قصة كمال و هناء - الجزء 2
قصة كمال و هناء
الجزء 2
الجزء 2
ياربي شنوو ندير!
تشجعت ورجعت ليه غير شد البنت زبغا يضربها بالجنوي ونزلت عليه ليدو بالحديدة غوت وشد يدو وقالي قلبتي عليها دابا وانا نبغي نعاود نضربو وخوا عليا وضربني برجلو لوجهي وطحت الارض وطاحت ليا الحديدة من يدي مشا هز جنوي ديالو جاي قاصدني بغى يصفيها ليا فديك الساعة كتبان ليا الموت بين عيني.
قبل مايضربني بان ليا القتال طاح الارض وبانت لي وراه البنت لي بغيت نعتقها هازا فيدها الحديدة ضرباتو بيها لراسو حتى طاح وبان لي دم حدا راسو مخلط مع الماء ديال الشتاء.
عرفتها قتلاتو سمعت صوت الحديدة طاحت من يدها والبنت هبطات على ركابيها وبدات كتبكي.
انا نضت عندها وقلت ليها صافي ماتخافيش نوضي نوضي نحايدو من هنا.
كانت مصدومة وكتبكي وشتا كاطيح بغزارة شافت فيا وشعرها كان مغطي وجها وقالت.
خويا خاصنا نعلمو البوليس قلت ليها.
لا غادي نمشيو فيها حنا حيت مات.
قالت ليا لا لا نعلمو البوليس انا كنت كندافع على راسي ونتا راك شفتي كولشي كان بغى يقتلني.
قلت ليها غير تبعيني وماتخافيش.
وشكون هادا لي بغى يقتلك بعدا!!
بلاتي نعري ليه وجهو وشوفي واش غادي تعرفيه ؟
عريت ليه وجهو وقالت ليا البنت لا مكنعرفووش.
وانا نقول ليها مهم يلاه مشيو من هنا وباركة عليك من البكا ماعندو باش ينفعنا دابا.
مشينا من البلاصة لي وقع فيها البلان وغادي مع البنت كنحل في الباب ديال الدار ديالي وقالت ليا فين غادي بيا بعدة!
سكتي وطلعي ماتخافيش انا بغيت غير نعاونك حيت بقيتي فيا داك شي علاش رجعت وغامرت معاك.
قالت ليا وهي كتبكي شكرا بزاف كون ما كنتي نتا من الاول كوون قتلني داك ولد الحرام.
حتى نتي عاونتيني ملي كان جاي قاصدني باينة فيه حرايفي واخا ضربتوو فيديه ضربني فوجهي برجلوو حتى بان ليا الضو.
مهم بلا منبقاو نهضرو هنا فالزنقة زيدي طلعي.
جبدت الساروت من جيبي حليت الباب وطلعنا الدار وشعلت الضوو وقلت ليها خودي راحتك انا نجيب ليك بدلي راه حوايجك سردو عليك،شنو سميتك نسيت ما سولتك؟
لا غير خليني حتى نمشي الدار ونبدل عليا،انا سميتي هناء ونتا؟
مشرفين انا سميتي كمال ساكن مع ختي دابا هي ماكيناش خودي راحتك وتسناي نجيب ليك ما تلبسي لا تمرضي.
كمال:هناء انا غادي ندخل لدوش ندير شي حاجة لنيفي راه موعت فيه ونغسل هاد الحالة كولي دم ونبدل عليا سردت بالشتاء.
دخل كمال الدوش وهناء بقات كتفكر فهاد المشكيل لي طاحت فيه و في نفس الوقت حمدات الله حيت جا كمال وعتقها في اخر ثانية شوية كمال جا وجايب معاه شي حوايج وعطاهم ليها وقال.
كمال:شدي سيري بدلي راه البيت قدامك دخلي ليه وسدي عليك انا نتسناك هنا حتى تجي راه الفوطة تما ودوش عندك فبيت نعاس خودي راحتك ماتخافيش راه بحال داركم.
هناء:شكرا كمال ما عرفت كيف نرد ليك هاد الخير لي درتي فيا ربي يخاليك.
بدات هناء كاتبكي وكمال قاليها ما تخافيش هناء من ليوم انا غادي نعاونك حتى نوصلك عند واليديك.
هناء:انا ما عندي حتى واحد،انا بوحدي في هاد الدنيا مكنعرف لا بابا لا ماما لا عائلتي كيف دايرين .
كمال:صافي هناء انا معاك دابا غادي نحميك ماتبكيش سيري دابا بدلي عليك ونشفي حالتك و عاد نهضرو.
دخلت هناء لبيت وانا بقيت نتسنا فيها حتى تسالي وتجي نشوفو شي حل لهاد المشكيل لي طحنا فيه،بقيت كنفكر فداك شي لي وقع وطاحت في بالي الحديدة وتفكرة بلي بقات حدا داك المجرم وعليها البصمات ديالي وديال هناء ويلا جاو البوليس غادي يجبدونا!
لبست جاكيط ديالي وساعة كانت 1:00 هبطت كانجري وراد البال لا يشوفني شي واحد.
مشيت البلاصة لي وقع فيها البلان وغير وصلت وانا نتصدم!
مالقيتش المجرم وحتى الحديدة مالقيتهاش!
وايلي شنوو هاد المصيبة.
يتبع..
ليست هناك تعليقات