قصة أربع شباب مغاربة يبحتون عن عمل - الجزء 6 -
قصة أربع شباب مغاربة يبحتون عن عمل
الجزء 6
بغيت نرجع لكتاب وأنا نسمع خطوات شي حد قريب لباب ..تزيرت وماعرفتش ماندير،شديت لكتاب وخبيتو تحت حوايجي ورجعت حدا أنس وكنا كنلهتْ! دخلات..وأنا وأنس جامدين فبلاصتنا وكنترعدو وخايفين لنحصلو...درت عند أنس كنهدر بشوية : ماحيدناش لميكات لي حطيتوهوم حدا لباب...أنس خرج عينيه وسد ليا فمي!وبقينا كنتسناوها تخرج وكنطلبو الله ماتكونش عايقة بينا! كنطل عليها من ورا الريدو ديال البالكون ليا ڭالسة فوق لبيرو ديالها وكتجبد شي حاجة من صاكها " احم واش غتخرجو بالخاطر ولا بلا خاطر" خرجت عينيا دار عندي انس : واش هادي كتهدر معانا حنا؟ بقيت أنا مصدوم وتشليت كلي!سمعت شي حد طاح ! طليت بان ليا مصطفى سخفان،مشات حداه وحطات ليه فَرْدي فوق راسو : غتخرجو ولا نصفيها لهادا! غرج عادل من لبلاكار كيجري : عافاك ماديري ليه والو.. خرجنا كنترعدو..شافت فينا كاملين : هه ماتقولوش ليا بغيتو تسرقوني؟ بقات كتضحك وحنا فينا لبكية ،لدرجة داز شريط حياتي قدام عينيا وأنا كنشوف فالفردي لي هازة فايديها،عمرني شفتو فحياتي،جبدات الريحة ورشاتها على مصطفى،حل عينيه شاف فينا وشاف فيها وعاود غيب،،تمنيت لو حتى انا نغيب بحال مصطفى ...بديت كنطلب فيها : ماتعيطيش لبوليس..مابغيناش ناديوك! ناض عادل بغا يزعم : عطينا صاحبنا ولاديامند ونخرجو بلاماندخلو فشي حاجة ماغتعجبكش! بدات كتضحك وانا وانس كنخنزرو فيه : واش باغي تخرج علينا! شافت فيه واحد الشوفة ..قلت مع راسي ندوز نتوادع مع الدراري،هادي غتقتلنا بداك الفردي لي هازة فايديها،بدات كتضحك : شناهي ؟ ندخلو فشي حاجة ماغتعجبكش؟ نتا؟ واش باقي مفهمتيش!راه انا هازة فردي فايديا ،الله يرحم باك سكتني،دارت عندي،شكون صيفطكم! ف دقيقة حطيت ليها كلشي من طاق طاق لسلام عليكم وبديت كنعاود ليها حتى على لوضعية ديالي انا ودراري . قالت لي وشحال خديتو فهاد البيعة وشرية! قاليها انس : مليون ونص لواحد شدات فكرشها وبدات كتضحك : هههه ولايني نتوما مفضيين،مليون ونص؟ لاعلاقة والله الديامند كتسوا نص مليار،لو كنت فبلاصتكم ناخد الديامند لراسي ونربح كلشي،دخلت عليكم بالله واش عندكوم شي عقل!قمة لغباء بالسيف ماتعرفو حتى تسرقو.. عادل كعا : الالة اش كتقولي،ماتسبيناش ! انس قاليا: هاد المكلخ ايلا مشدش فمو غادي يخرج علينا ! حدرت راسها : نتا مابقيتش غندي عليك..شفتي غير من دخلتو لداري ومشيتو لكوزينة كتبقشو فيها ورونتوها..الله يعطيكم الصحة وبعدا اش داكشي جامعين حدا لباب،محشمتوش داري ولات عندكم مارشي قلتو تسرقو الديامند وتديو معاكم التقدية،والله لاخليتوني غير كنشوف،متأكدين زعما جايين تسرقو هههه بقات كتضحك علينا...وتعاير فينا ولكن حنا نستاهلو،خصنا نحدرو الراس، على الاقل ماعيطاتش لبوليس! قاليها انس : شنو دابا ؟ جاوباتو : معرفتش واش نتسنا هادا لي على سبة حتى يفيق ولا نهضرو ونتافق معاكم ! قلت ليها : علاش غتافقي معانا! واخة حلو دوك لودنين وداك الدماغ ايلا داك السيد عطاكم مليون ونص لواحد اش بان ليكم نعطيكم 20مليون لواحد!يعني 60 مليون تقسموها بيناتكم،عندكم 10 دقايق ايلا ماوفقتوش هدرة اخرى وغنوريكم وجه جديد! ناض مصطفى : اه انا موافق! كلنا درنا فيه : نتا كنتي سخفان! هز نضاضرو : فالاول كنت سخفان فاش شفت لقضية حامضة قلت نبقا سخفان....
( الا مضحكتيش نبلوكيك يتبع..... )
يتبع
ليست هناك تعليقات