قصة حبيبي البطل - الجزء من 81 إلى 85
طلعت لبيت دخلت بدلت حويجي لبست بيجامة قصيرة بشورط وطلقت شعريونزلت نشرب بان ليا يوسف متكي فوق الفوتوي وبداء النعاس كيجيه وراسو عوج كنت معصبة منو مي باق فيا ومشيت كنفيقو
انا:يوسف يوسف
يوسف:(حال عين وساد عين)حياتي
انا:نوض تنعس فبيتك رها راسك ايضرك
يوسف:يمحتي ليا
انا:(بستو فحنكو)اه نوض
يوسف:(جرني وعنقني)كنبغيك انا
مشيت شربت وطلعت مع يوسف بدل حويجو وجاء تخشا معيا فاالفراش درنا لبيتيز ونعسنا فقت مالقيتوش مي لقيت ورقة كاتب فيها "صباح نور احياتي انا غادي لخدمة الفطور رها وجدوه ليك الخدمات وجمعو الدار ونتي غير رتاحي ليا الاميرة ديالي كنبغيك "بتسمت ونط دوشت وخرجت نفطر ............
هكا حياتي معا يوسف ودغيا دازت 4 شهور دغيا انا فالدار ومرة عند عائلتي مي عمري بت برات الدار يوسف كيخدم كيجي مع 7 تاع العشية غير كيجي كنطير عليه بتعنيقة وهو ولفني غير ايجي نشنق عليه بالبوسان لوجه ويبداء ايضحك ملي كنكون مريضة كيبغي ايحماق ومكينعس حتى كنحل عيني فهدا 4 شهور شحال من حاجة ولات جديدة عليا فهذا التيام الاخيرة ولات كتجيني احلام غريب احلام عبارة عن تلات ديال الناس انا يوسف واحد البنت صغيرة يوسف كيبغي ايشدني فيدي مني مكيقدرش كنفيق بالغوط ويوسف كيخشيني فصدرو كيقول غير حلم مي حلم تاع كل نهار ...
اليوم الجو زوين فقت الصباح على اشعة زوينة وانا مبتسمة كنلقة وردة حمرة حد راسي وكنبتسم شميت ريحت الفطور ومشيت كنجري لحمام نرود حتى سخفت وانا نخرج نزلت بان ليا الفطور هزيت كاس ديال الحليب شربتو وكروصة ومشيت كنتفرج وصل وقت الغداء جات عندي وحدة من البنات سولتمي قلت ليها شلضة رغم عدم حبي لخضر الا انني تشهيتها اليوم بزاف تغديت وكمل كنتفرج حتى وصلت العشية طليت فالساعة لقيتها 6 مشيت دربتها بجرية بدلت حويجي لبست كسيوة الغوز معرية من الفوق وقصيرة بزاف درت مكياج متوسط وبرفن وشعري درتو على شكل ديل حصان هدي عادتي دما تقاد ويجي يوسف ويلقني مقادة بقيت نتسناه سمعت صوت سيارتو وانا نمشي غير بان ليا دخل وانا نطير عليه بتعنيقة هو هازني رجلي لويهم على كرشو ويدي مور عنقو
يوسف:توحشتني
انا:(مخشية راسي فصدرو)اه بزاف اللله شحال موحشاك
يوسف:ويلي لهادا الدرجة
انا:(بديت نبوس فكاع وجهو وهو بقا مدوم)توحشتك بزاف بزاف
يوسف:ليلى .
قصة حبيبي البطل - الجزء 82
انا:(بديت نبوس فكاع وجهو وهو بقا مصدوم)توحشتك بزاف بزاف
يوسف:ليلى
انا:عونتها
يوسف:(مبتسم)الا اتبقي يري ليا هكا انستقل من الخدمة ونجي نكلس حدك هه
انا:(عنقتو )لا والله الا توحشتك وريحتك واو شحال زوينة
يوسف:(باسني فعنقي)بدلتي برفان ديالك
انا:بصارحة داك البرفان الا شميت كنتقيا مبقيت حملتو
يوسف:كيفتتش ياك مامريضة ومخبية عليا كولي احياتي اصلن هدا الايام شفتك وليتي صفراء ومكتكليش
انا:لا غير فالصباح كنرد وكتجيني الدوخة هدا مكان
يوسف:حياتي فالصباح نمشيو عند الطبيب اوكي
انا:وخا تعشيتي
يوسف:لا
انا:يلاه نخرجو عفاك قنت فالدار
قصتي كوم
وفعلان مشينا تعشينا ورجعنا لدار وحنا ضحكين اصلان قليل فاش كنتخاسمو رجعنا مشيت رديت كاع العشاء وعاد نعست فقنا فالصباح تاجهنا لعند الطبيب لبشرنا بخبار حملي ويوسف لباعي ايطير من الفرحة انا مقادتني فرحة مي الطبيب قالت معردة الاجهاض نحول منجهدش راسي وفعلان داكشي لدرت غير متكية يوسف باغي ايطير من الفرحة حبنا زاد كبر ماما وبابا فرحو بزاف كيف لا وحفيداهم فالطريق مي لزاد كيوترني هو الحلم لكايجني كل ما غمضت عيني كنوض وكنغوط دغيا دازت سبع شهور وكرشي ولات كبيرة شوية يوسف ديما كيضحك عليا والمكالمات كتجني غير كنهز تيلي كينقول"الو "كيقطع هادشي كيقلقني اعصابي وحالتي النفسي سئ رغم انني مكنبغيش نبين ليوسف ولعائلتي الا انني كنبكي بوحدي غير خايف خوف كيمتلكني معرفت اشنو هو مي حاس بالخوف من الداخل ديالي خوف كيقتلني وكيسبب ليا البكاء كنمشي لدورات رياضية للحوامل اليوم الاحد وفنفس الوقت يوسف مخدماش لدالك قرارنا نمشيو نشيرو شي حويجات لبنتي اه نسيت الطبيب قال ليا عندك بنية يوسف كيقول ياربي تشبه ليا مي انا كنقول ياربي تشبه لبابها شحال من احلام بيناها على مستقبلنا حنا بتلات فقت الصباح بست يوسف وهو يحل عينيه درنا لبيتيز الصباحيا ومشيت دوشت وخرجت لبسة كسيوة طويلة وساعة على حساب كرشي وصندالة سنبل وشعري درتو كعكة ويوسف لابس سروال كحل وتشورت فالكحل وخرجنا متاجهين لمول اليوم الاحد ايكون عامر مي معندي مندير خرجنا ركبنا فالطموبيل ..
قصة حبيبي البطل - الجزء 84 - 83
ركبنا فالطموبيل حتى وصلنا لمول نزلنا وكنتمشوا بشويو ويوسف خاشيني فالصدرو بقينا كنقلبو فالبوتيكات تاع الدراري الصغار مي حرت اشنو ناخد وفعلان داكشي بقين كنقلبو يوسف عاجبو الحال وكيضحك انا بمجرد كنشوف يوسف تاير من الفرحة كنفرح خرجنا من تماك ومشينا لواحد ريسطورا تماك تغدينا وخرجنا بان ليا واحد الكونة زوينة فواحد محال كبير يوسف رفض فالاول لكون الدروج عالي مي اصريت مشينا لمحال وملي بغينا ....نخرجو بان ليا مول لكلاس
انا:يوسف
يوسف:حياتوا
انا:بغيت كلاس
يوسف:ليلى الزحام تماك
انا:انا انتسناك ونتا سير جيب الكلاس تشهيتو
يوسف:(كيضحك)وخا وقفي هنا
مشاء جاب ليا كرسي وكلست عليه هو وصاني منوضش ....
بقيت كالسة كلمح يوسف كيبتسم عجبني وبقيت تابعه بعيني كانني اخر مرة نشوف كنشوف فيه بابتسامة على وجهي ابتسامة مرسومة على وجهي وانا كندوز ايدي على كرشي محسيت براسي حتى وقفت كندور لفتو انتباهي بيجامات صغيرة للطفال وكنضحك
بقيت هكاك حتى بان ليا راسي حد الدروج بنحيد ديك الدورة بانت ليا سارة موريا
انا:اهلان
سارة؛(كضحك وتشوف فكرشي )كبرت كرشك
انا:اه نتي لابس
سارة:لا كيفاش نكون لابس وحبيبي معاك
انا؛حبيبك
سارة:اه يوسف حبيبي
انا:(صرفقتها)حترمي راسك هداك راجلي
سارة:عمرك تحلمي بهدشي ايكون انا عام عام وانا متابعكم متابعكم اش كديرو فين كتخرجو ملي عرفتك حامل حلفت لا فرحتي بيه
انا:(بان ليا يوسف جاي)سيري راكي اقدر مشربتيش دواءك انا دبا راجلي حبيبي جاء
تلفت سارة دفعتها وبغيت نمشي مي هيا غفلتني وجىتني من يدي ولاحتني فالدروج لكان عالي بزاف كنسمع صوت غوت يوسف كيعلي المكان وهو كينطق 《ليلى》
قصة حبيبي البطل - الجزء 85
مابقيت سمعت غير صوت سيارت الاسعاف انا شادة فيد يوسف وعيني كنحلهم غير بزاز وصلوني لسبيطار تلقيت ماما وبابا لكانو كيغوط بسميتي هما بغيني ادخلوني شديت ايد ماما وبستها وبابا كذالك يوسف كيبكي وكيغوط على الاطباء جريتو من الكول دتشورت بستو فشفايفو وانا عيني مغرغرين وهو كذالك ....دخلت لغرفة العمليات كلشي كيدور وكنسمع صوت الاطباء وخوفهم الكبير لباين فعينهم انا كنبكي وشادة كرشي قاتلني لوجع لحضة غبت مي كنسمع صوت الاجهزة وصوت طبيب لكيقول بصوت حزين متأسف جاء لعند ودني ونطق:لاسف حياتكم مهدادة فالخطر كبير لدلك واحد فيكم ايعيش يا نتي يا بنتك غير سمعت ديك لهضر نطقت بدون اي مبالة وترجيت الطبيب انهو اينقد بنتي وفق مسكين والدموع فعينيه طلبت من وحدة تهز ستيل ورقة وتكتب داكشي لكنقول انا عتبرتها ورقة وداع ورسالة لحبيبي يوسف هزت ورقة وانا دموع فعيني والصوت كيتقطع مي حولت نطق 《يوسف حبيبي يوسف عرفتك اتقلق مني واتعصب لقرار لخديت مي هدي بنتنا وثمارات حبنا المجنون لكنعتبر احسن حب عطيتني حب وزرعتيه فيا نتا احسن حبيب واحسن زوج واحس اب متاكدة عفاك احياتي تهلا فبنتنا وعود ليها عليا اه وملي تكبر شوية عطيها دفتر مذكراتي كاين فالماريو عطيه ليها تهلا فراسك وعفاك متحزنش عليا عيشش حياتك ومتنسانيش .....
كنبغيك سديت عيني كنحس بالغرفة باردة بزاف مي مبقيت عاقلة على والو ...........
. #دازت14
ليلى:بابا بابا
يوسف:نعم ابنتي
ليلى:بابا واخير كملت مدكرات ماما
يوسف:بصاح
ليلى:بابا توحشت ماما كون غير كانت باقي معنا فعيد ملادي 14 سنة
يوسف:شوفي ابنتي وخا ماماك مامعناش مي حنا عمرنا نسنيها ابنتي ماماك كتعتبر حبيبتي وعمر شي حد اينسنا فيها ....
وفعلا هادي حكايت ماما ليلى بابا يوسف لكيتعتبر حبهم قوي رغم اقنعات جدة انه اتزوج مي كيرفض رفض كلي بقول بنتي وقادة بيها مي بلاصة ليلى عمر شي وحدة تاخدها ديما كنمشيو عند ماما 3 ديال المرات فالاسبوع .
كنتمني نعيش بحال قصة حب لعيشها ماما مع بابا البطل .........
#النه_______________اية
النهايه جرحات لي لي سونتيمو
ردحذف