قصة كريم فالمدينة - الجزء 5

الجزء 5

كريم فاش سمع ديك الهدرة ماكملش حتى العشاء ديالو ، ناض لبيتو و بقى غا جالس و كيفكر ، امال واخا معصبة عليه و لكن كتبغيه يكون جالس معاهم فالطبلة و تيعجبها فاش تا يبقى يشوف فيها و هو كيسحابو غاعما عايقا بيه و فهمات أنه مقلق على ود داكشي لي سمع ، و فنفس الوقت عجبها الحال حيت عرفاتو مهتم بها و باغيها تبقى 

المهم بالليل كلشي ناعس ، كريم كان فكر مزيان و قنع راسو أن هادي هي أخر فرصة بقات ليه مع امال ، قال مع راسو هبل تربح و مشا عندها تال البيت ، و ماقدش يشعل ضو باش مايعيقو لخرين بوالو ، مشا تيفيق فيها و هي تغوت  !!!!!!!

ناضو واليديها جاو شعلو الضو هو تخبا فالماريو ، قالو لها مالك ، قالت لهم شفار دخل لعندي ، معرفاتش باللي هو مع كان الضلام ، ناري و هو قلبو بدا تدرب فالتسعين ، جاب الله خرج راسو من الماريو مع كان مقابل معاها و والديها عاطيينو بالضهر ، مع شافتو و هي تقول لهم لا را غير كنت كنحلم را غير مع فالسفر و داكشي أتر عليا ، من بعد ما قنعاتهوم مزيان خرجو من البيت و خلاوها تنعس 

جلسات فالفراش جا هو جلس حداها و بقاو ساكتين ، ماعرف باش يبدا ، المهم عاود ليها البلان كامل و عجبها الحال فاش قالها مابغيتش نمشي نشوف المعهد حتى تكوني معايا ، تا هي قالت ليه باللي دكشي د السفر دارتو غير باش تجربو شنو غيدير و قررو تبقى العلاقة ديالهم فالسر و مايعرفها حتى واحد من غيرهم 

يتبع...