قصة هدوء ما قبل العاصفة : قصتي كوم 1
الكاتبة : حنان جميل
قصة هدوء ما قبل العاصفة : قصتي كوم
الجزء 1
فمكان منعزل و بعيد على الناس كاملين فتاة فمقتبل العمر فاعلى ديال المنزل ديالها دايرا نضارات شمسية كتخبي عيونها لي ملاتهم الدموع كاتراقت تحركات المد و الجزر للبحر
كانت الساعة كاتشير ل 5:30 من الصبح بدات كاتسلل اول اشعة للشمس مدات ايديها لساكها و جبدات الرسال لي لمدة شهر ماقدراتش تمسها كان مكتوب علا الغلاف ديالها" الى حبيبتنا جودي"
قررات جود تنزل حدا لبحر و تقراها سلتات صباطها و هودات بالحس باش ماتفيقش واحد الشخص لي غاتعرفوه من بعد بقات غادا واحد المد حتا وصلات حدا البحر لي كتسمع غي صوت الامواج جلسات و حطات حداها صاكها و صباطها و خدات الرسال حيدات نضاراتها و تنهدات و بدات كتقرا
'' جودي لحبيبة ديالنا الى كنتي كاتقراي رسالتنا ليك فاكيد غانكونو غادرنا الدنيا لعالم اخر بعيد على الغدر و الخيانة بغيتك تبعدي علا الطريق لي تبعنا انا و خوك اسماعيل نتي واعيا و بعقلك بغيتك تبعدي نتي و امير من داك العالم الموسخ و بغيتكم ترجعو المغرب حنا امنا ليكم مستقبلكم تما و وياك تحاولي تفتحي الدفاتر لقديمة حيت غادي دمري راسك بداك التصرف نتمنا تبعدو علا هنا فاقرب وقت نساي الماضي بصفة نهائية و ماديري تقتك فحتا واحد و امير امانة عندك و كاتنسايش بلي ختك امال و خوك اسماعيل كبغيوكم بزااف "
معا نتاهات من القراءة تقلب الجو و عم الضلام و الغيوم ماليا السما و شتا كتيرة و البحر اصبح اكتر هيجانا كعلن علا بداي الحرب و صوت الرعد مالي المكان وقفات جودي و هيا كاملا مليانا بالما كتشوف نضرة حاد فالبحر
جودي :سمحي ليا ا ختي و لكن المضي ولا بد اتكشف و تعرف الحقيقة باش ترتاح النفوس ماغانتهنا حتا نحقق العدالة الدنيوية لي مقدر حتا واحد احققها
قصة هدوء ما قبل العاصفة : قصتي كوم
الجزء 2
دارت هزات صباطها و صاكها و تجهات لدارها غي حلات لباب لقات ولد صغير فالعمر كدور و كقلب بمجرد شافها مشا كجري لعندها كان فعمرو12 سنة و هو امير امير ( معنقها ) ختي جودي فين كنتي خفت لا تكوني مشيتي كيف دارو ماما و بابا جودي ( تاترات بهدرتو ) امير انا عمري نتخلا عليك و حاجا خرا ماماك و باباك ماتخلاوش علينا و لكن الله بغاهم داكشي لاش داهم عمري نسمع منك هاد الهضرة امير : اوكي جودي و لكن كان صعيب عليا نتقبل اني فقدت ماما و بابا فوقت واحد ماعندناش حتا قبر لي نمشيو نزوروهم فيه جودي : ويي عارفا حتا انا ماكانش ساهل عليا نفقد الاخ ديالي و حتا ختي فوقت واحد ( كاتحاول تنسيه الموضوع ) يالاه نصيبو الفطور راني كتقطع بالجوع امير ( بابتساامة ) اوكيي يلاه اوا بينما صاوبو هاد جوج لفطور نعاود ليكم علا جودي هي بنت جدابة عينيها كحلين من سواد الليل كخليوك ضيع فيهم بشرتها دهبية شعرها طوييل اكاجو طويلة و طايتها مقادة فعمرها 23 سنة حاصلة علا الماجستير فالهندسة اما امير فهو الابن لوحيد لامال و اسماعيل و هوما كانو بمتابة الاخو لجودي نهار تزوجو تبناوها كان ديك الساعة فعمرها 8 سنين وليديها ماتو فحادت سير و بقات يتيمة رباوها و كبرات عندهم كانو كعتبروها ختهم الصغيرة و لكن تعرضو لحادت قبل شهر حادث لي كان غريب حيت ماعارفوش شكون القاتل لي طحنهم وصت السيارة ديالهم فالمكان المخصص للتخلص من السيارات و تغلقات القضية باسم مجهول لعدم وجود ادلة و لا حتا مشتبه به
قصة هدوء ما قبل العاصفة : قصتي كوم
الجزء 3
من بعد ما فطرو قررات جودي تمشي لخدمتها لي هملاتها هادا شهر من نهار موت امال و اسماعيل بالناسب هوما ساكنين بالمكسيك طلعات لبيتها جبدات سايا قصيرة كحل و ديباردور كحل مع قميجة تجين زرق و خلاتها مفتوحة دارت نضارات شمسية و جمعات شعرها كودشفال اما لمكياج فهيا من الناس اشد كرها ليه اصلا جمالها اخاد لبسات كونفيرسا زرقا هزات سوارت اللوطو و تيلي و توجهات الباب لي كان مقابل معا الصالون جودي ( وهي كاس دالما باش تشرب ) امير انا خارجا دابا و بلا مانوسيك بقا هنا بلا صداع و ماتخرش حتا نرجع امير ( كحاول اخبي حزنو الدفين ) اوكي ختيتو انا غانبقا هنا و لكن ماتعطليش حيت كانقنط خرجات جودي ركبات اللوطو و كسيرات لتجاه الشركة لي هي كانت ملك لامال و اسماعيل و شريكهم مسيو مارك و لكن كانو عارفين وتهم قريبة لهادا كتبوها باسم جودي و امير و اعتابرو جودي الوصية عليه حتال نهار لي يقدر اتحمل فيه المسؤولية كانت الشركة متخصصة فالهندسة اول ما دخلات جودي كلشي وقف مصدوم حيت طالت غيبتها توجهات اولا لمكتب مارك دخلات كيف العجاج مارك ( وقف مني شافها اه هو شخص فعقدو الربعين ) اهلا بلالة جودي طولتي علينا الغيبة جودي ( مشات جلسات ) وي عارفا و لكن مابقا والو و يتحلو جميع المشاكيل و لكن باقي خاصني ننهي واحد الموضوع لي غايبقا شاغل بالي مارك ( بابتسامة ) واش نقدر نعاونك جودي ( بامل ) ويي عافاك انا محتاجا المساعدة هاد الايام مارك (كتمنا ماطلبش منو داكشي لي فبالو) وي قولي جودي(ترددات و لكن تكلمات ) انا و نتا عارفين مزيان بلي امال و اسماعيل ماكانش موتهم حادت انما قتل متعمد مارك ( تلعتم فالهضرة ) اش كتخربقي ا جودي باليا موتهم اتر حتا علا دماغك
قصة هدوء ما قبل العاصفة : قصتي كوم
الجزء 4
جودي ( ببرود ماموالفاش كاتعامل بيه ) مارك انا مابقيتش ديك البنيت الصغيرة لي ماعارفا والو فهاد الدنيا انا لاحضت التصرفات الاخيرة ديالهم كما انهم كانو عارفين راسهم غادي اتقتلو و دابا جاوبني بصراحة حسن مانعرف بطريقتي مارك ( باستسلام ) اوكي لي بغيتي و لكن انا مانقدر نقول ليك والو غنعطيك غي راس الخيط و عليك نتي تكتاشفي و نتمنا ما تندميش علا هاد القرار ديالك حيت غايكلفك حياتك و انا مابا غيش نشوفك مدمرا جودي ( بدون مبالات لهدرتو ) غي عطيني هاد راس الخيط و الباقي عليا و ماتخافش زمان علمني كفاش نحارب مارك ( جبد ورق و ستيلو ز كتب شي حاجا فيها) هاد الورقة حيت بدايه بحتك نتمنا ليك التوفيق جودي ( خدات الورقة و وقفات باش تمشي ) شكرا بزاف علا مساعدتك ليا و ضارت باش تخرج من بعد ما خرجات مارك ( كدوي معا نفسو ) يا رين ا جودي تراجعي علا قرارك حيت بمجرد تفتحي دفاتر الماضي غتفتح معاها ابواب جهنم و ماتاهات ماليها نهاية ☆☆عند جودي ☆☆ كانت كاتسوق السيارة ديالهاو كانها فحلبة سباق و كاتفكر '' انا جودي الفتاة لي فقدات وليديها بلا حتا بلا ماتودعهم الفتاة لي ماكادكرش وجههم انا نفس البنت لي قصات فالخيريات حتاتعرفات علا الشخصين لي نقدوها من هاد المستنقع و خلاوها تعيش احلا سنوات حياتها ولكن الموت كتلعب معايا لعبة حقير ديما كاتفوزني فيها ولكندابا غاتبدا حربي الباردة لي غاتكون مجرد هدوء قبل العاصف لي غاتهب و دمر اي حاجا او اي واحد ف طريقها غاندم هادا لي حرمني من عائلتي و يتم طفل ( فديك اللحظة نقلب الجو و كان الشمس اخدت اجازة طويل الامد باش تخلي مكانها للغيوم لملاة السماء يصرعة خيالية و بدات الامطار كتساقط بواحد الغزارة ملها مثيل بتاسمات جودي ابتسام سخرية و هي كاتسوق ) بحالا الجو كعلن علا بداية انتقامي الان ........... واصلات جودي طريقها حتا وصلات لدارها و لقات امير فحالة اسوء من الحالة لي كان فيها مني يلا ماتو واليديه كان متاخد واحد الركن و واخد وضعي الجنين جودي خافت عليه بزاف و قربات ليه كان كامل كترعد قربات حداه بغات تحط ايدها علا راسو و لكن هو بعد عليها عرفات بلي رجعات ليه نفس الحالة لي كانت خايفة منها حيت هو تصاب باكتئاب بعد موت واليديه و واخا العلاج باقي مرة مرة كترجع ليه و كولي منعازل و خايف من كلشي و كهلوس امير ( مزال كترعد و كامل كتعرق )ختي ختي جودي انا انا شفت ماما و بابا ش شفتهم دابا و كانو مقلقين مني و مشاو و خلاوني وخا عافييني كانخافمن ظلام و صوت الرعد و لكن هوما مشاو مشاو مابقاوش كبغوني جودي ( معنقاه و كارزا عليه ) ششش صافي تهدن تهدن نتا قوا من هاكا و هوما ديما غايبقاو كبغيوك ☆☆ داتو جودي لبيتو و مشات دغيا وجدات ليه غداه و شرباتو دواه باش اتهدن و نعس و بقات معاه حتا نعس خرجات و سدات البيت تفكرات الورق و دخلات لبيتها هزاتها و حلاتها ولقات فيهااسم واحد و هو راس الخيط
قصة هدوء ما قبل العاصفة : قصتي كوم
الجزء 5
"عثمان الفارسي " كان هادا هو الاسم الوحيد لي خاصو يوجه جودي لشكون السبب في موت عائلتها و تمكن من انتقامها هزات الهاتف ديالها و دوزات واحد الرقم ........الشخص: اهلا اهلا و اخيرا تفكرتينا اش خبارك و كي بقيتي جودي: بحال ديما هاني كانحاول نتاقلم جاك عندي ليك واحدالطلب جاك: نتيامري و انا نفد جودي: عندي اسم واحد و فرصة وحدا بغيتك تلقا ليا هاد الشخص جاك: هادشي لي كطلبي نتي ساهل تسناي شويا شويا و عاودي تاصلي بيا بعد ساعة جاك: عرفتي هاد الشخص لي نتي باغاه دو جنسية مغربية و رجل اعمال و لمعلومات الاخرى عليه غاتلقايهم فالايمايل لي غانسيفط ليك فالليل جودي: اوو يعني غاندير الصواب الى مشيت المغرب جاك: جودي نتي كتر من ختي الصغيرة داكشي علاش كنصحك تبعدي علا اي حاجا فيها الخطر عليك نتي و امير حاس بلي ورا هادشي شي حاجا اخطر جودي==ماتخافش انا غندير غي الصواب يلا نخليك دابا و قطعات عليه و فداكالوقت باقا الغيوم ماليا السما و شتا كتمطر بغزارة وقفات جودي امام النافد و بقات كتامل فحالتها كفاش كانت بنت ناشطة و بعيدة لا المنطق عايشا غي باش تفرح و كيفاش تحملات مسؤولية طفل و تقلبات حياتها =============نمشيو لمكان بعيد علا المكسيك و بالضبط فالمغرب =========== فمكتب راقي من فيلا فخمة رجل خمسيني( عثمان) جالس فوق الكرسي و مقابلين معاه ولادو الاول و لي هوالكبير (كمال ) والصغير ( سيف الدين ) كمال : بابا شوف هاد ولدك علاش كقلب دخلناه للشركة علا اساس اسيرها و تخيل مني مشيت اش لقيتو داير جالس معا السكرطيرة فواحد الوضع مخل بالحياء عثمان ( بصرامة و صوت كخلع اي واحد )سيف واش ماناويش دير عقلك اولا شنو سيف الدين ( كلعب ف تيلي ديالو و كدوي بلا مبالاة ) اوو انا درت غي خدمتي شتي كشفتها ليكم بلي مجرد بنت الزنقة غي اللي جا تلسق فيه كمال ( كحاول ابرد علا راسو ) واش ا خويا سيفطك تخدم و تخليني نرتاح شويا و لا دير ليا تقييم للعمال ترجل معايا شي شوي سيف ( شاف فخوه و باقي التيلي فايدو ) علا ماني مابنتش ليك راجل و الا بغيتي نسيفط ليك حتا تقرير من انجاز هادوك لي دوزت معاهم الليلة اه و حاجا خرا انا عندي خدمتي و ماباغيش خدما خرا عثمان (وقف و درب ايدو معا المكتب ) سييييف يكون فيك شويا ديال الاحترام و اخر مرا اتعاود هاد التصرف و واخا خدمتك خاصك تقابل شويا شركة لي ليك حق فيها سيف ( وقف و هز تجكيطة ديالو و تحنا بحالا كدير التحية للملك ) طلباتك اوامر جلالة الملك امكن ليا دابا نصرف ( و تم خارج ) كمال ( تافف ) اللهم طولك ياا روح مع هاد الولد مافهمتش علاش ماحاملش اخدم معانا فالشركة عثمان ( كقلب شي وراق ) نتا لي مصر انه ادخل للشرك واخا عارف بلي مشغول بخدمتو كمال = وي عارف و لكنالشركة ديالو حتا هو و خاصو اعاوني فيها نعرفكم علا سيف الدين هو شاب فعمرو 28 سنة وهو الصغير عينيه عسليين و شعرو بني غامق دو جسم رياضي اخاد و شخصية مرحة و لكن فمواقف ككون صارم ككره الخدمة فالشركة و باغي استمتع بحياتو فقط واخد مرتبة رقيب و ميغركمش هاد التصرف لي دار دابا لي بينو مستهتر حيت فالخدمة كولي جدي لاقصى الحدود
قصة هدوء ما قبل العاصفة : قصتي كوم
الجزء 6
========عند جودي ======== من بعد ما فتحات الامايل ديالها لقات جاك مسيفط ليها الملف علا عتمان و عرفات بلي كانت كاتربطو بامال و زوجها صداقة قوية و حتا شراكات فالعمل يعني احتمال انه يكون هو القاتل بعيد كل البعد سدات جودي الحاسوب ديالها و كملات نهارها مشات قطعات البيي ديال الطيارة للغد و دازت لشركة قادات الامور و جمعات حوايجها هي و امير فصباح فاقت وجدات الفطور فطرو فجو كامل صمت حتا نطق امير امير=جودي واق غانستقرو تما للابد جودي ( هزات راسها و بتاسمات)=نو غانقدي غي شي شغال و نرجعو امير ( ككمل ماكلتو بكل هدوء) = كتقلبي علا شكون قتل والديا ياك جودي ( تصدمات و وحلات ليها ) = اش كاتقول امير = انا ماشي صغير عارفاني كانقدر نستوعب اي حاجا كادور بيا عارفك فاش كاتفكري ناض امير من فوق الطبلة و خلا جودي حيرا فامرها و فهاد الشاب لي كايفهم اي حاجا كدور بيه و دكاءو كبير بزاف كخليك ضن انك كاتعامل معا رجل من بعد ما سلاو توجعو للمطار مرت رحلتهم بسلام الا ان وصلو للمغرب كانت جودي كتعرف المغرب مزيان حيت كانو مستقرين فيه قبل اول ماخرجومن المطار لقات جودي فاستقبالها واحد الشخصين لي ماكانتش متوقعاهم جودي ( بصدمة و عيون مليانا دموع ) = ن نتوما اش كاديرو هنا علاء= ياك ا لالا ماكانتيش باغانا نجو ميساء (بعيون دامعا ) =ياك ا ختي كنتي ناويا تجي و ماتعلميناش جودي ( غلبوها دموعها ) = لا ا ختي و الله غي مايغيتش نشغل بالكم ميساء ( فاتحا درعانها ) = و ماناوياش تعنقي ختك جودي ( تلاحت عليها عنقتها ) = اهئ اهئ توحشتك بزاف كون تشوفو شحال قاسيت هاد الشهر الاخير علاء = وانا زعما ماداخلونيش فهاد العناق جودي = علا حنا نسخاو بيك الحمق ( و دارو عناق جماعي ) امير =احم احم انا هنا واقيلا نسيتوني ميساء (شافت فيه ) = جودي شكون هاد البوgوس لي معاك ا ختي جودي( كتشوف فيه بحب ) = هادا ولد امال واسماعيل علاء (تصافح معا امير ) = وا كبرتي علا اخر مرا شفناك ميساء= اهئ اهئ كشبه بزاف لاسماعيل و كانه نسخة مصغرة عليه علاء( كقاوم دموعو ) = يلا يلا خلونا نمشيو لدار جودي = نو انا و امير غانمشو لاوطيل علاء(بصرامة) = زيدي قدامي وسكتي نعرفكم علا علاء و ميساء هوما خوت توام ولاد عم اسماعيل فعمرهم26 و فنس الوقت هما الاصدقاء المقربين لجودي و لكن مني صافرو قبل 5 سنين للمكسيك قل التواصل بيناتهم
قصة هدوء ما قبل العاصفة : قصتي كوم
الجزء 7
مشات جودي و امير معا علاء و ميساء لقصر العائلة بمجرد ما وصلولقصر العائلة لقاو فاستقبالهم العائلة كاملا و لي كايتراسها الحاج و هو جد اسماعيل الحاج= و اخيرا جيتو توحشناكم جودي و امير مشاو عنقوه جودي =ياك غي هاد الشهر كنتي معانا امير = جدو توحشتك بزاف الحاج = حتا انا مصطفى = و انا ماتوحشتونيش امير (تلاح عليه عنقو) =جدي توحشتك '''' اكيد تلفتكم المهم غنعطيكم العائلة كاملا لي كايتراسها- الحاج و الحاجة وكاين ولدهم -مصطفى مراتو ماتت و هو الاب ديال اسماعيل الله ارحمو -وكاين مراد و مراتو امينة ولادو هما علاء و ميساء -و اخيرا محمد و مراتو غاليا اب لمرام و رضا و علي """"" كملات جودي السلام علا العائلة و من بعد ما رتاحو الحاج طلب من جودي تمشي للمكتب ديالو و كانو تما ولادو دق دق دق الحاج= دخل جودي = وي الحاج طلبتيني الحاج= وي بنتي تفضلي جلسي مصطفى ( اب اسماعيل ) = المهم ا جودي حنا عارفين بلي امل و اسماعيل خلاو ليك الوصية علا امير و هو حفيدي مابغيناش نتفارقو عليه و نتوما بجوج امانا عندنا لهدا هدي هيا داركم جودي = و لكن محمد (عم اسماعيل ) = ماكاين ما و لكن مراد ( عم اسماعيل ) =وي عندهم الحق هادي هيا داركم نهار جابك اسماعيل عتابرناك بنتنا كاملين و امير حفيدنا كاملين لهدا هنا غاتبقاو جودي (باستسلام ) = اووكي لي بغيتو الحاج ( بفرح) = الله ارضي عليك وجد العشا و هودات لقات الكل مجموع كتسناو فيها تعشاو فجو مليء بالهدوء و بعد العشا مشا الحاج و الحاجة و ولادهم و امير انعسو بقاو غي الشباب علي (ولد محمد 27 وسيييم ) = بفففف الملال الدراري رضا (ابن محمد 25 سنة بوكوس) = اش بان ليكم نخرجو للجردة و نلعبو ميساء (بنت مراد ) = ويتك ويتك علا الوليد الصغيور مرام (بنت محمد ) =رضا خويا باليا حتا كبرتي عاد خاسنا نرجعوك الحضانة جودي = دراري هنونا خليونا نخرجو لشي بواط علاء (ابن مراد ) = شناهوا لا نتي حماقيتي علي = مالك ا خويا معقد خلينا نفوجو و اصلن الدريا يلا جات بغات تخرج رضا = انا بعدا غانمشي علاء= امري لله و لكن الا حصلنا نتوما سباب ميساء = و غا زيد ا صاحبي طلع كل واحد لبس و هبطو جودي و علاء و ميساء مشاو فلوطو و مرام و خوتها رضا و علي فلوطو خرا حتا وصلو لواحد البواط فخمة و بحكم دراري من لكليان المعروفين دغيا دخلو خداو بلاصة بعيدة و جلسو غي وصلو علي و رضا كل واحد ضبر علا قرطاسسة و مشاو ارقصو مرام ناضت كترقص هيا و علاء بقات غي ميساء و جودي ميساء = جودي انا وياك دابا غي بوحدنا ماتكدبيش عليا شنو لي خلاك ترجعي جودي = والو غي قررت نجي لواحد الفترة علا قبلي و علا فبل امير باش انسا شويا ميساء ( بعدم تصديق ) = اممم مزيان جودي = شويا و نرجع غانمشي للحمام وصلات جودي للحمام و دخلات سدات عليها و كتفكر فحياتها و هادشي لي مقبلة عليه سلات وجهها و رجعات عندهم لقات كلشي تجمع و علي معاه واحد الشخص
قصة هدوء ما قبل العاصفة : قصتي كوم
الجزء 8
لقات كلشي تجمع و علي معاه واحد الشخص علي = جودي كنقدم ليك صاحبي و زميلي فالعمل سيف الدين الفارسي - سيف هادي جودي فرد من العائلة جودي ( اووو نفس النسب ) = احم احم مشارفين سي سيف سيف ( وااو علا ملاك هادي ) = الشرف ليا انسة جلسو كاملين فوق الطبلة و قررو اقلبوها لعب رضا = دراري علاش منلعبوش Action ou vérité ميساء = اللهم طولك يا روح ماعرفت هاد التبرهيش منين جاك علي = علا مافخباركش ورتو منك علاء = علي خلينا ساكتين ا علي و لا نفضحك شكون البرهوش هنا ( و غمزو ) جودي = اححح علا الاسرار غي كايتشتتو علي ( بارتباك ) = لا والو والو غي كيضحك جودي = اح فيكم عليا انا ماتنساوش راني كابرا معاكم و حافضاكم يلا غي زيدو نلعبو سيف = انا نبدا علي ( حابس الضحك حيت عاق بيه معجب ب جودي) = العميد باغي العب سيف ( عفط ليه علا صباطو و دار ليه ضحكة صفرا ) = سكت ولا علي = صافي صافي هاني ساكتدور سيف القرعة و جات فسيف و مرام مرام = امم سي سيف حقيقة و لا حكمة سيف = حكمة مرام = هههه ما ختاريتي غي الموجود و لكن غانعطي لواحد الشخص احكم عليك حيت حسن مني جودي الكل = اووو مشيتي فيها جودي = نوو هاد المرة غانكون ضريفة حشوما من اول لقاء نخلي انطباع خيب عند السيد سيف= غي قولي ا لالا مستاعد جودي = اوكي سمع مزيان وراك كاينا بنت جالسا و قدامها دري اخر غدفعو من اللور حتا يطيح عليها و الكمالا غاتكمل بوحدها ميساء = هههه باقا شريرة بحال ديما سيف (تنهد ) = امري لله (مشا دار داكشي لي قالت ليه و نيت الدري طاح علا البنت ) جودي = و دابا شوفو اش غايجرا الدري لي طاحما عرف باش تبلا و كلشي كضن بلي دارها بلعاني و كتحرش بيها جا خطيبها و طحنو عصا حتا مابقاش كقدر اوقف الولد= والله ا خويا ما درتها بلعاني خطيب البنت = يكككت انا نوريك تقرب لخطيبتي ( و كمل ليه لي خاص) رضا ( شاد كرشو بالضحك ) = ههههه اميمتي علا مجرمة هههه سيف = حشوما شوفي دابا الدري كولات حالتو علاش درتي هاكا جودي = من صباح و هو كغمز فيا و انا عطيتو علاش كقلب بلا مانعدب راسي مراام =هههه لا نتي و الله حتا اتخاف منك جودي = دورو دورو وسكتو دوروها و جات ف جودي و علي جودي = غي سؤال علي = اوكيي اكيد نتي تصاحبتي شي مرا علاش تفارقتو جودي (حدرات راسها و كدوي بحزن ) = كنا كانبغيو بعضنا بزاف بزاف و لكن هو خلاني نهار الخطوبة كنت كانبغيه كتر ما تسورو و هو غدرني معا من معا صاحبتي سيف (جاتو الضحكة ) = ههههههههه رضا (خنزر فيه ) = صافي ا جودي مايبقاش فيك الحال امشي واحد و يجو 10 مرام (دمعو عينيها ) = صافي ا ختي انا حاسا بيك سيف ( عينيه دمعو بالضحك ) = هههههههههههه وا ههههههه علي = سيف حشوما باراكا دريا مسكينا غاتبكي و نتا كاضحك سيف ( كمسح دموعو ) = والله ا علي حتا كانشك بلي نتا ضابط ممتاز ز ماقادرش تعرف وحدا كاتكدب جودي ( مابقاتش قادرا تحبس بالضحك و هي تفركع بالضحك ) = واااع هههههههههه وايني راكم سطولا دغيا تيقتوني ( و بقاو كضحكو هيا و سيف في حين الكل مصدوم ) علي ( ضربها لراصها ) = ماناوياش تحيدي هاد التبرهيش خلاص خليتيني نبان حمار جودي= نتا غي حمار و سكتي علي (شدها من ودنها ) = نعام نعام جودي = اي اي لا غي كنت كانقول بلي نتا زوين و ظريف و بوكوس و الف وحدا تمناك الكل = ههههه كولورادر هايدا صباغا زينا مضخما
قصة هدوء ما قبل العاصفة : قصتي كوم
الجزء 9
من بعد ما كل واحد مشا لبيتو جودي مشاتطلات علا امير لي كان كيف كل مرا كحلم بكوابيس خيبا بزاف جودي = اووف خاصني دروري نقنعو بطبيب نفسي مانقدرش نشوفو كل مرا كتعدب هاكدا قلبي كضرني عليه '''''' امير ( وهوغارق فكوابيسو كيف كل مرا ) = لاا عافاكم ماتمشيوش و تخليوني '''' سدات جودي بيتو توجهات لبيتها باش تنعس فالصباح الباكر ناضت كيف عادتها باش تمارس الرياضة و كيف ديما لبسات ملابسها الرياضية و دارت كسكيط لي ماكاتخليش وجها يبان و كيت لي مشغلا فيه اغنية صاخبة و بدات كتجري حتا وصلات لحدا لبحر و بدات كتشوف فيه بدات كتقرب حتا جلسات فوق الرملة و سدات عينيها و تفكرات احلى ايام حياتها ''دكرييات الماضي قبل سنتين '' امال (وقفا عند بداية دروج و كتعيط ) =جووووووديي امييييير اجيو نزلو اميير ( نازل بصرعة ) = ماما دوي معا جودي اسماعيل ( داخل معا الباب الرئيسي لي مقابل معا الدروج حط السوارت فوق واحد الطبلة ) = ههه ماناويينش تساليوو من حماقكم جودي = ماشي انا هو لي هز طابليت ديالي اسماعيل ( معنق ولدو و كدوي ) = ههه مابقيتيش تهزها ليها تقدر تكون مخبيا الاسرار تما امال = اسماعيل الله اهديك بعد منها اسماعيل ( جر جودي لعندو ) = هههه مانقدرش نفرق بنتي و ختي الزوينة امال = ههه غا نبدا نغير جودي = لا ماكاين لاش تغيري واش عارفين بلي نتوما السبب الوحيد لي مخليني عايشا '' الحاضر الاليم '' مافيق جودي من سهوها غي واحد الشاب سيف = هيهو فين كنتي ساهيا جودي = ساهيا فالدنيا كيفاش تبدلات علينا سيف = امم كبان ليا هازا فقلبك بزااف واش نقدر نجلس حداك جودي = لك كامل الحرية هادا مكان عمومي سيف ( جلس و موجه نضرو للبحر ) =وراك اسرار كتيرة و عينيه كخبو حزن كبير جودي = مكنتش عارفا راسي جالسا معا خبير نفسي سيف = لا غي كنقدر نقرا لغة العيون جودي ( شافت فيه ) = اممم و شنو كبينو عيوني دابا سيف ( تايه فعيونها الكوحل لي كعطوك احساس بلي تايه وسطهم ) = عينيك كبينو بلي نتي ماحاملاش الجلس معايا جودي = ههه لا غلطتي و بزااف سيف = الا كنت كل مرا غادي نغلط باش توريني ضحكتك الزوينة انا مستاعد نغلط ديما جودي ( وقفات ) = امم سي سيف حرقتي المراحل ماغاديش نتجرف بلسانك لحلو ( غمزاتو ) الله اهنيك هاد الساعة ' مشات جودي كتكمل جري ديالها بينما سيف بقا مقابل لبحر اللي كتحرك سيف ( موجه كلامو للبحر ) = اوو صاحبي لعزيز نتمنا تكون نوحشتيني كيف توحشتك شتي هاد البنت اش دارت فيا (كحرك شعرو بحركة من ايدو اللي كدل علا انه متوتر ) سحراتني من اول نظرة و لكن وراها اسرار خاصني نعرفهم عارف ا صاحبي بلي غاتقول بلي انا حمق و مبقا ليه والو و يموت و مزال كفكر فناس خرين و فحياتهم و لكن انا هكا باغي نكمل حياتي عادي حتال نهار اوصل اجلي ( وقف ) كنودعك دابا الى لقاء اخر دار تجاكيط فوق كتفو و كمل طريقو الزوينات ديرو عقلكم راني كنكتب و كاتلوح فنفس الوقت لي غادي تبدا تنتقد بلا ماتقرا من اللول
قصة هدوء ما قبل العاصفة : قصتي كوم
الجزء 10
جودي رجعات لدار دوشات و لبسات جمعات شرعها و خرجات بلا فطور خدات لوطو من نوع ااودي من البارك ديال القصر خدمات محدد المواقع و نطلقات نحو قصر امبراطورية الفارسي بمجرد وصلات حلو ليها الخدم و دخلوها لمكتب عثمان الفارسي بقاتكتفرجفالديكور لمتقون لهادالمكتب حتا دخل اليد عثمان عثمان = السلام بنتي جودي = انا جودي العامري عثمان = واش نتي من عائلة العامري جودي = تقدر تقول تقريبا ( توجهات بخطا تابتا نحو النافدة و عطاتو بالظهر ) عثمان = وضحي كتر اش علاقتك بيهم جودي ( بنفس الوقفة و ايديها ورا ظهرها ) = انا اخت اسماعيل بالتبني عثمان ( بتوتر ) = شكون اسماعيل جودي ( دارت و كتغوت ) = اسماعيل العامري لي تطحن هو و مراتو امال و اللي تغلقات صد مجهول و مقدرتش ناخد ليهم حقهم عثمان = و شنو لمطلوب مني دابا جودي = انا عارفا بلي كاينا شي قديا تما و بغيت نعرفها عثمان = سمحي ليا و لكن مانقدرش نعاونك و من الاحسن ليك تبعدي علا هادشي حيت هادي دواما خطيرة عليكك جودي = امكن ماعارفش اش فايدي ندير نقدر نضمر فاي لحطة هادشي كامل اللي بنيتي و اعتبر راسك من ليوم ضمن اللائحة السوداء الا تراجعتي علا قرارك و مابغييتيش عداوتي ها رقمي ( يلا بغات تخرج و هو ادخل سيف ) سيف = انسة جودي اش كديري هنا بابا واش كاتعرف هاد البنت جودي = اووو نتا ولد السيد عثمان هه نخلي باباك اشرح ليك نخليكم دابا خرجات و خلاتهم ____ من بعد ما مشات ________ سيف = بابا فين كتعرفها عثمان شاد فراسو = عافاك ا سيف ماقادرش ندوي خليني عليك سيف ( كاره الوضع ) = واخا ابابا واخا ( و خرج....... يتبع من هنا
ليست هناك تعليقات