قصة أربع شباب مغاربة يبحتون عن عمل - الجزء 3 -
قصة أربع شباب مغاربة يبحتون عن عمل
الجزء 3
أنا بقيت حال فمي : اش قلتي الشاف؟ ديامُنْد، نرجعو...مسروقة؟ جمعت لوقفة،جرني أنس : وريّح اصاحبي خلينا نفهمو! سولو مصطفى : علاش مامشاش لبوليس؟ زعما لي تسرقات ليه شي حاجة كيعلم لبوليس،ماشي حنا! تحنى شوية وقالينا قربو،تجمعنا كلنا عليه ،قالينا : ايلا كانت عندك مڭانة ديال الدهب مسروقة وتسرقات ليك غتمشي تعلم لبوليس؟ بدينا كندورو فعينيا..سولو عديل : يعني هاد السيد فلان فرتلان براسو سارق الديامند؟؟ غمض عينيه السيد، اه اوليدي... سولتو أنا : ايوا علاش مترجعهاش ليه نتا وتدي 6 لملاين ليك بوحدك! وعلاش حنا زعما! بقا ساكت : حاولت وماجبتهاش،،وقاليا هاد السيد لي خدام عندو ايلا مجبتش ليه الديامند فظرف 10 أيام يجري عليا من الخدمة،وأنا بحالي بحالكم تابعيني الدراري ولمرة والدار والمصاريف و...و..وبقا كيحسب علينا شحال حتى وقفو مصطفى،اه عرفناك عليك المسؤولية وكبيرة،ولكن علاش حنا؛وشكون لي سارقها ليه؟؟ شاف فعينينا : أنا كنجي لهاد لقهوة نخمم ونفكر فشكون يقدر يعاوني،وكل نهار كنت كنجي لهنا كنسمعكم كتشكيو لبعضياتكم،قلت علاش لا منڭولهاش ليكم،وايلا قدرتو ترجعوها تربحو فليسات تعاونكم على الزمان..اه مراتو لي سرقاتها ليه! كلنا شفنا فبعضياتنا،تفرڭعنا بالضحك!! اشناهيا ؟ مراتو؟ هه وعلاش هزاتها ليه هه وعلاش محتاج لينا حنا نرجعوها يمشي هو يهدر معاها قالينا : لا لقاتو مع شي وحدة ،ضاربو بجوج،طلبات الطلاق وطلقها هزات ليه الديامند وشي رزيق من لخزنة لي عندو فالدار وزادت! كلنا تكمشنا ورجعنا للور...قلت ليه : خويا هادشي عندك معقد ومرون،حنا غير دراري عآديين،هادشي راه جاني بحال افلام لميريكان،،،هزيت ايديا وقلت ليهم : الدراري هادشي ماداخلش ليا لراس كلشي دار فيا..سير دير كروسة وهنينا بقاو عليا بلهدرة حتى وافقت ،،دازت 3 أيام وجاب لينا لمعطي مول هاد لبلان 20 ألف ريال لواحد،،دراري فرحو وحتى أنا معاهم،بدينا كنمشيو للدار لي ساكنة فيها طليقة السيد لمهم كنعسو عليها،كنهندسوها..دازت 7 أيام جمعنا فيها ڭاع لمعلومات ،،وتافقنا جميع لغد ليه السبت بالليل ندخلو للڤيلة لي فيها الديامند ونسرقوها...داز نهار مبرزط عندي،،كاناكل غير بزز،،وماعرفتش علاش الدراري كانو فرحانين وغير كيضحكو،عند بالهم غيصورو شي فيلم ديال هوليود ،متحمسين ومندافعين لهاد لبلان.. وصلات 9 ديال الليل..تلاقينا فالقهوة ديالنا وحنا مستعدين ..لي ليها ليها، ياربحة يا دبحة...
يتبع....
ليست هناك تعليقات