان جميل 

 قصة هدوء ما قبل العاصفة : قصتي كوم

الجزء 11

خرج بسرعة سيف و تبع جودي لي لقاها ركبات و كسيرات تبعها بسيارت خوه لي لقاها قدامو بسرعة هي لاحضات بلي تابعها بقات مكسيريا حتا وصلات لواحد المنطقة منعزلة و وقفات نزلات و هي فقمة العصاب نزل حتا هوا جودي = اش كسحاب ليك راسك حتا تتبعني دوييي سيف (بالغوات) =انا لي خاصني نسولك اش كنتي كاديري عندنا من نهار دخلتي لحياتي خربقتيها اش علاقتك ببابا جودي = انا ما عندي ما نشرح ليك حسن تغبر من طريقي دابا سيف ( شدها من ايدها ) = و الا مابغيتش جودي(جبدات سلاحها من ورا ضهرا و ابتاسمات باستهزاء ) = غادي نقتلك و ندفنك هنا و حتا واحد ما غايجيب خبارك اش ضهر ليك سيف (حتا هو جبد المسدس ديالو ) = اوو اعتدر حيت ماغاتمشيش الخطط ديالك كيف بغيتي العين بالعين و السن بالسن و البادئ اظلم جودي = اووو باليا عندنا نفس الافكار سيف = دبا بلا ماتبقاي دوخي عليا شكون نتي و اش علا قتك ببابا جودي = اممم بالنسبة لشكون انا انا لي غاندمر هاد العالم و شنو علاقتي بباباك فانا عشيقتو مافخباركش سيف (تعصب من هضرتها و وجه المسدس لراسو حتا ولا كل واحد موجهو لراس لاخور ) =واش ماباغاش دوي ها جودي = لي عندي قلتو سيف ( حيد المسدس ديالو ) = كانواعدك غانعرف هادشي لي نتي مخبياه جودي (رجعات لمسدس ديالها لبلاصتو و كدوي و هي راجعا اللوطو ديالها ) = حظ موفق ( و تلفتات غمزاتو و ركبات و كسيرات ) ''''''''''''''''''''­''' نرجعو لقصر الفارسي ''''''''''''''''''''­''' كمال = الا عرفات غادي دخل لواحد العالم كبير عليها عثمان (شاد فراسو ) =قول غادي تحطم العالم كمال (باستغراب ) = شنو كتقصد ا بابا عثمان (كشوف فيه بحسرة ) =جودي العامري مهندسة و فنفس الوقت قائدة لاكبر عصابة عندها فروع فكل من المكسيك المانيا المغرب بريطانيا و روسيا كظم اكبر القناصة و المحترفين فالقتل مكخلو حتا دليل وراهم كتكلفو بقتل كل الفاسدين فالبلاد بمعنى اخر كطبقو العدالة لي ماكايطبقهاش القانون و دابا هي حالفا حتا تعرف شكون لي قتل امال و اسماعيل كمال (مصدوم من اللي سمع ) = لا هادشي بزااااف و لكن باش عرفتي هادشي عثمان = كنت تعاملت معاهم واحد المرة و عارف الرئيسة ديالهم عندها توحيمة علا شكل وشم لنجمة وط منها تلاتة النقط كمال = ولكن اقدر اكون شحال من واحد دايرو عثمان = لا قدرت نطابقهم هو نفسو كمال = الله يا ربي اش هادشي

 قصة هدوء ما قبل العاصفة : قصتي كوم

الجزء 12

نرجعو عند جودي و هاد المر غا نخليها هي تعاود ليكم '''''' بفف هاد سيف ماعرفت اش باغي من عندي و الاسوء انه عميد و انا مجرمة مابغيتش ندخلو لهاد المتاهو لي انا فيها و ماباغاش نورطو خاصني نبعدو قدر الامكان عليا توجهت لواحد الفيلا صغيرة كلها تحكم بواسطة الرموز دخلت ولقيت كل الاعضاء مجتمعا كانو جالين تما تلاتة و باقي العدد خارجين فمهمات زيادة علا واحد لعدد هائل من الحراس وائل = اهلا اهلا بالرئيسة ديالنا توحشناك جودي = شكرا اوا اش خبار الخدمة ياسين ( خارج من الكزينة ) = الحب ديالي امتا جيتي شخص جالس فركن مظلم فوق كرسي كمشي و يجي = واقيلا باغيها دربك تاني علا هاد الحب ديالي جودي (بفرحة ) = يوووووسف حبيبي توحشتك يوسف (معنقها) = كون تشوفي انا ا حبيبتي وائل = نااري نتوما كاترمنساو غي بحدكم جودي (بجدية ) =صافي باراكا من اللعب و دوزو را عندي ليكم شي هضرا مهمة يوسف = ها اللي قلنا ها الرئيسة المتعجرفة ديالنا رجعت جودي = وصافي باراكا را عندنا مايدار ''''' من بعد ما جلسو كاملين ''''''' جودي = نتوما عارفين بلي امال و اسماعيل ماتو مقتولين الكل = وي جودي = انا حاولت معا داك عثمان اقول ليا شكون سباب و لكن مابغاش وائل = يعني خايف من شي حاجا ياسين = يقدر اكون شي شخصية وازنا فالبلاد يوسف ( بعد تفكير) =او يمكن دايرين شي حاجا و متورطين معا القاتل فشي حاجا جودي ( كانت كتلعب بستيلو دربتو معا الطبلة ) =بالظبط ا يوسف نتا لي كاتفهمني فاللول ماكانتش باغا ندخل منظمتنا فهاد الشي و لكن دابا ما بقا ليا حتا حل منغير هادا وائل = و شنو مطلوب منا دابا ا لبوس جودي = نتا ا وائل بغيتك تكلف ليا بمراقبة عثمان الفارسي و نتا ا ياسين بغيتك تكلف تجمع ليا علا جميع اعمال هاد السيد و العلاقة لي كانت بينو و بين امال و اسماعيل وائل و ياسين = اووكي بوس (و خرجو من تم ) يوسف = احم احم و انا جودي = نتا ا لحبيب ديالي عندنا خدما خراا يوسف = هانتي كلشي الا بحال اخر مرا جودي (تفركعات بالضحك ) =كنتفكر شكلك و نتا كتمتل دور الشاد جنسيا يوسف = نااري ضروري تفكريني باش نقتل دوك جوج وزراء طريت نمتل دور شاد جنسي و نمشي معاهم لدار و لكن قتلتهم بابشع طريقة جودي (تنهدات و تكات علا الفوتوي و هي كاتشوف فسقف ) = واش هادشي لي كانديرو فيه صحيح يوسف = ويي حنا كنحققو العدالة لي حتا واحد ما حققها غيرنا جودي ( و مازال كاتشوف غي فسقف ) =نتمنا مانكونوش كانغلطو

 قصة هدوء ما قبل العاصفة : قصتي كوم

الجزء 13

لجزء 13__________________­______سيف قرر ابحت ورا جودي كلف بعض من رجالو ابحتو ليه اكتر و اكتر عليها انا جودي فرجعات للقصر حتال الليل لقات الكل مجموع علا طاولة العشاء و كتناقشو جودي = مساء الخير الكل = مساء النور _______ من بعد ما جلسات __________ الحاج = بنتي جودي عندنا ليك واحد الموضوع جودي ( عدلات من جلستها ) = ويي جدي مصطفى = اكيد نتي كاتفكري تخدمي لهدا قررنا تخدمي معانا فمجموعة شركات العامري جودي = اها مكاين مشكل امتا غانبدا مراد = غدا انشاء الله سيري مع علاء جودي = اوكي عمي تعشاو و كل واحد مشا لبيتو _____نمشيو عند امير لي هملناه _________ جالس فوق المكتب و هاز المدكرات ديالو كيكتب '' ...ضالمة ايتها الحياة ...غير منصفة انتي ...اخبرينا ما سر شقائنا وذنبنا ...هل لاننا وتقنا بك ...اخبرينا كيف نستمر ...وموت احبتنا حطم بقايانا..و اهمال الباقي منهم كسر فؤادنا ''' كانت هادي هي كلماتو لي كتب و سد مدكراتو امكن هو صغير فالعمر و لكن واعي تقول غي كاتعامل معا شاب ناضج (للتدكير امير هو اللي فالصورة التالتة الفوق ) مشا امير ينعس و هو مكسور الخاطر من اهمال جودي ليه مني جاو من المكسيك و لكن بمجرد غفا رجعو ليه نفس الكوابيس و لكن هادشي كامل داز تحت اعين واحد الشخص جودي لي كانت مراقبا كلشي بعد ماغرق فكوابيسو هزات جودي مدكرات ديالها و قراتهم تسللاتمنالعين ديالها دمعة مسحاتها دغيا و خرجات مشات لبيتها وقفات عند البلكون كاتشوف فنجوم لي ماليا السما فنفس اللحظة كان شخص اخر فنس الوضع داير ايدو فجيبو و كتفرج فالسما حتا واحد فيهم ما غفات عينو فالليل _______في الصباح _______ فاقت جودي دارتروتينها اليومي و لكن هاد المرة لبست كسوة باج طويلة جاتها تحفة و نزلات فطرات ''' علا مائدة الفطور ''''' جودي = جدي بليز عطيني هاد اليوم عطلة باغا نخرج انا و امير امير ( وحلات ليه و شاف فيها بنظرة استغراب ) = واش باغا تخرجي معايا انا ( و اشار بصبعو لراسو ) الحاج = وي ا بنتي ماشي مشكل جودي = شكرا جدي

 قصة هدوء ما قبل العاصفة : قصتي كوم

الجزء 14

خرجات جودي هي و امير و قررو اتمشاو غي علا رجليهم امير = احم احم نقدر نعرف علاش خرجنا اليوم جودي = اممم حيت توحشتك و بغيت نبقاو غي بجوج بينا ندوزو هاد النهار امير ( باستهزاء) = داكشي علاش كنتي كتسولي عليا هاد اليومين لي دازو جودي = امير مح ليا بزااف و لكن كان خاصني ضروري ننهي شي امور امير = ياك قلت ليك حيدي فكرة الانتقام من راسك جودي (وقفات بصدمة ) = نتا كيفاش كاتعرف هادشي كامل امير ( و هو مكمل طريقو و مخليها وراه فحالة صدمة) =بكل بساطة كانعرفك كثر من راسي جودي(تنهدات) = لمهم انا بغيتك فواحد الموضوع امير = موضوع الطبيب نفسي جودي = لا لا نتا شي حاجا لي مايقدرش يستوعبها عقلي امير ( بابتسامة جانبية ) = انا وياك توام واحد جودي = وي عندك الحق امير = المهم انا موافق جودي = واش متاكد بلي مستاعد تتحمل و نصبر باش تعالج امير ( بتنهيدة خارجا من الاعماق ) = وي انا مليت من هاد الكوابيس و هاد الحالة جودي = اوكي واش نقدرو نبداو ليوم

 قصة هدوء ما قبل العاصفة : قصتي كوم

الجزء 15

 امير = اوكي يلاه داكشي لي كان خدات جودي موعد معا الطبيب بعد ساعتين و قررات انهم ادوزو الوقت لي باقي فالدوران كانو كدورو و يضحكو و لعبو تصورو و الاهم ان كل من جودي و امير حصل علا الابتسامة لي كان تحرم منها دازت ساعتين دهيا و جا وقت الموعد وصلو و تسناو شويا حتا وصلات نوبتهم دخلو بجوج الطبيب = مرحبا مرحبا علا قبل من هاد الموعد امير = احم انا ا دكتور الطبيب = امممم شنو الاسم الكامل ديالك امير = امير العامري الطبيب = امكن ليك ا انسة تفضلي حتا تم اول معاينة جودي = اوكي دكتور امير انا علا برا حظ موفق طبيب = تعالا ا امير تمدد هنا امير = اوكي طبيب = دبا واش امكن ليك تعاود ليا علا حياتك امير = انا بحالي بحال جميع الناس حليت عيني علا عائلة متالية ام (امال) و اب(اسماعيل) و اخت غاية فالروعة(جودي) و جد و جدة يعني عائلة كبيرة دوزت الطفولة ديالي معاهم و لكن قبل خمس سنوات طرينا نسافرو للمكسيك لاسباب لا انا لا جودي كانعرفوهم طرينا نتاقلمو و لكن ديما كنت كانلاحظ التوتر و الخوف فوجه ولديا كانو خوفهم غير طبيعي كنت كانلاحظ بزاف عكس جودي الا اليوم المشؤوم لي عرفت فيه شي حوايج كبيرة عليا و بزاف قلبات حياتي و فقداتني اعز الناس ليا يوم عمري ننساه (تنهد ) الطبيب = صافي نقدرو نحبسو هنا للحصة جايا قالت ليا ختك كاتعاني من كوابيس و تخيلات امير = وي مرا مرا طبيب = اوكي غانوصف ليك شي ادوية غاتعاونك بزاف امير = اوكي مغسي دكتور واش امكن ليا نتفضل طبيب = وي اكيد (تم امير غادي نحو الباب ) امير ماتنساش الحياة مستمرة ( و ابتسم ) امير = شكرا علا التدكير

 قصة هدوء ما قبل العاصفة : قصتي كوم

الجزء 16

نمشيو عند سيف شويا ____________________­___ سيف هاد نهار صبح معصب خاصو غي معا من هود افطر كمال = اوا ا ولي العهد ماناويش اهديك الله و تعاوني فديك الشركة اما سيف الدين فكفظر بكل هدوء و ماكجوبش باش مايشعلش معا خوه الطبلة ) =واقيلا كندوي معاك و لا نتا مابقاش عندك شي حاجا سميتها الاحترام و لا شنو سيف الدين (كان هاز كاس دربو معا الطبلة و وقف ) = فلت ليك انا عندي خدمتي و كنبغيها انا ديك الشركة خليتها ليكم ربحو بيها عثمان ( لي كان ساهي فللي تقدر ديرو جودي غفل علا ولادو لي شويا و يضاربو ) =صافي ا دراري و نتا ا سيف غي قابل خدمتك و هنينا و نتا ا كمال بلا ماتبقا تحكر عليه خليه ادير اللي عجبو ديك الساعات ناض سيف امشي للمركز اقابل خدمتو لي هملها لبس حوايج سبورتيف و خرج بمجرد وصل للمركز بدا خدمتو لي متراكما عليه ____________ عند جودي ____________________­_ وصلات امير للقصر و خدات طموبيلتها جديدة من نوع لامبرغيني صفرة نطلقات نحو الفيلا بمجرد دخلات لقات تما ايوب و ياسين جودي = اوو شتكم مجموعين بلا بيا فين هو وائل وائل = كيقوم بالمراقبة كيف كلفتيه جودي ( جلسات حداهم ) =و نتوما اش جامعكم هنا اه و نتا ا ياسين درتي لي قلت ليك عليه ولا غي جالس علا التفلية يوسف = جودي ياسين وجد ليك داكشي لي وصيتيه عليه و لكن كاين واحد المشكل جودي = شنو كاين دوو ياسين = الفرع اللي ف بريطانيا غلط واحد الغلط فادح جودي ( بالغوات ) =اش دارو تاني ياسين = نتي عارفا بلي كان مطلوب منهم اقتلو واحد من مالكين اكبر وكر للدعارة تما و اللي مكلفين حتا بتجارة المخدرات و لكن بالغلط قتلو معاهم شخصيلت كبيرة فالبلاد كانو معاهم فصفقات و بسباب هاد الغلط الفوضى نايصا تما جودي = خلعتيني علا والو ياك مشاركين معاهم اوا استاهملو لموت و نتا عارف و انا عارفا اديرو لي دارو ماغايوصلوش للمنضمة ديالنا يوسف = وي داكشي لي قلت حتا انا غي بغينا اي حاجا تكون فبالك ياسين = اه و الفريق لي كلفناه اعرف شكون سباب فموت اغلب المرضى شدوه و كتسناو اصدر البوس الاوامر ديالو جودي = اوكي بغيت انا لي نتكلف بيه ياسين = واش متاكدة جودي ( بالغوات ) = واش انا كانتسنا الراي ديالكم

 قصة هدوء ما قبل العاصفة : قصتي كوم

الجزء 17

داكشي لي دارو ناصو مشاو لواحد المعمل قديم وسط الغابة و لكن قبل جودي بدلات كسوتها و لبسات سروال و تجاكيط و كانو حوالي عشر سيارات كتراسهم جودي بعد حوالي نصف ساعة وصلو للمكان المعلوم نزلو كاملين و كل واحد مجهز سلاحو دخلو و لقاو شخص مربوط و مغطي وجهو و فالمراقبة جيش من الرجال بمجرد دخلات جودي كلهم تحناو و كانها ملكة و كقدمو الاحترام و هوما داخلين هزات جودي كرسي و حطات بالمقلوب مقابل معا الشخص المربوط و لكن بعيد بشي ربعة الامتار جودي ( كترفه كمامها للفوق ) = امم شكون مكلف هنا اشرح ليا القناص الاول = بوس انا لي كنت مكلف بهاد القضية لقينا بلي المسؤول علا نقص الادوية فالمستشفيات و لا احسن نقولو انعدامها هو هاد الوزير لي كاتشوفي فيه دابا و من غير هادشي كخرجها ابيعها و متورط ف بيع الادوية المنتهية الصلاحية ز الغير مسموح المتاجرة فيها و كملك مشفى كتم فيه تجارة الاعضاء و استغلال المرضى بحجة العمليات و لكن كتم استاصال كلية ديالهم و زييد و زيد جودي = حيدو ليه داك الغطا من علا وجهو الحارس = اوكي بوس الوزير ( و هو متاتر بشعى ) =شكون نتوما باش تحاسبو معايا جودي ( تسندات علا الكرسي ) = اوو من غير انادويك كحل مازال زايدها بحلان الفم تو تو تو ( و كتحرك راها يمين و شمال ) هادشي ماشي فصالحك الوزير = شكون نتوما جودي = حنا اللي غا نمحيوك من الدنيا لي غلطات فاش خلات وحدين بحالك اعيشو الوزير = عافاك مابقيتش غانعاود جودي ( ميلات راسها و كدوي بواحد الصوت متخفض و لكن كدخل الرعب ) = ولكن نتا غلطي و اللي غلط خاصو يتعاقب واش عارف شحال من واحد مات بسبابك وشحال من واحد كموت هاد اللحظة بسبابك الوزير ( وهو كبكي ) = عافاك كانواعدك غنصحح اغلاطي رحميني غي علا قبل ولادي جودي = ولادك كون فكرتي فيهم مني كنتي كاتقتل الابرياء و كتيفك دمهم ديرو داكشي لي قلت ليكم بالحرف غلط واحد تموتو بسبابو كاملين ( بالغوات ) واش مفهوم الكل بصوت واحد زعزع الالمعمل (لي وصاتهم عليه نخليه ليكم مفاجاة

 قصة هدوء ما قبل العاصفة : قصتي كوم

الجزء 18

الساعة تشير للسابعة مساء ''''''''''''''''''''­'''''''''''''' العائلة كاملا مجموعة قدام التلفاز كل القنوات المغربية نف الموضوع الصحفية = خبر عاجل في غاية الخطورة قبل نصف ساعة كان من المفقرر عقد مؤتمر صحفي بقاعة المؤتمرات الكبرى و لكن عند دخول الصحافة اولا نفاجؤ بجثة وزير الصحة تم تعليقها بالاعلى بمنظر بشع ( و كانو كعرصو حتا صورة الجثة ديالوو و هي معلقا )كما ترون بالصورة مع مجموعة من المستندات التي تتيت الاعمال الغير مشروعة له و عند حضور الشرظة لعين المكان لم تجد اس دليل عن القاتل و لا حتا تسجيلات كمرات المراقبة الا تسجيل وااحد من طرف القاتل و لكن الشرطة حجزت عليه و لكن نفاجؤ بان نخة منه تم ارالها من طرف مجهول و لكم الاستماع البوس ( او جودي لي حتا واحد ما عرفها ) =اكيد علا هاد الخبر غادي تهز البلاد و لكن للاسف حتا واحد مايقدر القاني انا سرااب لا وجود لي او بمعنى اخر انا شبح الموت اليوم كان الدور علا هاد الوزير و المرة الجاية اقدر اكون علا اي واحد كسمعني وجدو ريوسكم للعقاب ترقبو عودة البوس هاكدا نتها التسجيل و نوافيكم باي جديد الحاج = لا حول و لا قوة باللهاش هادشي لي واقع مصطفى = وايااه و لكن بكل صراحة هدا لي ملقب بالبوس حقق حاجا محققهاش القانون كنحييه جودي ( بابتسامة جانبية ) =عندك الحق حنا فعصر الا ماخديتيش حقك بايديك حتا واحد ماياخدو ليك امير ( بلا مبالاة ) =بفف علا قلة المواضيع مرام = اوا ا سيدي فاش بغيتينا تدويو امير = فاي حاجا من غير القتل علاء = وي فكرتوني جودي واش غتمشي معايا غدا للشركة جودي = اكيد الحاج = يلا نوضو تعشاو باش كل واحد امشي لبيتو الكل = اوكي منبعد ما تعشاو طلعات جودي لبيتها و عيطات ليوسف جودي = مزيان طبقتو كلامي بالحرف الواحد يوسف = بطبيعة الحال بوص و علا حسب التعاليق لا فالمواقع الاجتماعية و لا يوتيب و حتا البرامج كلشي مساندك جودي = مزيان هادشي لي بغيت اه غدا بغيت تقرير شامل علا داكشي لي كنت وصيت بيه ياين را الا مالقيتوش ماتلومو غي ريوكم يوسف = نو مايخافيش و بالمناسبة المشكل لفبريطانيا تحل و تسجلات القصية صد مجهول جودي = مزيان هكا يلا باي يوسف = باي

 قصة هدوء ما قبل العاصفة : قصتي كوم

الجزء 19

''''''اليوم الموالي ''''''''''''''''
جودي فاقت بكري دوشات ولبسات سلوبيط تجين مكروز فالازرق غامق تحت منو تشورت كحلة معا كاط و طلقات شعرها هودات فطرات معا الكل و خرجات هي و علاء لشركة بمجرد وصلو دخلو لمكتب علاء كان غاية فالروعة و الواجهة ديالو كلها زاج 
علاء = جودي دابا نتي باقا غي فمرحلة التدريب يعني غاتبقاي معايا هنا فالمكتب حين عندنا نفس التخصص اوكي 
جودي = وي مرافقا امم و لكن اا بغيت 
علاء ( واقف و كقلب علا شي وراق فوق المكتب ) = غي قولي اش بغيتي بلا ماتبقاي دخلي و تخرجي فالهدرة 
جودي = صافي صافي غي بغيت نبقا نحرج شويا بكري 
علاء = معاش 
جودي ( بتردد ) = 3 
علاء = الا عرف حدي غانمشي فيها 
جودي = عافاك عافاك غي لواحد المدة معينة 
علاء = اوكي غانغطي عليك حيت الخروج ككون حتال 04:30
جودي = شكرا اصلا انا ماكانتش باغا نخدم من اولها
علاء = دوزي دوزي بداي واحد التصميم 
هاكا بقات جودي خدامة حتال التلاتة و خرجات من الباب الخلفي و مشات لمقر المنظمة تما لقات يوسف و ياسين 
جودي = اهلا بالحلوين 
يوسف = حياتي جيتي 
جودي = اووو دروري ما نجي اش جرا فقديتنا ديال لبارح 
ياسين = ههه بحال ديما لا دليل لا معلومات القضية ضد البوس ضد مجهول 
جودي = دبا نساو هديك القضية عطيني داكشي لي وصيتك عليه

 قصة هدوء ما قبل العاصفة : قصتي كوم

الجزء 20

ياسين = ها هو الملف و لا نقوليك لاش وصلت حسن 
جودي = غي قول 
ياسين = لي قدرت نوصل ليه اان سباب فموت امال و اسماعيل هو 
جودي ( بالغوات ) = شكوون دويي 
ياسين = عادل 
جودي(بارتباك) = شكون عادل 
ياسين = للاسف عادل لي نتي تغرمتي بيه هادي 6 سنين و خطيبك السابق 
جودي ( طاحت فوق الكرسي ) = وهي مصدومة شنو لي خلاه اقتلهم 
ياسين = بابات عادل مفيوزي كبير و لكن داير شركة كغطي بيها كاندخل فشراكة معا اسماعيل و حتا عثمان و بغا استغلهم باش ادوز المخدرات لبلاد خرا و لكن اسماعيل كشفو و قدم مستندات للشرطة و خلال المداهمة مات بابات عادل و لكن عادل بقا حاقد علا اسماعيل تقرب منك نتي و خلاك تبغيه و لكن اسماعيل حماك و سافرتو بعيد للمكسيك بقا عادل حتا رجع القوة لي كان كمتلك باباه و بدا كهدد فاسماعيل كانحالف حتا ينتاقم داكشي علاش تفنن و هو كشوف فعائلتك و خوما كيطحنو 
جودي ( مصدومة و ماكادير حتا ردة فعل ) = كيفاش قدرتي تعرف هادشي كامل 
ياسين ( وهو خايف ) = سمحيلينا ا لبوس حيت خالفنا اوامرك و لكن 
جودي = قوليا كفاش عرفتو 
ياسين متردد = حنا هددنا عثمان 
جودي = باش هددتوه 
ياسين = حطينا قنبلة فلوطو ديال ولدو سيف بلا مايعرف و هددناه الا مادواش غانفجروها 
جودي = امتا درتو هادشي 
ياسين = لبارح 
جودي ( ناضت و ضربات ياسين علا وجهو حتا تخلعو جميع الحراص من قوتها و هزات صبعها بتهديد ) = اخر مرة دير شي حاجا بلا العلم ديالي كتسمع 
يوسف = جودي عادل ماكان مخلي وراه حتا دليل ماكان عندنا حتا حل اخر باش نعرفو الحقيقة كاملا 
جودي = يا خسارت تيقتي فيكم يا خسارة و لكن غاتعاقبو غي تسناو نسالي ليكم 
خرجات جودي فقمة الغضب 
''''''''''''''''''''­''''' نرجعو عند يوسف و ياسين ''''''''''''''''''''­''''''''
ياسين ( كمسح الدم لي خارج من فمو ) = ناري يا خويا ايدها شحال قاصحة 
يوسف = نتا لي ماكاتسمعش الهدرا ياك قلت ليك ماتجربش هاد الطريقة 
ياسين = و انا اش عرفني غا تعصب لهاد الدرجة 
يوسف ( كمسح علا وجهو ) =دابا بسبابك غانتعاقب حتا انا و الاكتر ماغاتسامحتاش 
ياسين = ههه ماشب غب انا و نتا لي غانتعاقبو حتا وائل 
يوسف = علاش 
ياسين = حيت هي وصاتو اراقبو و انا مني كلفت رجال لي تابعين ليا اخطفوه مانتابهو لوالو 
يوسف = هههه هي قول مشينا فيها كاملين ..... ....... يتبع من هنا