قصة أربع شباب مغاربة يبحتون عن عمل - الجزء 8 -

قصة أربع شباب مغاربة يبحتون عن عمل

الجزء 8

مابغاش فالاول ولكن منبعد قالينا واخة !دازت ديك الليلة طويلة،تجمعنا كلنا فالدار عندنا،وفاش بغيت نبدل حوايجي لقيت لكتاب عندي شديتو ولحتو فالخزانة مع خوتو،لان ماكانش عندي مع لقراية وماكانش فيا لي يقرا شي حاجة بقيت يالاه كنخمم مع الدراري فهاد لبلان! غدليه مع ال8 دانا لمعطي عند امين،دخلنا لڤيلا،قصر هادا ولا اش بغا يكون،بقينا حالين فامنا وكنشوفو .. دخلنا لواحد الصالة قد دارنا،جا دخل واحد لمفلعص،كيتبندر..بلا دخول وخروج فالهدرة،جبتو ليا الامانة؟ولا جايين معروضين! معجباتنيش طريقتو فالهدرة،لا سلام لا والو،دارت نسرين خير فراسها وطلبات الطلاق...مايستاهلهاش! قاليه مصطفى : اه جبناها،موجودة..ولكن باقين ماكملتيش لينا فلوسنا! بدا كيضحك اه جوج دريال غنعطيها ليكم،فينهيا؟ جبدتها من جيبي وعطيتها ليه،مد ايديه وهو مامصدقش،حل الصندوق : بداو عينيه كيبريو وهو كيشوف فيها،حسيت بيه مغرم بالديامند ! همس ليا انس : هانا غنود للحمام ! قاليه ماعليش ندخل للحمام؟ وتفاجئنا كلنا فاش رفض،،قاليه سير لداركم وسير لحمام..هز الديامند ومشا خرج من الصالة وقال للمعطي،عطيهم فلوسهم وماباقيش نشوفهم هنا! بقينا مصدومين وحنا كنسمعو اش قال،كلشي ضرب لينا فالزيرو،،كلنا مابقيناش راضيين بهاد لفلوس لي خدينا فهاد الصفقة،وكلنا عولنا على 20 مليون! خرجنا فحالنا،ومشينا عند نسرين!! قالت لينا دروري دخلو للڤيلا ديالو وتجيبوها!ليا ليوم ولا غدا ضروري...قبل ماتوصل 23 فالشهر لي حنا فيه دابا! قلت ليها علاش! قالت لي لان هادا هو التاريخ لي تافقت فيه مع واحد السيد بغا يشريها معندي! انا وليت منوم مغناطسيا لي قالتها ليا نسرين خاصني نديرها وبلا عقل..لانها بصراحة جمالها سحرني وايمكن اول مرة كنبغي بطريقة فشكل..قلت لدراري والو خصنا نجيبوها! تافقنا،وعاوناتنا نسرين بالتصميم ديال الدار..منين ندخلو ومنين نخرجو حفضنا التفاصيل ديال لڤيلا وواخة ماتساريناش فيها! دخلنا هاد لمرة وحنا فينا شوية ديال التيقة ومادرناش الشوهة ديال المرة لولانية،ولينا شوية محترفين...دخلت انا وانس وعادل ومصطفى كيطلو واش جاي شي حد! هز عادل لغطا وبدا كيقلب :مالقا والو..رشيد ماكاين والو..واقيلا هزها! قلت ليه : لا مايمكنش كيفاش غيكون لقاها وفنفس لوقت غيكلفنا حنا نجيبوها ليه،واقيلا هزها شي حد اخر ،حيد نشوف! بديت حتى انا كنقلب،قاليا انس : واقيلا كدبات علينا وبغات تورطنا!ولكن اش درنا ليها مفهمتش!هاديك راه شيطانة وبصاح حنا مكلخين لي تقنا فيها! شنقت على انس : متهدرش عليها هاكا،ماعندها مصلحة تغرقنا ،ايمكن هزها شي حد

.... يتبع