قصتي مع أول حب في حياتي - الجزء 3

من تأليف : ميس إحسان

لصفحة : قصتي كوم 

قصتي مع أول حب في حياتي 

- الجزء 3

شوية وهو يدخل واحد الشاب ماغرييبش عليا مشا كلس مقابل معايا بقيت كانشوف فيه وكل مرة كنتلفت باش نشوف وجهو مزيان ونقدر نعرف فيين شايفاه مي وااالو معقلت مهم ما علينا بنادم كيتشابه شوية صونا تلفون ديال شيماء كانت ماماها وقالت لي بللي خاصها تمشي ضروري حيت ماماها عندها موعدةمع الطبيب وبغاتها تمشي معاها سلمات عليا ومشات وانا خلصت العصير ويلاه غادة نود باش نمشي وانا نتفاجئ بهاداك الشاب جا سلم عليا وقال ليا سلام هاجر شنو واش معقلتييش عليا يلاه غادي نجاوبو وهو يحايد النظارات دياالو و انا نتفاجئ هههه اواه مايمكنش واش نتا هو سيمو هههه نهاار كبير هدا عاش من شافك سيمو:ههههه ويي جيتي فيها هو هذا اوا معندي مايسالك مزالا عاقلة عليا بعدا انا :ههه معلووم كيفاش غادي نسااك سيمو:اوا آش خبارك وفيين هااد الغبرة اوا مدة طويييلة ما بقايتش شفتك ومابقات عندي علييك حتى شي خبار انا:ههه اوا غيير نتا اللي غبرتي غبرة وحدة هه وي عندك الحق غبراتنا غيير الدراسة راكي عارفة اللي كاين منيين خدييت الباكالوريا ديالي كان خاصني ضروري نسافر لمدينة اخرى باش نكمل الدراسة ديالي انا:وي وي عارفة المهم هادي هيا الحياة هي اللي كتحدد المصيير ديال كل واحد ،،المهم بقينا مجمعيين وكل واحد كيحاول يعرف الاخبار ديال الثاني ،،سمحولي كاعما قدمت ليكم محمد اولا سيمو هه كيفما تايسميوه ليزامي ديالو كنت كانعرفو من ايام الدراسة فاش كنت تانقرا ف الكوليج هو كبر مني ب ثلاثة السنين منين خدا الباك ديالو قرر يمشي لمدينة اخرى باش يكمل قرايتو من تما ماا بقات عندي عليه حتا خبار تال دابا هو ولا محامي طويل شوية وضعيف من ناحية الزين ما بيهش واخا ماكانش عندي معاه بزاف ومكنتش كنعمر معاه حيتاش كان كيبغيني وسبق ليه صارحني بيها وانا كاعما كنت مدخلة هاد التخربييق لراسي حنت كنت كنديها غيير فقرايتي ،،المهم من هاد الشي كامل هاد الشي كان في الصغر اما دابا درنا عقلنا ،،فقت تاني في الصبااح بكري ومشيت الخدمة كيف العادة غير كنوصل تانلقا لكليان كالسيين كي تسناو مهم لبست البلوزا ديالي بالزربة وخرجت شفت الكليان شنو يشربو وصلات وقت لغدا ودخلت باش نتغدا من بعد شديت التلفون وانا نلقا ميساج في الواتس اب من عند السيمو فييه صباح الخير جاوبتو ودغيا جاوبني حيتاش كان اولاين وبقينا داوين وهو يعرض عليا باش نتعشاو اليوما مجموعيين