قصة أربع شباب مغاربة يبحتون عن عمل - الجزء 5 -
قصة أربع شباب مغاربة يبحتون عن عمل
الجزء 5
طلقت داككشي لي كنت هاز كنقلب فيه : وتجمعنا على عادل : اش كاين تاني!جيت نشوف فايديه لقيتو محيد ليڭات! طلع ليا الدم : وصاحبي وفهم وڭلنا ليكم مابغيناش نخليو لبصمات ودابا لاش حيدتي ليڭات ! جاوبني بالنطرة : راه ديرونجاوني ومكنقدرش نقلب على راحتي،عطيتو لراس : واش جايين نرتاحو ،ايلا خرجت من هنا بعقلي غندير الزردة! جا انس : ودابا ڭول اش كاين! مد عادل ايديه: الدراري هادا الدوا ديال الديقة،لقيتو فلمجر هنا،واقيلا نساتو وهادا خاص ديما يكون مع مولاه،لواليدة عندها بحالو فيها الديقة،كيفولو ترجع دابا مولات الدار ! كولشي بدا يقفقف وأنا باغي نتف شعري : بديت كندور فبلاصتي ماعارف ماندير،قالينا مصطفى طفيو ضواو وقلبو من هنا ل15 دقيقة ايلا ملقينا والو نخرجو بحالنا! كلشي تافق : أنا تحنيت نقلب تحت الناموسية : لقيت واحد لبواطة كبيرة،جبدتها نقلب فيها لقيت دفتر ومعاه واحد الصنيدقة صغيرة،،حليتها وأنا حاس بلي فيها شي حاجة غالية لان شكلها فاخر! حليتها ولقيت وسط منها ديامند كتبري،غاية في لجمال..خدات الانفاس ديالي ..بديت كنقز فبلاصتي بالفرحة : الدراري دراري والله حتى لقيتها! كلشي فرح ويالاه نخرجو بحالنا ! يالاه حنا خارجين سمعنا التقرقيب،طليت من الشرجمپ ديال لبيت كتبان ليا الطوموبيل ديال مولات الدار واقفة : ناري راه رجعات! بدينا كنتخلعو : اش غنديرو دابا! قالينا مصطفى : غنتخباو وغنرجعو كلشي فبلاصتو كيفما غالبا هي راجعة تهز الدوا ديالها..راها ليوم معروضة كيفما قالينا السيد مول لهمزة.بقينا كنشوفو فبعضياتنا : صافي نتخباو !رجعت الديامند للصنيديقة وحطيتها تحت الناموسية،وكل واحد فين تخبا،،بغيت نتخبا حدا انس..وانا نتفكر نسيت لكتاب مارجعتوش ،رجعت بغيت نرجعو مع الديامند ،،كنسمع صوت خطوات حدا لباب ...
.. يتبع
ليست هناك تعليقات