قصة كمال و هناء - الجزء 3
قصة كمال و هناء
الجزء 3
الجزء 3
مشيت البلاصة لي وقع فيها البلان وغير وصلت وانا نتصدم!
مالقيتش المجرم وحتى الحديدة مالقيتهاش!
وايلي شنوو هاد المصيبة.
خفت ورجعت كانجري حليت الباب ديال الدار وغير بغيت نطلع مع الدروج بانت ليا واحد الورقة تحت الباب هزيتها وسديت الباب بساروت وطلعت بالزربة.
دخلت البيت وحليت الورقة وبديت نقرا شنو فيها وانا نتصدم!!
خفت بزاف وعرفت بلي هادي بداية المصائب لي غادي طيح على راسي.
خرجات هناء من البيت وكتمسح فشعرها وقالت ليا شكون دخل سمعت الباب تسد؟
كمال:هناء غير سكتي حنا طحنا فمشكيل كبير!
هناء:كمال كيفاش!!
راه انا عارفة راسي فمشكيل ملي كان تابعني داك المجرم وضربتو دفاعا عن نفس وقتلتو.
كمال:شوفي هناء اجي بركي حدايا وعاودي ليا واش شي واحد عندو شي حساب معاك!
هناء:انا معندي حتى حساب مع شي واحد وانا مزيانة مع الناس لي كنعرف ولي خدامة معاهم.
كمال:نسيت ما سولتك بعدا فين كنتي في هاد الوقت بالليل بوحدك حتى تبعك داك القتال!
هناء:كمال ما كاين ما نخبي عليك انا خدامة فواحد البار هنا فالمدينة وخرجت مالقيتش فاش نركب وقلت نزيد شوية على رجلي حتى لوسط الشارع ونشد طاكسي ولكن ملي بان ليا هاد الشخص المجهول تابعني خفت وهربت ونتا راك شفتي كلشي بعينيك.
كمال:مالك أ هناء ما لقيتي فين تخدمي غير بار؟
هناء:شوف كمال راك ماعرفش نتا شنو داز عليا بلا متحكم عليا من الاول عفاك حتى تعرف ضروفي وخلينا دابا فالمشكيل لي فيه انا وياك ونسى عليا البار وصداعو.
كمال:اوكي سمحي ليا ولكن انا شاك بلي كاين شي واحد هو لي سايفط ليك هاداك باش يقتلك انا كنشم ريحت الانتقام فهاد شي!
هناء:ولكن ما عندي حتى شي واحد حاقد عليا وعندو شي مصلحة باش ينتاقم مني ويقتلني.
كمال:مهم انا نجيك من الاخر خاصنا نخويو المدينة،حيت انا خرجت مشيت نجيب الحديدة باش ضربتيه ومالقيتوش لا هو لا الحديدة باش ضربتيه حيت خفت يلقاوها البوليس ويجبدونا من تحت الارض حيت عليها البصمات ديالنا.
هناء:كمال شنو كتقول ياك ضربتو طاح قدامي ومات ؟!
كمال:مهم انا والله ما بقيت فاهم والو،يمكن مماتش وناض مشى بحالو،ولا شي واحد كان مراقبنا من بعيد وشاف كلشي وجا داه من ديك البلاصة.
هناء:دابا حنا هنا راه فخطر !!
كمال:شوفي هناء غادي نباتو فالدار هاد الليلة و الصباح غادي نغبرو من هنا.
هناء:سمح ليا كمال بزاف دخلتك معيا في هاد المصيبة لي طاحت عليا،قلال الرجال بحالك لي مازال كايديرو هاد شي لي درتي معيا ضحيتي براسك على قبلي.
كمال:هناء شوفي اي واحد فبلاصتي عندو ختو ولا مو غادي يدير بحالي،حيت يمكن تكوون ختي ولا مي فبلاصتك، مهم راه البيت دخلي وسدي عليك نعسي ورتاحي راك ف الامان،الصباح غادي نمشيو من هنا.
هناء:انا ما نقدرش نخوي هاد المدينة راه ديك الخدمة هيا لي هازاني كنخلص منها الكراء و كناكل منها و نلبس منها و عايشة بي فلوسها.
كمال:دابا نتي كوون قتلك هداك المجرم باقي غادي تفكري فشي خدمة ولا شي كراء ولا شي مدينة الله يهديك،على خدمتك الزوينة حتى هاديك خدمة تفكري فيها.
هناء:الله يسمح ليك كتعايرني بخدمتي شكرا بزااف مهم تصبح على خير صباح غادي نمشي بحالي من هنا.
كمال:هناء سمحي ليا هاد شي لي طرا لينا معصبني ومكنعرفش اش كنقول.
هناء:بصح كتوقع بن نوي كمال.
دخلات هناء لبيت ديال خت كمال وسدات الباب و بدات كتشوف فالبيت زوين ومقاد وفيه واحد الريحة غزالة وبدات كتقول مع راسها كون كانت عندي ماما حتى انا وبابا و خويا بحال كمال كون عندي بيتي بحال ماهكا وعندي لي يحميني من الزمان لي غلب عليا وخلاني نخدم فبار لا قرايا لا مستقبل لا والو.
بدات هناء كتبكي وتفكر فهاد شي لي طاري ليها وزهر لي معندهاش.
كمال ديك الساعة كيفكر فالمصيبة لي خاصو يلقا ليها حل حيت هما في خطر و المجرم لي ورا هاد شي هو مول الرسالة 100%.
يتبع..
ليست هناك تعليقات