قصة كريم فالمدينة - الجزء 15
الجزء 15
قربو يساليو التورناج ، و فاش كان كريم ، مروان و ملاك تيمثلو بعض المشاهد الأخيرة من الفيلم ، و بما أن امال ماكاتمثلش معاهوم ، ملات من التفراج فيهم بوحدها ، مشات كات دور تماك ، بعدات شوية و لقات واحد المشة حاصلة فواحد البلاصة التحت ، هبطات بغات تجبدو و هي تزلق بها رجليها و طاحت التحت ، تضرب راسها مع القنط ديال واحد الحيط !!
اللخرين كملوا ألتصوير ديالهم ، و تايضحكو ، شوية قاليهم كريم فين امال ؟!! قالوا ليه را غتكون غير كادور هنا و نتسناوها شوية دابا ترجع ، هو حس بشي حاجة واقعة لها ، بقاو تيتسناو فيها ، دازت قسمين...ثلث ساعة بداو كيتنواو...
دازت نصف ساعة و هو ينوض قالهوم راني متأكد باللي واقعة ليها شي حاجة ، حسيت بها و زيدون ما يمكنش تعطل هاد الوقت كامل ، و هي أصلاً عارفانا غانكونو سالينا قبيلة ، أنا غنمشي نقلب ، المهم إلا بغيتو تعاونوني يالله ، ما بغيتوش ، نتلاقاو فالدار ، أنا راه ما غنرجع تانرجعها معايا !!!
المهم مشاو تيقلبو بثلاثة ، و معا هي بعدات بزاف ما لقاوهاش ، مروان و ملاك حتى هوما دخلهوم الشك مزيان و قالوليه عندك الصح فداكشي لي قلتي
امال بقات طايحة تماك ماناضتش ، و واحد العائلة كانو كيتساراو فديك البلاصة و هي تبان لولادهوم امال طايحة '' ماما !! بابا !! واحد البنت طايحة التحت و واقيلة ميتة '' شافوها و تفاجؤو !!
المرأة خافت قالت لهم '' يالله فحالنا ماشي شغلنا '' و لكن الرجل قال ليها '' حشومة ، ما يمكنش نخليوها مليوحة تماك را تقدر تكون باقا عايشة و واخا تكون ماتت ، را غيكونو عندها واليديها و حبابها باغين يشوفوها واخا غير أخر مرة ، و تصوري كون كان واحد من ولادنا فهاد الحالة ''
هبط الرجل جبدها ، و معا امال خفيفة ، مالقاش صعوبة كبيرة باش يطلعها ، لقاوها مازال كاتنفس ، و داوها ركبوها دغية فالطوموبيل باش يديوها للسبيطار و المشكلة أنه تا لا كارط بقات طايحة تماك ما شافهاش الرجل !!
يتبع...
ليست هناك تعليقات