قصة كريم فالمدينة - الجزء 9

الجزء 9

المهم فاش سالاو ، مروان قاليه نتا ساكن غي فالفندق و هاد اليامات ماغتكونش امال اللي كتونسك ، أجي بات معايا ، تانا را غير جالس فالدار ماكاين ميدار ، كريم عجبو الحال ، و أخيراً بدا تدير صحاب اللي يقدر يعول عليهم فالمدينة 

مشاو مع الدخلة لقاو باه فالصالون شاد واحد الماتش ديال الأرسنال عزيزة عليه و تيشجعهم من يامات البون و عايش معا الماتش ، باه خاوار ضريف و ضحوكي ، المهم جلسو تيتفرجو معاه و تيضحكو ، مشاو البيت شعل الPC و وراه كفاش يدير كلشي و صاوب ليه كونط فيسبوك ، دارو سمية امال و كنيتها و هي تخرج ليه ، صيفطو لها أنفيتاسيون ، و لكن للاسف ماكنتش مكونيكطية كانت جالسة الليل كامل حدا مها 😞

و قلبو على ملاك دارو تا هي سميتها و كنيتها و لكن ما لقاوهش ، المهم كلاو ضحكو تفرجو تكونيكتاو و سهرو و نعسووووو ، بقاو مجبدين تال الثلاثة د العشية مع مكانش عندهم المعهد اليوم ، كريم تخلع معمرو فحياتو ماناض فهاد الوقيتة 

العشية مشاو دارو المدينة كاملة و وراه شي بلايص عمرو ماشافهوم ، وشرا ليه تليفون و قاليه تتولي ممثل كبير و تردوا ليا إن شاء الله ، و قاليه التليفون هاهو بقات خصك غي النمرة ديالها دبا باش عمرها متفرقك ، كريم عجبو الحال بزاف ، فنهار واحد قدر يجرب شحال من حاجة جديدة ، تفرقو و رجع كريم الفندق تعشى و نعس 

صبح الصباح 

مشا للمعهد و مع وصل تلقى خبر وفاة الأب ديال ملاك ، و مشا تيقلب عليها . و امال من بعد هاد الغياب ، بغات تدير ليه مفاجأة و تمشي عندو للمعهد ، و فاش كان الأستاد ديال المعهد تيشرح لهوم ، هو شافها كاتبكي 

و فاش خرجو من المعهد ، امال بانليها , و يالله كانت غدية عندو و هو يبان لها مشا عند ملاك و بدا تيهدن فيها و ما بقى تا ضحكها ، و ملاك هي تعنقوا و قالت ليه راك وليتي عزيز عليا بزاف و نتا هو خوية لي ماولداتوش ليا ماما و تاهو قاليها تانتي ختي و إلا حتاجيتي أي حاجة أنا هنا 

و هو يجي عندهم مروان اللي كان تيشوف فيهم من بعيد '' أنا تانعاود ليك زعما عليها ، صدقتي نتا اللي بغي تديها ليا '' كريم مسكين يالله بغى يشرح ليه ، حتى معرف منين خرجات ليه امال قلتله '' أنا مشيت غبرت عليك غير يومين دغية بدلتيني ، ماصدقتيش '' و هو واقف مصدوم ماعرف لمن يشرح و ملاك تا هي حداه مافاهما والو 

يتبع...

ما رأيكم  !