قصة كريم فالمدينة - الجزء 7

الجزء 7

خرج هو و وياها للزنقة مشاو ريحو فواحد القهوة و بداو كيفكرو فين غيمشيو ، قالت ليه بللي راه هزات معها الفلوس ، و يمشيو يباتو فشي أوطيل على قد الحال ، مشاو لقاوه و باتو فيه 

صبح الصباح 

و بما أن المعهد باقي ليهم تقريباً إسبوع باش يبداو ، قررو يدوزو واحد اليومين فالبادية ، مشاو شدو الطريق و مع الطريق طويلة داها النعاس هي على كتفو و بقاو هاكاك تا وصلو ، فيقها و بقاو غادين في الدوار اللي توحشو بزاف ، و هو غادي و كيسلم على الناس اللي كيعرف فطريقو ، و البرغاغات ضرهم راسهم معرفوش شكون ديك الدرية اللي معاه 

فاش وصلو فرحات بهم الأم ديالو و نيت شحال هادي ما شافتها ، تغداو ، نعسو ، و العشية خرج تيوريها الدوار ، رجعو بالليل تعشاو ، و مو طمئنات ختها على امال فالتليفون ، المهم نعسو بكري 

فاقو الصباح بكري هو مشا تيفلح مع باه ، و هي مشات مع مو تاتوريها كيفاش تيحلبو البقر و يسجيو الماء من البير...و عجبوهوم هاد اليومين اللي قضاوهوم فالبادية ، و اللغدليه توادعو معاهم و شدو الطريق و هاد المرة هو اللي داه النعاس 

وصل النهار الأول ديال الدخول للمعهد تقاد مزيان و مشات معاه حتى هي باش تشجعو ، و مشات حتى هي تاخد الدروس د الغنى اللي قررات تبقى تمشي لهم بشكل منظم 

و الأستاد د المعهد قسمهم لمجموعات ثلاثية باش على أساس كل مجموعة دير واحد المسرحية صغيرة ، و كريم جا معاه مروان دري باينا فيه ضريف ، و ملاك تيتيزا و لكن باينا فيها كاطير من المقلة 

يتبع...