قصة كمال و هناء - الجزء 4
قصة كمال و هناء
الجزء 4
الجزء 4
خزن كمال الورقة وناض دخل لبيتو ينعس،مجاهش نعاس حتى دخلات اشعة الشمس من النافذة ديال البيت وناض خرج ودق الباب على هناء باش تفيق ومشى غسل وجهو وبدل وجمع صاك ديالو حتى خرجات هناء من البيت وقالت ليه صباح الخير وكتشوف فيه ومبتاسمة وقال ليها.
كمال:صباح الخير هناء نعستي مزيان؟
شفتك فقتي مبتاسمة مالك؟
هناء:شوية وصافي ما قديتش نعس بالخلعة ديال البارح.
لا ما مبتاسمة ما والوو، شفتك جامع صاك ديالك فين غادي؟
كمال:سيري غسلي وبدلي و وجدي راسك غادي نسافرو من هنا حتى تبرد القاضية شوية حيت غادي نكونو فخطر انا وياك هنا.
هناء:انا فكرت في كلامك وبصح خاصني نمشي لشي بلاصة نبدا حياتي من جديد.
كمال:دابا عجبتيني يالاه سيري سربينا نتحركو.
كمال وهناء وجدو راسهم و سدو النوافد ديال الدار وسدو الباب وهبطو من الدروج وكمال حل الباب بشوية وطل لايكون شي واحد حاضي الدار لي هما فيها ما بان ليه والوو وقال ل هناء يالاه خرجي هناء ماكاين حتى واحد قدام الدار.
ملي خرجو قالت هناء.
هناء:كمال فين غادي نمشيو بعدا،خاصني نمجمع صاكي؟
كمال:غير زيدي نقطعو الطريق نركبو فالطموبيل ونديك تجمعي حوايجك.
هناء:عندك طموبيل؟
كمال: لا عندي كوتشي.
هناء:هههه ضحكتيني واخا ما فيا لي يضحك، نصحبك مزلوط بحالي ههه
كمال:زيدي زيدي راه ماشي وقت الضحك هادا.
هناء:مالك اصاحبي ديما مغوبش.
كمال:طلعي سربي نتحركو راه يمكن نكونو مراقبين.
طلعت هناء وكمال لطموبيل ولاح صاك ديالو وراه ودا هناء جابت صاكها وعاد شدو طريق وقاليها راه عندنا دار فالعروبية مازال ما مصلوحاش فيها غير بيت لي مصلوح ومفرش نقديو بيه،ندوزو شي يمات تما حتى تبرد القاضية.
هناء:اويلي على العروبية وعلى بيت واحد واش تسطيتي!
اخوية ديني لشي مدينة وحطني انا منقدرش نبقى معاك فبيت واحدة سمح ليا.
ناس يزيدو القدام ونتا باغي تديني العروبية،ونسكن معاك في بيت واحد,لا منقدرش واخا خدامة في بار الظروف لي جابتها ومالقيتش ما حسن اما مانزيد حتى نهار فيه،عفاك حطني هنا خليني نمشي بحالي،واقيلا راك غالط فيا!
كمال:شوفي انا بسبابك طايح في هاد الورطة بركي وسكتيني وغادي تمشي معيا.
هناء:ياك بسبابي،ايوى اخويا حطني نمشي بحالي وتهنا مني ومن صداعي.
كمال:بركي وسكتي غادي تمشي معيا هيا غادي تمشي معيا انا عارف شنوو كاندير هاد شي لي كندير راه لمصلاحتك.
هناء:انا مصلاحتى عارفها فين كاينا مهم ماشي فالعروبية ومع واحد تعرفت عليه غير البارح.
وقف كمال الطموبيل فجنب الطريق وهبط منها وحل الباب على هناء وقاليها.
كمال:اه تعرفتي عليا غير البارح شكرا بزاف،يالاه هبطي سيري الله يعونك ديري لي عجبك انا ماسوقيش فيك من دابا كل واحد يعوم بحرو.
هناء حدرت راسها وهزات صاك ديالها وهبطت وكمال سد الباب ودخل وشد الطريق وخلاها واقفة فجنب الطريق بحدها وبداو دموعها نازلين من عينيها وبركت على صاكها وهي شادا راسها وكتشوف فالارض وكتقول.
هناء:اش كيصحاب راسو هاد بنادم شحال حاس براسو انا سيادو كانو كيتمناو مني غير نهضر معاهم فين يبان هو وممسوقاش ليهم وآخر ايامي يجي هادا يهبطني ويخليني بحدي هنا تفو.
شوية واحد الطموبيل وقفت وكتكلاكصوني عليها وهناء حادرة راسها ممسوقاش شوية كتسمع صوت كمال.
كمال:نوضي من تما أديك شنيولة.
هناء:سير بحالك مصدقتيش انا مانيضاش.
كمال هبط من الطموبيل و شد هناء من يدهها وقال ليها نوضي انا عارفك ما عندك حتى واحد وما غاديش نخليك هنا بحدك.
هناء بدات كتبكي وكمال عنقها وقال ليها.
كمال: صافي هناء سمحي ليا عفاك راني معصب شوية.
هناء:بصح انا معندي حد في هاد الدنيا مقطوعة من شجرة معندي لا حنين لا رحيم ولا لي يحميني
كمال:هناء شوفي غير تبعيني وسمعي كلامي وديري لي قلت ليك وما تخافي والو.
شوية التيليفون ديال هناء كايصوني جبداتو وقالت.
هناء:كمال هاد الراقم عمرني شفتو معرفتش ديال من؟
كمال:جاوبي يقدر يكون شي واحد كيعرفك.
جاوبات هناء على لي متاصل بيها وقالت.
هناء:سلام
المتصل:هناء سلام معاك صلاح.
هناء:سلام صلاح لباس عليك اش خبارك.
صلاح:مالك ما جيتيش ليوم الخدمة.
هناء:صلاح انا مابقيتش غادي نخدم مزال معاكم،حيت عندي واحد المشكيل كبير تال من بعد غادي نعاود ليك.
صلاح:اوااه هناء شنو عندك!
لا ماديريهاش،ايلا مشيتي غادي نمشي حتى انا هنا.
قولي لي فينك نجي عندك يمكن نعاونك؟
هناء:مانقدرش نقول ليك حتى لمن بعد غادي نتاصل بيك نعاود ليك كولشي يالاه بسلامة.
هناء قطعات على صلاح وقاليها كمال.
كمال:شكون لي تاصل بيك.
هناء: غير صلاح قالي مالك ما جيتيش الخدمة وقالي ايلا مشيتي حتى انا غادي نخرج من الخدمة وبغى يجي عندي يساعدني.
كمال:وعلاش يخرج من خدمتو ويجي عندك فين كان نهار خرجتي نتي من البار معطلة وبحدك فالليل و كون ما شفتك انا كون دابا ودعتي!
هناء:كانت الخدمة بزاف عندنا ديك الليلة ومقدرش يوصلني وانا موالفة نخرج بوحدي كانزيد شوية ونشد طاكسي.
كمال:اوكي زيدي طلعي حتى نوصلو ونهضرو.
هناء:اوكي انا غادي نطلع،حتى الدار ونشوفو كيف نديرو فديك الحريرة ديال بيت واحد.
كمال:زيدي زيدي شكون داها فيك اشنيولة.
هناء:ضحكتيني قالك شكون داها فيك بزاف عليك شنيولة.
طلعو الطموبيل وشدو طريق عاود تاني وبدات الشتاء كاطيح والبرد كان مجهد.
وصلو العروبية وهناء قالت.
هناء:كمال ياربي واش غادي نبقاو في هاد الخلا ؟
كمال:اه حتى يحن مولانا عاد نشوفو كيف نديرو نرجعو وديك الساعة كل واحد يدير لي عجبو.
هناء:انا ما نقدرش نسكن هنا ما موالفاش بهاد البيئة
كمال سكت وخلا هناء كاتهضر بحدها وهو شاد واحد طريق صغيرة وسط الغابة حتى وصل لواحد الدار ضاير بها صور و وقف وهبط حل الباب باش يدخل طموبيل،و هناء حتى هيا هبطات وقالت ليه.
هناء:كمال شفتك ساكت و مخليني نهضر بوحدي بحال شي حمقة وجايبني انا لهاد البلاصة وسط الغابة واخا نكونو هربانين من مصاصي الدماء.
كمال:شفتي نتي والله ما عندك عقل واش نتي ف مشكيل كبير،وواحد معول يقتلك ونتي مزال راشقة ليك على الضحك!!
هناء:ياك اسي كمال موول العقل وليتي انت تقولي انا معنديش العقل واخا تبارك الله عليك كنت غالطة فيك بزاف راه قلت ليك ما صدقتيش وداك الفم عندك مكيعرفش يقوول شي كلمة زوينة.
كمال:شوفي نتي اديك شنيولة غادي تسكتي ولا نوريك الوجه الاخر!
هناء شافت كمال تعصب صافي وسكتات ومشات هزات صاك ديالها من طموبيل وبغات ترجع منين جات وقال ليها كمال.
كمال:لا قدرتي تمشي بحدك فديك الغابة غير سيري الله يعونك.
هناء:باسل ما ضحكتينيش انا غادي نمشي وماخيفاااش.
حل كمال الباب ودخل الطموبيل وهناء مشات ودخلات وسط الغابة وبدا الخوف يسيطر عليها شوية كتحس بحال شي حاجة كتحرك وتابعها،وحسات بشي حاجة ماشي هيا هاديك ورجعات كتجري لدار عند كمال وهي مخلوعة شوية طاحة،غير وقفات وحسات بشي واحد وراها شدها من يدها وغوتات حتى كانت غادي تسخف ،ضارت وراها تشوف شكوون لقاتو كمال وقال ليها.
كمال:هناء سكتي انا كمال ناري على غاوتا عندك الفراخ طارو من الشجر.
هناء:والله حتى حشومة عليك اش بغيتي عندي وعلاش تابعني.
كمال:هناء زيدي دخلي الدار راه نخاف عليك هنا بحدك ونتي غير بنت معندك جهد.
هناء:واسير بعد مني خليني عليك فتيقار انا قادة براسي.
كمال جرها من يدها وداها بزز وهي باركا كتخاصم وتقوليه طلق مني بعد مني،وهو ممسوقش ليها دخلها الدار و سد الباب وقال
كمال:هناء هدا هو البيت لي كاين فهاد الدار مصلوح ومفرش خودي نتي ديك النموسية وانا غادي نفرش فالارض لهيه فداك القنت والبيت غادي نقسموه بشي خامية.
هناء: ويلي ويلي !!
واش نتا حماقيتي ولا خرج ليك العقل انا نعس مع راجل مكنعرفوش في بيت واحد وقاسمينو بخامية!
كمال:شوفي لا مابغيتيش سيري نعسي قدام الباب انا غادي نعس هنا بحدي.
هناء:مهم خرج خليني نبدل حوايجي بعدا.
كمال:ها هو خارج غي بشوية.
خرج كمال يدور شوية قدام الدار حتى بدا التليفون ديالو كايصوني جاوب لقاها ختو كريمة.
كريمة:سلام كمال فينك.
كمال:سلام ختي كريمة انا فالدار لي فالعروبية.
كريمة:اش مشيتي دير تما اخوية دار مازال ما مصلوحاش غير الخلا تما وحتى البوتيكة ديالك مسدودة مالك؟
كمال:ختي راه انا واقع فواحد المشكيل ولي سولك عليا قولي ليه ما عرفتو فين زاد اوكي.
كريمة:ياك لاباس اخويا شنو كاين؟
كمال عاود لختو شنو طرا ليه من الاول وقالت ليه.
كريمة:خويا مالك مدخل راسك في هاد الموصيبة كاملة وكون قتلك دابا اش غادي تربح.
كمال:مهم اختي نقدت روح محتاجة المساعدة.
كريمة:خويا راه انا دابا فالدار وقبيلة راه سول عليك واحد الراجل قاليا نقوليك بلي راه بغا يخلصك في شي حساب ومزال غادي يرجع عندك
كمال:مالقيتي يمتا تجي لدار،شكون هاد راجل قالك سميتو
كريمة:لا خويا ما قالش لي سميتو قالي غير انت كتسالو شي حساب بغا يرضو ليك ومزال غادي يرجع.
كمال:انا مكنعرف حتى واحد كنسالو شي حاجة،شوفي كريمة سيري عند بنت خالتي لي ف رباط دوزي معها شي يمات ماتبقايش بحدك فالدار اوكي
كريمة:انا هاد شي خالعني اخوية كمال واخا انا انهبط عندها وانتا تهلا في راسك بزاف.
كمال:مزيان سيري حتى نتاصل بيك من بعد انشاء الله سلمي عليهم وتهلاي فراسك حتى نرجع بناتنا التيليفون.
قطع كمال الخط وهناء
خرجات من البيت وقالت ليه.
هناء:مالك كمال شفتك مقلق؟
كمال:شوفي هناء مكنتش بغيت نخلعك قلت حتى نجيو هنا ونصارحك.
هناء:ياك لاباس شنو كاين؟
كمال:غادي نقولك واحد الحاجة داك شي لي طرا ليك مكانش صدفة شي واحد كيعرفك وبغا يقتلك.
هناء:كمال خلعتيني شنو مخبي عليا؟
كمال:هاك قراي هاد الورقة شوفي شنوو مكتوب فيها.
شدات هناء الورقة وبدات تقرا فيها.
(هناء ما عندك فين تهربي عليا غادي نقتلك ونحرق قلبك كيما حرقاي قلبي و هداك لي عاونك ووقف معاك غادي يدفع الثمن ديال هاد شي كامل)
تخلعات هناء حتى طاحت ليها الورقة من بين يدها وبدات كاتبكي وكتقول ليه منين جبتي هاد الورقة؟
كمال:انا لقيتها تحت الباب ديال الدار ملي خرجت نجيب الحديدة،شي واحد لاحها لينا كان حاضينا وشاف كولشي.
دابا عرفو الدار لي ساكن فيها وعرفوك بلي راك معيا.
هناء:مصيبة هادي شكوون هادا لي بغا يقتلني انا ما حرقت قلب حتى واحد اش هاد شي ياربي.
كمال:المشكيل عارفين حتى ختي كريمة وتقدر تكون فخطر!
هناء:عفاك رجعني المدينة غادي نعلم البوليس ونعاود ليهم كولشي.
كمال:واخا تعلمي البوليس هو ماغاديش يتفاك معاك،والمجرم لي ضربتي ايكوون مات وهادا لي كيعرفك هو لي هزو من تما والحديدة داها عليها بصمات ديالنا ايلا لقاو الجثة والحديدة مشينا فيها انا وياك!
هناء:ياربي تخرج هاد الموصيبة على خير انا عييت اكمال ملييت من حياتي كاملة حتى حاجة ما بغات تقاد انا شنو درت حتى كايوقع لي هاد شي كامل.
كمال:هناء انا معاك و ماغديش نخلي حتى واحد يوصل ليك انا كنواعدك غادي نحميك و نخرجك من هاد شي غير صبري عفاك و متبكيش.
هناء:انا عييت عييييت و مليييت.
يتبع...
ليست هناك تعليقات