قصة أربع شباب مغاربة يبحتون عن عمل - الجزء 7 -

قصة أربع شباب مغاربة يبحتون عن عمل

الجزء 7

هز نضاضرو : فالاول كنت سخفان فاش شفت لقضية حامضة قلت نبقا سخفان بقينا غير كنشوفو فيه،هادا فاش غنخرج من هاد الدار غنمشي نقطع ليه الديبلوم لي فارع لينا بيه راسنا،هادا راه بوراقيه وعندو ديبلوم ديال لحماق،بغيت نوض ونعطيه سلخة ديال لعصا ولكن ماعليش نشوفو هاد 20 مليون شنو لمقابل ديالها! قالت لينا : لا لا باينا جايين تسرقو،بغيت نعرف كيف دار لخدام ديال السيد لي كنت مزوجة حتى ختاركم،كوانب ،شافت فعادل : ونتا بلاماتخنزر انا بعدا عقت بيه،الطريقة باش كان كيتنفس ديال واحد مخلوع ولكن نتوما ماكاديو ماكاتجيبو،الكن ماعليش ممكن تستافدو من الكلخ ديالكم وديرو معايا ايديكم ونعطيكم 20 مليون لواحد ! عادل ماعاجبوش لحال : واش خصنا نتيقو فيك؟ باينة باغية تغرقينا! جاوباتنا : نتوما اصلا غارقين،المهم غنعطيكم الديامند ديوها ليه،ولكن عطيوها شخصيا لراجلي سابقا وخودو مليون ونص و.. كلنا بدينا كنضحكو،قاليها عادل : والله ماكاين لمكلخ قدك وهادشي اصلا علاش حنا جايين،والدراري وهادي كتر من مصطفى! ضحكنا حتى شبعنا : قلت ليها : والله ايلا ضحكتيني،غتعطينا 20 مليون باش نتسماو سرقناك! بدات كتشوف فينا وحتى هي كتبتسم : ماغنشرحش ليكم علاش ولكن فاش توصلو الديامند عند " امين " راجلي سابقا بغيتكم تعاودو تسرقوها..! تاني تجبدنا بالضحك، انس : واش نتي واكلة شي حاجة؟وشديها عندك علاش نعاودو نسرقوها؟ كلشي جمع الضحكة : اجي ياكما باغيا تورطينا؟ !!ختي راه مفهمنا والو،ايلا بغيتي نديرو هاد التخربيقة خصكي تشرحي لينا،وبداي لينا بسميتك الله يخليك! حدرات راسها،مشات ڭلسات فوق البيرو ديالها : واخة،سميتي نسرين،راجلي امين كان رجل اعمال،شرا هاد الديامند غالية ومعروفة وخلاتو بلاعقل...بدا كيتخاصم معايا..وفاش عرفت انه كيخوني طلبت الطلاق،وفاش كنت كنجمع حوايجي نخرج من الدار لي ساكن فيها قلت نهز معايا الديامند،دخلت لبيت فين كيخبي الوراق والحوايج لمهمة،وسرقتها،وخرجت دغيا من لبيت خفتو ليجي ويحصلني دخلت لحمام درت راسي بغيت نجمع حوايجي من تما،يالاه بغيت نخبيها تحت حوايجي سمعتو جاي وأنا نهز لغطا ديال لاساش ولحتها تما..وبغيتكم دخلو لعندو وتجيبوها! نقز مصطفى : نتي كدابة ...ايصحابليك غنتيقو هاد الفيلم لي عاودتيه لينا بقيت مدهوش : ادن هاد الديامند لي عندك.. بتاسمت : اه مزورة وماشي حقيقية! اناس : قالينا صافي ساهلة ماهلة،،الدراري ... كيف لعادة الدراري تافقو وحتى انا معاهم،خرجنا من الفيلا ديال نسرين وتلاقينا مع 12 ديال الليل مع لخدام ديال امين قلنا ليه مغنعطيوكش الديامند فايديك،بغينا نعطيوها شخصيا من ايدينا لايدين السيد ديالك غدا مع ال8 الصباح .... 

يتبع