قصة أربع شباب مغاربة يبحتون عن عمل - الجزء 2 -

قصة أربع شباب مغاربة يبحتون عن عمل

الجزء 2

كانت ديك الساعة العشرة ديال الليل،تجمعنا فواحد لقنت ..وقفت حدا مصطفى واخة معندو عقل،ولكن كنبغي نعول عليه فبحال هاد لمواقف لانه هو لي قاري فينا،قلت ليه أنا راه معجبنيش هادشي جاوبني بشوية : واصاحبي ،ومالك هاكدا داير،السيد كيبان عليه عادي نسمعوه اش بغا بعدا ونشوفو! قلت ليه : صافي واخة شافينا كاملين،قالينا: عندي ليكم واحد لخدمة،غضربو فيها ايديكم...ساهلة ماهلة! قلت ليه : ولكن ڭولينا سميتك بعدا! شاف فيا وضحك : سميتي لمعطي...دار عند الدراري : كيما قلت ليكم ايلا درتو هاد لخدمة غضربي ايديكم جاوبو أنس : كيفاش نضربو ايدينا،زعما عطينا شحال ديال لفلوس غنتخلصو وقولينا اش غنديرو،طلقنا الشاف للفراجة! تساخرت أنا للور،وماعجبنيش لحال،هاد الدخلة لي دار لينا هاد خينا ماشي حتال تما...ودرت بحال الدراري،تبع الكداب حتال باب الدار.. واخة أنا غنشرح ليكم كلشي، واحد السيد مهم،ولاباس عليه،مشات ليه شي حاجة مهمة....ايلا قدرتو تجيبوها مليون ونص للواحد،ايلا وافقتو غدا مع 9 صباح نتلاقاو هنا ونشرح ليكم،ايوا اش ڭلتو؟ هاه؟ بداو بزاف ديال الاسئلة كيدورو فراسي بغيت نسولهم ليه،ولكن الدراري غير سمعو مليون ونص للواحد بغاو يطيرو لسما،،،ودغيا بغاو يوافقو! جريتهم وبدينا كنهدرو بشوية والسيد من ورانا واقف كيتسنا فجوابنا الدراري،هادشي عندو فشكل وماكيدخلش للراس،وباينا فيه لمشاكيل وحنا ماخصناش.. ناض عادل قاليا : لا أنا خاصني،مالين الدار لي ساكنين فيها شي نهار غيلوحو لينا حوايجنا فالزنقة...وكيخاصنا مليون نفكو الرهن وهادي هي الفرصة ...أنا بعدا موافق ونتوما؟ جاوبو أنس : حتى أنا ماكاين لي يصرف على الدار وواقف على لفلوس كيتسالونا لكريديات،ومنكدبش عليكم شحال من مرة بسباب هاد الوضعية فكرت فالانتحار،اللهم هاد لخديمة مع هاد السيد لي جاب الله ولا نبقا ندور ! درت عند مصطفى : ايوا ونتا اش ڭلتي! دار عندي،قاد نضاضرو : أنا راه قلت ليه اه قبيلة،مسمعتينيش؟؟ لا مسمعتكش،حسيت بيه غيبدا يتفلسف وأنا نقوليه: اه اه سمعتك...ماعرفت الدراري منقول،،واخة نشوف هاد لخدمة واخة رانا مامرتاحش! دفعني أنس : تامالك كتهدر مع درية؟ مامرتاحش! ياكما واكل شي مصيبة ولا مفرج فشي فيلم هيندي ،شفتك رمنسي هاد النهار! ماجوبتوش،قالينا عادل : المهم نقولو ليه حنا موافقين دابا،وغدا يشرح لينا التفاصيل فاش نتلاقاو وايلا معجبناش لبلان،نقلبو 6 ل 9 ،،يالاه السيد نص ساعة وهو يتسنا! كلشي وافق،تافقنا مع السيد والليل كامل وأنا نفكر ونخمم! جا صباح مع 9 صباح كلنا كنتسناو فالسيد يجي...تم داخل كلشي وقف..جا ڭلس وقالينا : الدراري لاباس؟؟معليكمش لوقت هو الوقت وهادا اهم حاجة نبغيكم تحافظو عليها! كلنا جاوبناه : وا اشناهيا لخدمة ! بدا كيضحك : المهم،كيما قلت ليكم واحد السيد لا باس عليه تسرقات ليه واحد الديامُنْد،وبغا لي يقدر يرجعها ليه ،وايلا مشيتو حتى جبتوها كل واحد منكم ليه مليون ونص..... 

يتبع .....